პანტარონი - Pantaron 40მგ 28 ტაბლეტი

პანტარონი

40მგ ნაწლავური გარსით დაფარული ტაბლეტები 

პანტოპრაზოლი  

ამ პრეპარატის გამოყენების დაწყებამდე ყურადღებით წაიკითხეთ ეს ფურცელი-ჩანართი, რადგან ის შეიცავს თქვენთვის მნიშვნელოვან ინფორმაციას.  

- შეინახეთ ფურცელი-ჩანართი. შესაძლოა თქვენ დაგჭირდეთ მისი კვლავ წაკითხვა.

- თუ თქვენ რაიმე დამატებითი კითხვები გაქვთ, მიმართეთ თქვენს ექიმს ან  ფარმაცევტს ან ექთანს.

- ეს პრეპარატი დანიშნულია მხოლოდ თქვენთვის. არ გადასცეთ ის სხვებს. ამან შეიძლება ზიანი მიაყენოთ მათ, მაშინაც კი თუ მათი დაავადების ნიშნები იგივეა, რაც თქვენი. 

- გვერდითი ეფექტების განვითარების შემთხვევაში მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ფურცელ-ჩანართში. იხილეთ ნაწილი 4.

რა არის ამ ფურცელ-ჩანართში

1. რა არის პანტარონი  და რისთვის გამოიყენება იგი

2. რა უნდა იცოდეთ პანტარონის მიღების წინ

3. როგორ მიიღება პანტარონი

4. შესაძლო გვერდითი მოვლენები

5. როგორ ინახება პანტარონი 

6. შეფუთვის შიგთავსი და სხვა ინფორმაცია

1. რა არის პანტარონი და რისთვის გამოიყენება იგი

პანტარონი შეიცავს აქტიურ ნივტიერებას პანტოპრაზოლს. პანტარონი არის სელექციური „პროტონული ტუმბოს ინჰიბიტორი“, წამალი, რომელიც ამცირებს თქვენს კუჭში გამომუშავებული მჟავას რაოდენობას. ის გამოიყენება კუჭისა და ნაწლავების მჟავიანობასთან დაკავშირებული დაავადებების სამკურნალოდ.

პანტარონი  გამოიყენება მოზრდილებში და 12 წლის და უფროსი ასაკის მოზარდებში:

· რეფლუქს ეზოფაგიტი. საყლაპავის ანთება (მილი, რომელიც თქვენს ყელს თქვენს კუჭთან აკავშირებს), რომელსაც თან ახლავს კუჭის მჟავას რეგურგიტაცია.

პანტარონი გამოიყენება მოზრდილებში

· ინფექცია ბაქტერიით, სახელწოდებით Helicobacter pylori, თორმეტგოჯა ნაწლავის წყლულისა და >კუჭის წყლულის მქონე პაციენტებში ორ ანტიბიოტიკთან ერთად (ერადიკაციის თერაპია). მიზანია ბაქტერიების მოშორება და ამდენად ამცირებს ამ წყლულების დაბრუნების ალბათობას.

· კუჭისა და თორმეტგოჯა ნაწლავის წყლულები.

· ზოლინგერ-ელისონის სინდრომი და სხვა მდგომარეობები, რომლებიც წარმოქმნიან ზედმეტ მჟავას კუჭში.

2. რა უნდა იცოდეთ პანტარონის მიღების წინ

არ მიიღოთ  პანტარონი 

- თუ ალერგიული ხართ პანტოპრაზოლის ან ამ მედიკამენტის ნებისმიერი სხვა ინგრედიენტების მიმართ (ჩამოთვლილია მე-6 ნაწილში).

- თუ ალერგიული ხართ მედიკამენტებზე, რომლებიც შეიცავს პროტონული ტუმბოს  სხვა ინჰიბიტორებს.

გაფრთხილებები და სიფრთხილის ზომები

გაესაუბრეთ თქვენს ექიმს  ან ფარმაცევტს პანტარონის  მიღებამდე 

-  თუ გაქვთ ღვიძლის მძიმე პრობლემები. გთხოვთ შეატყობინოთ თქვენს ექიმს, თუ ოდესმე წარსულში გქონდათ ღვიძლის პრობლემები. ის უფრო ხშირად შეამოწმებს თქვენს ღვიძლის ფერმენტებს, განსაკუთრებით მაშინ, როდესაც თქვენ იღებთ პანტარონს, გრძელვადიანი მკურნალობის სახით. ღვიძლის ფერმენტების მომატების შემთხვევაში მკურნალობა უნდა შეწყდეს.

