ომეპრაზოლი - Omeprazole 20 მგ 30 კაფსულა

ომეპრაზოლი

სავაჭრო დასახელება: ომეპრაზოლი. 

საერთაშორისო არა-პატენტირებული დასახელება: ომეპრაზოლი. 

გამოშვების ფორმა: კაფსულები 20 მგ.

შემადგენლობა:

ერთი კაფსულა შეიცავს: მოქმედი ნივთიერება - ომეპრაზოლი (ომეპრაზოლის პალეტების სახით 8,5%) - 20 მგ; დამხმარე ნივთიერებები: მანიტოლი, საქაროზა, კალციუმის კარბონატი, ლაქტოზა,  ჰიდროორთოფოსფატი, ნატრიუმის ლაურილსულფატი, ჰიდროქსიპროპილმეთილცელულოზა, მეტაკრილის მჟავა L30D, პროპილენგლიკოლი, ცეტილის სპირტი, ნატრიუმის ჰიდროქსიდი, პოლისორბატი 80, პოვიდონი S-630 17, ტიტანის დიოქსიდი E171. 

კაფსულის შემადგენლობა: ჟელატინი, ტიტანის დიოქსიდი E171, მეთილპარაჰიდროქსიბენზოატი E 218, პროპილპარაჰიდროქსიბენზოატი E 216. 

აღწერა 

კაფსულები მყარი ჟელატინის ცილინდრული ფორმის ნახევარსფეროვანი ბოლოებით, თეთრი ფერის. 

იხილეთ ბლოგი: >ომეპრაზოლი — 50-წლიანი წარმატებული პრაქტიკა გასტროენტეროლოგიაში

ფარმაკოთერაპიული ჯგუფი 

მჟავიანობის დარღვევებთან დაკავშირებული მდგომარეობის სამკურნალო საშუალებები. წყლულის საწინააღმდეგო საშუალებები და საშუალებები, რომლებიც გამოიყენება გასტროეზოფაგური რეფლუქსური დაავადების დროს. პროტონული ტუმბოს ინჰიბიტორები (H/ K-ატფ- აზები). 

ათქ კოდი - A02BC01. 

გამოყენების ჩვენებები

უფროსები:

 - კუჭისა და თორმეტგოჯა ნაწლავის წყლულოვანი დაავადება (რეციდივის მკურნალობა და პროფილაქტიკა);

 - ერადიკაციული თერაპია Helicobacter pylori- ით ინფიცირებულ კუჭისა და თორმეტგოჯა ნაწლავის წყლულოვანი დაავადების მქონე პაციენტებში  (მხოლოდ კომბინირებული თერაპიის შემადგენლობაში); 

- კუჭისა და თორმეტგოჯა ნაწლავის წყლულოვანი დაავადება, რომელიც დაკავშირებულია არასტეროიდული ანთების საწინააღმდეგო საშუალებების (აასს-ები) მიღებასთან, სტრესული წყლულები (მკურნალობა და პროფილაქტიკა მათი აღმოცენების რისკის მქონე პაციენტებში); 

- რეფლუქს- ეზოფაგიტი; 

- განკურნებული რეფლუქს-ეზოფაგიტის მქონე პაციენტების ხანგრძლივი მკურნალობა; 

- გასტროეზოფაგური რეფლუქსი (სიმპტომურის ჩათვლით);

 - ზოლინგერ-ელისონის სინდრომი. 

1 წელზე მეტი ასაკის ბავშვები არანაკლებ 10 კგ მასით:  რეფლუქს-ეზოფაგიტის მკურნალობა; გულძმარვის და მჟავა რეგურგიტაციის სიმპტომური მკურნალობა გასტროეზოფაგური რეფლუქსური დაავადების დროს. 

4 წელზე მეტი ასაკის ბავშვები:  თორმეტგოჯა ნაწლავის წყლულოვანი დაავადება, გამოწვეული Helicobacter pylori-ით (კომპლექსური თერაპიის შემადგენლობაში). 

