ნუროფასტი - Nurofast 400მგ 20 ტაბლეტი

ნუროფასტი ^®

პრეპარატისსავაჭრო დასახელება : ნუროფასტი®

საერთაშორისოარაპატენტირებული ან ჯგუფური დასახელება

იბუპროფენი

სამკურნალო ფორმა : აპკიანი გარსით დაფარული ტაბლეტები

შემადგენლობა

1 აპკიანი გარსით დაფარული ტაბლეტი შეიცავს:

მოქმედი ნივთიერება :

იბუპროფენი - 200 მგ ან 400 მგ;

დამხმარე ნივთიერებები : ნატრიუმის კროსკარმელოზა, ნატრიუმის ციტრატის დიჰიდრატი, ნატრიუმის ლაურილსულფატი, სილიციუმის კოლოიდური დიოქსიდი (აეროსილი), მაგნიუმის სტეარატი, სტეარინის მჟავა;

დამხმარენივთიერებებიგარსის ათვის : ოპადრაი II 85F48105 თეთრი (პოლივინილის სპირტი, მაკროგოლი, ტალკი, ტიტანის დიოქსიდი).

აღწერა

აპკიანი გარსით დაფარული ტაბლეტები.

დოზირება200 მგ : მრგვალი, ორმხრივ ამოზნექილი თეთრი ან თითქმის თეთრი შეფერილობის აპკიანი გარსით დაფარული ტაბლეტები.

დოზირება400 მგ : მომრგვალებული ბოლოების მქონე წაგრძელებული ფორმის ორმხრივამოზნექილი ტაბლეტები, რომლებიც დაფულია თეთრი ან თითქმის თეთრი შეფერილობის აპკიანი გარსით, შუაში ხაზით.

განივ ჭრილში ბირთვი თეთრი ან თითქმის თეთრი შეფერილობისაა.

ფარმაკოთერაპიული ჯგუფი

ანთების საწინააღმდეგო და ანტირევმატული პრეპარატები; არასტეროიდული ანთების საწინააღმდეგო და ანტირევმატული საშუალებები; პროპიონის მჟავას წარმოებულები.

ათქკოდი:M01AE01

ფარმაკოლოგიური თვისებები

ფარმაკოდინამიკა

მოქმედების მექანიზმი და ფარმაკოდინამიკური ეფექტები

იბუპროფენის მოქმედების მექანიზმი, რომელიც მიეკუთვნება აასს-ს ჯგუფს და წარმოებულია პროპიონის მჟავასგან, განპირობებულია პროსტაგლანდინების- ტკივილის, ანთებისა და ჰიპერთერმული რეაქციის მედიატორების- სინთეზის ინჰიბირებით.

არაშერჩევითად ბლოკავს ციკლოოქსიგენაზა 1-ს (ცოგ-1) და ციკლოოქსიგენაზა 2-ს (ცოგ-2), რის შედეგადაც აფერხებს პროსტაგლანდინების სინთეზს. მას გააჩნია სწრაფი, ტკივილის საწინააღმდეგოდ (ტკივილგამაყუჩებელი) მიმართული მოქმედება, სიცხის დამწევი და ანთების საწინააღმდეგო მოქმედება. გარდა ამისა, იბუპროფენი შექცევადად აინჰიბირებს თრომბოციტების აგრეგაციას.

პრეპარატის ტკივილგამაყუჩებელი ეფექტი გრძელდება 8 საათამდე.

ასევე, იხილეთ: >ნუროფასტი - Nurofast 200მგ 20 ტაბლეტი

ფარმაკოკინეტიკა

აბსორბცია

აბსორბცია მაღალია, სწრაფად და თითქმის მთლიანად შეიწოვება კუჭ-ნაწლავის ტრაქტიდან (კნტ), რასაც შედეგად მოჰყვება სწრაფი განაწილება მთელ ორგანიზმში. პრეპარატის უზმოზე მიღების მერე იბუპროფენი სისხლის პლაზმაში გვხვდება 10 წუთის შემდეგ, იბუპროფენის მაქსიმალური კონცენტრაცია (Cmax) სისხლის პლაზმაში მიიღწევა 35-40 წუთის შემდეგ. პრეპარატის საკვებთან ერთად მიღებამ შეიძლება გაზარდოს მაქსიმალური კონცენტრაციის მიღწევის დრო (Tcmax).

ბიოტრანსფორმაცია

სისხლის პლაზმის ცილებთან შეკავშირება დაახლოებით 99%-ია. პრეპარატი ნელა აღწევს სახსრების ღრუში, ჩერდება სინოვიალურ სითხეში, წარმოშობს რა იქ უფრო მაღალ კონცენტრაციებს, ვიდრე სისხლის პლაზმაში. აბსორბაციის შემდეგ ფარმაკოლოგიურად არააქტიური R-ფორმის დაახლოებით 60% ნელა ტრანსფორმირდება აქტიურ S- ფორმაში. მეტაბოლიზმს განიცდის ღვიძლში.

ელიმინაცია

90% გამოიყოფა თირკმლების მიერ (უცვლელი ფორმით არაუმეტეს 1%) და უფრო მცირე ოდენობით ნაღველთან ერთად. ჯანმრთელ სუბიექტებში და ღვიძლისა და თირკმელების დაავადების მქონე პირებში ნახევარგამოყოფის პერიოდი შეადგენს 1,8-3,5 საათს, ხოლო სისხლის პლაზმის ცილებთან შეკავშირება შეადგენს დაახლოებით 99%-ს.

ფარმაკოკინეტიკური-ფარმაკოდინამიკური დამოკიდებულება

იბუპროფენი არის არასტეროიდული ანთების საწინააღმდეგო პრეპარატი (აასს), რომელმაც პროსტაგლანდინების სინთეზის ინჰიბირების მეშვეობით დაადასტურა საკუთარი ეფექტურობა ცხოველების ანთების მოდელებზე ჩატარებული ჩვეულებრივი კვლევების ფარგლებში. ადამიანებში გამოყენების დროს იბუპროფენი ახდენს სწრაფ, ტკივილის წინააღმდეგ (ტკივილგამაყუჩებელი მოქმედება) მიმართულ მოქმედებას, ანთების საწინააღმდეგო მოქმედებას, ამცირებს შეშუპებას და ციებ-ცხელებას. გარდა ამისა, იბუპროფენი შექცევადად აფერხებს ადფ-ს და კოლაგენ-ინდუცირებულ თრომბოციტების აგრეგაციას.

