ომნი-ბიოტიკი 10 AAD 5გ 10 საშეტი ალერგოსანი - AllergoSan

ომნი-ბიოტიკი 10 AAD 5გ 10 საშეტი >ალერგოსანი - AllergoSan

ანტიბიოტიკების მთავარი ფუნქცია ინფექციურ დაავადებათა გამომწვევი მიკროორგანიზმების განადგურებაა.  თუმცა, ხშირად, ანტიბიოტიკები პათოგენებთან ერთად ანადგურებენ ბუნებრივ, ჯანმრთელ მიკროფლორას, რის შედეგად ზიანდება  ნაწლავის  ლორწოვან გარსი, საშიში მიკროორგანიზმები და მათი ტოქსინები სწრაფად მრავლდებიან. ნაწლავებში მსგავსი დისბალანსი შეიძლება გამოიხატოს დიარეით, ანუ ანტიბიოტიკებთან ასოცირებული  დიარეით (AAD-Antibiotic Antibiotic-Associated Diarrhea). ანტიბიოტიკებთან ასოცირებულ დიარეად მიიჩნევა მდგომარეობა, როდესაც ადამიანს აწუხებს კოლიკის მსგავსი ტკივილი, მუცლის ეწ.კრამპები, დაძაბულობა და დისკომფორტი მუცლის არეში, გახშირებული დეფეკაცია,თხევადი და წყლიანი განავალი, მძიმე დაზიანებისას სისხლიანიც.  ეს სიმპტომები შეიძლება გამოვლინდეს როგორც დაუყოვნებლივ, ანტიბიოტიკოთერაპიის დასაწყისშივე,  ისე ანტიბიოტიკების მიღებიდან რამდენიმე კვირის შემდეგ. გარდა ამისა, ანტიბიოტიკების ყოველი მიღებისას ნაწლავის სასარგებლო ბაქტერიული შტამების მრავალფეროვნება თანდათან მცირდება, რის შედეგადაც ნაწლავი ვეღარ ასრულებს მასზე დაკისრებულ მრავალფეროვან ფუნქციას, ზიანდება დამცავი ბარიერი, მცირდება იმუნური უჯრედების წარმოება და ქვეითდება იმუნიტეტი, ფერხდება აუცილებელი ნუტრიენტების შეწოვა, საკვების სრულყოფილი მონელება, ენერგიის წარმოება, ფერხდება ტოქსინების გამოდევნა,  მწვავდება აუტოიმუნური პროცესები და სხვა.
ომნი-ბიოტიკი/10 AAD -  მეცნიერულად ტესტირებული სინბიოტიკი, რომელიც შეიცავს სპეციალურად შერჩეულ 10 მაღალაქტიურ  ბაქტერიულ შტამს (ბუნებრივად გვხვდება ადამიანის ნაწლავებში), რომლებიც  კოლონიზაციას ახდენენ ნაწლავებში, ანტიობიოტიკოთერაპიისას და მის შემდეგ პერიოდში ხელს უშლიან ისეთი მავნე მიკრობების გამრავლებას, როგორიცაა Clostridium difficile , ამცირებენ Clostridium difficile-ის მიერ ტოქსინების გამოყოფას, აღადგენენ ბაქტერიულ ბალანსს და ნაწლავის ჯანსაღ მიკროფლორას, ამცირებენ და აღმოფხვრიან ანტიბიოტიკოთერაპიისას და მის შემდგომ პერიოდში განვითარებულ დიარეას და დისბიოზის შედეგად გამოწვეულ სხვა პრობლემებს.

·  10 სპეციალურად შერჩეული და მეცნიერულად ტესტირებული მაღალაქტიური ბაქტერიული შტამი (ბიფიდო და ლაქტობაქტერიები)

·  უნიკალური   მატრიცა (პრებიოტიკები, ფერმენტები, მინერალები)  სასარგებლო ბაქტერიების გააქტიურების, კვებისა და მჟავა გარემოში დაცვისთვის

·  კვლევებით დადასტურებული ეფექტიანობა და უსაფრთხოება ანტიბიოტიკოთერაპიით გამოწვეული ნაწლავური დისბალანსის დროს

·  საშეს ფორმა ზუსტი დოზირებისა და კომფორტული მიღებისთვის

OMNi-BiOTiC®-ის ყველა  პროდუქტი შემუშავებულია Institut AllergoSan-ში მსოფლიო ჯანდაცვის ორგანიზაციის (WHO), აშშ-ს საკვების და წამლების ადმინისტრაციის (FDA), მსოფლიო გასტროენტეროლოგიის ორგანიზაციის (WGO) და ავსტრიის/გერმანიის პრობიოტიკური მედიცინის საზოგადოებების (OePROM / DePROM) ხარისხის კრიტერიუმების შესაბამისად. OMNi-BiOTiC® -ის ყველა პროდუქტი ფლობს FDA GRAS (Generally Recognized As Safe)  უსაფრთხოების სტატუსს და აკმაყოფილებს სამედიცინო მნიშვნელობის მქონე პრო და სინბიოტიკების ხარისხის სტანდარტებს.