უკუჩვენებები 

მომატებული მგრძნობელობა ომეპრაზოლის ან ნებისმიერი დამხმარე ნივთიერების მიმართ, ბავშვთა  ასაკი 1 წლამდე (სხეულის მასა 10 კგ-ზე ნაკლები). ომეპრაზოლი, ისევე როგორც სხვა პროტონის ტუმბოს ინჰიბიტორები (პტი), არ უნდა იქნას გამოყენებული ნელფინავირთან ერთდროულად.

გამოყენების მეთოდი და დოზები

 კაფსულების მიღება რეკომენდებულია დილით, სასურველია ჭამის წინ, უნდა გადაიყლაპოს მთლიანად ნახევარი ჭიქა წყლის დაყოლებით, კაფსულები ან უნდა დაიღეჭოს ან დაქუცმაცდეს.  ყლაპვის დარღვევის მქონე პაციენტებისთვის ან ბავშვებისთვის შეიძლება კაფსულის გახსნა და შიგთავსის მიღება წინასწარ მცირე რაოდენობით არაგაზირებულ წყალთან  ან მცირედ მჟავე სითხესთან (ხილის წვენი, ვაშლის პიურე) შერევის შემდეგ, მცირე რაოდენობის წყლის დაყოლებით.  კაფსულის შიგთავსის სითხესთან შერევა უნდა მოხდეს უშუალოდ გამოყენებამდე ან პრეპარატის მიღებამდე არა უმეტეს 30 წუთით ადრე. 

დანიშნული დოზის გამოტოვების შემთხვევაში, კაფსულა უნდა იქნას მიღებული რაც შეიძლება მალე. თუ მოახლოვებულია შემდეგი დოზის მიღების დრო, საჭიროა მისი ჩვეულებრივად მიღება ომეპრაზოლის მიღების გაგრძელება ექიმის მიერ რეკომენდებული სქემის შესაბამისად. არ შეიძლება ორმაგი დოზის მიღება გამოტოვებული დოზის შესავსებად.

დოზირება მოზრდილებში 

თორმეტგოჯა ნაწლავის წყლულოვანი დაავადების მკურნალობა გამწვავების ფაზაში.

რეკომენდებული დოზაა 20 მგ/ დღეში 2 კვირის განმავლობაში. თერაპიის მიმართ რეზისტენტული წყლულოვანი დაავადების შემთხვევაში ინიშნება 40 მგ/ დღეში 4 კვირის განმავლობაში. 

კუჭის წყლულოვანი დაავადების მკურნალობა გამწვავების ფაზაში.

რეკომენდებული დოზაა 20 მგ/ დღეში 4 კვირის განმავლობაში. განმავლობაში. თერაპიის მიმართ რეზისტენტული წყლულოვანი დაავადების შემთხვევაში ინიშნება 40 მგ/ დღეში 8 კვირის განმავლობაში. 
კუჭისა და თორმეტგოჯა ნაწლავის წყლულოვანი დაავადების გამწვავებების პროფილაქტიკისთვის რეკომენდებული დოზაა 20 მგ/ დღეში. საჭიროების შემთხვევაში დოზა იზრდება 40 მგ-მდე  დღეში. 

ჰელიკობაქტერიული ინფექციის ლიკვიდაცია კუჭის წყლულოვანი დაავადების დროს შესაძლებელია სხვადასხვა მკურნალობის სქემის გამოყენება ანტიბიოტიკების არჩევით ექიმის კონტროლის ქვეშ.  "სამმაგი თერაპიის" ჩატარებისას: ომეპრაზოლი 20 მგ, ანტიმიკრობულ პრეპარატებთან ერთად, მიიღება დღეში 2-ჯერ, ერთი კვირის განმავლობაში. ინფექციის ლიკვიდაციის შემდეგ შემდგომი მკურნალობა უნდა ჩატარდეს მკურნალობის სტანდარტული რეჟიმის შესაბამისად. 

