ფერვექსი - Fervex საბავშვო უშაქრო გრანულა 8 საშეტი

ფერვექსი® 280მგ/10მგ/100მგ

პარაცეტამოლი

ფენირამინი

ვიტამინი C

ფერვექსი საბავშვო უშაქრო

გრანულები პერორალური ხსნარის მოსამზადებლად პაკეტში

პრეპარატის მიღების დაწყებამდე ყურადღებით წაიკითხეთ მთელი ეს ინსტრუქცია,, რადგან ის შეიცავს თქვენთვის მნიშვნელოვან ინფორმაციას  მედიკამენტი ყოველთვის მიიღეთ ინსტრუქციაში აღწერილი წესის, ან ექიმის ან ფარმაცევტის დანიშნულების მიხედვით. -  შეინახეთ ეს ინსტრუქცია. შეიძლება დაგჭირდეთ ხელახლა წაკითხვა. -  თუ გჭირდებათ მეტი ინფორმაცია ან რჩევა, მიმართეთ ფარმაცევტს. -  თუ თქვენ გაქვთ რაიმე გვერდითი მოვლენა, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში. იხილეთ პარაგრაფი  4. -   თუ თავს უკეთ არ გრძნობთ ან 3 დღის შემდეგ მდგომარეობა უარესდება, აუცილებლად უნდა მიმართოთ ექიმს.

რა არის მოცემული ამ ინსტრუქციაში

1. რა არის ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში და რისთვის გამოიყენება
2. რა უნდა იცოდეთ სანამ დაიწყებთ გამოყენებას პრეპარატის- ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში
3. როგორ გამოიყენება ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში
4. შესაძლო გვერდითი ეფექტები
5. როგორ ინახება ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში
6. შეფუთვის შემადგენლობა და სხვა ინფორმაცია

1. რა არის  ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში და რისთვის გამოიყენება

ფარმაკოთერაპიული ჯგუფი: >გაციების სამკურნალო სხვა პრეპარატები, ათქ კოდი: R05X

ეს სამკურნალო საშუალება ნაჩვენებია ბავშვებში (6 წლიდან) გაციების, რინიტის, რინოფარინგიტის და გრიპის მსგავსი მდგომარეობების სამკურნალოდ, როგორიცაა:

• ცხვირიდან გამჭვირვალე გამონადენი და ცრემლდენა,

• ცემინება,

• თავის ტკივილი და/ან ცხელება.

თუ 3 დღის შემდეგ თავს უკეთესად არ გრძნობთ ან მდგომარეობა უარედება, უნდა მიმართოთ ექიმს.

2.   რა უნდა იცოდეთ სანამ დაიწყებთ გამოყენებას პრეპარატის- ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში?

არ მიიღოთ ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში

-   თუ ალერგიული ხართ ამ პრეპარატის აქტიურ ნივთიერებებზე ან რომელიმე სხვა ინგრედიენტზე (ჩამოთვლილი მე-6 პარაგრაფში).

-   თუ  ხართ 6 წლამდე ასაკის ბავშვი,

-   თუ გაქვთ გლაუკომის გარკვეული ფორმა (თვალშიდა წნევის მომატება),

-   თუ გაწუხებთ  შარდვის პრობლემები პროსტატის ან სხვა მიზეზების გამო,

-   თუ გაქვთ ღვიძლის სერიოზული დაავადება (პარაცეტამოლის შემცველობის გამო)

რაიმე ეჭვის შემთხვევაში მიმართეთ ექიმს ან ფარმაცევტს.

გაფრთხილებები და სიფრთხილის ზომები

ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში მიღებამდე მიმართეთ ექიმს ან ფარმაცევტს.

