ომნი-ბიოტიკი მეტაბოლიკი 3გ 30 საშეტი ალერგოსანი - AllergoSan

ომნი-ბიოტიკი მეტაბოლიკი 3გ 30 საშეტი> ალერგოსანი - AllergoSan

ნაწლავის მიკრობიომის ორგანიზმისთვის  სასარგებლო ფუნქციებს შორის უმნიშვნელოვანესია  მეტაბოლიზმის, ენერგეტიკული ბალანსისა და წონის რეგულირება.   სასურველი წონის მისაღწევად დაბალანსებული კვება და საკმარისი ფიზიკური აქტივობა მეტად მნიშვნელოვანია, თუმცა, ზოგჯერ შეზღუდული  კვების, კალორიების შემცირებისა და ინტენსიური ვარჯიშის დროსაც კი სასურველ შედეგს ვერ ვიღებთ, რომლის ერთ-ერთი მნიშვნელოვანი მიზეზი ნაწლავებში გარკვეული ბაქტერიების დისბალანსია. მეცნიერულად დადასტურებულია, რომ ჭარბწონიან ადამიანებს, გამხდარ ადამიანებთან შედარებით, განსხვავებული მიკროფლორა აქვთ. თუ ჯანმრთელ, ნორმალურ წონიან ადამიანში ბაქტერიების ორი მთავარი ჯგუფის: ფირმიკუტების და ბაქტერიოიდების თანაფარდობა 1:1 ზეა,  ჭარბწონიანებში ე.წ. „ცუდი“ ფირმიკუტების (განსაკუთრებით, კლოსტრიდიუმის სახეობები)  რაოდენობა სჭარბობს ბაქტერიოიდების რაოდენობას. „ცუდი“ ფირმიკუტები საკვებიდან ჭარბი რაოდენობით ითვისებენ ენერგიას და ამარაგებენ  ცხიმის სახით, რა დროსაც დღეში 20%-მდე დამატებითი კალორიის ათვისება ხდება, იმატებს ინსულინორეზისტენტობა, ლეპტინის (სიმაძღრის ჰორმონი) მიმართ მგრძნობელობა ქვეითდება, გრელინის (შიმშილის ჰორმონი) გამოყოფა ძლიერდება, აღინიშნება მუდმივი შიმშილის შეგრძნება და კალორიული საკვების მიღების სურვილი. ბაქტერიოიდები კი პირიქით, ორგანიზმისთვის არასაჭირო ნახშირწყლების გამოდევნასა და კალორიის ათვისების შემცირებაში ღებულობს მონაწილეობას.

ომნი-ბიოტიკი/მეტაბოლიკი- მეცნიერულად ტესტირებული  სიმბიოტიკი,  რომელიც შეიცავს  7 მეცნიერულად შესწავლილ ბაქტერიულ შტამს. სპეციალურად შერჩეული ბაქტერიული შტამები შერჩევითად თრგუნავენ პათოგენურ ფირმიკუტების  გამრავლებას, ზრდიან ბაქტერიოიდების რაოდენობას, რითაც ხელს უწყობენ საკვები ნივთიერებების სწორ მეტაბოლიზმსა და ეხმარებიან ორგანიზმს ჯანსაღი წონის რეგულაციაში.

·   7 მეცნიერულად ტესტირებული მაღალაქტიური ბაქტერიული შტამი (ლაქტობაქტერიები)

·    უნიკალური   მატრიცა (პრებიოტიკები, ფერმენტები, მინერალები)  სასარგებლო ბაქტერიების გააქტიურების, კვებისა და მჟავა გარემოში დაცვისთვის

·    კვლევებით დადასტურებული ეფექტიანობა მეტაბოლური დარღვევებისას

·    საშეს ფორმა ზუსტი დოზირებისა და კომფორტული მოხმარებისთვის.

OMNi-BiOTiC®-ის ყველა  პროდუქტი შემუშავებულია Institut AllergoSan-ში მსოფლიო ჯანდაცვის ორგანიზაციის (WHO), აშშ-ს საკვების და წამლების ადმინისტრაციის (FDA), მსოფლიო გასტროენტეროლოგიის ორგანიზაციის (WGO) და ავსტრიის/გერმანიის პრობიოტიკური მედიცინის საზოგადოებების (OePROM / DePROM) ხარისხის კრიტერიუმების შესაბამისად. OMNi-BiOTiC® -ის ყველა პროდუქტი ფლობს FDA GRAS (Generally Recognized As Safe)  უსაფრთხოების სტატუსს და აკმაყოფილებს სამედიცინო მნიშვნელობის მქონე პრო და სინბიოტიკების ხარისხის სტანდარტებს.

რა შემთხვევაში გამოიყენება:

სასურველი წონის მიუღწევლობა დაბალანსებული კვებისა და ვარჯიშის დროს; ნაწლავური დიბალანსი და დისბიოზი მეტაბოლური სინდრომისა და ჭარბი წონის დროს პრემენოპაუზისა და მენოპაუზის პერიოდში, პუბერტატულ პერიოდში; ნაწლავური დისბალანსი დისმეტაბოლური პროცესებით მიმდინარე ქრ. პათოლოგიებისას: შ.დ, სიმსუქნე და სხვა; ჯანსაღი მიკრობიომის შენარჩუნებისთვის და მიღებული ენერგიის სწორი მოხმარება/ხარჯვისთვის, გამართული მეტაბოლიზმის მხარდასაჭერად. 