კუჭისა და თორმეტგოჯა ნაწლავის არასტეროიდულ ანთების საწინააღმდეგო საშუალებებთან დაკავშირებული წყლულების მკურნალობა 

რეკომენდებული დოზაა 20 მგ/ დღეში 4 კვირის განმავლობაში (შესაძლებელია განმეორებითი 4-კვირიანი კურსის ჩატარება). არასტეროიდულ ანთების საწინააღმდეგო პრეპარატებთან დაკავშირებული კუჭისა და თორმეტგოჯა ნაწლავის წყლულების პროფილაქტიკის მიზნით, რისკ-ჯგუფის პაციენტებში (60 წელზე  უფროსი ასაკი, კუჭისა და თორმეტგოჯა ნაწლავის წყლულოვანი დაავადება ანამნეზში,  კუჭ-ნაწლავიდან სისხლდენები ანამნეზში), რეკომენდებული დოზა შეადგენს 20 მგ/ დღეში. 

რეფლუქს- ეზოფაგიტის მკურნალობა რეკომენდებული დოზაა - 20 მგ / დღეში 4 კვირის განმავლობაში (შესაძლებელია განმეორებითი 4-კვირიანი კურსის ჩატარება). მძიმე ფორმის მქონე პაციენტებში რეკომენდებულია დოზა 40 მგ/დღეში, მკურნალობის კურსი- 8 კვირა. განკურნებული რეფლუქს-ეზოფაგიტის მქონე (რემისიის ფაზაში) პაციენტების ხანგრძლივი მკურნალობისთვის  10 მგ / დღეში შემანარჩუნებელი თერაპიის ხანგრძლივი კურსების სახით. საჭიროების შემთხვევაში დოზა იზრდება 20-40 მგ-მდე. 

გასტროეზიფაგური რეფლუქსური დაავადების სიმპტომური მკურნალობისათვის 10-20 მგ დღეში. მკურნალობის კურსი შეადგენს 4 კვირას.

ზოლინგერ-ელისონის სინდრომის მკურნალობა  

დოზირების რეჟიმი შეირჩევა ინდივიდუალურად. რეკომენდებული საწყისი დოზაა 60 მგ/სღეში. ჩვეულებრივი საშუალო დოზაა 20-120 მგ/დღეში. იმ შემთხვევებში, როდესაც სადღეღამისო დოზა აღემატება 80 მგ-ს, ის უნდა გაიყოს ორ მიღებაზე დღეღამეში.

დოზრიება ბავშვებში

ომეპრაზოლის გამოყენების კლინიკური გამოცდილება ბავშვებში შეზღუდულია. მკურნალობა უნდა ჩატარდეს სპეციალისტის კონტროლის ქვეშ.

მძიმე რეფლუქსური ეზოფაგიტების შემთხვევაში, რომლებიც მდგრადია  თერაპიის სხვა მეთოდების მიმართ, 2 წელზე უფროსი ასაკის ბავშვებში 20 კგ-ზე მეტი სხეულის მასით ინიშნება 20 მგ/დღეში 4-8 კვირის განმავლობაში. 1-დან 2-მდე წლის ასაკის ბავშვებს ენიშნებათ დოზით 10 მგ/დღეში. ამ დროს კაფსულის შიგთავსი უნდა ჩაიყაროს 50 მლ სასმელ წყალში, შერევის შემდეგ გაიზომოს მოცემული სითხის მოცულობის ნახევარი და მიეცეს ბავშვს დასალევად. საჭიროებიოსას ერთიდან 2 წლამდე ასაკის ბავშვის დოზა შეიძლება გაიზარდოს 20 მ გ-მდე, 2 წელზე უფროსი ასაკის ბავშვებისთვის- 40 მგ-მდე.

თორმეტგოჯა ნაწლავის წყლულოვანი დაავადების სამკურნალოდ ბავშვებში და მოზარდებში მკურნალობის ხანგრძლივობა შეადგენს  მკურნალობის ხანგრძლივობა სეადგენს 7 დღეს, შეიძლება გაიზარდოს 14 დღემდე.