 დოზის გადაჭარბების ან ძალიან მაღალი დოზის შემთხვევით მიღების შემთხვევაში დაუყოვნებლივ მიმართეთ ექიმს

ეს პრეპარატი შეიცავს პარაცეტამოლს და ფენირამინს მალეატს. სხვა მედიკამენტებიც შეიძლება შეიცავდეს მათ.დარწმუნდით, რომ არ იღებთ სხვა პრეპარატებს, რომლებიც შეიცავს პარაცეტამოლს და/ან ფენირამინის მალეატს ან სხვა ანტიჰისტამინებს და/ან C ვიტამინს, ურეცეპტოდ გაცემული საშუალებების ჩათვლით.არ მიიღოთ მათი კომბინაცია, რომ არ გადააჭარბოთ რეკომენდებულ სადღეღამისო დოზას. (იხილეთ პარაგრაფი 3 „როგორ გამოიყენება ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში“). თუ  უნდა მიიღოთ ამ ნივთიერებების შემცველი სხვა მედიკამენტები, ჯერ რჩევისთვის უნდა მიმართოთ თქვენს ექიმს ან ფარმაცევტს.

 

გაესაუბრეთ ექიმს, თუ გაქვთ ცხვირიდან ჩირქოვანი გამონადენი, მუდმივი ცხელება ან ტკივილი, რომელიც გრძელდება 3 დღეზე მეტ ხანს, ან არ გაუმჯობესდება მკურნალობის დაწყებიდან 3 დღის შემდეგ.

აუცილებელია მკაცრად დაიცვათ დოზა, მკურნალობის  3 დღიანი ხანგრძლივობა და გაითვალისწინოთ უკუჩვენებები.

პრეპარატის მიღებამდე აცნობეთ თქვენს ექიმს ან ფარმაცევტს  თუ რომელიმე ქვემოთ ჩამოთვლილი პირობა გეხებათ:

• თუ გაქვთ თირკმლის ან ღვიძლის დაავადება,
• ან ალკოჰოლს ბოროტად იყენებთ
• თუ ცუდად იკვებებით (მალნუტრიცია) (ღვიძლის გლუტათიონის დაბალი მარაგი),
• თუ დეჰიდრატირებული ხართ.
• თუ გაქვთ მწვავე ვირუსული ჰეპატიტი, ან თუ მწვავე ვირუსული ჰეპატიტი დიაგნოზირებულია როდესაც იყენებთ პრეპარატს- ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში, მიმართეთ ექიმს. თქვენი მკურნალობა შეიძლება ექიმმა შეაჩეროს.

ვიტამინი C სიფრთხილით უნდა იქნას გამოყენებული რკინის მეტაბოლიზმის დარღვევების მქონე პაციენტებში და გლუკოზა-6-ფოსფატდეჰიდროგენაზას დეფიციტის მქონე პირებში.

პარაცეტამოლმა შეიძლება გამოიწვიოს კანის სერიოზული რეაქციები. შეწყვიტეთ მკურნალობა და დაუყოვნებლივ მიმართეთ ექიმს, თუ გაგიჩნდებათ კანზე გამონაყარი ან ალერგიის სხვა ნიშნები.

ბავშვები და მოზარდები

ბავშვისთვის, რომელიც მკურნალობს პარაცეტამოლით, სხვა სიცხის დამწევი პრეპარატის კომბინაცია გამართლებულია მხოლოდ არაეფექტურობის შემთხვევაში. კომბინაცია უნდა დაიწყოს და აკონტროლოს ექიმმა, გამონაკლისის გარეშე.

სხვა მედიკამენტები და ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში

აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა მედიკამენტები.

 დაკავშირებულია პარაცეტამოლის შემცველობასთან

უნდა მიმართოთ ექიმს, თუ იღებთ სამკურნალო პროდუქტს, რომელიც ანელებს კოაგულაციას (პერორალური ანტიკოაგულანტები). მაღალი დოზებით ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში შეიძლება აძლიერებდეს ანტიკოაგულანტის ეფექტებს. აუცილებლობისას, თქვენი ექიმი შეცვლის ანტიკოაგულანტის დოზას.

