ფერსინოლი - Fersinol 100მგ/2მლ 2მლ 5 ამპულა
68.97
₾მახასიათებლები
აღწერა
ფერსინოლი
სავაჭრო დასახელება
ფერსინოლი, Fersinol
საერთაშორისო არაპატენტირებული დასახელება
რკინის (III) ჰიდროქსიდის პოლიმალტოზური კომპლექსი
Ferric hydroxide polymaltose complex
წამლის ფორმა
საინექციო ხსნარი
აღწერილობა: ხსნარი მუქი წითელი დან ყავისფრამდე.
შემადგენლობა
პრეპარატის 1 ამპულა შეიცავს:
აქტიური ნივთიერება : რკინის (III) ჰიდროქსიდის პოლიმალტოზური კომპლექსი, 100 მგ ელემენტარულ რკინაზე გადაანგარიშებით.
დამხმარენივთიერება : საინექციო წყალი.
პრეპარატის ათქ კოდი B03AC
ფარმაკოთერაპიული ჯგუფი
ანტიანემიური საშუალებები. რკინის პრეპარატები პარენტერალური გამოყენებისათვის.
ფარმაკოლოგიური თვისებები
პრეპარატი ფერსინოლი წარმოადგენს წყალხსნარს, თითქმის იზოტონურს, კუნთებში ინექციებისათვის.
კუნთებში შეყვანისას რკინის (III) ჰიდროქსიდის პოლიმალტოზური კომპლექსი გახლეჩის (რეაქტიული აბსორბცია) გარეშე გადაიტანება ლიმფური სისტემის მეშვეობით რეგიონალურ ლიმფურ კვანძებში. შემდეგ პრეპარატი ხვდება სისხლში და მაქსიმალურ კონცენტრაციას აღწევს დაახლოებით 24 საათის განმავლობაში. მოცირკულირე რკინის (III) ჰიდროქსიდის პოლიმალტოზური კომპლექსი შთაინთქმება რეტიკულოენდოთელური სისტემის უჯრედების მიერ, რომლებიც ახდენენ მის ნელ იონიზაციას Fe 3+ და პოლიმალტოზამდე. Fe 3+ ძირითადი რაოდენობა უკავშირდება ტრანსფერინს და გადადის ძვლის ტვინში, სადაც ხდება მისი ჰემოგლობინში ჩართვა; დანარჩენი ნაწილი დეპონირდება ჰემოსიდერინისა და ფერიტინის ფორმით, ან ჩაერთვება მიოგლობინში ან ჰემის შემცველ ფერმენტებში. მხოლოდ ძალიან მცირე რაოდენობის რკინა გამოიყოფა. ორგანიზმში რკინის შენახვამ და ჭარბი რკინის გამოდევნის მექანიზმის არარსებობამ, შეიძლება გამოიწვიოს რკინით ზედმეტად გაჯერება მისი გადაჭარბებულად შეყვანისას. პოლიმალტოზა ან მეტაბოლიზდება, ან გამოიყოფა.
გამოყენების ჩვენებები
ფერსინოლი გამოიყენება რკინადეფიციტური >ანემიის სამკურნალოდ შემდეგ შემთხვევებში:
- როცა რკინის შემცველი პრეპარატების პერორალური მიღება უკუნაჩვენებია;
- ნაწლავებში რკინის შეწოვის დარღვევებისას;
- თერაპიის რეჟიმის დაცვის შეუძლებლობის ან საკვების მდგრადი აუტანლობის დროს.
ასევე, იხილეთ: >Fersinol-F - ფერსინოლ-F 30 ტაბლეტი
გამოყენების წესი და დოზირება
პრეპარატი განკუთვნილია მხოლოდ ინტრამუსკულარული შეყვანისთვის. პრეპარატი არ არის განკუთვნილი ინტრავენური შეყვანისთვის.
შეყვანის ტექნიკა
შეყვანის ტექნიკას დიდი მნიშვნელობა აქვს. აკრძალულია პრეპარატის ფერსინოლი საინექციო ხსნარი შეყვანა მხარში ან უბნებში კანის დაზიანებული საფარით. პრეპარატის არასწორად შეყვანის შედეგად შეიძლება განვითარდეს ტკივილის შეგრძნება და კანის შეფერადება ინექციის ადგილზე.