ბავშვებში სხეულის მასით 15-30 კგ: ომეპრაზოლი 10 მგ ანტიბიკრობულ პრეპარატებთან ერთად 2-ჯერ დღეში ერთი კვირის განმავლობაში. ბავშვებში სხეულის მასით 31-40 კგ და მეტი: ომეპრაზოლი 20 მგ/დღეში ერთი კვირის განმავლობაში. 

მოსახლეობის სპეციალური ჯგუფები: თირკმელების ფუნქციის დარღვევების მქონე პაციენტებში და 65 წელზე უფროსი ასაკის პაციენტებში დოზირების რეჟიმის კორექცია საჭირო არ არის.  ღვიძლის ფუნქციის დარღვევების მქონე პაციენტებში დოზა არაუმეტეს 10-20 მგ/დღეში.

დოზირება მოზრდილებში

გვერდითი მოვლენები 

სიხშირის კატეგორიები განისაზღვრება შემდეგი მაჩვენებლების შესაბამისად: ძალიან ხშირად (≥ 1/10), ხშირად (≥ 1/100-დან 1/10-მდე), არა-ხშირად (≥ 1/1000-დან <1/100-მდე), იშვიათად (≥1/10000 <1/1000), ძალიან იშვიათად (<1/10000), უცნობია (ვერ შეფასდება არსებული მონაცემების საფუძველზე). 

დარღვევები სისხლისა და ლიმფური სისტემის მხრივ: 

იშვიათად: ​​ლეიკოპენია, თრომბოციტოპენია.

ძალიან იშვიათად: ​​აგრანულოციტოზი, პანციტოპენია. 

დარღვევები იმუნური სისტემის მხრივ

 იშვიათად: ჰიპერმგრძნობელობის რეაქციები, მაგალითად, ცხელება, ანგიონევროზული შეშუპება და ანაფილაქსიური რეაქციები / შოკი. 

დარღვევები ნივთიერებათა ცვლისა და კვების მხრივ

იშვიათად: ​​ჰიპონატრიემია. 

უცნობია: ჰიპომაგნიემია, რამაც მძიმე შემთხვევებში შეიძლება გამოიწვიოს ჰიპოკალციემია. ჰიპომაგნიემია ასევე შეიძლება დაკავშირებული იყოს ჰიპოკალიემიასთან.

ფსიქიკის დარღვევები

არახშირად: უძილობა.

იშვიათად: ​​აგზნება, ცნობიერების აბნევა, დეპრესია. 

ძალიან იშვიათად: აგრესია, ჰალუცინაციები. 

დარღვევები ნერვული სისტემის მხრივ

ხშირად: თავის ტკივილი. 

არახშირად: ​​თავბრუსხვევა, პარესთეზიები, ძილიანობა. 

იშვიათად: გემოვნების შეგრძნების დარღვევა.

დარღვევები მხედველობის ორგანოების მხრივ

იშვიათად: ​​არამკვეთრი მხედველობა. 

დარღვევები სმენის ორგანოების და ლაბირინთის მხრივ

 არა-ხშირად: ვერტიგო

დარღვევები  კუჭ-ნაწლავის ტრაქტის მხრივ

ხშირად: კუჭის პოლიპები (კეთილთვისებიანი), მუცლის ტკივილი, ყაბზობა, დიარეა, მეტეორიზმი, გულისრევა, ღებინება. 

იშვიათად: ​​პირის სიმშრალე, სტომატიტი, კუჭ-ნაწლავის კანდიდოზი. 

უცნობია: მიკროსკოპული კოლიტი. 

დარღვევები სასუნთქი სისტემის, გულმკერდისა და შუასაყარის ორგანოების მხრივ

იშვიათად: ​​ბრონქოსპაზმი. 

დარღვევები ღვიძლის და სანაღვლე გზების მხრივ

არა-ხშირად: ღვიძლის ფერმენტების დონის მომატება. 

იშვიათად: ჰეპატიტი სიყვითლით ან მის გარეშე. 