უნდა მიმართოთ ექიმს, თუ იღებთ ფლუკლოქსაცილინს (ანტიბიოტიკს), სისხლისა და პლაზმის ანომალიების სერიოზული რისკის გამო (მაღალი ანიონური ნაპრალი მეტაბოლური აციდოზი), რომელიც საჭიროებს სასწრაფო მკურნალობას და შეიძლება განვითარდეს განსაკუთრებით თირკმლის მძიმე უკმარისობის, სეფსისის დროს (როდესაც სისხლში ბაქტერიები და მათი ტოქსინები ცირკულირებენ, რაც იწვევს ორგანიზმის ქრონიკულ დაზიანებას). მალნუტრიციის, ქრონიკული ალკოჰოლიზმის შემთხვევაში და თუ გამოიყენება პარაცეტამოლის მაქსიმალური სადღეღამისო დოზები.

მიუთითეთ, რომ თქვენ ან თქვენი შვილი იღებთ ამ მედიკამენტს, თუ თქვენი ექიმი დაგინიშნავთ სისხლის შარდმჟავას ან შაქრის ანალიზს.

დაკავშირებულია ფენირამინის მალეატის შემცველობასთან:

მკურნალობის დროს თავიდან უნდა იქნას აცილებული ნატრიუმის ოქსიბატის, ალკოჰოლური სასმელების, ალკოჰოლის შემცველი პრეპარატების მიღება.

უნდა მიმართოთ ექიმს, თუ იღებთ  ატროპინის სხვა პრეპარატებს, სხვა დამამშვიდებელ პრეპარატებს, ანტიქოლინესთერაზულ საშუალებებს ან ოპიოიდებს.

ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში გამოყენება საკვებთან, სასმელთან და ალკოჰოლთან ერთად.

ამ სამკურნალო პროდუქტის ალკოჰოლთან შერწყმისას ძილიანობა შეიძლება გაძლიერდეს. ამიტომ რეკომენდებულია, რომ მკურნალობა დაიწყოს საღამოს და მკურნალობის დროს არ მოხდეს ალკოჰოლური სასმელების მოხმარება.

ორსულობა, ძუძუთი კვება და ფერტილობა

თუ ხართ ორსულად ან  ბავშვს ძუძუთი კვებავთ, ფიქრობთ, რომ შეიძლება იყოთ ორსულად ან  ბავშვის გაჩენას გეგმავთ, ამ პრეპარატის მიღებამდე რჩევისთვის მიმართეთ ექიმს ან ფარმაცევტს.

ორსულობა

ორსულობის დროს ამ პრეპარატის მიღება რეკომენდებული არ არის.

ძუძუთი კვება

ძუძუთი კვების დროს ამ პრეპარატის მიღება დაუშვებელია.

ფერტილობა

შესაძლებელია, რომ პარაცეტამოლმა შეიძლება დაარღვიოს ფერტილობა ქალებში, რაც შექცევადია მკურნალობის შეწყვეტის შემდეგ.

ავტომობილის მართვა და მექანიზმების გამოყენება

ყურადღება გამახვილებულია ძილიანობის ან სიფხიზლის დაქვეითების შესაძლებლობაზე, რომელიც დაკავშირებულია ამ სამკურნალო პროდუქტთან, განსაკუთრებით მათთვის, ვინც მართავს ავტომობილს ან იყენებს მექანიზმებს.

ეს ეფექტი იზრდება ალკოჰოლური სასმელების, ალკოჰოლის შემცველი სამკურნალო საშუალებების ან სედატიური სამკურნალო საშუალებების მოხმარებით.

ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში შეიცავს ბენზილის სპირტს, ნარინჯისფერ საღებავს (E110), წითელ საღებავს (E129), ნატრიუმს და ნატრიუმის ბენზოატს (E 211) და ეთანოლს არომატიზატორს.  

