პანთენოლი - Panthenol აეროზოლლი 50 მგ/გ 116გ

პანთენოლის აეროზოლი

(Panthenol aerosol)

სამკურნალო პრეპარატის შემადგენლობა:

მოქმედი ნივთიერება: დექსპანთენოლი; 

1გ პრეპარატი შეიცავს 50 მგ დექსპანთენოლს (პროპელენტის გამოკლებით) (100% ნივთიერებაზე გადაანგარიშებით);

დამხმარე ნივთიერებები: ემულგირებადი ცეტოსტეარილის სპირტი (ტიპი A), მაკროგოლგლიცეროლის კოკოატი, მეთილ პარაჰიდროქსიბენზოატი (E218), პროპილენგლიკოლი, კალიუმის დიჰიდროფოსფატი, დინატრიუმის ფოსფატის დოდეკაჰიდრატი, გაწმენდილი წყალი, ტეტრაფტორეთანი.

სამკურნალო ფორმა.   ქაფი კანზე გამოყენებისთვის.

თეთრი ქაფი ოდნავ სპეციფიკური სუნით.

ასევე, იხილეთ: >Panthenol - პანთენოლი 130გრ აეროზოლი

ფარმაკოთერაპიული ჯგუფი

პრეპარატები ჭრილობებისა და წყლულების სამკურნალოდ. ATC კოდი: D03A X03.

ფარმაკოდინამიკა. დექსპანთენოლი არის პანტოთენის მჟავას ალკოჰოლური ანალოგი და გააჩნია იგივე ბიოლოგიური ეფექტურობა, რაც პანტოთენის მჟავას შუალედური მეტაბოლიზმის გამო. პანტოთენის მჟავა და მისი მარილები წყალში ხსნადი ვიტამინებია, რომლებიც კოენზიმის A სახით მონაწილეობენ ბევრ მეტაბოლურ პროცესში.

დექსპანთენოლის ადგილობრივმა გამოყენებამ შეიძლება უზრუნველყოს დაზიანებული კანის და/ან ლორწოვანი გარსების პანტოთენის მჟავაზე გაზრდილი საჭიროების კომპენსაცია. 

ფარმაკოკინეტიკა. აქტიური ნივთიერება შეიწოვება კანის მიერ.

შემდგომი კვლევები, რომლებიც ეხება კანსა და ლორწოვან გარსებში აქტიური ნივთიერების მეტაბოლიზმს, არ ჩატარებულა.

პრეპარატის გამოყენება ჩვენება

იგი გამოიყენება კანისა და ლორწოვანი გარსების სხვადასხვა დაზიანებებისას, მათ შორის ნაკაწრების, დამწვრობის, ასეპტიური პოსტოპერაციული ჭრილობების, კანის ტრანსპლანტაციის, ბულოზური და ბუშტუკოვანი დერმატიტის დროს.

უკუჩვენებები.

მომატებული მგრძნობელობა პრეპარატის რომელიმე კომპონენტის მიმართ.

უსაფრთხოების სათანადო ზომები პრეპარატის გამოყენებისას.

კონტეინერი წნევის ქვეშ. საჭიროა მზის პირდაპირი სხივების ზემოქმედებისგან და 50°C-ზე მაღალ ტემპერატურაზე გათბობისგან დაცვა. პრეპარატი არ უნდა გაიხსნას ან დაიწვას ქაფის სრული გამოყენების შემდეგაც კი, გადაგდება შეიძლება მხოლოდ გაზის სრული გამოშვების შემდეგ. ნუ შეასხურებთ ღია ცეცხლთან ან გაცხელებულ საგნებთან ახლოს.

პრეპარატის პირველად გამოყენებისას აუცილებელია კონტეინერის კარგად შენჯღრევა, პირველი დოზის გათავისუფლება ქაფის გაჩენამდე და მხოლოდ ამის შემდეგ უნდა წაისვათ პრეპარატი დაზიანებულ ზედაპირზე.

თვალებში ქაფის მოხვედრას უნდა მოერიდოთ. თვალებში ქაფის შემთხვევითი მოხვედრის შემთხვევაში, ისინი უნდა ჩამოიბანოთ წყლით.

განსაკუთრებული სიფრთხილის ზომები.

ბრონქული ასთმის ან ბრონქებისა და ფილტვების დაავადებების მქონე პაციენტებში პრეპარატის გამოყენებისას არ შეიძლება პროპელანტის შესუნთქვა, რადგან მას შეუძლია ლორწოვანი გარსების გაღიზიანება ან ბრონქული ასთმის გამოწვევაც კი. 

გთხოვთ გაითვალისწინოთ, რომ ცეტოსტეარილის სპირტმა შეიძლება გამოიწვიოს კანის ადგილობრივი რეაქციები (მაგ. კონტაქტური დერმატიტი) და პროპილენის გლიკოლმა შეიძლება გამოიწვიოს კანის გაღიზიანება.