-  თუ თქვენ გაქვთ ორგანიზმში შემცირებული  მარაგი ან რისკ-ფაქტორები ვიტამინ B12-ის შესამცირებლად და იღებთ პანტოპრაზოლს ხანგრძლივი მკურნალობისთვის. როგორც მჟავების შემამცირებელი ყველა აგენტი, პანტოპრაზოლმა შეიძლება გამოიწვიოს ვიტამინი B12 შეწოვის შემცირება.

-   თუ იღებთ აივ პროტეაზას ინჰიბიტორებს, როგორიცაა ატაზანავირი (აივ-ინფექციის სამკურნალოდ) პარალელურად პანტოპრაზოლთან, მიმართეთ ექიმს კონკრეტული რჩევისთვის.

- პანტოპრაზოლის მსგავსი პროტონული ტუმბოს ინჰიბიტორის მიღებამ, განსაკუთრებით ერთ წელზე მეტი ხნის განმავლობაში, შეიძლება ოდნავ გაზარდოს ბარძაყის, მაჯის ან ხერხემლის მოტეხილობის რისკი. აცნობეთ ექიმს თუ გაქვთ ოსტეოპოროზი ან იღებთ კორტიკოსტეროიდებს (რამაც შეიძლება გაზარდოს ოსტეოპოროზის რისკი)

- თუ თქვენ იმყოფებით პანტოპრაზოლზე სამ თვეზე მეტი ხნის განმავლობაში, შესაძლებელია სისხლში მაგნიუმის დონის დაქვეითება. მაგნიუმის დაბალ დონედ შეიძლება ჩაითვალოს დაღლილობა, კუნთების უნებლიე შეკუმშვა, დეზორიენტაცია, კრუნჩხვები, თავბრუსხვევა ან გულისცემის მომატება. თუ რომელიმე ამ სიმპტომს აღმოაჩენთ, დაუყოვნებლივ აცნობეთ თქვენს ექიმს. მაგნიუმის დაბალმა დონემ ასევე შეიძლება გამოიწვიოს სისხლში კალიუმის ან კალციუმის დონის შემცირება. ექიმმა შეიძლება მიიღოს გადაწყვეტილება სისხლის ტესტების რეგულარული ჩატარების შესახებ  მაგნიუმის დონის მონიტორინგისთვის.

- თუ ოდესმე გქონიათ კანის რეაქცია პანტარონის მსგავსი მედიკამენტით მკურნალობის შემდეგ, რომელიც ამცირებს კუჭის მჟავიანობას.

-  თუ  გაგიჩნდათ გამონაყარი კანზე, განსაკუთრებით მზის ზემოქმედების ქვეშ არსებულ ადგილებში, აცნობეთ თქვენს ექიმს რაც შეიძლება მალე, რადგან შეიძლება დაგჭირდეთ პანტარონით მკურნალობის შეწყვეტა. ასევე არ დაგავიწყდეთ, აცნობოთ ნებისმიერი სხვა გვერდითი ეფექტის შესახებ, როგორიცაა სახსრების ტკივილი.

- თუ თქვენ უნდა ჩაიტაროთ სპეციფიკური  სისხლის ტესტი (ქრომოგრანინი A)

აცნობეთ ექიმს დაუყოვნებლივ ამ მედიკამენტის მიღებამდე ან მის შემდეგ, თუ შეამჩნევთ რომელიმე ქვემოთ ჩამოთვლილ სიმპტომს, რომელიც შეიძლება იყოს სხვა, უფრო სერიოზული დაავადების ნიშანი:

- წონის უნებლიე დაკარგვა

- ღებინება, განსაკუთრებით განმეორების შემთხვევაში

- სისხლიანი ღებინება; ეს შეიძლება გამოვლინდეს მუქი ყავის ნალექის სახით თქვენს

  ამონაღებში

- თქვენ შეამჩნიეთ სისხლი თქვენს განავალში; რომელიც შეიძლება იყოს შავი ან

კუპრისებრი გარეგნულად

- ყლაპვის გაძნელება ან ტკივილი ყლაპვისას

- თქვენ ხართ ფერმკრთალი და თავს სუსტად გრძნობთ (ანემია)