ქვემოთ აღწერილი ვენტრო-გლუტეალური ინექციის მეთოდიკა რეკომენდებულია ნაცვლად საყოველთაოდ მიღებულისა - დიდი დუნდულო კუნთის ზედა გარეთა კვადრანტში:
a. ნემსის სიგრძე უნდა იყოს არანაკლებ 5-6 სმ-სა. ნემსის სანათური არ უნდა იყოს ძალიან ფართო.
b. ინექციის ადგილი განისაზღვრება შემდეგნაირად (სურ. 1): თავდაპირველად აფიქსირებენ A წერტილს, რომელიც შეესაბამება წელ-თეძოს შესახსრების ადგილს. თუ ავადმყოფი წევს მარჯვენა გვერდზე, მარცხენა ხელის შუა თითს A წერტილზე ათავსებენ. საჩვენებელი თითი კი განიზიდება შუა თითისგან ისე, რომ ის თეძოს ძვლის ქედთან B წერტილში მოთავსდეს. სამკუთხედი, რომელიც განლაგებულია შუა და საჩვენებელი თითების პროქსიმალურ ფალანგებს შორის, წარმოადგენს ინექციის ადგილს. გაუსნებოვნება ხდება ჩვეული გზით (სურ. 2).
c. ნემსის ჩხვლეტამდე კანს შეყვანის ადგილის ზემოთ ჩაწევენ დაახლოებით 2 სმ-ზე (სურ. 3), S-ფორმის არხის მისაღებად, რითაც შესაძლებელია თავიდან ავიცილოთ შეყვანილი ხსნარის კანქვეშა ქსოვილებში შეღწევა და კანის შეფერადება.
d. ნემს განათავსებენ კანის ზედაპირის მიმართ ვერტიკალურად, უფრო დიდი კუთხით თეძოს ქედისადმი, ვიდრე მენჯ-ბარძაყის სახსრის მიმართ (სურ. 4).
e. პრეპარატის შეყვანის შემდეგ ნემსი ნელა უნდა იქნეს ამოღებული, ჩხვლეტის ადგილის გვერდით თითით ერთი წუთის განმავლობაში ზეწოლით.
f. ინექციის შემდეგ პაციენტმა უნდა იმოძრაოს.
იხილეთ ბლოგი: >ფერსინოლი — პრეპარატი რკინადეფიციტური ანემიის სამკურნალოდ და პროფილაქტიკისთვის
დოზის გაანგარიშება
თანმხლებ დოზირების ცხრილში მოცემული გამოთვლები გაკეთდა ფორმულის გამოყენებით:
რკინის დოზა (მგ) = Hb-რკინის დეფიციტი + რკინის მარაგი
Hb-რკინის დეფიციტი = სხეულის წონა (კგ) x (Hb-ის ნორმალური მნიშვნელობა – Hb-ის ფაქტობრივი მნიშვნელობა გ/ლ) x 0,24 *
* კოეფიციენტი 0,24 = 0,0034 x 0,07 x 1000
(ამ გამოთვლებისთვის, ჰემოგლობინში რკინის შემცველობა = 0,34%-ს, სისხლის მოცულობა = სხეულის მასის 7%-ს, 1000 – გ-დან მგ-ზე გადაანგარიშება).
შენიშვნა: ზემოთ მოყვანილი ფორმულის გამოყენება ასევე შეიძლება რკინის ჯამური დეფიციტის გამოსათვლელად.
სხეულის მასა 34 კგ-მდე: Hb-ის ნორმალური მნიშვნელობა = 130 გ/ლ, რკინის მარაგი = 15 მგ/კგ სხეულის მასაზე (34 კგ სხეულის მასის მქონე პაციენტისთვის რკინის მარაგი შეადგენს 34 x 15 = 500 მგ).
სხეულის მასა 34 კგ-ზე მეტი: Hb-ის ნორმალური მნიშვნელობა = 150 გ/ლ, რკინის მარაგი = 500 მგ.