თირკმლის უკმარისობა

ნახევარგამოყოფის პერიოდი ჯანმრთელ სუბიექტებში და თირკმლის დაავადების მქონე პირებში შეადგენს 1,8-3,5 საათს, ხოლო სისხლის პლაზმის ცილებთან შეკავშირება შეადგენს დაახლოებით 99%-ს.

ღვიძლის უკმარისობა

ჯანმრთელ სუბიექტებში და ღვიძლის დაავადების მქონე პირებში ნახევარგამოყოფის პერიოდი შეადგენს 1,8-3,5 საათს, ხოლო სისხლის პლაზმის ცილებთან შეკავშირება შეადგენს დაახლოებით 99%-ს.

ხანდაზმული ასაკის პირები

ხანდაზმულ პირებში არ გამოვლინდა მნიშვნელოვანი განსხვავებები პრეპარატის ფარმაკოკინეტიკური პროფილის მხრივ უფრო ახალგაზრდებთან შედარებით.

ბავშვები

ბავშვთა ასაკი გავლენას არ ახდენს პრეპარატის ფარმაკოკინეტიკაზე.

სხვა განსაკუთრებული ჯგუფები

შეზღუდულ კვლევებში იბუპროფენი აღმოჩენილი იყო ძალიან დაბალი კონცენტრაციით დედის რძეში.

პრეპარატის გამოყენების ჩვენები

ნუროფასტი® ნაჩვენებია მხოლოდ მოკლევადიანი გამოყენებისთვის და განკუთვნილია ზრდასრულებისა და ბავშვებისთვის 6 წლიდან (200 მგ დოზირებისთვის), ზრდასრულებისა და ბავშვებისთვის 12 წლიდან (400 მგ დოზირებისთვის):

• თავის ტკივილისას,

• შაკიკისას,

• კბილის ტკივილისას,

• მტკივნეული მენსტრუაცის დროს,

• ნევრალგიისას,

• ტკივილისას ზურგის არეში,

• კუნთების ტკივილის დროს,

• რევმატული ტკივილისას და ტკივილის დროს სახსრებში,

• ციებ-ცხელების მდგომარეობების შემთხვევაში გრიპისა და გაციების დროს.

პრეპარატი განკუთვნილია სიმპტომური თერაპიისთვის, გამოყენების პერიოდში ტკივილისა და ანთების შესამცირებლად, დაავადების პროგრესირებაზე არ მოქმედებს.

უკუჩვენებები

• ჰიპერმგრძნობელობა იბუპროფენის და/ან პრეპარატის შემადგენლობაში შემავალი ნებისმიერი დამხმარე ნივთიერების მიმართ.

• ბრონქული ასთმის, ცხვირისა და პარანაზალური სინუსების მორეციდივე პოლიპოზისა და აცეტილსალიცილის მჟავას ან სხვა არასტეროიდული ანთების საწინააღმდეგო პრეპარატებისადმი (აასს) აუტანლობის (მათ შორის ანამნეზში) სრული ან არასრული კომბინაცია.

• კუჭ-ნაწლავის ტრაქტის ორგანოების (კნტ) ეროზიული და წყლულოვანი დაავადებები (მათ შორის კუჭისა და თორმეტგოჯა ნაწლავის წყლულოვანი დაავადება, კრონის დაავადება, წყლულოვანი კოლიტი) ან წყლულოვანი სისხლდენა აქტიურ ფაზაში ან ანამნეზში ( წყლულოვანი დაავადების ან წყლულიდან სისხლდენის ორი ან მეტი დადასტურებული ეპიზოდი).

• ანამნეზში კუჭ-ნაწლავის წყლულიდან სისხლდენა ან მისი პერფორაცია, რომელიც პროვოცირებულია აასს-ის გამოყენებით.

• გულის მძიმე უკმარისობა (IV კლასი NYHA მიხედვით - ნიუ-იორკის კარდიიოლოგების ასოციაციის კლასიფიკაცია).

• ღვიძლის მძიმე უკმარისობა ან ღვიძლის დაავადება აქტიურ ფაზაში

• თირკმლის მძიმე ხარისხის უკმარისობა (კრეატინინის კლირენსი < 30 მლ/წთ), დადასტურებული ჰიპერკალიემია.

• გულის დეკომპენსირებული უკმარისობა; აორტოკორონარული შუნტირების ჩატარების შემდგომი პერიოდი.

• ცერებროვასკულური ან სხვა სისხლდენა.

• ჰემოფილია და სისხლის შედედების სხვა დარღვევები (მათ შორის ჰიპოკოაგულაცია), ჰემორაგიული დიათეზი.

• ორსულობა (იხილეთ ნაწილი "გამოყენება ორსულობისა და ძუძუთი კვების დროს").

პრეპარატის გამოყენება ორსულობისა და ძუძუთი კვების დროს

ორსულობა

20 კვირაზე მეტი ვადის ორსულობის დროს პრეპარატის გამოყენება უკუნაჩვენებია. ორსულობის მე-20-ე კვირიდან დაწყებული ქალებში აასს-ის გამოყენების შემთხვევაში შესაძლებელია ახალშობილებში წყალნაკლებობის და/ან თირკმლის პათოლოგიის (თირკმლის ნეონატალური დისფუნქცია) განვითარება. ორსულობის მე-20-ე კვირამდე პრეპარატის გამოყენების წინ საჭიროა გაიაროთ კონსულტაცია ექიმთან. პრეპარატის გამოყენება თავიდან უნდა იქნას აცილებული 20 კვირაზე ნაკლები ვადის ორსულობის დროს.