- მკერდის ტკივილი

-  კუჭის ტკივილი

- მძიმე და/ან მუდმივი დიარეა, რადგან პანტარონი ასოცირდება ინფექციური დიარეის

  მცირე ზრდასთან

თქვენმა ექიმმა  შეიძლება  გადაწყვიტოს, რომ თქვენ გჭირდებათ გარკვეული ტესტები ავთვისებიანი დაავადების გამორიცხვის მიზნით, რადგან პანტოპრაზოლმა ასევე შეიძლება შეამსუბუქოს სიმსივნის სიმპტომები და  გამოიწვიოს დიაგნოზის დაგვიანება. თუ თქვენი სიმპტომები გაგრძელდება მკურნალობის მიუხედავად, განიხილება შემდგომი გამოკვლევების ჩატარების საკითხი. 

თუ თქვენ იღებთ პანტარონს ხანგრძლივად (1 წელზე მეტი ხნის განმავლობაში), სავარაუდოდ, თქვენ იქნებით თქვენი ექიმის რეგულარული მეთვალყურეობის ქვეშ. თქვენ უნდა შეატყობინოთ ექიმს ყოველი ვიზიტისას ნებისმიერი ახალი და განსაკუთრებული სიმპტომის და გარემოების შესახებ.

ბავშვები და მოზარდები

პანტოპრაზოლის გამოყენება არ არის რეკომენდებული ბავშვებში, რადგან მისი ეფექტურობა  არ არის დადასტურებული  12 წლამდე ასაკის ბავშვებში.

სხვა მედიკამენტები და პანტარონი

აცნობეთ თქვენს ექიმს ან ფარმაცევტს, თუ იღებთ, ბოლო დროს იღებდით ან შეიძლება მიიღოთ სხვა მედიკამენტები, მათ შორის ურეცეპტო  მედიკამენტები.

ეს დაკავშირებულია იმასთან, რომ პანტარონმა შეიძლება გავლენა მოახდინოს სხვა მედიკამენტების ეფექტურობაზე, ამიტომ აცნობეთ თქვენს ექიმს თუ თქვენ იღებთ:

- მედიკამენტები, როგორიცაა კეტოკონაზოლი, იტრაკონაზოლი და პოზაკონაზოლი (გამოიყენება სოკოვანი ინფექციების სამკურნალოდ) ან ერლოტინიბი (გამოიყენება გარკვეული სახის სიმსივნეებისთვის), რადგან პანტარონმა  შეიძლება შეაჩეროს ამ და სხვა მედიკამენტების სწორი მოქმედება.

- ვარფარინი და ფენპროკუმონი, რომლებიც გავლენას ახდენენ სისხლის შედედებაზე ან გათხელებაზე. შეიძლება დაგჭირდეთ დამატებითი შემოწმება.

- მედიკამენტები, რომლებიც გამოიყენება აივ ინფექციის სამკურნალოდ, როგორიცაა ატაზანავირი

- მეტოტრექსატი (გამოიყენება რევმატოიდული ართრიტის, ფსორიაზისა და სიმსივნის  სამკურნალოდ - თუ იღებთ მეტოტრექსატს, თქვენმა ექიმმა შეიძლება დროებით შეწყვიტოს თქვენი მკურნალობა პანტარონით, რადგან პანტოპრაზოლმა შეიძლება გაზარდოს სისხლში მეტოტრექსატის დონე).

- ფლუვოქსამინი (გამოიყენება დეპრესიისა და სხვა ფსიქიკური დაავადებების სამკურნალოდ - თუ თქვენ იღებთ ფლუვოქსამინს, ექიმმა შეიძლება შეამციროს დოზა).

- რიფამპიცინი (გამოიყენება ინფექციების სამკურნალოდ).

- ჩვეულებრივი კრაზანა  (Hypericum perforatum) (მსუბუქი დეპრესიის სამკურნალოდ).

ორსულობა და ლაქტაცია

არ არსებობს ადექვატური მონაცემები ორსულ ქალებში პანტოპრაზოლის გამოყენების შესახებ. ცნობილია დედის რძეში ექსკრეციის შესახებ.

