პირველი კლასით ამერიკაში

ანოტაცია

მოთხრობა „პირველი კლასით ამერიკაში“ გვიამბობს იმ ურთულესსა და ათასი დაბრკოლებით სავსე გზაზე, რომელსაც ამერიკის შეერთებულ შტატებში დამკვიდრების მსურველები ამ ქვეყანაში მოსახვედრად გადიან. ეს ამბავი ერთ-ერთი თანაავტორის სადღიურო ჩანაწერებსა და რეალურ ფაქტებს ემყარება. ორი ძველი მეგობრის, ვაკო ორმოცაძისა და მირიან რჩეულიშვილის თანამშრომლობის შედეგად მოთხრობამ მხატვრული, დროდადრო იუმორისტული და ხანაც სიურრეალისტური სახე შეიძინა, ხოლო მთხრობელი ლიტერატურულ პერსონაჟად იქცა. თქვენ წინაშეა დრამატული თავგადასავლებით გაჯერებული ტექსტი, რომელშიც აღწერილია ემიგრანტის თავდაუზოგავი, ფიზიკური და ფსიქიკური ბრძოლა გადარჩენისა და თვითმყოფადობის შენარჩუნებისათვის.