ფერნიქსილი - Fernicsil 30 ტაბლეტი

Fernicsil / ფერნიქსილი

შემადგენლობა : 

რკინის გლუკონატი 350 მგ 

ფოლიუმის მჟავა 400 მკგ 

ვიტამინი B12 30 მკგ 

ვიტამინი C  60 მგ 

რკინის გლუკონატი, არაორგანული მარილებისგან განსხვავებით უკეთ შეიწოვება ორგანიზმის მიერ. მასში წარმოდგენილია ორ ვალენტიანი რკინა (ჟ.ხ. Fe2+).   რკინის გლუკონატი არ განიცდის დისოციაციას კუჭის მჟავა გარემოში, შესაბამისად არ ახდენს გავლენას კუჭის pH- ზე. მისი  დაშლის (დისოციაციის) პროდუქტს წარმოადგენს გლუკონის მჟავა, რომელიც ჩვენს ორგანიზმში ფიზიოლოგიურად არსებობს და ხელს უწყობს ტოქსინებისა და მეტაბოლიტების გამოდევნის, შედის მუკოპოლისაქარიდების შემადგენლობაში.

რკინის გლუკონატი:

* ხასიათდება იონიზაციის კონსტანტის დაბალი მაჩვენებლით. (რაც უფრო დაბალია იონიზაციის კონსტანტის მაჩვენებელი, მით უფრო მაღალია მისი შეწოვის უნარი),

* არ ლექავს ცილებს,

* არ არღვევს საჭმლის მომნელებელი სისტემის პროტეოლიზურ აქტივობას;

* არ იწვევს ღებინებას, კუჭის სპაზმს, შეკრულობასა და დიარეას უმრავლეს პაციენტებში.

ენტეროციტებს აქვთ უნარი შებოჭონ (Fe2+) იონები და მათი შეწოვა მით უფრო აქტიურად ხდება, რაც უფრო გამოხატულია რკინის დეფიციტი ორგანიზმში.

ფოლიუმის მჟავა აქტიურ მონაწილეობას იღებს სისხლმბადი ორგანოების ფუნქციების რეგულაციის პროცესებში, ახდენს ანტიანემიურ მოქმედებას მაკროციტული ანემიის დროს. ასევე დადებითად მოქმედებს ღვიძლისა და ნაწლავების ფუნქციებზე, ღვიძლში ზრდის ქოლინის შემცველობას და ხელს უშლის ღვიძლის ცხიმოვან ინფილტრაციას.

ფოლიუმის მჟავა უზრუნველყოფს იმუნური სისტემის ნორმალური ფუნქციონირების შენარჩუნებას.

ხელს უწყობს სისხლის თეთრი უჯრედების ნორმალურ წარმოქმნას და ფუნქციონირებას.

ფოლიუმის მჟავა მნიშვნელოვან როლს ასრულებს ორსულობის პერიოდში. არეგულირებს ემბრიონის ნერვული უჯრედების ფორმირებას, რაც განსაკუთრებულად მნიშვნელოვანია ნაყოფის ნორმალური განვითარებისათვის.

ფოლიუმის მჟავა ორგანიზმში მოხვედრისას გარდაიქმნება ტეტრაჰიდროფოლიუმის მჟავად, რომელიც აუცილებელია მეგალობლასტების მომწიფებისთვის და ნორმობლასტების ფორმირებისთვის.

ვიტამინი B9 (ფოლიუმის მჟავა) ასევე მონაწილეობს პურინისა და პირიმიდინის ცვლაში. ნუკლეოტიდების სინთეზში, ამინომჟავების მეტაბოლიზმში.

ვიტამინი B12, მნიშვნელოვან როლს ასრულებს სისხლმბადი ორგანოების ფუნქციონირებაში. მონაწილეობას ღებულობს ჰურინის და პირიმიდინის ფუძეების, ნუკლეინის მჟავების სინთეზში, რომლებიც აუცილებელია ერითროპოეზის პროცესისათვის, აქტიურად მოქმედებს ერითროციტებში ისეთი ნაერთების დაგროვებაზე, რომლებიც შეიცავს სულფჰიდრილურ ჯგუფებს.