თუ ხართ ორსულად ან ძუძუთი კვებავთ, ფიქრობთ რომ ხართ ორსულად ან გეგმავთ ორსულობას, მიმართეთ თქვენს ექიმს ან ფარმაცევტს რჩევისთვის ამ მედიკამენტის მიღებამდე.

თქვენ უნდა გამოიყენოთ ეს წამალი მხოლოდ იმ შემთხვევაში, თუ თქვენი ექიმი მიიჩნევს, რომ თქვენთვის სარგებელი უფრო დიდია,  ვიდრე პოტენციური რისკი თქვენი ნაყოფისთვის  ან ბავშვისთვის.

ავტომობილის მართვა და მექანიზმების გამოყენება

პანტოპრაზოლს არ ახდენს  ან ახდენს უმნიშვნელო გავლენას ავტომობილის მართვისა და მექანიზმებთან მუშაობის უნარზე. 

თუ თქვენ აღგენოშნებათ ისეთი გვერდითი ეფექტები, როგორიცაა თავბრუსხვევა ან მხედველობის დარღვევა, არ უნდა მართოთ ავტომპბილი და იმუშაოთ მექანიზმებთან.

3. როგორ მიიღება პანტარონი

ყოველთვის მიიღეთ ეს წამალი ზუსტად ისე, როგორც ექიმმა ან ფარმაცევტმა გითხრათ. ჰკითხეთ  თქვენს ექიმს ან ფარმაცევტს, თუ არ ხართ დარწმუნებული.

გამოყენების მეთოდი

მიიღეთ ტაბლეტები ჭამამდე 1 საათით ადრე დაღეჭვის ან გატეხვის გარეშე და გადაყლაპეთ მთლიანად წყლის მიყოლებით.

რეკომენდებული დოზაა:

მოზრდილები და მოზარდები 12 წლის და ზემოთ

- რეფლუქს ეზოფაგიტის სამკურნალოდ

ჩვეულებრივი დოზაა ერთი ტაბლეტი დღეში. თქვენმა ექიმმა შეიძლება გირჩიოთ გაზარდოთ დოზა 2 ტაბლეტამდე დღეში. რეფლუქს ეზოფაგიტის მკურნალობის პერიოდი ჩვეულებრივ 4-დან 8 კვირამდეა. თქვენი ექიმი გეტყვით, რამდენ ხანს უნდა მიიღოთ წამალი.

მოზრდილები

- Helicobacter pylori-თ გამოწვეული ინფექციების სამკურნალოდ პაციენტებში  თორმეტგოჯა ნაწლავის წყლულითა და კუჭის წყლულით  ორი ანტიბიოტიკის კომბინაციით (ერადიკაციის  თერაპია)

ერთი ტაბლეტი დღეში ორჯერ პლუს ორი ტაბლეტი ანტიბიოტიკი  ამოქსიცილინი, კლარითრომიცინი და მეტრონიდაზოლი (ან ტინიდაზოლი), თითოეული უნდა მიიღოთ ორჯერ დღეში თქვენს პანტოპრაზოლის ტაბლეტთან ერთად. მიიღეთ პირველი პანტოპრაზოლის ტაბლეტი საუზმემდე 1 საათით ადრე და მეორე პანტოპრაზოლის ტაბლეტი საღამოს ჭამამდე 1 საათით ადრე. მიჰყევით ექიმის მითითებებს და დარწმუნდით, რომ წაიკითხეთ ამ ანტიბიოტიკების ფურცელი-ჩანართი. ჩვეულებრივი მკურნალობის პერიოდია ერთიდან ორ კვირამდე.

კუჭისა და თორმეტგოჯა ნაწლავის წყლულების სამკურნალოდ

ჩვეულებრივი დოზაა ერთი ტაბლეტი დღეში. ექიმთან კონსულტაციის შემდეგ დოზა შეიძლება გაორმაგდეს. ექიმი გეტყვით რამდენ ხანს უნდა მიიღოთ წამალი. კუჭის წყლულის მკურნალობის პერიოდი ჩვეულებრივ 4-დან 8 კვირამდეა. თორმეტგოჯა ნაწლავის წყლულის მკურნალობის პერიოდი ჩვეულებრივ 2-დან 4 კვირამდე.

ზოლინგერ-ელისონის სინდრომის გრძელვადიანი მკურნალობისთვის და სხვა მდგომარეობებისთვის,  რომლებშიც კუჭის მჟავა დიდი რაოდენობით წარმოიქმნება

რეკომენდებული საწყისი დოზა ჩვეულებრივ არის ორი ტაბლეტი დღეში.