გაანგარიშებისმაგალითი
ვთქვათ, პაციენტის წონაა 60 კგ, Hb-ის ნორმალური მნიშვნელობა = 150 გ/ლ, Hb-ის ფაქტობრივი მნიშვნელობა = 60 გ/ლ და რკინის მარაგის საჭიროება – 500 მგ, მაშინ:
რკინის დოზა (მგ) = 60 x (150-60) x 0,24 + 500 მგ = 1296 მგ + 500 მგ ≅ 1800 მგ რკინა.
შესაბამისად, პაციენტს ესაჭიროება 1800 მგ რკინა ან 18 ამპულა.
დოზირების ცხრილი
დოზირების ცხრილი პრეპარატის ფერსინოლი საინექციო ხსნარი საჭირო ჯამური რაოდენობის დასადგენად მილილიტრებში
|
სხეულის მასა, კგ |
Hb 60 გ/ლ |
Hb 75 გ/ლ |
Hb 90 გ/ლ |
Hb 105 გ/ლ |
||||
|
მლ |
ამპულები |
მლ |
ამპულები |
მლ |
ამპულები |
მლ |
ამპულები |
|
|
5 |
3 |
1,5 |
3 |
1,5 |
3 |
1,5 |
2 |
1 |
|
10 |
6 |
3 |
6 |
3 |
5 |
2,5 |
4 |
2 |
|
15 |
10 |
5 |
9 |
4,5 |
7 |
3,5 |
6 |
3 |
|
20 |
13 |
6,5 |
11 |
5,5 |
10 |
5 |
8 |
4 |
|
25 |
16 |
8 |
14 |
7 |
12 |
6 |
11 |
5,5 |
|
30 |
19 |
9,5 |
17 |
8,5 |
15 |
7,5 |
13 |
6,5 |
|
35 |
25 |
12,5 |
23 |
11,5 |
20 |
10 |
18 |
9 |
|
40 |
27 |
13,5 |
24 |
12 |
22 |
11 |
19 |
9,5 |
|
45 |
30 |
15 |
26 |
13 |
23 |
11,5 |
20 |
10 |
|
50 |
32 |
16 |
28 |
14 |
24 |
12 |
21 |
10,5 |
|
55 |
34 |
17 |
30 |
15 |
26 |
13 |
22 |
11 |
|
60 |
36 |
18 |
32 |
16 |
27 |
13,5 |
23 |
11,5 |
|
65 |
38 |
19 |
33 |
16,5 |
29 |
14,5 |
24 |
12 |
|
70 |
40 |
20 |
35 |
17,5 |
30 |
15 |
25 |
12,5 |
|
75 |
42 |
21 |
37 |
18,5 |
32 |
16 |
26 |
13 |
|
80 |
45 |
22,5 |
39 |
19,5 |
33 |
16,5 |
27 |
13,5 |
|
85 |
47 |
23,5 |
41 |
20,5 |
34 |
17 |
28 |
14 |
|
90 |
49 |
24,5 |
43 |
21,5 |
36 |
18 |
29 |
14,5 |
2 მლ კუნთში შეყავთ ყოველ მეორე დღეს ჯამური დოზის მიღებამდე ან 4 მლ შეყავთ უფრო დიდი ინტერვალებით. რეკომენდებულია Hb-ის დონის რეგულარული განსაზღვრა.
მაქსიმალური ერთჯერადი სადღეღამისო დოზები კუნთებში შესაყვანად:
მცირეწლოვანი ბავშვები 5 კგ-ზე ნაკლები სხეულის მასით: 0,5 მლ
ბავშვები 5-10 კგ სხეულის მასით: 1 მლ
პაციენტები 10 კგ-ზე მეტიდან 45 კგ-მდე სხეულის მასით: 2 მლ
მოზრდილები: 4 მლ
უკუჩვენებები
პრეპარატი ფერსინოლი საინექციო ხსნარი არ უნდა იქნეს გამოყენებული პაციენტებში ქვემოთ ჩამოთვლილი რომელიმე დაავადებით:
- ჰიპერმგრძნობელობა რკინის (III) ჰიდროქსიდის პოლიმალტოზური კომპლექსის მიმართ;
- ანემიები, რომლებიც არ არის დაკავშირებული რკინის დეფიციტთან (ჰემოლიზური, მეგალობლასტური, გამოწვეული B 12 ვიტამინის დეფიციტით, ერითროპოეზის დარღვევის, ძვლის ტვინის ჰიპოპლაზიის დროს);
- რკინის სიჭარბე (მაგალითად, ჰემოქრომატოზი, ჰემოსიდეროზი);
- ოსლერ-რანდიუ-ვებერის სინდრომი;
- ქრონიკული პოლიართრიტი;
- ბრონქული ასთმა;
- თირკმლის ინფექციური დაავადებები მწვავე ფაზაში;
- არაკონტროლირებადი ჰიპერპარათირეოზი;
- დეკომპენსირებული ღვიძლის ციროზი;
- ინფექციური ჰეპატიტი;
- ორსულობის პირველი ტრიმესტრი.
