ოპტინოლი - Optinol ექტოინი თვალის წვეთი 2% 10მლ

ოპტინოლი ალერჯი

2% ექტოინი

სამედიცინო მოწყობილობის გამოყენების ინსტრუქცია

სამედიცინო მოწყობილობის დასახელება:

ოპტინოლი ალერჯი - თვალის წვეთები, 10 მლ

შემადგენლობა და აღწერილობა:

შემადგენლობა:

ექტოინი - 2,00%

ჰიდროქსიეთილცელულოზა - 0,35%

ნატრიუმის ქლორიდი - 0,35%

ტრინატრიუმის ციტრატის დიჰიდრატი - 0,29%

ლიმონმჟავა უწყლო (1M ხსნარი) pH 7,4-მდე

გამოხდილი წყალი - 100,0%-მდე

არ შეიცავს კონსერვანტებს.

აღწერილობა:

გამჭვირვალე, უფერო, უსუნო სითხე, მექანიკური ჩანართების გარეშე.

დანიშნულება:

ოპტინოლი - დაცვა ალერგენებისგან წარმოადგენს სტერილურ, იზოტონურ ხსნარს, რომელიც შეიცავს ექტოინს - უჯრედების დამცავ ბუნებრივ მოლეკულას და ხასიათდება ანთების საწინააღმდეგო და მემბრანომასტაბილიზებელი მოქმედებით.

ექტიონს, გარემოს არახელსაყრელი ფაქტორების გავლენისგან უჯრედების დასაცავად, გამომუშავებს სხვადასხვა ექსტრემოფილური მიკროორგანიზმი უჯრედგარეთა სივრცეში მარილების კონცენტრაციის მატების, ასევე გარემო ფაქტორების სხვა ცვლილებების საპასუხოდ.

წყლის მოლეკულებთან დიდი მიზიდულობის (ჰიდროფილურობა) წყალობით, ექტოინი მტკიცე კავშირებს ქმნის მასთან, რის შედეგადაც ყალიბდება დამცავი და მასტაბილიზებელი გარსი კონიუნქტივის ზედაპირზე, რომელსაც ექტოინის ჰიდროკომპლექსს უწოდებენ. იგი იცავს კონიუნქტივის ზედაპირს გაუწყლოვნებისგან წყლის დაგროვების წყალობით. მასტაბილიზებელი გავლენის წყალობით ექტოინის ჰიდროკომპლექსი იცავს კონიუნქტივის ზედაპირს გარემოს აგრესიული ფაქტორებით (როგორიცაა დეჰიდრატაცია ან ალერგენები) განპირობებული ანთებითი რეაქციებისგან.

(ნორმატიული დოკუმენტის სახელწოდება, რომლის მიხედვითაც იწარმოება სამედიცინო მოწყობილობა: მწარმოებლის ტექნიკური ფაილი TD-126v07).

გამოყენების ჩვენებები და სამედიცინო მოწყობილობის დანიშნულება:

ოფთალმოლოგია

ოპტინოლი ალერჯი გამოიყენება ალერგიული კონიუნქტივიტის სიმპტომების კუპირებისა და პროფილაქტიკის მიზნით, რადგან ეფექტურად ხსნის თვალების ქავილს, ანთებას და ცრემლდენას.

ოპტინოლი ალერჯი იცავს თვალებს ალერგენების დამაზიანებელი გავლენისგან და ხელს უწყობს გაღიზიანებული და მრძნობიარე კონიუნქტივის აღდგენას.

ოპტინოლი ალერჯი ეფექტურია კონტაქტური ლინზების მომხმარებელთათვის. მისი გამოყენება შესაძლებელია ლინზების მოხსნის გარეშე.

ოპტინოლი ალერჯი გამოიყენება თვალების მომატებული მგრძნობელობის მქონე პირებსა და ბავშვებში 2 წლის ასაკიდან.

სიფრთხილის ზომები და შეზღუდვები სამედიცინო მოწყობილობის გამოყენების დროს:

ოპტინოლი ალერჯის გამოყენება დასაშვებია თვალებზე ქირურგიული ჩარევისა და ტრავმების შემდგომ პერიოდში, ექიმთან კონსულტაციის შედეგად.

სამედიცინო მოწყობილობა არ გამოიყენება ექტიონისადმი ან მის შემადგენლობაში შემავალი ნებისმიერი კომპონენტისადმი მომატებული მგრძნობელობის მქონე პირებში.

ალერგიული რეაქციების განვითარების შემთხვევაში მისი გამოყენება უნდა შეწყდეს.

ჰიგიენური თვალსაზრისით, ყოველი სამედიცინო მოწყობილობის გამოყენება უნდა მოხდეს მხოლოდ ერთი ადამიანის მიერ.

არ არის ინფორმაცია ოპტინოლ ალერჯის ურთიერთქმედების შესახებ სხვა ოფთალმოლოგიურ მედიკამენტებთან, ხსნარების, სუსპენზიების, მალამოების ან გელების სახით წარმოდგენილ სამედიცინო მოწყობილობებთან  კომბინირების შემთხვევაში.

არ გამოიყენოთ დაზიანებული ფლაკონი.

ოპტინოლ ალერჯისთან  ერთად სხვა ოფთალმოლოგიური მედიკამენტების, ასევე ხსნარების, სუსპენზიების, მალამოების ან გელების სახით წარმოდგენილი სამედიცინო მოწყობილობების მიღებამდე კონსულტაციისთვის მიმართეთ ექიმს ან ფარმაცევტს.

