Perskindol classic gel - პერსკინდოლი კლასიკი გელი 100მლ

მცენარეული პრეპარატი

ინფორმაცია პაციენტებისათვის
ყურადღებით გაეცანით წინამდებარე ფურცელ ჩანართს, რადგან მასში მოცემულია მნიშვნელოვანი ინფორმაცია. პრეპარატს გინიშნავთ მკურნალი ექიმი პირადად
თქვენ ან ყიულობთ მას რეცეპტის გარეშე აფთიაქში.იმისათვის, რომ მიიღოთ მაქსიმალური ეფექტი გამოიყენეთ იგი აღნიშნული ფურცელი ჩანართის მიხედვით
ან ექიმის, ფარმაცევტის რეკომენდაციებით.

რა არის პერსკინდოლი კლასიკი და რისთვის გამოიყენება?
პერსკინდოლი კლასიკი წარმოადგენს სისხლის მიმოქცევის ხელისშემწყობ ლინიმენტს, რომელსაც აქვს თხევადი (ხსნრი, სპრეი) ან გელის ფორმა, შეიცავს მცენარებს და ეთერ ზეთებს. პერსკინდოლი კლასიკი სწრაფად აღწევს კანში ისე, რომ არ ტოვებს კანზე ლაქებსდა არ არის ცხიმოვანი; ხელები და ტანსაცმელი არ ცხიმიანდება.
ეთერ ზეთები და მენთოლი ქმნის გამაგრილებელ, ტკივილის მომხსნელ ეფექტს და ადგილობრივად აძლიერებს სისხლის მიმოქცევას რეფლექსებით, რასაც უკავშირდება სასიამოვნო სითბოს შეგრძნება. ეს ადუნებს კუნთებს, ხსნის ტკივილს და ხელს უწყობს განკურნებას.

პერსკინდოლ კლასიკი ნაჩვენებია შემდეგ შემთხვევებში:
- რევმატული ტკივილების, კისრის ტკივილის, ზურგის ტკივილის, სახსრების ტკივილის, ეპიკონდილიტის (ჩოგბურთელის იდაყვის), წელის ტკივილის, იშიალგიის და კუნთების სპაზმის მკურნალობა და მოხსნა.
- კუნთების დაჭიმვის, დაზიანებების და მყესების დაჭიმვის მკურნალობა.
- სპორტში თამაშამდე და თამაშის დროს: პერსკინდოლი კლასიკი ხელს უწყობს სისხლის მიმოქცევას კუნთებში, მათ მოდუნებას, კუნთების ტკივილის და კანჭის კუნთების სპაზმების პრევენციას და მკურნალობას.
- სპორტში თამაშის შემდეგ პერსკინდოლი კლასიკი გამოიყენება კუნთების და სახსრების რელაქსაციისათვის და ხელს უწყობს მათი ფუნქციების აღდგენას.                               - თავის ტკივილისა და შაკიკის დროს შუბლის და კისრის არეში შეზელვა
რეგენერაციის მიზნით.

როდის არ გამოიყენება პერსკინდოლი კლასიკი?
პერსკინდოლი კლასიკი არ გამოიყენება ღია ჭრილობებზე და ჰაერგაუმტარი კომპრესების ქვეშ. არ გამოიყენება მცირე ასაკის ბავშვებში ან რომელიმე ინგრედიენტის (იხილეთ შემადგენლობა) მიმართ ჰიპერმგრძნობელობის დროს.

როდის არის საჭირო სიფრთხილე პერსკინდოლი კლასიკის გამოყენებისას?
აცნობეთ ექიმს ან ფარმაცევტს თუ
- გაწუხებთ სხვა დაავადებები
- გაქვთ ალერგია
- იყენებთ სხვა ნებისმიერ პრეპარატს გარეგანი ხმარებისათვის, მათ შორის რეცეპტის გარეშე შეძენილ პრეპარატებს.

შესაძლებელია თუ არა პერსკინდოლი კლასიკის გამოყენება ორსულობის ან ლაქტაციის პერიოდში?
დღეისათვის არსებული გამოცდილებიდან გამომდინარე აღნიშნული პრეპარატი არ ქმნის რაიმე დადგენილ რიკს ბავშვისათვის თუ პრეპარატის გამოყენება მოხდება
სწორად. თუმცა, სისტემური სამეცნიერო კვლევები არ ჩატარებულა. უსაფრთხოების მიზნით შეძლებისდაგვარად უნდა მოერიდოთ პრეპარატის გამოყენებას ორსულობის და ლაქტაციის პერიოდში ან რჩევისათვის მიმართეთ ექიმს ან ფარმაცევტს.