ეს სამკურნალო პროდუქტი შეიცავს 0,3 მგ ბენზილის სპირტს თითო პაკეტში. ბენზილის სპირტმა შეიძლება გამოიწვიოს ალერგიული რეაქციები. თუ ორსულად ხართ ან ბავშვს ძუძუთი კვებავთ, რჩევისთვის მიმართეთ თქვენს ექიმს ან ფარმაცევტს. თქვენს ორგანიზმში შეიძლება დაგროვდეს დიდი რაოდენობით ბენზილის სპირტი  და გამოიწვიოს გვერდითი მოვლენები (ე.წ. "მეტაბოლური აციდოზი"). თუ გაქვთ ღვიძლის ან თირკმელების დაავადება, რჩევისთვის მიმართეთ თქვენს ექიმს ან ფარმაცევტს.

ეს სამკურნალო პროდუქტი შეიცავს საღებავებს:ყვითელს  (E110) და წითელს (E129), რამაც შეიძლება გამოიწვიოს ალერგიული რეაქციები.

ეს პრეპარატი შეიცავს ნატრიუმის ბენზოატის (E211) კვალს თითო პაკეტში.

ეს სამკურნალო პროდუქტი შეიცავს 1 მმოლ-ზე (23 მგ) ნაკლებ ნატრიუმს თითო პაკეტში, ანუ ის არსებითად "ნატრიუმისგან თავისუფალია".

ეს სამკურნალო პროდუქტი შეიცავს 0,004 მგ ალკოჰოლს (ეთანოლს) თითო პაკეტში. ამ მედიკამენტის თითო პაკეტში არსებული ოდენობა უდრის 1 მლ ლუდზე ან 1 მლ ღვინოზე ნაკლებს. ამ პრეპარატში შემავალი ალკოჰოლის მცირე რაოდენობა სავარაუდოდ არ გამოიწვევს რაიმე შესამჩნევ ეფექტს.

3.   როგორ გამოიყენება ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში

გამოიყენეთ ეს პრეპარატი ყოველთვის ზუსტად ისე, როგორც ეს აღწერილია ამ ინსტრუქციაში ან როგორც თქვენმა ექიმმა ან ფარმაცევტმა გითხრათ. ეჭვის შემთხვევაში მიმართეთ თქვენს ექიმს ან ფარმაცევტს.

დოზირება

ეს პრეზენტაცია განკუთვნილია ბავშვისთვის (6 წლის ასაკიდან)

 

ასაკი (წონა)	დოზა ერთ მიღებაზე	მიღებას შორის ინტერვალი	მაქსიმალური სადღეღამისო დოზა
21 კგ - 25 კგ(დაახლოებით 6-დან 10 წლამდე)	1 პაკეტი(280 მგ პარაცეტამოლი10 მგ ფენირამინი 100 მგ ვიტამინი C)	მინიმუმ 12 საათი	2 პაკეტი(560 მგ პარაცეტამოლი20 მგ ფენირამინი 200 მგ ვიტამინი C)
26 კგ - 40 კგ(დაახლოებით 10-დან 12 წლამდე)	1 პაკეტი(280 მგ პარაცეტამოლი10 მგ ფენირამინი 100 მგ ვიტამინი C)	მინიმუმ 8 საათი	3 პაკეტი(840 მგ პარაცეტამოლი30 მგ ფენირამინი 300 მგ ვიტამინი C)
41 კგ - 50 კგ(დაახლოებით 12-დან 15 წლამდე)	1 პაკეტი(280 მგ პარაცეტამოლი10 მგ ფენირამინი 100 მგ ვიტამინი C)	მინიმუმ 6 საათი	4 პაკეტი(1120 მგ პარაცეტამოლი40 მგ ფენირამინი 400 მგ ვიტამინი C)

 

პედიატრიული პოპულაცია

პარაცეტამოლის მაქსიმალური სადღეღამისო დოზა არ უნდა აღემატებოდეს 60 მგ/კგ-ს დღე-ღამეში.