ძალიან იშვიათად: ​​ღვიძლის უკმარისობა, ენცეფალოპათია უკვე არსებული ღვიძლის დაავადების მქონე პაციენტებში.

დარღვევები კანისა და კანქვეშა ქსოვილის მხრივ

არახშირად: დერმატიტი, ქავილი, გამონაყარი, ჭინჭრის ციება.

იშვიათად: ​​ალოპეცია, ფოტოსენსიბილიზაცია. 

ძალიან იშვიათად: ​​მულტიფორმული ერითემა, სტივენ-ჯონსონის სინდრომი, ტოქსიკური ეპიდერმული ნეკროლიზი. 

დარღვევები ჩონჩხ-კუნთოვანი და შემაერთებელი ქსოვილის მხრივ

არა-ხშირად: თეძოს, მაჯის, ხერხემლის მოტეხილობები. 

იშვიათად: ​​ართრალგია, სიალგია. 

ძალიან იშვიათი: კუნთების სისუსტე. 

დარღვევები თირკმელებისა და საშარდე გზების მხრივ

იშვიათად: ინტერსტიციული ნეფრიტი. 

დარღვევები სასქესო ორგანოებისა და სარძევე ჯირკვლების მხრივ

ძალიან იშვიათად: ​​გინეკომასტია. 

ზოგადი დარღვევები და დარღვევები შეყვანის ადგილზე

არა-ხშირად: საერთო სისუსტე, პერიფერიული შეშუპებები. 

იშვიათად: მომატებული ოფლიანობა.

ბავშვები

ომეპრაზოლის გამოყენების უსაფრთხოება შეფასდა 0-დან 16 წლამდე ასაკის სულ 310 მჟავადამოკიდებული დაავადებების მქონე ბავშვში. არსებობს გრძელვადიანი უსაფრთხოების შეზღუდული  მონაცემები, რომლებიც დამყარებულია ომეპრაზოლის გამოყენების გამოცდილებაზე კლინიკური კვლევის დროს 46 ბავშვზე, რომლებიც იღებენ მძიმე ეროზიული ეზოფაგიტის გამო შემანარჩუნებელ თერაპიას 749 დღემდე პერიოდის განმავლობაში. გვერდითი მოვლენების პროფილი ძირითადად იგივე იყო, რაც მოზრდილებში ხანმოკლე და გრძელვადიანი მკურნალობის დროს. ომეპრაზოლით ხანგრძლივი მკურნალობის სქესობრივ მომწიფებაზე ან ზრდაზე ზემოქმედების  შესახებ მონაცემები არ არსებობს. 

ჩამოთვლილი ან სხვა ნებისმიერი გვერდითი რეაქციების აღმოცენების შემთხვევაში, რომლებიც არ არის მითითებული ამ ინსტრუქციაში, საჭიროა ექიმისათვის მიმართვა. 

სიფრთხილის ზომები 

ომეპრაზოლის გამოყენების დაწყებამდე უნდა გამოირიცხოს ავთვისებიანი პროცესის არსებობა (განსაკუთრებით კუჭის წყლულოვანი დაავადების დროს), რადგანაც სიმპტომების შემნიღბავმა მკურნალობამ შეიძლება გადაავადოს სწორი დიაგნოზის დასმა. საგანგაშო სინდრომებს  განეკუთვნება: მნიშვნელოვანი არა წინასწარ განზრახული წონის დაკლება, ღებინების განმეორებითი შეტევები, დისფაგია, სისხლიანი ღებინება, ანემია ან მელენა (შავი ფერის უფორმო განავალი დამახასიათებელი უსიამოვნო სუნით). 

არ არის რეკომენდებული ატაზანავირის ერთდროული მიღება პროტონული ტუმბოს ინჰიბიტორებთან; ასეთი კომბინირებული თერაპიის აუცილებლობისას რეკომენდებულია საფუძვლიანი კლინიკური კონტროლი (მაგალითად, ვირუსული დატვირთვა) ატაზანავირის დოზის 400 მგ-მდე გაზრდით 100 მგ რიტონავირთან:  არ უნდა იყოს გადაჭარბებული ომეპრაზოლის დღიური დოზა 20 მგ. 