ლაქტაცია

არსებობს მონაცემები იმის შესახებ, რომ იბუპროფენის მცირე რაოდენობამ შეიძლება შეაღწიოს დედის რძეში ჩვილის ჯანმრთელობაზე რაიმე უარყოფითი ზემოქმედების გარეშე, შესაბამისად, ხანმოკლე გამოყენებისას არ დგება საკითხი ძუძუთი კვების შეწყვეტის აუცილებლობის შესახებ. თუ აუცილებელია პრეპარატის ხანგრძლივი გამოყენება, საჭიროა მიმართოთ ექიმს, რათა გადაწყდეს პრეპარატის გამოყენების პერიოდში ძუძუთი კვების შეწყვეტის საკითხი.

ფერტილობა

ინფორმაცია ქალებისთვის, რომლებიც გეგმავენ ორსულობას: პრეპარატი თრგუნავს ციკლოოქსიგენაზას და პროსტაგლანდინების სინთეზს, ზემოქმედებას ახდენს ოვულაციაზე, არღვევს რა ქალის რეპროდუქციულ ფუნქციას (შექცევადია მკურნალობის შეწყვეტის შემდეგ).

მიღების წესი დადოზები

დოზირების რეჟიმი

მხოლოდ მოკლე დროის მანძილზე გამოყენებისთვის. პრეპარატის მიღების წინ ყურადღებით წაიკითხეთ ინსტრუქცია

დოზ ირება 200 მგ

მოზრდილები და 12 წელზე უფროსი ასაკის ბავშვები: 1 ტაბლეტი (200 მგ) შინაგანად 3-4-ჯერამდე დღეში. ტაბლეტები უნდა იქნას მიღებული წყლის მიყოლებით. მოზრდილებში უფრო სწრაფი თერაპიული ეფექტის მისაღწევად დოზა შეიძლება გაიზარდოს 2 ტაბლეტამდე (400 მგ) 3-ჯერამდე დღეში.

ტაბლეტების მიღებებს შორის ინტერვალი უნდა შეადგენდეს მინიმუმ 6 საათს.

მაქსიმალური სადღეღამისო დოზა მოზრდილებში შეადგენს 1200 მგ (6 ტაბლეტს).

მაქსიმალური სადღეღამისო დოზა 6-დან 9 წლამდე ასაკის ბავშვებისთვის (20-30 კგ) - 600 მგ (3 ტაბლეტი), 10-დან 12 წლამდე (31-40 კგ) - 800 მგ (4 ტაბლეტი), 13-დან 18 წლამდე - 800-1200 მგ (4-6 ტაბლეტი).

დოზ ირება 400 მგ

მოზრდილები და 12 წელზე უფროსი ასაკის ბავშვები: 1 ტაბლეტი (400 მგ) შინაგანად 3-ჯერამდე დღეში.

ბავშვები 6-დან 12 წლამდე: 1/2 ტაბლეტი (200 მგ) 3-4-ჯერამდე დღეში; პრეპარატის მიღება შესაძლებელია მხოლოდ იმ შემთხვევაში, თუ ბავშვის სხეულის მასა 20 კგ-ზე მეტია.

ტაბლეტები უნდა იქნას მიღებული წყლის მიყოლებით.

ტაბლეტების მიღებებს შორის ინტერვალი უნდა შეადგენდეს არანაკლებ 6 საათს.

მაქსიმალური სადღეღამისო დოზა მოზრდილებისთვის შეადგენს 1200 მგ (3 ტაბლეტი).

მაქსიმალური სადღეღამისო დოზა 12-დან 18 წლამდე ასაკის ბავშვებისთვის შეადგენს 800 მგ (2 ტაბლეტი).

თუ პრეპარატის მიღების დროს 2-3 დღის განმავლობაში სიმპტომები ნარჩუნდება ან ძლიერდება, მკურნალობა აუცილებელად უნდა შეწყვიტოთ და მიმართოთ და ექიმს.

პრეპარატის მიღება

შინაგანი მიღებისთვის. კუჭის მომატებული მგრძნობელობის მქონე პაციენტებში რეკომენდებულია პრეპარატის მიღება ჭამის დროს.

გვერდითი მოქმედება

უსაფრთხოების პროფილის რეზიუმე

ეფექტების განვითარების რისკი შეიძლება შემცირდეს მინიმუმამდე, თუ პრეპარატი მიიღება ხანმოკლე კურსით, ყველაზე დაბალი ეფექტური დოზით, რომელიც აუცილებელია სიმპტომების აღმოსაფხვრელად.

სხვა განსაკუთრებულ ი პოპულაციები

ხანდაზმული ასაკის პაციენტებში აასს-ის მიღების ფონზე შესაძლებელია აღინიშნებოდეს გვერდითი რეაქციების გაზრდილი სიხშირე, განსაკუთრებით კუჭ-ნაწლავის სისხლდენებისა და პერფორაციების, ზოგიერთ შემთხვევაში ლეტალური შედეგით.

გვერდითი ეფექტები უპირატესად დოზადამოკიდებულია. ქვემოთ ჩამოთვლილი გვერდითი რეაქციები აღინიშნებოდა იბუპროფენის მოკლე დროის განმავლობაში გამოყენებისას დოზებში, რომელიც არ აჭარბებენ 1200 მგ-ს/დღე-ღამეში. ქრონიკული მდგომარეობების მკურნალობისა და ხანგრძლივი გამოყენების შემთხვევებში შესაძლებელია სხვა გვერდითი რეაქციების განვითარება.

არასასურველი რეაქციების რეზიუმე

არასასურველი რეაქციების სიხშირე, რომელიც შეიძლება წარმოიქმნას თერაპიის დროს, მოყვანილია შემდეგი გრადაციის სახით: ძალიან ხშირი (≥ 1/10); ხშირი (≥ 1/100, < 1/10); არახშირი (≥ 1/1000, < 1/100); იშვიათი (≥ 1/10,000, < 1/1000); ძალიან იშვიათი (< 1/10000); სიხშირე უცნობია (სიხშირე არ შეიძლება შეფასდეს ხელმისაწვდომი მონაცემების მიხედვით).