დოზის გადაჭარბების რისკის თავიდან ასაცილებლად, შეამოწმეთ პარაცეტამოლის და/ან ფენირამინის და/ან C ვიტამინის არარსებობა სხვა მედიკამენტების შემადგენლობაში, მათ შორის რეცეპტის გარეშე გაცემულ პრეპარატებში.

თირკმლის უკმარისობით, ღვიძლის უკმარისობით, ჟილბერის სინდრომით (არაჰემოლიზური ოჯახური სიყვითლე) დაავადებული პაციენტები

თუ თქვენ უნდა მიიღოთ ეს პრეპარატი, ჯერ რჩევისთვის უნდა მიმართოთ თქვენს ექიმს ან ფარმაცევტს რჩევისთვის.

მიღების მეთოდი და გზა

პერორალური გამოყენება.

პაკეტები უნდა მიიღონ საკმარისი რაოდენობით ცხელ ან ცივ წყალთან ერთად.

მიღების სიხშირე

1 პაკეტი, საჭიროების შემთხვევაში, განმეორდება მინიმუმ 4 საათის შემდეგ, დღე-ღამეში 3 პაკეტის გადაჭარბების გარეშე.

მკურნალობის ხანგრძლივობა

მკურნალობის მაქსიმალური ხანგრძლივობა 3 დღეს შეადგენს.

თუ მიიღეთ საჭიროზე მეტი ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში

შეწყვიტეთ მკურნალობა და დაუყოვნებლივ მიმართეთ ექიმს ან სასწრაფო სამედიცინო დახმარებას.

დოზის გადაჭარბება შეიძლება ფატალური იყოს.

პირველი 24 საათის განმავლობაში მოწამვლის ძირითადი სიმპტომებია: გულისრევა, ღებინება, სიფერმკრთალე, სისუსტე, ოფლიანობა, მადის დაკარგვა, მუცლის ტკივილი.

დოზის გადაჭარბებამ შეიძლება გამოიწვიოს ღვიძლის დაზიანება, ტვინის ანთება, კომა და სიკვდილიც კი, განსაკუთრებით მაღალი რისკის მქონე პოპულაციებში, როგორიცაა მცირეწლოვანი ბავშვები, მოხუცები და გარკვეული სიტუაციები (ღვიძლის ან თირკმლის დაავადება, ქრონიკული ალკოჰოლიზმი, ქრონიკული მალნუტრიცია, შიმშილი, ბოლო პერიოდში წონის კლება, ჟილბერის სინდრომი და პაციენტები, რომლებიც ერთდროულად მკურნალობენ გარკვეული მედიკამენტებით). ასევე დაფიქსირდა პანკრეასის ანთების, თირკმელების უკმარისობის და სისხლში ერითროციტების, ლეიკოციტების და თრომბოციტების ერთდროული შემცირების შემთხვევები.

ფენირამინის დოზის გადაჭარბებამ შეიძლება გამოიწვიოს კრუნჩხვები (განსაკუთრებით ბავშვებში), გონების დაკარგვა და კომა.

თუ დაგავიწყდათ ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში მიღება  

არ მიიღოთ ორმაგი დოზა გამოტოვებული დოზის კომპენსაციის მიზნით.

თუ გაქვთ დამატებითი კითხვები ამ მედიკამენტის გამოყენებასთან დაკავშირებით, მიმართეთ ექიმს ან ფარმაცევტს დამატებითი ინფორმაციისთვის.

4.   შესაძლო გვერდითი ეფექტები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი ეფექტები, თუმცა ისინი ყველას არ უვითარდება

დაკავშირებულია პარაცეტამოლის შემცველობასთან:

იშვიათი გვერდითი ეფექტები: შეიძლება აღინიშნოს 1000-დან 1 შემთხვევაში

• კანის სიწითლე, გამონაყარი, ჭინჭრის ციება. მკურნალობა დაუყოვნებლივ უნდა შეწყდეს, ეცნობოს ექიმს და აღარასდროს უნდა მიიღოთ პარაცეტამოლის შემცველი პრეპარატი.
• სისხლის ლაქები კანზე. მკურნალობა დაუყოვნებლივ უნდა შეწყდეს, პარაცეტამოლის შემცველი ნებისმიერი პროდუქტის მიღებამდე უნდა გაიაროთ ექიმის კონსულტაცია.