ომეპრაზოლს, ისევე როგორც მარილმჟავას სეკრეციის მაბლოკირებელ ყველა პრეპარატს, შეუძლია შეამციროს B12 ვიტამინის (ციანოკობალამინი) შეწოვა ჰიპო- და აქლორჰიდრიის შედეგად. ეს უნდა იქნას გათვალისწინებული ხანგრძლივი თერაპიის დროს პაციენტებში სხეულის დაბალი მასით, ან B12 ვიტამინის შეწოვის დაქვეითების რისკით, ან ვისაც აღენიშნებათ შესაბამისი კლინიკური სიმპტომები.  

ომეპრაზოლი წარმოადგენს CYP2C19 ინჰიბიტორს. ომეპრაზოლით მკურნალობის დასაწყისში ან დასასრულს აუცილებლად უნდა იქნას გათვალისწინებული ურთიერთქმედების შესაძლებლობა სამკურნალო საშუალებებთან, რომლებიც მეტაბოლიზდებიან CYP2C19-ს საშუალებით. დაიკვირვება ურთიერთქმედება კლოპიდოგრელსა და ომეპრაზოლს შორის, რომლის კლინიკური მნიშვნელობაც განსაზღვრული არ არის. სიფრთხილის ზომის სახით რეკომენდებულია ომეპრაზოლისა და კლოპიდოგრელის ერთდროული გამოყენების თავის არიდება. 

ქრომოგრანინის A- ს (CgA) მომატებულმა დონემ შეიძლება გამოიწვიოს ანალიზების მცდარი შედეგები ნეიროენდოკრინული სიმსივნეების გამოვლენის მიზნით ჩატარებულ სადიაგნოსტიკო გამოკვლევებში. ამის თავიდან ასაცილებლად, პროტონული ტუმბოს ინჰიბიტორების გამოყენება უნდა შეწყდეს სისხლის შრატში ქრომოგრანინის დონის გაზომვამდე მინიმუმ ხუთი დღით ადრე. თუ პირველადი გაზომვის შემდეგ CgA და გასტრინის დონე არ დაბრუნდება ნორმალურ მაჩვენებლებამდე საწყისი გაზომვის შემდეგ, ქრომოგრანინის დონე უნდა განისაზღვროს განმეორებით პროტონული ტუმბოს ინჰიბიტორების მიღების შეწყვეტიდან  14 დღის შემდეგ.     პროტონული ტუმბოს ინჰიბიტორების გამოყენებამ შეიძლება გამოიწვიოს Salmonella spp. და Campylobacter spp. სახეობების ბაქტერიებით გამოწვეული კუჭ-ნაწლავის ინფექციური დაავადებების რისკის მცირე მომატება. 

ქრონიკული დაავადებების მქონე ზოგიერთ ბავშვს შეიძლება დასჭირდეს ხანგრძლივი მკურნალობა, თუმცა ეს არ არის რეკომენდებული. 

ხანგრძლივი გამოყენებისას შესაძლებელია მაგნიუმის უკმარისობა. არითმიის,  კრუნჩხვის გამოვლენისას აუცილებელია შეწყდეს პრეპარატის მიღება და მიიღებულ იქნეს მაგნიუმის მარილები. დიგოქსინთან და დიურეზულ საშუალებებთან ხანგრძლივი დროით მიღებისას, აუცილებელია განისაზღვროს სისხლის შრატში მაგნიუმის კონცენტრაციის განსაზღვრა ომეპრაზოლის მიღების დაწყებამდე და პერიოდულად მიღების დროს. ხანგრძლივი მკურნალობის დროს, განსაკუთრებით თუ ის გრძელდება 1 წელზე მეტი ხნის განმავლობაში, პაციენტები უნდა იყვნენ ექიმის რეგულარული დაკვირვების ქვეშ. 

