ორნანეირო - Ornaneuro 30 ტაბლეტი

ორნანეირო

შემადგენლობა: 

γ-ამინობუტერინის მჟავა (GABA) 150 მგ

მელატონინი 1 მგ

ურიდინ 5  მონოფოსფატი, დინატრიუმის მარილი. 60 მგ

ციტიდინ 5  მონოფოსფატი, თავისუფალი მჟავა (CMP) 60 მგ

გლიცინი 100 მგ

მაგნიუმის ოქსიდი 95,24 მგ

აქედან მაგნიუმი 56 მგ

ვიტამინი B6 (პირიდოქსინის ჰიდროქლორიდი) 6 მგ

ფარმაკოლოგიური ჯგუფი :

ბიოლოგიურად აქტიური დანამატი, თავის ტვინის მეტაბოლიზმის გასაუმჯობესებელი საშუალება.

ფარმაკოლოგიური მოქმედება: ორნანეირო წარმოადგენს კომბინირებულ საშუალებას. რომელიც ახდენს მეტაბოლური პროცესების ნორმალიზებას თავის ტვინში, აუმჯობესებს სისხლის მიმოქცევას, ჟანგბადისა და გლუკოზის უტილიზაციას. ახასიათებს ანტიჰიპოქსიური მოქმედება, იცავს ნერვულ უჯრედებს დაზიანებისგან. აუმჯობესებს აზროვნების პროცესებს, >მეხსიერებას, ყურადღების კონცენტრაციის უნარს, ააქტიურებს  ადამიანის ინტელექტუალურ შესაძლებლობებს, ზრდის გონებრივ შრომისუნარიანობას.

გამა-ამინო-ბუტერინის მჟავა (GABA) – 150 მგ. GABA წარმოადგენს ძირითად შემაკავებელ ნეირომედიატორს  რომელიც მონაწილეობას ღებულობს  ტვინის ენერგეტიკული პროცესების აქტივაციაში, ზრდის ქსოვილების სუნთქვით აქტივობას, აუმჯობესებს თავის ტვინის მიერ გლუკოზის უტილიზაციას და სისხლის მიმოქცევას. ამცირებს ნეირონების აქტივობას და ეწინააღმდეგება ნერვული უჯრედების ჰიპერაგზნებადობას, ხსნის დაძაბულობას და გააჩნია დამამშვიდებელი ეფექტი. GABA აუმჯობესებს ნერვული პროცესების დინამიკას თავის ტვინში, აზროვნების პროცესს, მეხსიერებას. ხელს უწყობს მოძრაობითი აქტივობის და მეტყველების აღდგენას თავის ტვინში სისხლის მიმოქცევის დარღვევის შემდეგ.

მელატონინი 1 მგ.

მელატონინი წარმოადგენს ეპიფიზის მთავარი ჰორმონის სინთეზურ ანალოგს, რომელიც, არეგულირებს ორგანიზმის ცირკადულ რითმს, აწესრიგებს ძილის და სიფხიზლის ფაზებს, ხელს უწყობს ღამის ძილის მოწესრიგებას, უზრუნველყოფს სწრაფად ჩაძინებას,აუმჯობესებს ძილის ხარისხს, ზრდის მის ხანგრძლივობას, ამცირებს ღამის გამოღვიძებების რაოდენობას, აუმჯობესებს გუნება-განწყობას დილით გაღვიძების შემდეგ.

ურიდინ 5  მონოფოსფატის დინატრიუმის მარილი 60 მგ. - ყველაზე მნიშვნელოვანი ნუკლეოტიდი, რომელიც აუცილებელია ნერვულ ქსოვილში მეტაბოლური პროცესების  შესანარჩუნებლად და ნერვული ღეროს მიელინური გარსის ფორმირებისთვის. უზრუნველყოფს ნერვულ უჯრედებში ფერმენტების ადექვატურ მიწოდებას,  ხელს უწყობს პერიფერიული ნერვული ბოჭკოების აღდგენას და ნერვული სისტემის რეგენერირებას.