რა შემთხვევაში გამოიყენება:  

ნაწლავური მიკროფლორის დაცვა/შენარჩუნება ანტიბიოტიკოთერაპიისას; ნაწლავური მიკროფლორის აღდგენა ანტიბიოტიკოთერაპიის შემდეგ პერიოდში; ანტიბიოტიკებთან ასოცირებული დიარეის სიმპტომების შემცირება; ნაწლავური მიკროფლორის აღდგენა სხვადასხვა მედიკამენტოზური დაზიანებით გამოწვეული დისბიოზის დროს (მათ შორის ქიმიოთერაპიის შემდგომ პერიოდში); 

შემადგენლობა:

10 ბაქტერიული შტამი - მინიმუმ 5 მილიარდი ბაქტერია ერთჯერად დოზაში (5 გ) და 10 მილიარდი ბაქტერია ორ დოზაში (10 გ); Lactobacillus acidophilus W55, Lactobacillus paracasei W20, Lactobacillus acidophilus W37, Lactobacillus rhamnosus W71, Lactobacillus plantarum W1 , Lactobacillus salivarius W24,  Bifidobacterium lactis W51 Lactobacillus plantarum W62, Enterococcus faecium W54,  Bifidobacterium bifidum W23; მატრიცა: სიმინდის სახამებელი, მალტოდექსტრინი, ინულინი, კალიუმის ქლორიდი, მცენარეული ცილა (ბრინჯი), მაგნიუმის სულფატი,ფრუქტოოლიგოსაქარიდები (FOS), ფერმენტები (ამილაზები), ვანილის არომატიზატორი, მანგანუმის სულფატი. ბაქტერიების სიცოცხლისუნარიანობა და გამრავლების უნარი გარანტირებულია ვარგისობის ვადის ამოწურვამდე.

მიღების  რეკომენდაცია:

რეკომენდებულია დღეში ორჯერ მთელი ანტიბიოტიკოთერაპიის განმავლობაში. გახსენით ომნი-ბიოტიკი/10 AAD  ერთი საშე (= 5 გ) ოთახის ტემპერატურის წყალში (დაახლოებით 125 მლ), დაელოდეთ მინიმუმ 1 წუთს ბაქტერიების აქტივაციისთვის, შემდეგ კვლავ მოურიეთ და მიირთვით. ომნი-ბიოტიკი/10 AAD  სასურველია მიიღოთ ცარიელ კუჭზე. თუ ომნი-ბიოტიკი/10 AAD  -ს დღეში ორჯერ იღებთ, სასურველია დილით გაღვიძებისთანავე და საღამოს, ძილის წინ. ანტიბიოტიკოთერაპიის დასრულების შემდეგ რეკომენდებულია დამატებით 14 დღის განმავლობაში დღეში ერთხელ, ერთი პაკეტის მიღება. ომნი-ბიოტიკი/10 AAD  არ უნდა იქნას მიღებული ანტიბიოტიკთან ერთად, არამედ რეკომენდებულია მინიმუმ 1 საათით ადრე ან 1 საათის შემდეგ.

პროდუქტი შესაძლოა გამოყენებულ იქნას  ბევშვებში, ორსულობა/ლაქტაციის პერიოდში ექიმის რეკომენდაციით.   

მნიშვნელოვანი ინფორმაცია: 

ვეგანური, არ შეიცავს ცხოვრელურ ცილას, გლუტენს, საფუარსა და ლაქტოზას, დასაშვებია რძის მიმართ ალერგიის მქონე პირთათვის; საკვები დანამატი არ ანაცვლებს მრავალფეროვან და დაბალანსებულ კვებას. ყურადღება მიაქციეთ ჯანსაღი ცხოვრების წესს. არ გადააჭარბოთ რეკომენდებულ დღიურ დოზას. 

გაფრთხილება: შეინახეთ მშრალ, ბავშვებისთვის მიუწვდომელ  ადგილას

ვარგისიანობის ვადა: იხილეთ შეფუთვაზე

გამოშვების ფორმა: ერთჯერადი დოზის საშე (5გ) N 10

მწარმოებელი:  Institut AllergoSan Pharma GmbH ,  ავსტრია

Institut AllergoSan -  ავსტრიული სამეცნიერო კვლევითი  ცენტრი,  მიკრობიომის კვლევის გლობალური ლიდერი - 1991 წელს დაარსდა და  30 წელზე მეტია წარმოდგენილია მსოფლიოს 40-ზე მეტ ქვეყანაში. ალერგოსანი ქმნის  უნიკალურ, ჰიპოალერგიულ, ბუნებრივ  ფორმულებს:  პრობიოტიკების, პრებიოტიკების, მცენარეული ექსტრაქტებისა და მინერალების შემცველობით. ალერგოსანის ბრენდი OMNi-BiOTiC® -ი ლიდერია გერმანულენოვან ქვეყნებში და მსოფლიო პრობიოტიკული ბაზრის ტოპ სამეულშია. OMNi-BiOTiC®-ი პროდუქცია მიჰყვება  თანამედროვე მიკრობიომული მედიცინის მიმართულებას, რომლის მიხედვით, ადამიანის ჯანმრთელობა ნაწლავური მიკრობიომის ბალანსიდან იწყება - მოიცავს მედიცინისა და მეცნიერების შერწყმით კონკრეტულ ჯანმრთელობის საჭიროებებზე მორგებულ ფორმულებს.

Institut AllergoSan - ი მჭიდროდ თანამშრომლობს  მედიცინის, ბიოლოგიის, ფარმაკოლოგიისა და ბიოქიმიის სფეროში საერთაშორისო დონეზე აღიარებულ მკვლევარებთან. ინსტიტუტის სახელთანაა დაკავშირებული საერთაშორისო ორგანიზაციების მიერ აღიარებული კვლევები: 150-მდე ჩატარებული კლინიკური კვლევა, 50-მდე მიმდინარე კვლევა, 60-ზე მეტი კვლევითი პარტნიორი და 30 კვლევითი სფერო  საერთაშორისო მასშტაბით. 

Institut AllergoSan-ის მისიას თანამედროვე მეცნიერული მტკიცებულებების საფუძველზე შექმნილი, მიზნობრივ საჭიროებებზე მორგებული მომავლის ფორმულებით ადამიანების ფიზიკური და მენტალური კეთილდღეობის მიღწევა წარმოადგენს.