ომეპრაზოლის ხანგრძლივი დროით მიღებისას ან დიდი დოზებით გამოყენებისას, შესაძლებელია გამოწვეულ იქნეს თეძოს, მაჯის, ხერხემლის მოტეხილობის მომატებული რისკი.

სამკურნალო საშუალება შეიცავს ნატრიუმს 1 მმოლზე ნაკლები (23 მგ) რაოდენობით დოზაზე, ე.ი. პრაქტიკულად „არ შეიცავს ნატრიუმს“.

პარაბენების შემცველობის გამო, მას შეუძლია გამოიწვიოს ალერგიული რეაქციები (შესაძლოა დაყოვნებული), იშვიათ შემთხვევებში - ბრონქოსპაზმი. შემადგენლობაში საქაროზას არსებობის გამო, ეს სამკურნალო საშუალება არ არის შესაფერისი პაციენტებისთვის იშვიათი თანდაყოლილი ფრუქტოზას აუტანლობით, გლუკოზა-გალაქტოზას მალაბსორბციით ან საქაროზა-იზომალტაზას  დეფიციტით. ზოგიერთი შაქრის აუტანლობის არსებობისას, გამოყენებამდე საჭიროა ექიმის კონსულტაცია.  

სამკურნალო საშუალება შეიცავს ლაქტოზას, ამასთან დაკავშირებით, პაციენტებმა თანდაყოლილი გალაქტოზას აუტანლობით, ლაქტაზას დეფიციტით ან გლუკოზა-გალაქტოზას შეწოპვის დარღვევით, არ უნდა გამოიყენონ ეს სამკურნალო საშუალება. 

ორსულობა და ლაქტაციის პერიოდი. 

ომეპრაზოლი არ ახდენს უარყოფით ზეგავლენას ორსულობაზე ან ნაყოფის/ახალშობილის ჯანმრთელობაზე, ამიტომ ომეპრაზოლის გამოყენება შესაძლებელია ორსულობის განმავლობაში სამკურნალო საშუალების გამოყენების რისკი-სარგებლობის თანაფარდობის საფუძვლიანი ანალიზის შემდეგ.  ომეპრაზოლი გამოიყოფა დედის რძეში, თუმცა, რეკომენდებული თერაპიული დოზების გამოყენებისას ის არ ახდენს უარყოფით ზემოქმედებას ბავშვზე. უნდა შეფასდეს დედისთვის სარგებელი კლინიკური საჭიროებიდან და ბავშვისთვის პოტენციური რისკიდან გამომდინარე. 

ზეგავლენა ავტოტრანსპორტის მართვისა და მექანიზმების მართვის უნარზე. 

ომეპრაზოლის მიღება არ აისახება პაციენტის მიერ ავტოსატრანსპორტო საშუალების მართვის ან სხვა საოპერატორო საქმიანობის უნარზე. თავბრუსხვევისა და მხედველობის დარღვევის განვითარების შემთხვევაში, პაციენტებს არ უნდა მართონ ავტომობილი და აარნ იმუშაონ ტექნიკასთან.

ურთიერთქმედება სხვა სამკურნალო საშუალებებთან 

გამოიყენება ანტაციდურ საშუალებებთან. ანელებს ამპიცილინის, იტრაკონაზოლის, კეტოკონაზოლის, რკინის პრეპარატების შეწოვას. ანელებს ვარფარინის, დიაზეპამის, ფენიტოინის გამოყოფას და ასევე აძლიერებს მათ ეფექტს.

საშუალებების მიღებამ, რომლებიც აინიჰიბირებენ CYP2C19 და CYP3A4-ს (მაგალითად, კლარითრომიცინი და ვორიკონაზოლი), შეიძლება გამოიწვიოს ომეპრაზოლის კონცენტრაციის მომატება სისხლის შრატში, ხოლო ამ ფერმენტების ინდუქტორების მიღებამ (მაგალითად რიფამპიცინი და კრაზანას პრეპარატები) შეიძლება ის შეამციროს.