ციტიდინ 5-მონოფოსფატი 60 მგ.  შედგება ნუკლეოზიდისგან, რომელიც დაკავშირებულია ფოსფატ ჯგუფთან და წარმოადგენს მნიშვნელოვან კომპონენტს უჯრედული  მეტაბოლიზმისთვის.   ციტიდინ 5 -მონოფოსფატი   ხელს უწყობს დნმ-ის, რნმ-ის, ცილების და სხვადასხვა მოლეკულების სინთეზს.

გლიცინი 100 მგ. – ამინომჟავა და თავის ტვინის ერთ-ერთი მთავარი დამამუხრუჭებელი ნეირომედიატორია. გლიცინი ახდენს ცენტრალური ნერვული სისტემის დამცველობითი დამამუხრუჭებელი პროცესების ნორმალიზაციას, ამცირებს ფსიქოემოციურ დაძაბულობას, ზრდის გონებრივ შრომისუნარიანობას.

მაგნიუმის ოქსიდი - 95,24 მგ.  ერთ-ერთი ყველაზე მნიშვნელოვანი მინერალია ადამიანის ორგანიზმში, რომელიც აწესრიგებს კუნთოვანი, ნერვული, საყრდენ-მამოძრავებელი სისტემების ფუნქციებს და ხელს უწყობს ემოციურ-ფსიქიკური სტაბილურობის შენარჩუნებას. იგი ააქტივებს 300-ზე მეტ ფერმენტს და მონაწილეობს მრავლობით სასიცოცხლო მნიშვნელობის მეტაბოლურ პროცესში.მაგნიუმი  აუცილებელია ნეიროტრანსმისიისა და კუნთების შეკუმშვისათვის.

ვიტამინი B6   (პირიდოქსინი)  6 მგ.- მონაწილეობს ნეიროტრანსმიტერების სინთეზში, რის გამოც მნიშვნელოვანი როლი აქვს ცენტრალური და პერიფერიული ნერვული სისტემის ნორმალურ ფუნქციონირებაში.

ჩვენებები: 

•   თავის ტვინის სისხლძარღვოვანი და დეგენერაციული დაავადებებით გამოწვეული კოგნიტური და ინტელექტუალური ფუნქციების დარღვევა ( კომბინირებულ თერაპიაში).

•   იშემიური და ჰემორაგიული ინსულტის აღდგენითი პერიოდი.

•   ქრონიკული ცერებრო-ვასკულური პათოლოგია.

•   სხვადასხვა გენეზის დემენცია.

•   ქალა-ტვინისა და ზურგის ტვინის ტრავმული დაზიანება.

•   ნეიროსენსორული დარღვევები (თავბრუ, ხმაური ყურებში, ჰიპოაკუზია).

•   ფსიქო-ემოციური სტრესი და გონებრივი შრომისუნარიანობის დაქვეითება.

•   პერიფერიული ნერვული სისტემის დაავადებები.

•   პერიფერიული სისხლის მიმოქცევის და მიკროცირკულაციის დარღვევა.

•   ძილის პრობლემებისა და ორგანიზმის ცირკადული რიტმის ბუნებრივად მოწესრიგება.

•   ძილის ხარისხისა და მისი ხანგრძლივობის გაუმჯობესება.

დოზირება:

მოზრდილები: 1 ტაბლეტი დღეში ერთხელ.

ორსულობისა და ლაქტაციის, პერიოდში ექიმის რეკომენდაციის მიხედვით .

გვერდითი მოვლენების  შემთხვევაში  მიმართეთ ექიმს.

უკუჩვენებები:

ინდივიდუალური მგრძნობელობა პროდუქტის ნებისმიერი კომპონენტის მიმართ.

გამოშვების ფორმა:

ტაბლეტი.

შეფუთვის ფორმა: 

N 30 (2x15) ტაბლეტი  ბლისტერში, მუყაოს კოლოფში.

შენახვის პირობები:

ინახება არაუმეტეს  +25ºC ტემპერატურაზე, მშრალ,  სინათლისაგან დაცულ,  ბავშვებისთვის მიუწვდომელ ადგილას.