მიიღეთ ორი ტაბლეტი ჭამამდე 1 საათით ადრე. ექიმმა შეიძლება მოგვიანებით დააზუსტოს დოზა, თქვენი კუჭის მჟავის რაოდენობის მიხედვით. თუ ინიშნება ორზე მეტი ტაბლეტი დღეში, ტაბლეტები უნდა იქნას მიღებული დღეში ორჯერ.

თუ თქვენი ექიმი დანიშნავს ოთხზე მეტ ტაბლეტს დღიურად,  თქვენ გეტყვით ზუსტად როდის უნდა შეწყვიტოთ პრეპარატის მიღება.

პაციენტები თირკმლის პრობლემებით

- თუ თქვენ გაქვთ თირკმლების პრობლემები, თქვენ არ უნდა მიიღოთ პანტარონი Helicobacter pylori–ს ერადიკაციისთვის.

პაციენტები ღვიძლის პრობლემებით

- თუ თქვენ გაწუხებთ ღვიძლის მძიმე პრობლემები, არ უნდა მიიღოთ ერთზე მეტი ტაბლეტი 20 მგ პანტოპრაზოლი დღეში (ამ მიზნით ხელმისაწვდომია 20 მგ პანტოპრაზოლის შემცველი ტაბლეტები).

- თუ თქვენ გაქვთ ღვიძლის საშუალო ან მძიმე პრობლემები, თქვენ არ უნდა მიიღოთ პანტარონი Helicobacter pylori–ს ერადიკაციისთვის.

გამოყენება ბავშვებში და მოზარდებში

ეს ტაბლეტები არ არის რეკომენდებული 12 წლამდე ასაკის ბავშვებში.

თუ თქვენ მიიღეთ იმაზე მეტი პანტარონი,  ვიდრე უნდა მიგეღოთ

გაიარეთ კონსულტაცია თქვენს ექიმთან ან ფარმაცევტთან. ჭარბი დოზირების  სიმპტომები არ არის ცნობილი.

თუ დაგავიწყდათ პანტარონის  მიღება

არ მიიღოთ ორმაგი დოზა დავიწყებული დოზის ანაზღაურების მიზნით. მიიღეთ თქვენი შემდეგი  დოზა ჩვეულებრივ დროს.

თუ შეწყვეტთ პანტარონის მიღებას

არ შეწყვიტოთ ამ ტაბლეტების მიღება თქვენს ექიმთან ან ფარმაცევტთან წინასწარი კონსულტაციის გარეშე.

თუ თქვენ გაქვთ რაიმე დამატებითი შეკითხვა ამ პრეპარატის გამოყენებასთან დაკავშირებით, ჰკითხეთ თქვენს ექიმს ან ფარმაცევტს.

4. შესაძლო გვერდითი ეფექტები 

ყველა მედიკამენტის მსგავსად, ამ მედიკამენტმაც შეიძლება გამოიწვიოს გვერდითი მოვლენები, თუმცა ისინი ყველასთან არ ვლინდება.

თუ თქვენ გაქვთ რომელიმე ქვემოთ ჩამოთვლილი გვერდითი მოვლენა, შეწყვიტეთ ამ ტაბლეტების მიღება და დაუყოვნებლივ აცნობეთ თქვენს ექიმს, ან დაუკავშირდით უახლოესი საავადმყოფოს გადაუდებელი დახმარების განყოფილებას:

- სერიოზული ალერგიული რეაქციები (სიხშირე იშვიათი: შეიძლება გამოვლინდეს 1000-დან 1-ადამიანში): ენის და / ან ყელის შეშუპება, ყლაპვის გაძნელება, ჭინჭრის ციება (ჭინჭრის ნასუსხის მსგავსი გამონაყარი), სუნთქვის გაძნელება, სახის ალერგიული შეშუპება (კვინკეს შეშუპება / ანგიონევროზული შეშუპება), ძლიერი თავბრუსხვევა ძალიან ხშირი გულისცემით და ძლიერი ოფლიანობით.