ელემენტარული რკინა შესაძლებელია დაგროვდეს ანთების კერაში; პრეპარატი არ უნდა იქნეს გამოყენებული პაციენტებში მძიმე ფორმის ანთებითი დაავადებებით, თირკმელებისა და ღვიძლის ინფექციების ჩათვლით.
არასასურველი რეაქციები
იშვიათ შემთხვევებში შეიძლება გამოვლინდეს შემდეგი არასასურველი რეაქციები:
ზოგადი
- სახეზე სისხლის მიწოლა, ოფლიანობა, შემცივნება და ცხელება
- ტკივილი გულმკერდისა და ზურგის არეში
კუნთებში შეყვანის შემდეგ
- ტკივილი შეყვანის ადგილას
- ადგილობრივი ანთება საზარდულის ლიმფადენოპათიით
- ტკივილი მუცლის ქვედა ნაწილში
მომატებული მგრძნობელობა
- ანაფილაქსია
დარღვევები კუჭ-ნაწლავის ტრაქტის მხრივ
- გულისრევა და ღებინება
დარღვევები ცენტრალური ნერვული სისტემის მხრივ
- თავის ტკივილი
- თავბრუსხვევა
დარღვევები ჩონჩხ-კუნთოვანისისტემის მხრივ
- სახსრებისა და კუნთების ტკივილი
- ართრალგია
- შებოჭილობის შეგრძნება ხელების, ფეხების ან სახის კუნთებში
დარღვევები გულ-სისხლძარღვთა სისტემის მხრივ
- გონების დაკარგვა
- გულის წასვლა
- ტაქიკარდია
- ჰიპოტენზია
- ცირკულატორული კოლაფსი
დარღვევები სასუნთქი სისტემის მხრივ
- ბრონქოსპაზმი დისპნოეს თანხლებით
ჰემატოლოგიური დარღვევები
- გენერალიზებული ლიმფადენოპათია
დერმატოლოგიური დარღვევები
- გამონაყარი
- ჭინჭრის ციება
- ანგიონევროზული შეშუპება
სიხშირე უცნობია
დარღვევები გულ-სისხლძარღვთა სისტემის მხრივ
- კოუნისის სინდრომი
დარღვევები ჩონჩხ-კუნთოვანი სისტემის მხრივ
- ჰიპოფოსფატემიური ოსტეომალაცია
ზოგადი დარღვევები და დარღვევები ინექციის ადგილზე
- გრიპის მაგვარი დაავადება, რომლის სიმპტომები შეიძლება გამოვლინდეს რამდენიმე საათის ან დღის შემდეგ.
არასასურველი რეაქციები შეიძლება განვითარდეს პრეპარატით ფერსინოლი საინექციო ხსნარი მკურნალობის შემდეგ 1-2 დღეშიც.
გავლენა ლაბორატორიული კვლევების შედეგებზე
რკინის პრეპარატებმა შეიძლება გამოიწვიოს სისხლის შრატში ბილირუბინის დონის ცრუ მომატება და სისხლის შრატში კალციუმის დონის ცრუ შემცირება. შრატისმიერი რკინის განსაზღვრა (განსაკუთრებით კოლორიმეტრული მეთოდებით) შეიძლება არ იყოს მიზანშეწონილი გამოყენებიდან 3 კვირის განმავლობაში. მაღალი დოზების მიღებიდან 1-2 კვირის განმავლობაში მიღებული შრატისმიერი რკინის დონის კვლევის შედეგები სიფრთხილით უნდა იქნეს ინტერპრეტირებული.