დარღვევები სისხლისა და ლიმფური სისტემის მხრივ

ძალიან იშვიათი: სისხლწარმოქმნის დარღვევები (ანემია, ლეიკოპენია, აპლაზიური ანემია, ჰემოლიზური ანემია, თრომბოციტოპენია, პანციტოპენია, აგრანულოციტოზი).

ასეთი დარღვევების პირველი სიმპტომებია ცხელება, ყელის ტკივილი, ზედაპირული წყლულები პირის ღრუში, გრიპის მსგავსი სიმპტომები, გამოხატული სისუსტე, ცხვირიდან სისხლდენა და კანქვეშა სისხლჩაქცევები, უცნობი ეტიოლოგიის სისხლდენა და სისხლჩაქცევები.

დარღვევები იმუნური სისტემის მხრივ

არახშირი: ​​ჰიპერმგრძნობელობითი რეაქციები - არასპეციფიკური ალერგიული რეაქციები და ანაფილაქსიური რეაქციები, რეაქციები სასუნთქი გზების მხრივ (ბრონქული ასთმა, მათ შორის მისი გამწვავება, ბრონქოსპაზმი, ქოშინი, დისპნოე), კანისმიერი რეაქციები (ქავილი, ჭინჭრის ციება, პურპურა, კვინკეს შეშუპება, ბულოზური დერმატოზები, ალერგიული რინიტი, ეოზინოფილია.

ძალიან იშვიათი: ჰიპერმგრძნობელობის ​​მძიმე რეაქციები, მათ შორის სახის, ენისა და ხორხის შეშუპება, ქოშინი, ტაქიკარდია, არტერიული ჰიპოტენზია (ანაფილაქსია, კვინკეს შეშუპება ან მძიმე ანაფილაქსიური შოკი), და ასევე მძიმე კანისმიერი არასასურველი რეაქციები მულტიმორფული ერითემის, ექსფოლიატიური დერმატიტის, სტივენს-ჯონსონის სინდრომის, ტოქსიკური ეპიდერმული ნეკროლიზის ჩათვლით.

სიხშირე უცნობია: DRESS სინდრომი, (მედიკამენტოზური რეაქცია ეოზინოფილიით და სისტემური სიმპტომებით), მწვავე გენერალიზებული ეგზანთემატოზური პუსტულოზი (AGEP).

დარღვევები ნერვული სისტემის მხრივ

არახშირი: თავის ტკივილი.

ძალიან იშვიათი: ​​ასეპტიური მენინგიტი (ასეპტიური მენინგიტის სიმპტომების ცალკეული შემთხვევები, ისეთები, როგორიცაა კისრის კუნთების რიგიდულობა, თავის ტკივილი, გულისრევა, ღებინება, ციებ-ცხელება და ორიენტაციის დაკარგვა, აღიშნებოდა იბუპროფენით მკურნალობის დროს აუტოიმუნური დაავადებების მქონე პაციენტებში (სისტემური წითელი მგლურა და შემაერთებელი ქსოვილის შერეული დაავადება )) .

დარღვევები გულის მხრივ

სიხშირე უცნობია: გულის უკმარისობა, პერიფერიული შეშუპებები, ხანგრძლივი გამოყენების დროს იზრდება თრომბოზული გართულებების რისკი (მაგალითად, მიოკარდიუმის ინფარქტი ან ინსულტი), არტერიული წნევის მომატება. კოუნისის სინდრომი.

დარღვევებისისხლძარღვ ების მხრივ

სიხშირე უცნობია: არტერიული წნევის მომატება.

დარღვევებისასუნთქი სისტემის, გულმკერდისადა შუასაყარის ორგანოების მხრივ

სიხშირე უცნობია: ბრონქული ასთმა, ბრონქოსპაზმი, ქოშინი.

კუჭ-ნაწლავის დარღვევები

არახშირი: მუცლის არეში ტკივილი, გულისრევა, დისპეფსია (მათ შორის გულძმარვა, შებერილობა).

იშვიათი: ​​დიარეა, მეტეორიზმი, ყაბზობა, ღებინება.

ძალიან იშვიათი: ​​პეპტიური წყლული, პერფორაცია ან სისხლდენა კუჭ-ნაწლავის ტრაქტიდან, მელენა, სისხლიანი ღებინება, ზოგიერთ შემთხვევაში ლეტალური შედეგით, განსაკუთრებით ხანდაზმული ასაკის პაციენტებში, წყლულოვანი სტომატიტი, გასტრიტი.

სიხშირე უცნობია: კოლიტის და კრონის დაავადების გამწვავება.

დარღვევებიღვიძლისა დანაღველ გამომყოფი გზების მხრივ

ძალიან იშვიათი: ​​ღვიძლის ფუნქციის დარღვევა, "ღვიძლის" ტრანსამინაზების აქტივობის მომატება, ჰეპატიტი და სიყვითლე.

დარღვევებითირკმლებისა დაშარდგამომყოფიგზების მხრივ

ძალიან იშვიათი: ​​თირკმლის მწვავე უკმარისობა (კომპენსირებული და დეკომპენსირებული), განსაკუთრებით ხანგრძლივი გამოყენებისას, სისხლის პლაზმაში შარდოვანას კონცენტრაციის მატებასთან და შეშუპებების, ჰემატურიისა და პროტეინურიის გამოვლინებასთან ერთად, ნეფრიტული სინდრომი, ნეფროზული სინდრომი, პაპილარული ნეკროზი, ინტერსტიციული ნეფრიტი, ცისტიტი.

ლაბორატორიული და ინსტრუმენტული მონაცემები

• ჰემატოკრიტი ან ჰემოგლობინი (შეიძლება შემცირდეს).

• სისხლდენის დრო (შეიძლება გაიზარდოს).