- კანის სერიოზული დაავადებები (სიხშირე უცნობია: სიხშირე არ შეიძლება შეფასდეს არსებული მონაცემებით): კანზე ბუშტუკების გაჩენა  და ზოგადი მდგომარეობის სწრაფი გაუარესება, თვალების, ცხვირის, პირის/ტუჩების ან სასქესო ორგანოების ეროზია (მცირე სისხლდენის ჩათვლით) (სტივენს-ჯონსონის სინდრომი, ლაიელის სინდრომი,  მულტიფორმული ერითემა) და სინათლისადმი მგრძნობელობა.

- სხვა სერიოზული მდგომარეობები (სიხშირე უცნობია: სიხშირე არ შეიძლება შეფასდეს არსებული მონაცემებით): კანის ან თვალის თეთრი ნაწილის გაყვითლება (ღვიძლის უჯრედების მძიმე დაზიანება, სიყვითლე) ან ცხელება, გამონაყარი და გადიდებული თირკმლები ზოგჯერ მტკივნეული შარდვით, და წელის ტკივილი (თირკმლების სერიოზული ანთება), შესაძლოა გამოიწვიოს თირკმლის უკმარისობა.

სხვა გვერდითი ეფექტებია:

- ხშირი (შეიძლება გამოვლინდეს 10-დან 1 ადამიანი)

კუჭის კეთილთვისებიანი პოლიპები.

- არახშირი (შეიძლება გამოვლინდეს 100-დან 1 ადამიანში)

თავის ტკივილი; თავბრუსხვევა; დიარეა; შეუძლოდ ყოფნა,  ღებინება; შებერილობა და მეტეორიზმი (ქარი); ყაბზობა;  პირის სიმშრალე; მუცლის ტკივილი და დისკომფორტი; კანის გამონაყარი, ეგზანთემა, მოფენილი გამონაყარი; ქავილი; სისუსტის, გამოფიტვის  ან შეუძლოდ ყოფნის შეგრძნება; ძილის დარღვევა; მოტეხილობა ბარძაყის, მაჯის ან ხერხემლის არეში.

-იშვიათი (შეიძლება გამოვლინდეს 1000-დან 1 ადამიანში)

გემოვნების შეგრძნების გაუკუღმართება ან სრულიად არარსებობა; მხედველობის დარღვევა, როგორიცაა მხედველობის დაბინდვა; ჭინჭრის ციება; ტკივილი სახსრებში; კუნთების ტკივილი; წონის ცვლილებები; სხეულის ტემპერატურის მომატება; მაღალი ცხელება; კიდურების შეშუპება (პერიფერიული შეშუპება); ალერგიული რეაქციები; დეპრესია; მკერდის გადიდება მამაკაცებში.

- ძალიან იშვიათი (შეიძლება გამოვლინდეს 10 000-დან 1 ადამიანში)

დეზორიენტაცია.

- უცნობია (სიხშირე არ შეიძლება შეფასდეს არსებული მონაცემებიდან)

ჰალუცინაცია, დაბნეულობა (განსაკუთრებით პაციენტებში, რომლებსაც აქვთ ეს სიმპტომები ანამნეზში); სისხლში ნატრიუმის დონის დაქვეითება, სისხლში მაგნიუმის დონის დაქვეითება (იხილეთ ნაწილი 2), ჩქმეტის, ნემსებით  ჩხვლეტის,  წვის შეგრძნება ან დაბუჟება, გამონაყარი, შესაძლოა სახსრებში ტკივილით, მსხვილი ნაწლავის ანთება, რაც იწვევს მყარ თხევად დიარეას.

სისხლის ტესტების შედეგად გამოვლენილი გვერდითი ეფექტები:

- არახშირი (შეიძლება გამოვლინდეს 100-დან 1 ადამიანში) ღვიძლის ფერმენტების მომატება.

- იშვიათი (შეიძლება გამოვლინდეს 1000-დან 1 ადამიანში)

ბილირუბინის მომატება; ლიპიდების დონის გაზრდა სისხლში; მოცირკულირე მარცვლოვანი სისხლის თეთრი უჯრედების მკვეთრი ვარდნა, რომელიც დაკავშირებულია მაღალ ცხელებასთან.