შემადგენლობა:

7 ბაქტერიული შტამი - მინიმუმ 3 მილიარდი ბაქტერია ერთჯერად დოზაში (3 გ): Lactobacillus salivarius W57, Lactococcus lactis W58, Lactobacillus casei W56, Enterococcus faecium W54,  Lactobacillus acidophilus W22 , Lactobacillus plantarum W62, Lactobacillus rhamnosus W71;  მატრიცა: სიმინდის სახამებელი, მალტოდექსტრინი, ფრუქტოოლიგოსაქარიდები (FOS), გალაქტოოლიგოსაქარიდები (GOS) (რძე), პოლიდექსტროზა, კალიუმის ქლორიდი, მცენარეული ცილა (ბრინჯი), მაგნიუმის სულფატი, მანგანუმის სულფატი. ბაქტერიების სიცოცხლისუნარიანობა და გამრავლების უნარი გარანტირებულია ვარგისობის ვადის ამოწურვამდე.

მიღების  რეკომენდაცია:

რეკომენდებულია დღეში ერთხელ. გახსენით 1 პაკეტი ომნი-ბიოტიკი/მეტაბოლიკი (= 3 გ) ოთახის ტემპერატურის წყალში (დაახლ. 125 მლ). დაელოდეთ მინიმუმ 1 წუთი ბაქტერიების გააქტიურებისთვის, მოურიეთ ხელახლა და შემდეგ მიიღეთ. ომნი-ბიოტიკი/მეტაბოლიკი სასურველია მიიღოთ ცარიელ კუჭზე — დილით, გაღვიძებისთანავე ან საღამოს, ძილის წინ.  პროდუქტის მიღება დასაშვებია ბავშვებში, ორსულობა/ლაქტაციისას ექიმის რეკომენდაციით.  

მნიშვნელოვანი ინფორმაცია: 

ვეგანური, არ შეიცავს ცხოვრელურ ცილას, გლუტენს, საფუარსა და ლაქტოზას, დასაშვებია რძის მიმართ ალერგიის მქონე პირთათვის; საკვები დანამატი არ ანაცვლებს მრავალფეროვან და დაბალანსებულ კვებას. ყურადღება მიაქციეთ ჯანსაღი ცხოვრების წესს. არ გადააჭარბოთ რეკომენდებულ დღიურ დოზას. 

გაფრთხილება: შეინახეთ მშრალ, ბავშვებისთვის მიუწვდომელ  ადგილას

ვარგისიანობის ვადა: იხილეთ შეფუთვაზე

გამოშვების ფორმა: ერთჯერადი დოზის საშე (3გ) N30

მწარმოებელი:  Institut AllergoSan Pharma GmbH , ავსტრია

Institut AllergoSan -  ავსტრიული სამეცნიერო კვლევითი  ცენტრი,  მიკრობიომის კვლევის გლობალური ლიდერი - 1991 წელს დაარსდა და  30 წელზე მეტია წარმოდგენილია მსოფლიოს 40-ზე მეტ ქვეყანაში. ალერგოსანი ქმნის  უნიკალურ, ჰიპოალერგიულ, ბუნებრივ  ფორმულებს:  პრობიოტიკების, პრებიოტიკების, მცენარეული ექსტრაქტებისა და მინერალების შემცველობით. ალერგოსანის ბრენდი OMNi-BiOTiC® -ი ლიდერია გერმანულენოვან ქვეყნებში და მსოფლიო პრობიოტიკული ბაზრის ტოპ სამეულშია. OMNi-BiOTiC®-ი პროდუქცია მიჰყვება  თანამედროვე მიკრობიომული მედიცინის მიმართულებას, რომლის მიხედვით, ადამიანის ჯანმრთელობა ნაწლავური მიკრობიომის ბალანსიდან იწყება - მოიცავს მედიცინისა და მეცნიერების შერწყმით კონკრეტულ ჯანმრთელობის საჭიროებებზე მორგებულ ფორმულებს.

Institut AllergoSan -ი მჭიდროდ თანამშრომლობს  მედიცინის, ბიოლოგიის, ფარმაკოლოგიისა და ბიოქიმიის სფეროში საერთაშორისო დონეზე აღიარებულ მკვლევარებთან. ინსტიტუტის სახელთანაა დაკავშირებული საერთაშორისო ორგანიზაციების მიერ აღიარებული კვლევები: 150-მდე ჩატარებული კლინიკური კვლევა, 50-მდე მიმდინარე კვლევა, 60-ზე მეტი კვლევითი პარტნიორი და 30 კვლევითი სფერო  საერთაშორისო მასშტაბით. 

Institut AllergoSan-ის მისიას თანამედროვე მეცნიერული მტკიცებულებების საფუძველზე შექმნილი, მიზნობრივ საჭიროებებზე მორგებული მომავლის ფორმულებით ადამიანების ფიზიკური და მენტალური კეთილდღეობის მიღწევა წარმოადგენს.