• სისხლის პლაზმაში გლუკოზის კონცენტრაცია (შეიძლება შემცირდეს).

• კრეატინინის კლირენსი (შეიძლება შემცირდეს).

• კრეატინინის პლაზმური კონცენტრაცია (შეიძლება გაიზარდოს).

• „ღვიძლისმიერი“ ტრანსამინაზების აქტივობა (შეიძლება გაიზარდოს).

გვერდითი ეფექტების განვითარების შემთხვევაში შეწყვიტეთ პრეპარატის მიღება და მიმართეთ ექიმს.

ჭარბი დოზა

ბავშვებში დოზის გადაჭარბების დროს სიმპტომები შეიძლება წარმოიქმნას ისეთი დოზის მიღების დროს, რომელიც აჭარბებს 400 მგ/კგ-ს სხეულის მასაზე. ზრდასრულებში დოზის გადაჭარბების დოზადამოკიდებული ეფექტი ნაკლებადაა გამოხატული.

პრეპარატის ნახევარგამოყოფის პერიოდი დოზის გადაჭარბებისას შეადგენს 1,5-3 საათს.

სიმპტომები

გულისრევა, ღებინება, ტკივილი ეპიგასტრალურ არეში ან ნაკლებად ხშირად დიარეა, ხმაური ყურებში, თავის ტკივილი და სისხლდენა კუჭ-ნაწლავის ტრაქტიდან. უფრო მძიმე შემთხვევებში აღინიშნება გამოვლინებები ცენტრალური ნერვული სისტემის მხრივ: ძილიანობა, იშვიათად - აგზნებადობა, კრუნჩხვები, დეზორიენტაცია, კომა. მძიმე მოწამვლის შემთხვევაში შეიძლება განვითარდეს მეტაბოლური აციდოზი და პროთრომბინის დროის მატება, თირკმლის უკმარისობა, ღვიძლის ქსოვილის დაზიანება, არტერიული წნევის დაქვეითება, სუნთქვის დათრგუნვა და ციანოზი. ბრონქული ასთმის მქონე პაციენტებში შესაძლებელია ამ დაავადების გამწვავება.

მკურნალობა

სიმპტომური, სასუნთქი გზების გამავლობის სავალდებულო უზრუნველყოფით, ელექტროკარდიოგრამის (ეკგ) და ძირითადი სასიცოცხლო მაჩვენებლების მონიტორინგით პაციენტის მდგომარეობის ნორმალიზაციამდე. რეკომენდებულია გააქტიურებული ნახშირის პერორალურად გამოყენება ან კუჭის ამორეცხვა იბუპროფენის პოტენციურად ტოქსიკური დოზის მიღებიდან 1 საათის განმავლობაში. თუ იბუპროფენი უკვე აბსორბირებულია, შეიძლება დაინიშნოს ტუტე სასმელი იბუპროფენის მჟავე წარმოებულის თირკმლებით გამოდევნის მიზნით, ფორსირებული დიურეზი. ხშირი ან გახანგრძლივებული კრუნჩხვების კუპირება უნდა მოხდეს დიაზეპამის ან ლორაზეპამის ინტრავენური შეყვანით. ბრონქული ასთმის გაუარესებისას რეკომენდებულია ბრონქოდილატატორების გამოყენება.

ურთიერთქმედება სხვა სამკურნალო საშუალებებთან

იბუპროფენის ერთდროული გამოყენება შემდეგ სამკურნალო საშუალებებთან ერთად თავიდან უნდა იქნას აცილებული:

• აცეტილსალიცილის მჟავა: აცეტილსალიცილის მჟავას დაბალი დოზების გარდა (არაუმეტეს 75 მგ დღე-ღამეში), რომელიც ექიმის მიერ არის დანიშნული, ვინაიდან კომბინირებულმა გამოყენებამ შეიძლება გაზარდოს გვერდითი ეფექტების წარმოქმნის რისკი. ერთდროული გამოყენებისას იბუპროფენი ამცირებს აცეტილსალიცილის მჟავას ანთების საწინააღმდეგო და ანტიაგრეგანტულ მოქმედებას (შესაძლებელია მწვავე კორონარული უკმარისობის განვითარების სიხშირის ზრდა პაციენტებში, რომლებიც ანტიაგრეგანტული საშუალების სახით ღებულობენ აცეტილსალიცილის მჟავას დაბალ დოზებს იბუპროფენის მიღების დაწყების შემდეგ).
• სხვა აასს-ები,კერძოდცოგ-2-ის(ციკლოოქსიგენაზა-2-ის) სელექტიური ინჰიბიტორები: აასს-ს ჯგუფის ორი ან მეტი პრეპარატის ერთდროული გამოყენება თავიდან უნდა იქნას არიდებული გვერდითი ეფექტების წარმოქმნის რისკის შესაძლო გაზრდის გამო.

სიფრთხილით გამოიყენება შემდეგ სამკურნალო საშუალებებთან ერთად კომბინაციაში:

• ანტიკოაგულანტები და თრომბოლიზურიპრეპარატები:აასს-მა შეიძლება გააძლიერონ ანტიკოაგულანტების, კერძოდ ვარფარინისა და თრომბოლიზური პრეპარატების ეფექტი.
• ანტიჰიპერტენზიული საშუალებები (აგფ ინჰიბიტორები (ანგიოტენზინ-გარდამქმნელი ფერმენტი) და ანგიოტენზინ II ანტაგონისტები) და დიურე ტიკები : აასს-ებმა შეიძლება შეამცირონ ამ ჯგუფების პრეპარატების ეფექტურობა. თირკმლის ფუნქციის დარღვევის მქონე ზოგიერთ პაციენტთან (მაგალითად, გაუწყლოვანების მქონე პაციენტებში ან თირკმლის ფუნქციის დარღვევის მქონე ხანდაზმული ასაკის პაციენტებში), აგფ ინჰიბიტორების ან ანგიოტენზინ II ანტაგონისტებისა და ციკლოოქსიგენაზას მაინჰიბირებელი საშუალებების ერთდროულმა დანიშვნამ შეიძლება გამოიწვიოს თირკმლის ფუნქციის გაუარესება, თირკმლის მწვავე უკმარისობის განვითარების ჩათვლით (ჩვეულებრივ, შექცევადია). ეს ურთიერთქმედებები უნდა იქნას გათვალისწინებული პაციენტებთან, რომლებიც იღებენ კოქსიბებს აგფ ინჰიბიტორებთან ან ანგიოტენზინ II-ის ანტაგონისტებთან ერთდროულად. ამასთან დაკავშირებით, ზემოაღნიშნული საშუალებების ერთობლივი გამოყენება უნდა იქნას დანიშნული სიფრთხილით, განსაკუთრებით ხანდაზმულ პირებში. აუცილებელია თავიდან იქნას აცილებული პაციენტებში გაუწყლოვანება, და ასევე იქნას განხილული თირკმლის ფუნქციის მონიტორინგის შესაძლებლობა ასეთი კომბინირებული თერაპიის დაწყების შემდეგ და პერიოდულად - შემდგომში.