როგორ გამოიყენება პერსკინდოლ კლასიკი?
შეაზილეთ პერსკინდოლ კლასიკის გელის, ხსნარის ან სპრეის საკმარისი რაოდენობა სხეულის მტკივნეულ ადგილებზე დღეში რამდენჯერმე საჭიროების მიხედვით. პრეპარატის გამოყენების შემდეგ ხელები კარგად დაიბანეთ. გამოიყენეთ ის დოზა, რომელიც მოცემული ფურცელ ჩანართში ან რასაც ექიმი დაგინიშნავთ. თუ ფიქრობთ, რომ პერსკინდოლ კლასიკი არ არის საკმარისად ეფექტური ან მისი ეფექტი ზედმეტად ძლიერია მიმართეთ ექიმს ან ფარმაცევტს.

პერსკინდოლ კლასიკის გამოყენება და მისი უსაფრთხოება მცირე ასაკის ბავშვებში ჯერჯერობით არ არის შესწავლილი.

რა გვერდითი ეფექტები შეიძლება ახლდეს პერსკინდოლ კლასიკის გამოყენებას?
პერსკინდოლ კლასიკის გამოყენებისას შესაძლებელია გამოვლინდეს შემდეგი გვერდითი ეფექტები:იშვიათად შესაძლებელია აღინიშნოს ზომიერი ქავილი, სიწითლე ან წვის შეგრძნება. იშვიათად ეგზემატოზური გამოვლინებების ან ძალიან იშვიათად მწვავე ჰიპერმგრძნობელობითი რეაქციების შემთხვევაში მკურნალობა უნდა შეწყდეს და ეცნობოს ექიმს საჭიროების შემთხვევაში. თუ შენიშნავთ ისეთ გვერდით ეფექტებს, რაც არ არის მოცემული აღნიშნულ ფურცელ ჩანართში აუცილებლად აცნობეთ ექიმს ან ფარმაცევტს.

რა დამატებით ინფორმაციას უნდა ფლობდეთ?
მოარიდეთ ბავშვებს. არ გამოიყენოთ თვალებთან ან ლორწოვან გარსთან ახლოს. არ გამოიყენოთ ჰაერგაუმტარი კომპრესების ქვეშ. პერსკინდოლ კლასიკი არ გამოიყენება შეფუთვაზე დატანილი ვადის “EXP” გასვლის შემდეგ. დამატებითი ინფორმაცია შეგიძლიათ მიიღოთ ექიმისაგან ან ფარმაცევტისაგან.

პერსკინდოლ კლასიკი სპრეი
არ დააზიანოთ კონტეინერი. მოარიდეთ სიცხეს. არ შეაშხუროთ ღია ცეცხლზე ან გავარვარებულ საგნებზე.

რას შეიცავს პერსკინდოლ კლასიკი?
1გ გელი, 1გ ხსნარი ან 1გ სპრეი შეიცავს: მენთოლი 15მგ; მარადმწვანე მცენარეებისაგან მიღებული ზეთი 3.5მგ; ფიჭვის წიწვების ზეთი 13.5მგ; ლიმონის ზეთი 1მგ; ფორთოხლის ზეთი 4მგ; ბერგამოტის ზეთი (ფუროკუმარინის გარეშე) 1მგ; როზმარინის ზეთი 0.6მგ; ლავანდის ზეთი 0.2მგ; ტერპინეოლი 1მგ; ტერპინილის აცეტატი 1მგ.
გელი: კონსერვანტები: მეტილპარაბენი და პროპილპარაბენი (E218 და E216), ბენზილის ბენზოატი და სხვა შემავსებლები.
ხსნარი: კონსერვანტები: ბენზილის ბენზოატი და სხვა შემავსებლები.
სპრეი: კონსერვანტები: ბენზილის ბენზოატი და სხვა შემავსებლები.

სავაჭრო ლიცენზიის ნომრები
48009, 42369, 46141 (სვისმედიქ)

სად შეგიძლიათ შეიძინოთ პერსკინდოლი.
პრეპარატის შეძენა შესაძლებელი აფთიაქში, რეცეპტის გარეშე.

პერსკინდოლის რა სახის შეფუთვებია ხელმისაწვდომი?
პერსკინდოლ კლასიკი გელი: 100მლ, 200მლ, 1000მლ (საავადმყოფოში)
პერსკინდოლ კლასიკი ხსნარი: 50მლ, 250მლ, 1000მლ, 5000მლ (საავადმყოფოში)
პერსკინდოლ კლასიკი სპრეი: 150მლ