ძვლის ტვინში რკინის მარაგების კვლევა შეიძლება არ იყოს ინფორმაციული მკურნალობის დასრულებიდან დიდი ხნის განმავლობაში, ვინაიდან პრეპარატი შეიძლება დარჩეს რეტიკულოენდოთელური სისტემის უჯრედებში.
ჩონჩხის ძვლების სკანირებამ ტექნეციუმის Tc 99m დიფოსფონატის გამოყენებით, კუნთში რკინის პრეპარატების ინექციიდან 1-6 დღის შემდეგ, შეიძლება აჩვენოს ბარძაყის ძვალში არსებული აქტივობის მკვრივი უბნები, რომლებიც იმეორებს თეძოს ძვლის ქედის კონტურებს. ჩონჩხის ძვლების სკანირებამ ტექნეციუმით Tc 99m მონიშნული მავიზუალიზირებელი საშუალებების გამოყენებით, სისხლის შრატში ფერიტინის მაღალი კონცენტრაციების არსებობისას ან რკინის პრეპარატების ინტრავენური ინფუზიების შემდეგ, შეიძლება მოახდინოს ძვლისმიერი შთანთქმის შემცირების, თირკმელების გამოხატული აქტივობის, გადაჭარბებული სისხლსავსეობის და რბილ ქსოვილებში დეპონირების დემონსტრირება.
რკინის პრეპარატებმა შეიძლება გამოიწვიოს გალიუმის Ga-67 ციტრატის შთანთქმის დაქვეითება სიმსივნეებისა და/ან აბსცესების ვიზუალიზაციის დროს გალიუმის Ga-67 ციტრატის გამოყენებით, რაც წარმოადგენს შეკავშირების ერთსა და იმავე ადგილების მიმართ კონკურენციის შედეგს.
რკინის არსებობამ შეიძლება გამოიწვიოს ორთოტოლიდინის სინჯის ცრუ დადებითი შედეგების მიღება.
შეტყობინებები საეჭვო არასასურველი რეაქციების შესახებ
სამკურნალო საშუალების რეგისტრაციის შემდეგ შეტყობინებები საეჭვო არასასურველი რეაქციების შესახებ მნიშვნელოვანია. თუ პაციენტს გამოუვლინდა სერიოზული არასასურველი რეაქცია სამკურნალო საშუალებაზე ან ახალი არასასურველი რეაქციის აღნიშვნის შემთხვევაში, რომელიც ამ ნაწილში აღწერილი არ არის, გთხოვთ, მოახდინოთ ინფორმირება ფარმაკოზედამხედველობის ეროვნული სისტემის შესაბამისად.
განსაკუთრებული მითითებები
ვინაიდან რკინისა და კარბოჰიდრატების კომპლექსების პარენტერალური გამოყენება იწვევდა ლეტალურ ანაფილაქტოიდურ რეაქციებს, რკინის (III) ჰიდროქსიდის პოლიმალტოზური კომპლექსი უნდა იქნას გამოყენებული მხოლოდ იმ პაციენტებში, რომლებსაც აქვთ მკაფიოდ დადგენილი ჩვენება რკინით პარენტერალურ მკურნალობაზე, რომელიც დადასტურებულია შესაბამისი ლაბორატორიული მონაცემებით. მსუბუქი ფორმის ალერგიული რეაქციის შემთხვევაში, ანტიჰისტამინური საშუალებები დაუყოვნებლივ უნდა იქნეს მიღებული.
ჰიპერმგრძნობელობის და ანაფილაქტოიდური რეაქციების აღნიშვნის რისკი არსებობს ყოველი დოზის გამოყენების შემდეგ. ანაფილაქტოიდური რეაქციები ყველაზე ხშირად აღინიშნება გამოყენების პირველ რამდენიმე წუთში და ჩვეულებრივ ახასიათებს სუნთქვის უეცარი გაძნელება, ტაქიკარდია და ჰიპოტენზია. საცდელი დოზის გამოყენება არ არის საჭირო, ვინაიდან რეაქციის არარსებობა საცდელი დოზის გამოყენებისას არ ნიშნავს ასეთი რეაქციის არარსებობას შემდგომი ინექციების დროს. იყო შეტყობინებები ჰიპერმგრძნობელობის რეაქციების შესახებ, რომლებიც პროგრესირებდა კოუნისის სინდრომამდე (კორონარული არტერიების მწვავე ალერგიული სპაზმი, რამაც შეიძლება გამოიწვიოს მიოკარდიუმის ინფარქტი, იხილეთ ნაწილი „არასასურველი რეაქციები“).