ორსულობა და ლაქტაციის პერიოდი:

დღეისათვის არ არსებობს მონაცემები ოპტინოლ ალერჯის გამოყენების შესახებ ორსულობისა და ლაქტაციის პერიოდში.

სამედიცინო მოწყობილობის გამოყენებამდე გაიარეთ კონსულტაცია ექიმთან, თუ ხართ ორსული ან ძუძუთი კვებავთ ჩვილს არსებობს ეჭვი ორსულობის შესახებ.

უკუჩვენებები:

ბავშვთა ასაკი 2 წლამდე.

ვარგისობის ვადა და შენახვის პირობები:

ვარგისობის ვადა

3 წელი.

გახსნილი ფლაკონის გამოყენება დასაშვებია 3 თვის განმავლობაში.

ვარგისობის ვადა მითითებულია ფლაკონის მარკირებასა და მუყაოს კოლოფზე.

არ გამოიყენება ვარგისობის ვადის გასვლის შემდეგ.

შენახვის პირობები

ინახება 2°C-დან  25°C ტემპერატურის პირობებში, ბავშვებისთვის მიუწვდომელ ადგილას.

სამედიცინო მოწყობილობის გამოყენებისთვის საჭირო სხვა ინფორმაცია:

გამოყენების წესი:

ბავშვებში 2 წლის ასაკიდან და მოზრდილებში ინიშნება 1-2 წვეთი თითოეულ თვალში რამდენჯერმე დღეში, თუ ექიმი სხვაგვარად არ გირჩევთ.

10 წლამდე ასაკის ბავშვებსა და იმ პირებს, რომლებსაც არ შეუძლიათ დამოუკიდებლად თვალის წვეთების გამოყენება, აუცილებლად უნდა გაეწიოთ დახმარება ოპტინოლ ალერჯის  გამოყენების დროს.

ოპტინოლ ალერჯი  გამოყენება უნდა მოხდეს გამოყენების ინსტრუქციის შესაბამისად. დამატებითი ინფორმაციის საჭიროების შემთხვევაში, მოწყობილობის გამოყენებამდე მიმართეთ ექიმს.

გამოყენების მეთოდი:

მოხსენით დამცავი ხუფი ფლაკონს. ხელით არ შეეხოთ საწვეთურის ღია ბოლოს.
მოათავსეთ საჩვენებელი და შუა თითები ფლაკონის ფსკერზე, ხოლო დიდი თითი ფლაკონის ზედა ნაწილზე არსებულ მრგვალ ფირფიტაზე.
პირველი გამოყენების წინ გადმოატრიალეთ ოპტინოლ ალერჯის ფლაკონი წვერით ქვემოთ და 2-3-ჯერ დააჭირეთ დიდი თითი ფირფიტას პირველი წვეთის გამოჩენამდე. არ გადაჭრათ ფლაკონის საწვეთურის წვერი.
გადაწიეთ თავი უკან. თავისუფალი ხელის საჩვენებელი თითით ფრთხილად ჩამოწიეთ ქვედა ქუთუთო და აიხედეთ ზემოთ. ფლაკონი შეძლებისდაგვარად ვერტიკალურად დაიჭირეთ. არ შეახოთ ფლაკონის წვერი ხელს, კონიუნქტივას ან ლინზებს.
ოპტინოლ ალერჯის ერთხელ ჩასაწვეთებლად დააჭირეთ ფირფიტას თითი. სპეციალურად შექმნილი მექანიზმის წყალობით, ყოველი ზეწოლის დროს გამოიყოფა ზუსტად 1 წვეთი.
დახუჭეთ თვალი და ნელა ამოძრავეთ თვალის კაკალი ყველა მიმართულებით ხსნარის თანაბრად გადასანაწილებლად რქოვანა გარსის ზედაპირზე.
გაიმეორეთ პროცედურა მეორე თვალზე.
ყოველი გამოყენების შემდეგ შეამშრალეთ საწვეთურის წვერი და დააფარეთ დამცავი ხუფი.

გვერდითი ეფექტები:

ოპტინოლ ალერჯი, ჩვეულებრივ, კარგად გადაიტანება. რამე სახეს მუდმივი ან ხანგრძლივი გვერდითი ეფექტი დღემდე არ გამოვლენილა.

ცალკეულ შემთხვევებში ოპტინოლს - დაცვა ალერგენებისგან შეუძლია გამოიწვიოს თვალების ხანმოკლე გაღიზიანება, სიწითლე ან კონიუნქტივიტი.

თუ შეამჩნევთ ოპტინოლ ალერჯის გამოყენების ფონზე განვითარებულ გვერდთ ეფექტებს, მიმართეთ ექიმს. თუ მდგომარეობა არ გამოსწორდა ან გაუარესდა, მიმართეთ ექიმს.

სტერილურია.

გამოშვების ფორმა:

10 მლ ფლაკონი პლასტმასის ფლაკონში, 3K სისტემის საწვეთურით, რაც ხსნარის სტერილურობას უზრუნველყოფს. 1 საწვეთურიანი ფლაკონი აპლიკატორითა და პლასტმასის ხუფით, დაბეჭდილ  გამოყენების ინსტრუქციასთან ერთად მუყაოს კოლოფში.

ასევე, იხილეთ : >Altin - ალტინი თვალის წვეთები 10მლ