პრეპარატის გამოყენება ორსულობის ან ლაქტაციის პერიოდში.

პანტოტენატი გადის პლაცენტურ ბარიერს აქტიური ტრანსპორტირების პროცესის გზით და გადადის დედის რძეში მისი შეწოვის პროპორციულად.

ვინაიდან დექსპანთენოლის სისტემური ხელმისაწვდომობა ადგილობრივი გამოყენების შემდეგ უცნობია, თუ აუცილებელია პანთენოლის აეროზოლის გამოყენება ორსულობის ან ძუძუთი კვების დროს კანის დიდ უბნებზე, საჭიროა კარგად შეფასდეს პრეპარატის გამოყენების შედეგად დედისთვის მოტანილი სარგებელი და ნაყოფის/ბავშვის წინაშე არსებული შესაძლო რისკი. ორსულობის დროს შესაძლებელია პრეპარატის გამოყენება ექიმის დანიშნულებით. ძუძუთი კვების დროს ძუძუს ბზარების სამკურნალოდ გამოყენებისას საჭიროა პრეპარატის ჩამობანა კვების წინ.

სატრანსპორტო საშუალებების მართვისას ან სხვა მექანიზმებთან მუშაობისას რეაქციის სიჩქარეზე ზემოქმედების უნარი.

განსაკუთრებული გაფრთხილებები არ არსებობს.

ბავშვები.

ბავშვებისთვის პრეპარატი გამოიყენება ექიმის დანიშნულებით და მოზრდილების მეთვალყურეობის ქვეშ.

პრეპარატის გამოყენების მეთოდი და დოზები. 

საჭიროა პანთენოლის აეროზოლის თანაბრად შესხურება დაზიანებულ ადგილზე დღეში ერთხელ ან რამდენჯერმე.

შესხურებისას დაიჭირეთ კონტეინერი ვერტიკალურად სარქველით ზემოთ. ხარისხიანი ქაფის მისაღებად აუცილებელია ყოველი გამოყენების წინ კონტეინერის ენერგიულად შენჯღრევა, განსაკუთრებით თუ მას არ იყენებდნენ დიდი ხნის განმავლობაში. თუ პრეპარატი პირველად გამოიყენება, თავიდან შესაძლებელია მხოლოდ პროპელენტის გაფრქვევა მოხდეს, ქაფის წარმოქმნამდე.

საჭიროა თავსაცმის მიტანა დაზიანებულ ადგილზე და მასზე ნაზად დაწოლა, პრეპარატის თანაბრად შესასხურებლად დაზიანებულ ადგილას 10-20 სმ დისტანციაზე 1-2 წამის განმავლობაში.

მკურნალობის ხანგრძლივობა დამოკიდებულია დაავადების ტიპსა და მიმდინარეობაზე და განისაზღვრება ექიმთან კონსულტაციის შემდეგ.

თუ სახეზე გამოიყენება პანთენოლის აეროზოლი, არ შეიძლება მისი პირდაპირ სახეზე შესხურება. მიზანშეწონილია წამალი დაასხუროთ ხელზე და გადაანაწილოთ სახის შესაბამის ნაწილზე. არ შეასხუროთ პრეპარატი თვალებში, პირდაპირ პირში ან ცხვირში

ჭარბი დოზირება

ინსტრუქციის მიხედვით პანთენოლის აეროზოლის გამოყენებისას დოზის გადაჭარბება ნაკლებად სავარაუდოა.

პრეპარატის დიდი რაოდენობით შიგნით გამოყენების შემთხვევაში ტოქსიკური ეფექტები მოსალოდნელი არ არის. კუჭ-ნაწლავის დარღვევების შემთხვევაში მკურნალობა სიმპტომატურია.

გვერდითი ეფექტები.

ალერგიული რეაქციები, მათ შორის კონტაქტური დერმატიტი, ალერგიული დერმატიტი, ქავილი, ერითემა, ეგზემა, გამონაყარი, ჭინჭრის ციება, კანის გაღიზიანება და ვეზიკულები.

ურთიერთქმედება სხვა სამკურნალო პრეპარატებთან და ურთიერთქმედების სხვა სახეები

პანთენოლის აეროზოლის გამოყენებისას სხვა პრეპარატებთან ურთიერთქმედება უცნობია.

ვარგისიანობის ვადა. 3 წელი.

პრეპარატი არ გამოიყენება შეფუთვაზე მითითებული ვარგისიანობის ვადის გასვლის შემდეგ.

პრეპარატის შენახვის პირობები.

პრეპარატი ინახება არაუმეტეს 25°C ტემპერატურაზე.  იგი ინახება ბავშვებისთვის ხელმიუწვდომელ ადგილას.

შეფუთვა.

116 გ ალუმინის კონტეინერებში.

გაცემის წესი

ფარმაცევტული პროდუქტის ჯგუფი III, გაიცემა რეცეპტის გარეშე