დიურეტიკებმა და აგფ ინჰიბიტორებმა შეიძლება გაზარდონ აასს-ების ნეფროტოქსიურობა.

• გლუკოკორტიკოსტეროიდები: კნტ-ის წყლულების წარმოქმნისა და კუჭ-ნაწლავის ტრაქტიდან სისხლდენის გაზრდილი რისკი.
• ანტიაგრეგანტებიდა სეროტონინის უკუმიტაცების შერჩევითი ინჰიბიტორები: კუჭ-ნაწლავის ტრაქტიდან სისხლდენის წარმოქმნის გაზრდილი რისკი.
• საგულ ე გლიკოზიდები: აასს-ებისა და საგულე გლიკოზიდების ერთდროულმა დანიშვნამ შეიძლება გამოიწვიოს გულის უკმარისობის დამძიმება, გორგლოვანი ფილტრაციის სიჩქარის დაქვეითება და საგულე გლიკოზიდების კონცენტრაციის მომატება სისხლის პლაზმაში.
• ლითიუმის პრეპარატები: არსებობს მონაცემები სისხლის პლაზმაში ლითიუმის კონცენტრაციის გაზრდის ალბათობის შესახებ აასს-ის გამოყენების ფონზე.
• მეტოტრექსატი: არსებობს მონაცემები სისხლის პლაზმაში მეტოტრექსატის კონცენტრაციის გაზრდის ალბათობის შესახებ აასს-ების გამოყენების ფონზე.
• ციკლოსპორინი: ნეფროტოქსიურობის გაზრდილი რისკი აასს-ებისა და ციკლოსპორინის ერთდროულად დანიშვნის დროს.
• მიფეპრისტონი: აასს-ების მიღება არ შეიძლება დაინიშნოს უფრო ადრე, ვიდრე მიფეპრისტონის მიღებიდან 8-დან 12 დღის გასვლის შემდეგ, ვინაიდან აასს-ებმა შეიძლება შეამცირონ მიფეპრისტონის ეფექტურობა.
• ტაკროლიმუსი: აასს-ების და ტაკროლიმუსის ერთდროული დანიშვნის დროს შეიძლება გაიზარდოს ნეფროტოქსიურობის რისკი.
• ზიდოვუდინი: აასს-ებისა და ზიდოვუდინის ერთდროულმა გამოყენებამ შეიძლება გამოიწვიოს ჰემატოტოქსიკურობის გაზრდა. არსებობს მონაცემები ჰემართროზისა და ჰემატომის წარმოქმნის რისკის გაზრდის შესახებ აივ-დადებით პაციენტებში (ადამიანის იმუნოდეფიციტის ვირუსის მქონე პაციენტებში) ჰემოფილიით დაავადებულებში, რომლებიც ღებულობდნენ ერთდროულ მკურნალობას ზიდოვუდინითა და იბუპროფენით.
• ქინოლონის რიგის ანტიბიოტიკები : პაციენტებს, რომლებიც ღებულობდნენ კომბინირებულ მკურნალობას აასს-ებითა და ქინოლონის რიგის ანტიბიოტიკებით, შეიძლება გაეზარდოთ კრუნჩხვების წარმოქმნის რისკი.
• მიელოტოქსიური პრეპარატები: ჰემატოტოქსიკურობის გაძლიერება.
• ცეფამანდოლი, ცეფოპერაზონი, ცეფოტეტანი, ვალპროის მჟავა, პლიკამიცინი : ჰიპოპროთრომბინემიის განვითარების სიხშირის ზრდა.
• სამკურნალო საშუალებები,რომლებიც ბლოკავენმილაკოვანსეკრეციას: იბუპროფენის გამოყოფის და პლაზმური კონცენტრაციის მატების დაქვეთება.
• მიკროსომული დაჟანგვის ინდუქტორები (ფენიტოინი, ეთანოლი, ბარბიტურატები, რიფამპიცინი, ფენილბუტაზონი, ტრიციკლური ანტიდეპრესანტები) : ჰიდროქსილირებული აქტიური მეტაბოლიტების გამომუშავების, მძიმე ინტოქსიკაციების განვითარების რისკის გაზრდა.
• მიკროსომური დაჟანგვის ინჰიბიტორები: ჰეპატოტოქსიური მოქმედების რისკის შემცირება
• პერორალური ჰიპოგლიკემიურისამკურნალოსაშუალებები და ინსულინი, სულფონილშარდოვანას წარმოებულები: პერპარატების მოქმედების გაძლიერება.
• ანტაციდები და ქოლესტირამინი: აბსორბციის დაქვეითება.
• ურიკოზურიული პრეპარატები : პრეპარატების ეფექტურობის დაქვეითება.
• ესტროგენები, ეთანოლი: გვერდითი ეფექტების წარმოქმნის გაზრდილი რისკი (400 მგ დოზირებისთვის).
• კოფეინი: მაანალგეზირებადი ეფექტის გაძლიერება.