პრეპარატის შეყვანა უნდა მოხდეს მხოლოდ პერსონალის თანდასწრებით, რომელიც ფლობს ანაფილაქსიური რეაქციების დროს დახმარების გაწევის მეთოდებს, იმ პირობებში, რომლებიც უზრუნველყოფს რეანიმაციულ აღჭურვილობასთან წვდომას. ყოველიინექციის შემდეგ ყველა პაციენტი უნდა იმყოფებოდეს მეთვალყურეობის ქვეშ 30 წუთის განმავლობაში. ჰიპერმგრძნობელობის რეაქციების ან აუტანლობის ნიშნების შემთხვევაში, მკურნალობა დაუყოვნებლივ უნდა შეწყდეს.
პაციენტები ბრონქული ასთმით, სისხლის შრატის მიერ რკინის შეკავშირების დაბალი უნარით და/ან ფოლის მჟავის დეფიციტით, უდრო დიდი ხარისხით ექვემდებარებიან ალერგიული ან ანაფილაქტოიდური რეაქციის განვითარების რისკს. სიფრთხილის დაცვაა რეკომენდებული პაციენტებში ალერგიით, ღვიძლის და თირკმელების უკმარისობით ან გულ-სისხლძარღვთა დაავადებით.
პაციენტები რევმატოიდული ართრიტით და შესაძლოა, სხვა ანთებითი დაავადებებით (მაგ., მაანკილოზებელი სპონდილიტი, წითელი მგლურა) შეიძლება დაექვემდებარონ დაყოვნებული რეაქციების განვითარების მომატებულ რისკს, ცხელებისა და სახსრების ტკივილის გამწვავების ან რეაქტივაციის ჩათვლით.
რკინამ შესაძლებელია უარყოფითად იმოქმედოს ინფექციური პროცესის მიმდინარეობაზე. ახალშობილებში კუნთებში შესაყვანი რკინის პრეპარატების გამოყენებას თან ახლდა სეფსისის განვითარების სიხშირე, რომელიც გამოწვეული იყო გრამუარყოფითი მიკროორგანიზმებით, პირველ რიგში, E.coli-ის ინფექციებით.
რკინის პარენტერალური პრეპარატების უსაფუძვლო გამოყენებამ შეიძლება გამოიწვიოს რკინის ჭარბი მარაგის შექმნა და ჰემოსიდეროზის მსგავსი სინდრომი პაციენტებში ანემიით, რომელიც არ არის დაკავშირებული რკინის დეფიციტთან, მაგალითად პაციენტებში ჰემოგლობინოპათიებით.
ჰიპოფოსფატემიურიოსტეომალაცია
პოსტმარკეტინგულ პერიოდში იყო შეტყობინებები სიმპტომური ჰიპოფოსფატემიის შემთხვევების შესახებ, რაც იწვევდა ოსტეომალაციას და მოტეხილობებს, რომლებიც საჭიროებდნენ სამედიცინო ჩარევას, მათ შორის ქირურგიულს. პაციენტები გაფრთხილებულნი უნდა იყვნენ იმის თაობაზე, რომ საჭიროა სამედიცინო დახმარებისთვის მიმართვა ზოგადი სისუსტის მატების და მიალგიის ან ძვლების ტკივილის აღნიშვნის შემთხვევაში. საჭიროა სისხლის შრატში ფოსფატების დონის მონიტორინგი პაციენტებში, რომლებიც განმეორებით იღებენ მაღალ დოზებს, პრეპარატის ხანგრძლივი გამოყენებისას, აგრეთვე პაციენტებში ჰიპოფოსფატემიის განვითარების არსებული რისკ-ფაქტორებით. თუ ჰიპოფოსფატემია სტაბილურია, უნდა შეფასდეს მკურნალობა რკინის პარენტერალური პრეპარატების გამოყენებით.