ძალიან იშვიათი გვერდითი ეფექტები: შეიძლება აღინიშნოს 10,000-დან 1 შემთხვევაში

• ბიოლოგიური ცვლილებები, რომლებიც საჭიროებენ სისხლის ბალანსის კონტროლს: ღვიძლის ფუნქციის დარღვევა, ზოგიერთი სისხლის თეთრი უჯრედების ან სისხლის გარკვეული უჯრედების არანორმალურად დაბალი დონე, როგორიცაა თრომბოციტები, რამაც შეიძლება გამოიწვიოს სისხლდენა ცხვირიდან ან ღრძილებიდან სისხლდენა. ამ შემთხვევაში მიმართეთ ექიმს.
• კანის სერიოზული რეაქციები. მკურნალობა დაუყოვნებლივ უნდა შეწყდეს, ეცნობოს ექიმს და აღარასდროს უნდა მიიღოთ პარაცეტამოლის შემცველი პრეპარატი.

უცნობი სიხშირის გვერდითი ეფექტები:  სიხშირე არ შეიძლება შეფასდეს არსებული მონაცემებით

• დიარეა, მუცლის ტკივილი.
• ღვიძლის ენზიმების მატება.
• სისხლში გლუტათიონის დაბალი დონის გამო ჭარბი პიროგლუტამინის მჟავით გამოწვეული მომატბეული მჟავიანობა.
• კანის გამონაყარი ან სიწითლე ან ალერგიული რეაქცია, რომელიც შეიძლება გამოვლინდეს სახისა და კისრის უეცარი შეშუპებით, რამაც შეიძლება გამოიწვიოს სუნთქვის გაძნელება (ანგიონევროზული შეშუპება) ან უეცარი დისკომფორტი არტერიული წნევის დაქვეითებით (ანაფილაქსიური შოკი). დაუყოვნებლივ უნდა შეწყვიტოთ მკურნალობა, აცნობოთ ექიმს და აღარასდროს უნდა მიიღოთ პარაცეტამოლის შემცველი მედიკამენტები.

ფენირამინის მალეატის შემცველობასთან დაკავშირებული:

- შარდვის დარღვევები (შარდის მნიშვნელოვანი შემცირება, შარდვის გაძნელება).

- პირის სიმშრალე, მხედველობის დარღვევა, ყაბზობა, პალპიტაცია.

- მეხსიერების ან კონცენტრაციის დარღვევა, თავბრუსხვევა, წონასწორობის დარღვევა (უფრო ხშირია ხანდაზმულ პაციენტებში).

- დაბნეულობა, ჰალუცინაციები.

- მოტორული დისკოორდინაცია, ტრემორი.

- ძილიანობა, სიფხიზლის დაქვეითება, უფრო გამოხატული მკურნალობის დაწყებისას.

- არტერიული წნევის დაქვეითება ფეხზე დგომისას, რასაც შეიძლება თან ახლდეს თავბრუსხვევა.

- უფრო იშვიათად შეიძლება გამოვლინდეს აგზნება, ნერვიულობა, უძილობა.

- ალერგიული რეაქცია, რამაც შეიძლება გამოიწვიოს სიწითლე, ქავილი, პურპურა, ჭინჭრის ციება და უფრო იშვიათად ანგიონევროზული შეშუპება ან ანაფილაქსიური შოკი.