განსაკუთრებული მითითებები

სიფრთხილით გამოიყენება

თუ გაქვთ მდგომარეობები, რომლებიც მითითებულია ამ ნაწილში, პრეპარატის გამოყენების წინ საჭიროა მიმართოთ ექიმს.

სხვა აასს-ების ერთდროული გამოყენება, ანამნეზში კუჭისა და თორმეტგოჯა ნაწლავის წყლულოვანი დაავადების ან კნტ-დან (კუჭ-ნაწლავის ტრაქტიდან) წყლულოვანი სისხლდენის ერთჯერადი ეპიზოდის არსებობა; გასტრიტი, ენტერიტი, კოლიტი, ინფექცია Helicobacter pylori-ის არსებობა, წყლულოვანი კოლიტი; ბრონქული ასთმა ან ალერგიული დაავადებები გამწვავების სტადიაში ან ანამნეზში - შესაძლებელია განვითარდეს ბრონქოსპაზმი; სისტემური წითელი მგლურა ან შემაერთებელი ქსოვილის შერეული დაავადება (შარპის სინდრომი) - გაზრდილია ასეპტიკური მენინგიტის რისკი; ჩუტყვავილა; თირკმლის უკმარისობა, მათ შორის გაუწყლვანებისას (კრეატინინის კლირენსი 30-60 მლ/წთ-ზე ნაკლები), ნეფროზული სინდრომი, ღვიძლის უკმარისობა, ღვიძლის ციროზი პორტალური ჰიპერტენზიით, ჰიპერბილირუბინემია, არტერიული ჰიპერტენზია და/ან გულის უკმარისობა, ცერებროვასკულური დაავადებები, გაუგებარი ეტიოლოგიის სისხლის დაავადებები (ლეიკოპენია და ანემია), მძიმე სომატური დაავადებები, დისლიპიდემია/ჰიპერლიპიდემია, შაქრიანი დიაბეტი, პერიფერიული არტერიების დაავადებები, თამბაქოს მოხმარება, ალკოჰოლის ხშირი გამოყენება, ისეთი სამკურნალო საშუალებების ერთდროული გამოყენება, რომლებმაც შეიძლება გაზარდონ წყლულების ან სისხლდენის წარმოქმნის რისკი, კერძოდ, პერორალური გლუკოკორტიკოსტეროიდების (მათ შორის პრედნიზოლონის), ანტიკოაგულანტების (მათ შორის ვარფარინის), სეროტონინის უკუმიტაცების შერჩევითი ინჰიბიტორების (მათ შორის ციტალოპრამის, ფლუოქსეტინის, პაროქსეტინის, სერტრალინის ) ან ანტიაგრეგანტების (აცეტილსალიცილის მჟავას, კლოპიდოგრელის ჩათვლით), 20 კვირამდე ვადის ორსულობა, ძუძუთი კვების პერიოდი, 12 წელზე ნაკლები ასაკი, ხანდაზმული ასაკი.

განსაკუთრებული მითითებები

რეკომენდებულია პრეპარატის მიღება მაქსიმალურად შესაძლებელი ხანმოკლე კურსით და მინიმალური ეფექტური დოზით, რომელიც აუცილებელია სიმპტომების აღმოსაფხვრელად. პრეპარატის 10 დღეზე მეტი ხნის განმავლობაში მიღების საჭიროების შემთხვევაში, აუცილებელია მიმართოთ ექიმს.

ბრონქული ასთმის ან ალერგიული დაავადების გამწვავების სტადიის მქონე პაციენტებში, აგრეთვე ანამნეზში ბრონქული ასთმის/ალერგიული დაავადების მქონე პაციენტებში, პრეპარატმა შეიძლება გამოიწვიოს ბრონქოსპაზმის პროვოცირება. სისტემური წითელი მგლურა ან შემაერთებელი ქსოვილის შერეული დაავადების მქონე პაციენტებში პრეპარატის გამოყენება დაკავშირებულია ასეპტიკური მენინგიტის განვითარების მომატებულ რისკთან.

ხანგრძლივი მკურნალობის დროს აუცილებელია პერიფერიული სისხლისა და ღვიძლისა და თირკმლის ფუნქციური მდგომარეობის სურათის კონტროლი. გასტროპათიის სიმპტომების გამოვლენისას ნაჩვენებია გულდასმითი კონტროლი, რომელიც გულისხმობს ეზოფაგოგასტროდუოდენოსკოპიის, სისხლის საერთო ანალიზის (ჰემოგლობინის განსაზღვრა), ფარულ სისხლდენაზე განავლის ანალიზის ჩატარებას. 17-კეტოსტეროიდების განსაზღვრის აუცილებლობისას, რეკომენდებულია პრეპარატის მიღების შეწყვეტა კვლევის ჩატარებამდე 48 საათით ადრე. მკურნალობის პერიოდში ეთანოლის მიღება არ არის რეკომენდებული.

თირკმლის უკმარისობის მქონე პაციენტებმა პრეპარატის გამოყენებამდე უნდა გაიარონ კონსულტაცია ექიმთან, ვინაიდან არსებობს თირკმლის ფუნქციური მდგომარეობის გაუარესების რისკი.

პაციენტებმა, რომლებსაც აქვთ ჰიპერტენზია, მათ შორის ანამნეზში ან/და გულის ქრონიკული უკმარისობა, აუცილებელია პრეპარატის გამოყენებამდე გაიარონ კონსულტაცია ექიმთან, ვინაიდან პრეპარატმა შეიძლება გამოიწვიოს სითხის შეკავება, არტერიული წნევის მატება და შეშუპებები.

არაკონტროლირებადი არტერიული ჰიპერტენზიის, NYHA-ს მიხედვით II-III კლასის გულის შეგუბებითი უკმარისობის, გულის იშემიური დაავადების, პერიფერიული არტერიების დაავადებების და/ან ცერებროვასკულური დაავადებების მქონე პაციენტებში იბუპროფენი უნდა იქნას დანიშნული მხოლოდ „სარგებელი-რისკის“ თანაფარდობის გულდასმითი შეფასების შემდეგ და ამასთან თავიდან უნდა იქნას არიდებული იბუპროფენის მაღალი დოზებით გამოყენება (≥ 2400 მგ/დღეში).