- ძალიან იშვიათად (შეიძლება გამოვლინდეს 10 000-დან 1 ადამიანში) სისხლში თრომბოციტების რაოდენობის შემცირება, რამაც შეიძლება გამოიწვიოს სისხლდენა ან სისხლჩაქცევები ჩვეულებრივზე უფრო მეტად; სისხლის თეთრი უჯრედების რაოდენობის შემცირება, რამაც შეიძლება გამოიწვიოს უფრო ხშირი ინფექციები; თანაარსებული პათოლოგიური შემცირება სისხლის წითელი და თეთრი უჯრედების, აგრეთვე თრომბოციტების რაოდენობის.

შეტყობინება გვერდითი ეფექტების შესახებ 

თუ გამოვლინდა რაიმე გვერდითი მოვლენები, მათ შორის ისეთი, რომელიც ჩამოთვლილი არ არის ამ ფურცელ-ჩანართში, მიმართეთ ექიმს, ფარმაცევტს ან ექთანს. გვერდითი მოვლენების მოხსენებით თქვენ უზრუნველყოფთ მეტ ინფორმაციას მედიკამენტის უსაფრთხოების შესახებ.

5. როგორ შეინახოთ პანტარონი

შეინახეთ ეს წამალი ბავშვებისათვის მიუწვდომელ და უხილავ ადგილზე, ორიგინალურ შეფუთვაში.

შეინახეთ ოთახის ტემპერატურაზე ,  არა უმეტეს  25°C.

გამოიყენოთ ეს წამალი ვარგისობის ვადის შესაბამისად. 

არ გამოიყენოთ პანტარონი ვარგისობის ვადის გასვლის შემდეგ, რომელიც მითითებულია შეფუთვაზე.

თუ შეამჩნევთ დეფექტს პროდუქტზე ან/და  შეფუთვაზე, არ გამოიყენოთ პანტარონი. .

მედიკამენტები არ გადააგდოთ გამდინარე წყალებში ან საყოფაცხოვრებო ნაგავში. ჰკითხეთ ფარმაცევტს, როგორ უნდა გადაააგდოთ მედიკამენტები, რომლებსაც აღარ ღებულობთ. ეს ზომები ხელს შეუწყობს გარემოს დაცვას.

6. შეფუთვის შიგთავსი და სხვა ინფორმაცია

პანტარონი შეიცავს

აქტიური ნივთიერება: ყოველი ტაბლეტი შეიცავს 40მგ პანტოპრაზოლის ექვივალენტურ 45,11მგ პანტოპრაზოლის სესქვიჰიდრატს. 

დამხმარე ნივთიერებები: ნატრიუმის უწყლო კარბონატი, მანიტოლი, კროსპოვიდონი, ნატრიუმის ლაურილ სულფატი, პოლივინილპიროლიდინი K90, კალციუმის სტეარატი.

შუალედური აპკიანი გარსი: Opadry II HP 85F22138 ყვითელი: პოლივინილის სპირტი, ტიტანის დიოქსიდი, მაკროგოლი/PEG 3350, ტალკი, რკინის ყვითელი ოქსიდი,

ნაწლავური გარსი: Acryl Eze Yellow (93092052), მეტაკრილის მჟავას და ეთილაკრილატის კოპოლიმერი, ტალკი, ტიტანის დიოქსიდი, ტრიეთილციტრატი, კოლოიდური უწყლო სილიციუმი, ნატრიუმის ბიკარბონატი, რკინის ყვითელი ოქსიდი, ნატრიუმის ლაურილ სულფატი, სიმეტიკონი Q7-2587.

როგორ გამოიყურება პანტარონი  და შეფუთვის შიგთავსი

პანტარონი შეფუთულია ბლისტერებში, როგორც პირველადი შეფუთვა. ბლისტერების ერთი მხარე დამზადებულია PA/ALU/PVC შემადგენლობით, ხოლო მეორე მხარე დამზადებულია დაბეჭდილი ალუმინის ფოლგასგან. ბლისტერები მოთავსებულია პაციენტის საინფორმაციო ჩანართთან ერთად მუყაოს კოლოფში დაბეჭდილი ეტიკეტის ტექსტით.

თითოეული ბლისტერი შეიცავს 7 ტაბლეტს. 4 ბლისტერი ჩანართთან ერთად მუყაოს კოლოფში.

პანტარონი  არის "Ornado Medicine" LLP, დიდი ბრიტანეთი-ს პროდუქტი და სავაჭრო ნიშანი.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

ასევე, იხილეთ: >Pantoprazole Normon - პანტოპრაზოლი ნორმონი 40გრ 28 ტაბლეტი