გავლენა ავტოტრანსპორტის ტარების და მექანიზმების მართვის უნარზე
პრეპარატის გავლენის კვლევები სატრანსპორტო საშუალებების მართვის და ტექნიკასთან მუშაობის უნარზე არ ჩატარებულა.
გამოყენება ორსულობისა და ლაქტაციის დროს
პრეპარატი ფერსინოლი საინექციო ხსნარი არ უნდა იქნეს გამოყენებული ორსულობის პირველ ტრიმესტრში. ცხოველებზე ან ორსული ქალების მონაწილეობით ჩატარებული კონტროლირებადი კვლევების მონაცემები არ არსებობს. ცხოველებში, რომლებიც იღებდნენ რკინის ინტრავენური პრეპარატების დოზებს, აღინიშნებოდა ემბრიოფეტალური ტოქსიკურობა.
პრეპარატი ფერსინოლი საინექციო ხსნარი უნდა იქნეს გამოყენებული მხოლოდ ორსულობის მეორე და მესამე ტრიმესტრში, თუ მკურნალობის სარგებელი აღემატება ნაყოფისთვის შესაძლო რისკებს.
მეძუძურ ქალებში პრეპარატის გამოყენების კვლევების არარსებობის გამო, მხედველობაში უნდა იქნეს მიღებული დედის რძეში რკინის მოხვედრის ალბათობა. ამიტომ, ლაქტაციის პერიოდში პრეპარატის დანიშვნისას ექიმმა უნდა შეაფასოს სარგებელი და შესაძლო რისკები დედისათვის და ბავშვისათვის.
ურთიერთქმედება სხვა სამკურნალო საშუალებებთან
რკინის სხვა პარენტერალური პრეპარატების მსგავსად, პრეპარატი ფერსინოლი კუნთებში ინექციისთვის არ უნდა იქნეს გამოყენებული რკინის შემცველ პერორალურ პრეპარატებთან ერთად, ვინაიდან ამ უკანასკნელების შეწოვა კუჭ-ნაწლავის ტრაქტიდან მცირდება.
მკურნალობა რკინის შემცველი პერორალური პრეპარატებით შეიძლება დაწყებულ იქნეს რკინის ბოლო ინექციიდან არა უადრეს ერთი კვირის შემდეგ.
ანგიოტენზინის გარდამქმნელი ფერმენტის (აგფ) ინჰიბიტორების ერთდროულმა გამოყენებამ შეიძლება გაზარდოს არასასურველი ეფექტების აღნიშვნის სიხშირე, რომლებიც დაკავშირებულია რკინის შემცველი პარენტერალურად შესაყვანი პრეპარატების გამოყენებასთან, მაგალითად ერითემის, მუცელში სპაზმების, გულისრევის, ღებინების და ჰიპოტენზიის.
ჭარბი დოზირება
რკინის ჭარბმა დოზირებამ შეიძლება გამოიწვიოს ჰემოსიდეროზი, რაც შეიძლება გახდეს ღვიძლის ციროზის, დიაბეტის და გულის უკმარისობის მიზეზი. სისხლის შრატში ფერიტინის შემცველობის პერიოდული მონიტორინგი ხელს უწყობს რკინის პროგრესირებადი დაგროვების დროულ ამოცნობას.
გამოშვების ფორმა
საინექციო ხსნარი, 2 მლ ყვითელი მინის ამპულებში.
5 ამპულა კონტურულ-უჯრედოვან შეფუთვაში.
1 კონტურული-უჯრედოვანი შეფუთვა სამედიცინო გამოყენების ინსტრუქციასთან ერთად მუყაოს კოლოფში.
შენახვის პირობები
ინახება სინათლისგან დაცულ ადგილას არაუმეტეს 25°C ტემპერატურაზე.
ინახება ბავშვებისათვის მიუწვდომელ ადგილას!
ვარგისიანობის ვადა
3 წელი წარმოების თარიღიდან.
არ გამოიყენოთ ვარგისიანობის ვადის გასვლის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა №3 რეცეპტით.