ვიტამინი B12,  აგრეთვე მონაწილეობს ტრანსმეთილირების და წყალბადის გადატანის პროცესებში, ააქტიურებს მეთიონინის სინთეზს. აძლიერებს ორგანიზმში პროტეინების სინთეზს და დაგროვებას, შესაბამისად ახდენს ანაბოლურ მოქმედებას

ვიტამინი B12, აუცილებელია ნორმალური ჰემოპოეზისათვის, ზრდის იმუნიტეტს. მის რაოდენობაზეა დამოკიდებული ცნს-ში ემოციებისა და კოგნიტური სფეროს ნორმალური ფუნქციონირება. მონაწილეობს წყალბადისა და მეთილის ჯგუფის გადატანაში.

ვიტამინი C მონაწილეობს მეტაბოლურ პროცესებში, ადამიანის ორგანიზმში არ წარმოიქმნება, მისი მიღება ხდება მხოლოდ საკვებთან ერთად. ვიტამინი C მონაწილეობას იღებს ჟანგვა-აღდგენითი პროცესების, ნახშირწყლოვანი ცვლის, სისხლის შედედების და ქსოვილების რეგენერაციის პროცესების რეგულირებაში, ზრდის ორგანიზმის მდგრადობას ინფექციების მიმართ. ამცირებს სისხლძარღვთა განვლადობას. მონაწილეობას იღებს რკინის, ფოლიუმის მჟავის, ჰისტამინის მეტაბოლიზმში, კარბოჰიდრატების უტილიზაციაში, ლიპიდების, პროტეინების, კარნიტინის სინთეზში, იმუნურ პროცესებში. ვიტამინი C- ს გააჩნია ანტიაგრეგაციული და გამოხატული ანტიოქსიდანტური თვისებები.

საკვები ნივთიერებებში რკინა არსებობს Fe3+ იონების სახით.

ასკორბინის მჟავა კუჭის მჟავა გარემო Fe3+ აღადგენს Fe2+ - მდე ქმნის სტაბილურ ნაერთს, რომელიც მდგრადია მჟავა გარემოსადმი და შეიწოვება ნაწლავის ეპითელიუმის მიერ.

ჩვენებები:

* რკინადეფიციტური ანემია;

* მეგალობლასტური ანემია:

*ფოლიუმის მჟავა დეფიციტი, რკინის და ფოლიუმის მჟავას ერთდროული დეფიციტის მკურნალობა და პროფილაქტიკა

*ვიტამინი B12- ის დეფიციტი. რკინისა და ვიტამინი B12- ის ერთდროული დეფიციტის მკურნალობა და პროფილაქტიკა

*რკინისა და ფოლიუმის მჟავას დეფიციტის მკურნალობა და პროფილაქტიკა ორსულობის (II და III ტრიმესტრში), მშობიარობის შემდგომ ლაქტაციის პერიოდში.

მიღების წესი და დოზირება:

ფერნიქსილი მიიღება 1 ტაბლეტი 2-ჯერ დღეში პერორალურად, ჭამის შემდეგ.

პროფილაქტიკა და ლაქტაციის პერიოდი: 1 ტაბლეტი 1-ჯერ დღეში.

უკუჩვენებები:

ჰიპერმგრძნობელობა, ჰემოლიზური ანემია, ჰემოსიდეროზი, ჰემოქრომატოზი, აპლაზიური ანემია, ორსულობა I ტრიმესტრი, ბავშვთა ასაკი 8 წლამდე.

გამოყენება ორსულობისა და ლაქტაციის პერიოდში: პრეპარატის გამოყენება შესაძლებელია ორსულობისა და ლაქტაციის პერიოდში (II და III ტრიმესტრი).

გვერდითი მოვლენები: გულისრევა, ღებინება, გასტრალგია, შეკრულობა ან დიარეა.

გამოშვების ფორმა: ფერნიქსილი #30, 15 ტაბლეტი ბლისტერში, 2 ბლისტერი ფურცელჩანართთან ერთად მუყაოს კოლოფში.

ვარგისიანობის ვადა: მითითებულია შეფუთვაზე და ბლისტერებზე. არ გამოიყენოთ ვარგისიანობის

ვადის გასვლის შემდეგ.

შენახვის პირობები:

ინახება  არა უმეტეს +25°C ტემპერატურაზე.

აფთიაქიდან გაცემის პირობა : გაიცემა რეცეტის გარეშე.

საკვები დანამატი.  

ასევე, იხილეთ: >Ferrocomb- ფეროკომბი 30 ტაბლეტი