იქნა მიღებული შეტყობინებები კოუნისის სინდრომის განვითარების შესახებ პაციენტებში, რომლებიც ღებულობდნენ იბუპროფენ-აკოსს. კოუნისის სინდრომი (ალერგიული მწვავე კორონარული სინდრომი) - ეს არის გულსისხლძარღვთა სიმპტომების ჯგუფი, რომლებიც გამოწვეულია ალერგიული რეაქციის შედეგად ანთების კორონარული არტერიების სპაზმებთან დაკავშირებული მედიატორების გამოთავისუფლებით, რამაც შეიძლება გამოიწვიოს მიოკარდიუმის ინფარქტი.

აასს-ების გამოყენება ჩუტყვავილას მქონე პაციენტებში შეიძლება დაკავშირებული იყოს კანისა და კანქვეშა ცხიმოვანი უჯრედისის ინფექციურ - ანთებითი დაავადებების მძიმე ჩირქოვანი გართულებების განვითარების რისკთან (მაგალითად, ნეკროზული ფასციტის). ამასთან დაკავშირებით რეკომენდებულია სამკურნალო პრეპარატის გამოყენების თავიდან აცილება ჩუტყვავილას დროს.

მიღებული იქნა ინფორმაცია მძიმე კანისმიერი არასასურველი რეაქციების განვითარების შესახებ, ექსფოლიაციური დერმატიტის, მულტიფორმული ერითემის, სტივენს-ჯონსონის სინდრომის, ტოქსიკური ეპიდერმული ნეკროლიზისა და DRESS სინდრომის (მედიკამენტოზური რეაქცია ეოზინოფილიითა და სისტემური სიმპტომებით), მწვავე გენერალიზირებული ეგზანტემური პუსტულოზის ჩათვლით, რომლებიც შეიძლება ემუქრებოდნენ სიცოცხლეს ან შესაძლოა ჰქონდეთ ლეტალური შედეგი და დაკავშირებულნი არიან იბუპროფენის გამოყენებასთან. ამ რეაქციების უმეტესი ნაწილი უმეტეს შემთხვევებში ვითარდებოდა პირველი თვის განმავლობაში.

თუ ნიშნები და სიმპტომები იუწყებიან ამ რეაქციების განვითარების შესახებ, იბუპროფენი დაუყოვნებლივ უნდა იქნას მოხსნილი და აუცილებლობის შემთხვევაში უნდა იქნას განხილული ალტერნატიული მკურნალობა.

იბუპროფენის შემცველი აასს-ის გამოყენებამ შესაძლოა შენიღბოს ინფექციური დაავადების სიმპტომები, რამაც შესაძლებელია გამოიწვიოს თანმხლები მკურნალობის დაწყების შეფერხება და ამით გაართულოს დაავადების მიმდინარეობა.თუ ნუროფასტი® გამოიყენება სხეულის ტემპერატურის მომატების დროს ან ინფექციისას ტკივილის შესამსუბუქებლად, რეკომენდებულია ინფექციური დაავადების მონიტორინგის ჩატარება. სამედიცინო დაწესებულების ფარგლებს გარეთ მკურნალობის შემთხვევაში პაციენტმა უნდა მიმართოს ექიმს, თუ სიმპტომები ნარჩუნდება ან უარესდება.

ინფორმაცია ქალებისთვის, რომლებიც გეგმავენ ორსულობას: პრეპარატი თრგუნავს ციკლოოქსიგენაზას და პროსტაგლანდინების სინთეზს, ზემოქმედებას ახდენს ოვულაციაზე, არღვევს რა ქალის რეპროდუქციულ ფუნქციას (შექცევადია მკურნალობის შეწყვეტის შემდეგ).

ბავშვები

პრეპარატი 200 მგ დოზირებით უკუნაჩვენებია 6 წლამდე ასაკის ბავშვებში.

პრეპარატი 400 მგ დოზირებით უკუნაჩვენებია 12 წლამდე ასაკის ბავშვებში.

ნატრიუმის შემცველობა პრეპარატ ნუროფასტში®

მოცემული პრეპარატი შეიცავს 0,56 მოლ (12,87 მგ) ნატრიუმს 1 ტაბლეტზე 200 მგ დოზით და 1,12 მოლ (25,74 მგ) ნატრიუმს 1 ტაბლეტზე 400 მგ დოზით. გათვალისწინებული უნდა იქნას იმ პაციენტების მიერ, რომლებიც არიან ნატრიუმის შეზღუდვის დიეტაზე.

ზეგავლენა სატრანსპორტო საშუალებების, მექანიზმების მართვის უნარზე

პაციენტები, რომლებსაც იბუპროფენის მიღების დროს აღენიშნებათ თავბრუსხვევა, ძილიანობა, მოქმედებების შენელება ან მხედველობის დარღვევები უნდა მოერიდონ ავტოტრანსპორტის ტარებას ან მექანიზმების მართვას.

გამოშვების ფორმა

10 ტაბლეტი კონტურულ უჯრედულ შეფუთვაში, რომელიც დამზადებულია პოლივინილქლორიდისგან და დაბეჭდილი ლაქირებული ალუმინის ფოლგისგან.

2 კონტურული უჯრედული შეფუთვა პრეპარატის გამოყენების ინსტრუქციასთან ერთად მოთავსებულია მუყაოს შეფუთვაში.

ვარგისობის ვადა

2 წელი.

არ გამოიყენება ვარგისობის ვადის გასვლის შემდეგ.

შენახვის პირობები

არაუმეტეს 25℃ ტემპერატურაზე.

ინახება ბავშვებისთვის მიუწვდომელ ადგილზე.

გაცემის წესი:

ფარმაცევტული პროდუქტის ჯგუფი - III , გაიცემა რეცეპტის გარეშე