ოკუთეარსი ალო+ - Ocutears Alo+ PFMD 2% 10მლ

ოკუთეარსი® ალო+
ოფთალმოლოგიური ხსნარი კონსერვანტების გარეშე

რას წარმოადგენს ოკუთეარსი® ალო+ და რისთვის გამოიყენება იგი?

ოკუთეარსი® ალო+ შექმნილია ჯვარედინი ბმულების მქონე ნატრიუმის ჰიალურონატისა (0.2%) და ალოე ვერას (0.1%) საფუძველზე და შემუშავებულია მშრალი თვალის სიმპტომების, თვალის დისკომფორტის სამკურნალოდ და რქოვანას დასაცავად.

ჯვარედინი ნატრიუმის ჰიალურონატი ანიჭებს პროდუქტს მაღალ სიბლანტე-ელასტიურობას, რაც უზრუნველყოფს თვალის დატენიანების მაღალ ხარისხს და თვალის ზედაპირზე მის ხანგრძლივად შენარჩუნებას, რაც შედეგად იწვევს მშრალი თვალის სიმპტომებისგან ხანგრძლივ განთავისუფლებას.

ალოე ვერა ცნობილია დამატენიანებელი, შეშუპების საწინააღმდეგო და საპოხი თვისებებით, რაც ხსნარს ანიჭებს უფრო ძლიერ დამატენიანებელ უნარს, შესაბამისად, აუმჯობესებს მხედველობით კომფორტს და ახანგრძლივებს სიგრილის შეგრძნებას. ასევე ცნობილია, რომ ალოე ვერა თავისი ძლიერი დამატენიანებელი და ხანგრძლივი დამცავი მოქმედების წყალობით ეფექტურია სიწითლის ან განსაკუთრებით მგრძნობიარე თვალების შემთხვევაში.

ოკუთეარსი® ალო+ ნაჩვენებია

·        გარემო პირობებით ან მედიკამენტებით გამოწვეული მშრალი თვალის სიმპტომების, გაღიზიანებისა და სიწითლის შესამსუბუქებლად.

·        ასევე შეიძლება დაინიშნოს თვალის საპოხად და კომფორტისთვის კონტაქტური ლინზების გამოყენებისას.

ოკუთეარსი® ალო+ ასევე გამოიყენება:

•  მზის სინათლის ხანგრძლივი ზემოქმედებისას და მის შემდეგ;

•  კონდიციონერის ზემოქმედებისას და მის შემდეგ;

•  ციფრული ეკრანების ხანგრძლივი გამოყენებისას და მის შემდეგ;

ოკუთეარსი® ალო+-ს ასევე შეუძლია თვალის ოპერაციის შემდგომი დისკომფორტისგან გათავისუფლება.

როგორ გამოვიყენოთ ოკუთეარსი® ალო+

ჩაიწვეთეთ 1 ან 2 წვეთი თითოეულ თვალში დღეში ერთხელ ან მეტჯერ, ანდა ექიმის ან ფარმაცევტის რეკომენდაციის შესაბამისად.

კონტეინერის გახსნამდე დაიბანეთ ხელები და გამოყენებისას ყურადღება მიაქციეთ ჰიგიენას.

ფლაკონი:

1) პირველი გამოყენებისას გამოქაჩეთ და სრულად მოაშორეთ დამცავი რგოლი.

2) ხელის ნაზად მოჭერით ჩაიწვეთეთ 1 წვეთი თვალში.

3) გამოყენების შემდეგ მაგრად დახურეთ ფლაკონი.

 

ერთჯერადი დოზის (UD) მინი კონტეინერი:

1) აიღეთ მინი კონტეინერების ლენტი და მოაძვრეთ ერთი ცალი.

2) გახსენით კონტეინერი თავსახურის შემოტრიალებით.

3) ხელის ნაზად მოჭერით ჩაიწვეთეთ 1 წვეთი თვალში.

4) გამოყენების შემდეგ გადააგდეთ კონტეინერში დარჩენილი პროდუქტი.

გაფრთხილება:

•   არ გამოიყენოთ პროდუქტი, თუ ხართ ალერგიული ან ჰიპერმგრძნობიარე მისი რომელიმე კომპონენტის მიმართ;

•    რქოვანას სერიოზული პათოლოგიების შემთხვევაში, გამოყენებამდე კონსულტაციისთვის მიმართეთ ექიმს;

•   გამოიყენეთ ფლაკონი გახსნიდან 90 დღის განმავლობაში; ერთჯერადი დოზის კონტეინერი უნდა გამოიყენოთ გახსნისთანავე და გადააგდოთ გამოყენების შემდეგ;

•  არ გამოიყენოთ პროდუქტი შეფუთვაზე მითითებული ვარგისიანობის ვადის გასვლის შემდეგ;

•  არ გამოიყენოთ პროდუქტი, თუ შეფუთვა დაზიანებულია;

•     მოარიდეთ სითბოს წყაროს, მზის სხივებს, ტენიანობას და შეინახეთ ბავშვებისთვის მიუწვდომელ ადგილას;

•  არ გადაყლაპოთ;

•  იყავით ფრთხილად, რომ კონტეინერის საწვეთურის წვერი არ შეეხოს თვალს;

•  შეინახეთ პროდუქტი 25°C-ზე დაბალ ტემპერატურაზე. არ გაყინოთ.

ოკუთეარსი® ალო+ ასევე შეიცავს:

ჯვარედინი ბმულების მქონე ნატრიუმის ჰიალურონატს 0.2%, ალოე ვერას გელს 0.1%, დინატრიუმის ტეტრაბორატის დეკაჰიდრატს, ბორის მჟავას, ნატრიუმის ქლორიდს, საინექციო წყალს (WFI).

გამოშვების ფორმა: 10 მლ ფლაკონი (PFMD), 0.35 მლ x 15 ერთჯერადი დოზა (UD), 0.35 მლ x 5

ერთჯერადი დოზა (UD) (უფასო ნიმუში)