აძლიერებს ქლორამფენიკოლის, თიამაზოლის (მერკაზოლილი), ლითიუმის პრეპარატების ჰემატოტოქსიკურ მოქმედებას. ომეპრაზოლისა და კლოპიდოგრელის ერთდროულად მიღება იწვევს კლოპიდოგრელის თერაპიული ეფექტის შემცირებას.  ომეპრაზოლისა და დიგოქსინის ერთდროულად გამოყენებამ შეიძლება გამოიწვიოს დიგოქსინის ბიოშეღწევადობის 10% -ით გაზრდა. აღწერილია დიგიტალისური ინტოქსიკაციის შემთხვევები. საჭიროა სიფრთხილის დაცვა  პრეპარატების ერთდროულად დანიშვნისას, განსაკუთრებით ხანდაზმულ პაციენტებში. 

ომეპრაზოლთან ერთდროულად გამოყენებისას ნელფინავირისა და ატაზანავირის პლაზმური დონეები მცირდება. ომეპრაზოლისა და ნელფინავირის ერთდროულად გამოყენება უკუნაჩვენებია (იხ. ნაწილი ”უკუჩვენებები”). ომეპრაზოლთან ერთად მიღებისას პოსაკონაზოლის და ერლოტინიბის აბსორბციის მნიშვნელოვანი შემცირების გამო, ეს კომბინაცია თავიდან უნდა იქნას აცილებული აუცილებელია. ომეპრაზოლთან ერთდროულად გამოყენებისას სისხლის  პლაზმაში იზრდება საკვინავირის/რიტონავირის კონცენტრაცია. ომეპრაზოლისა და ტაკროლიმუსის ერთდროულად მიღებისას, ტაკროლიმუსის კონცენტრაცია სისხლის შრატში იზრდება. აუცილებელია ტაკროლიმუსის სისხლის შრატის კონცენტრაციისა და თირკმელების ფუნქციის მონიტორინგი (კრეატინინის კლირენსი). მეტოტრექსატის მაღალი დოზების დროს შეიძლება საჭირო გახდეს მკურნალობის დროებითი შეჩერება. 

დოზის გადაჭარბება

 ომეპრაზოლს გააჩნია დაბალი ტოქსიკურობა. ღეში 13  კაფსულის დოზებით გამოყენებისას ომეპრაზოლმა არ გამოიწვია ინტოქსიკაციის განვითარება. ღვიძლის მძიმე უკმარისობის მქონე პაციენტებში უკიდურესად მაღალი დოზებით შეყვანისას შეიძლება განვითარდეს ცნობიერების აბნევა, არამკვეთრი მხედველობა, ძილიანობა, პირის სიმშრალე, თავის ტკივილი, გულისრევა, ტაქიკარდია, არითმიები. სპეციფიკური ანტიდოტი არ არსებობს. დახმარების ზომები მოიცავს სამკურნალო საშუალების მოხსნას, დამხმარე და სიმპტომურ თერაპიას.

შეფუთვა 

10 კაფსულა პოლივინილქლორიდის აპკისა და ალუმინის ფოლგის კონტურულ უჯრედულ შეფუთვაში. 3 კონტურულ უჯრედული შეფუთვა სამედიცინო გამოყენების ინსტრუქციასთან ერთად მოთავსებულია მუყაოს პაკეტში (#10x3). 

შენახვის პირობები

სინათლისა და ტენიანობისგან დაცულ ადგილას, არაუმეტეს 250С ტემპერატურაზე. ინახება ბავშვებისთვის მიუწვდომელ ადგილზე.  

ვარგისობის ვადა 

2 წელი. სამკურნალო საშუალების გამოყენება ვარგისიანობის ვადის გასვლის შემდეგ არ შეიძლება.

აფთიაქებიდან გაცემის პირობები 

ფარმაცევტული პროდუქტის ჯგუფი III, გაიცემა რეცეპტის გარეშე.