- ერითროციტების, ლეიკოციტების ან  თრომბოციტების რაოდენობის შემცირება

გვერდითი ეფექტების მოხსენება

თუ თქვენ გაქვთ რაიმე გვერდითი ეფექტი, მიმართეთ თქვენს ექიმს, ფარმაცევტს ან ექთანს. ეს მოიცავს ნებისმიერ შესაძლო გვერდით ეფექტს, რომელიც ამ ინსტრუქციაში ჩამოთვლილი არ არის. 

გვერდითი ეფექტების შეტყობინებით თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოგროვებას.

5.   როგორ ინახება ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში?  

ეს მედიკამენტი შეინახეთ ბავშვებისთვის მიუწვდომელ ადგილას.

შენახვის განსაკუთრებული პირობები არ არსებობს.

პრეპარატი არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

ვარგისიანობის ვადა ეხება ამ თვის ბოლო დღეს.

არცერთი პრეპარატი არ გადააგდოთ კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადააგდოთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

6.   შეფუთვის შემადგენლობა და სხვა ინფორმაცია

რას შეიცავს ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში

თითოეულ პაკეტში - აქტიური ნივთიერებები: პარაცეტამოლი – 280 მგ; ასკორბინის მჟავა (C ვიტამინი) – 100 მგ; ფენირამინის მელეატი – 10 მგ

თითოეულ პაკეტში სხვა კომპონენტები: მანიტოლი (E421), უწყლო ლიმონმჟავა. პოვიდონი,  უწყლო მაგნიუმის ციტრატი, კალიუმის აცესულფამი, ჟოლოს არომატი, რომელიც შეიცავს ყვითელ სარებავს (E110), წითელ საღებავს (E129), ლურჯ ბრილიანტს (E133), ბენზილის სპირტს*, ნატრიუმის ბენზოატის (E211)* კვალს და ეთანოლს*. *იხილეთ პარაგრაფი 2.

ფერვექსი საბავშვო უშაქრო, გრანულები პერორალური ხსნარის მოსამზადებლად პაკეტში აღწერა და შეფუთვის შემადგენლობა

ეს მედიკამენტი გამოდის  გრანულების სახით პერორალური ხსნარის მოსამზადებლად პაკეტში. გრანულები არის ღია ვარდისფერიდან მუქ ვარდისფერამდე, კოლოფში 8 პაკეტი.

ინსტრუქციის ბოლო გადახედვის თარიღი:  იანვარი 2023.

სხვა ინფორმაცია

ამ მედიკამენტის შესახებ დეტალური ინფორმაცია ხელმისაწვდომია საფრანგეთის მედიკამენტების სააგენტოს (ANSM) ვებგვერდზე.

ჯანმრთელობის დაცვის რეკომენდაციები

რა უნდა მოვიმოქმედოთ ცხვირის გაჭედვის ან გამონადენის შემთხვევაში

ეს მედიკამენტი გამოიყენება ბავშვებში (6 წლის ასაკიდან) ცხვირის გაჭედვის შეგრძნებისა და გაციებისას წარმოქმნილი თავის ტკივილის და/ან ცხელების სამკურნალოდ.

გაციება გავრცელებული მწვავე ვირუსული ინფექციაა, რომელიც ცხვირის ლორწოვან გარსს აზიანებს. ლორწოვანი გარსი მუდმივად გამოყოფს სითხეს, რათა შეინარჩუნოს ჰაერის ტენიანობა და დაიცვას ორგანიზმი ინფექციისგან. გაღიზიანების შემთხვევაში ლორწოვანი გარსი სივდება და სითხის გამოყოფა იზრდება, რის შედეგადაც ცხვირიდან გამონადენი ჩნდება.

სიმპტომების გაჩენის შესაზღუდად, შეძლებისდაგვარად უნდა დაიცვან  ჰიგიენის შემდეგი წესები:

• რეგულარულად დაიბანეთ ხელები, განსაკუთრებით ჭამის წინ ან საკვების მომზადებისას.
• ხველების ან ცემინებისას დაიფარეთ პირი;
• ცხვირი ხშირად მოიხოცეთ ერთჯერადი ხელსახოცებით (რათა ხელახლა არ დაბინძურდეთ) და გამოყენების შემდეგ დაუყოვნებლივ ჩააგდეთ ურნაში, შემდეგ დაიბანეთ ხელები;
• ცხვირის ხსნარის გამოყენებისას ერთი და იგივე საწვეთური არ გამოიყენოთ მთელი ოჯახისთვის
• მოერიდეთ ნებისმიერი ქალის მონახულებას, ვინც ახლახანს იმშობიარა, მოერიდეთ მათ ახხალშობილებს, მოხუცებს ან იმ პირებს, რომლებიც იმუნოდეპრესანტებით მკურნალობენ (კორტიკოსტეროიდები, მედიკამენტები, რომლებიც გამოიყენება სისხლის დაავადების ან კიბოს სამკურნალოდ და ა.შ.). თუ ამის თავიდან აცილება შეუძლებელია, რეკომენდებულია ნიღბის ტარება.

სიმპტომების შესამსუბუქებლად:

• დალიეთ საკმარისი სითხე;
• ცხვირის ლორწოვანი გარსი დაატენიანეთ ცხვირის ამორეცხვის შესაბამისი ხსნარებით (ფიზიოლოგიური ხსნარი, თერმული წყალი ან ზღვის წყლის სპრეი). მოერიდეთ ერთი და იგივე საწვეთურის გამოყენებას მთელი ოჯახისთვის.
• მოერიდეთ მოწევას ან პასიური მოწევას,
• დაიძინეთ თავის აწეულ მდგომარეობაში, რათა დახშულ ნესტოებში გაუმჯობესდეს ჰაერის ნაკადი და საკმარისად გეძინოთ;
• საჭიროების შემთხვევაში, ზედა ტუჩის და ნესტოების კანი დაიცავით კრემით, რადგან ცხვირის განმეორებით მოხოცვამ შეიძლება კანი გააღიზიანოს;
• მოერიდეთ კონდიციონერებს, რომლებიც ატენიანებენ ჰაერს და აშრობენ ცხვირის ლორწოვან გარსს. ოთახში იდეალური ტემპერატურაა დაახლოებით 18-20°C;
• რეგულარულად გაანიავეთ ოთახები.

„რა უნდა გააკეთოთ, თუ სიცხე გაქვთ“:

სხეულის ნორმალური ტემპერატურა ადამიანებს შორის მერყეობს და შეადგენს 36,5-დან 37,5°C-მდე. 0,8°C-ზე მეტით მატება ითვლება ცხელებად.

მოზრდილებში:  თუ ცხელებით გამოწვეული პრობლემები ძალიან არასასიამოვნოა, შეგიძლიათ მითითებული დოზით მიიღოთ ეს პრეპარატი, რომელიც შეიცავს პარაცეტამოლს.

ამ პრეპარატით სიცხემ სწრაფად უნდა დაიწიოს. მიუხედავად ამისა:

• სხვა ნიშნების გამოვლენის შემთხვევაში (როგორიცაა კანის გამონაყარი),
• თუ ცხელება გრძელდება 3 დღეზე მეტ ხანს ან გაუარესდება,
• თუ თავის ტკივილი ძლიერდება, ან აღინიშნება ღებინება

დაუყონებლივ მიმართეთ ექიმს.

“რა უნდა გააკეთოთ, თუ გაქვთ ტკივილი”

• თუ გაუმჯობესება არ აღინიშნება მკურნალობის დაწყებიდან 5 დღის შემდეგ,
• თუ ტკივილი რეგულარულად მეორდება
• თუ მას თან ახლავს ცხელება,
• თუ ღამით გეღვიძებათ,

დაუყონებლივ მიმართეთ ექიმს.

ასევე, იხილეთ: >Insty - ინსტი ბალახეული ჩაი საბავშვო 5 პაკეტი