ნოლპაზა - Nolpaza 20მგ 98 ტაბლეტი

ნოლპაზა® ნაწლავში ხსნადი ტაბლეტები 20 მგ და 40 მგ

პანტოპრაზოლი ( Pantoprazole)

პრეპარატის გამოყენებამდე ყურადღებით წაიკითხეთ მთლიანი ფურცელ-ჩანართი, ვინაიდან ის შეიცავს თქვენთვის მნიშვნელოვან ინფორმაციებს.

- შეინახეთ ეს ინსტრუქცია, შესაძლოა მოგვიანებით კიდევ დაგჭირდეთ მისი წაკითხვა.

- დამატებითი კითხვების შემთხვევაში, მიმართეთ ექიმს ან ფარმაცევტს.

- ეს მედიკამენტი დაგენიშნათ თქვენ ინდივიდუალურად. ნუ გადასცემთ მას სხვას. შესაძლოა პრეპარატმა ზიანი მიაყენოს მას, იმ შემთხვევაშიც, თუ მასაც აღენიშნება თქვენივე მსგავსი სიმპტომები.

- ნებისმიერი არასასურველი რეაქციის გამოვლენის შემთხვევაში, მიმართეთ მკურნალ ექიმს ან ფარმაცევტს. აღნიშნული რეკომენდაცია ვრცელდება იმ ნებისმიერ არასასურველი რეაქციის გამოვლენის შემთხვევაშიც, რომლებიც არ არის აღნიშნული ფურცელ-ჩანართის მე-4 ნაწილში.

რას შეიცავს ფურცელ-ჩანართი:

1. რას წარმოადგენს პრეპარატი ნოლპაზა ^® და რისთვის გამოიყენება.

2. რას უნდა მიაქციოთ ყურადღება პრეპარატი ნოლპაზას^®გამოყენებამდე

3. პრეპარატი ნოლპაზას ^® მიღების წესი

4. მოსალოდნელი გვერდითი რეაქციები

5. პრეპარატი ნოლპაზას ^® შენახვის წესი

6. შეფუთვის შემადგენლობა და დამატებითი ინფორმაციები

1. რას წარმოადგენს პრეპარატი ნოლპაზა^® და რისთვის გამოიყენება

ნოლპაზა ^® წარმოადგენს პროტონების ტუმბოს სელექტიურ ინჰიბიტორს, რომელიც იწვევს კუჭში მჟავის რაოდენობის შემცირებას. ნოლპაზა ^® გამოიყენება დაავადებების სამკურნალოდ, რომლებიც კავშირშია კუჭში და თორმეტგოჯა ნაწლავში მომატებულ მჟავიანობასთან.

ნოლპაზა ^® 20 მგ ნაწლავში ხსნარი ტაბლეტები

მოზრდილები და 12 წლის და უფროსი ასაკის მოზარდები:

• კუჭიდან მჟავას განდევნით გამოწვეული გასტროეზოფაგურ რეფლუქსურ დაავადებასთან დაკავშირებული სიმპტომების მკურნალობა (როგორიცაა გულძმარვა, მჟავე ბოყინი, ტკივილი ყლაპვისას).

• რეფლუქს-ეზოფაგიტის გამწვავების ხანგრძლივი მკურნალობა და პროფილაქტიკა (საყლაპავის ანთება, რასაც თან ახლავს კუჭიდან მჟავას რეგურგიტაცია).

მოზრდილები:

არასტეროიდული ანთების საწინააღმდეგო პრეპარატების (აასპ, მაგალითად, იბუპროფენი) გამოყენებასთან დაკავშირებული კუჭის და თორმეტგოჯა ნაწლავის ეროზიულ-წყლულოვანი დაზიანებების პროფილაქტიკა რისკ-ჯგუფის პაციენტებში, რომლებიც საჭიროებენ აასპ-ს ხანგრძლივ მიღებას.

ნოლპაზა ^® 40 მგ ნაწლავში ხსნარი ტაბლეტები

მოზრიდლები და 12 წლის და უფროსი ასაკის მოზარდები:

• რეფლუქს-ეზოფაგიტი. საყლაპავის ანთება (ხორხის და კუჭის შემაერთებელი მილი), რასაც ახლავს კუჭიდან მჟავას რეგურგიტაცია.

მოზრდილები:

• Helicobacter pylori (H.pylori)ბაქტერიებით გამოწვეული ინფექციები ანტიბაქტერიულ საშუალებებთან შესაბამის თერაპიის შემადგენლობაში (ერადიკაციული თერაპია).

• კუჭისა და თორმეტგოჯა ნაწლავის წყლული.

•  ზოლინგერ-ელისონის სინდრომი და კუჭში მჟავას მომატებულ გამოყოფასთან დაკავშირებული სხვა პათოლოგიური მდომარეობები.

იხილეთ ბლოგი: >ნოლპაზა — რისი წამალია და როგორ მოქმედებს ის?

2. რა უნდა იცოდეთ პრეპარატი ნოლპაზას^® გამოყენებამდე

არ შეიძლება ნოლპაზას^® გამოყენება:

• თუ აღინიშნება ალერგია პანტოპრაზოლზე, სორბიტოლზე ან აღნიშნულ პრეპარატში შემავალ ნებისმიერ დამხმარე ინგრედიენტზე (იხ. ნაწილი 6).
• თუ აღინიშნება ალერგია სხვა პროტეინის ტუმბოს ინჰიბიტორების მიმართ.

განსაკუთრებული მითითებები და უსაფრთხოების ზომები

მიმართეთ მკურნალ ექიმს კონსულტაციისათვის ნოლპაზას გამოყენებამდე^®:

- თუ გაქვთ ღვიძლის დაავადებები. აცნობეთ მკურნალ ექიმს, თუ ოდესმე გახასიათებდათ პრობლემები ღვიძლის მხრივ, იმისათვის რომ მან ხშირად აკონტროლოს ღვიძლის ფერმენტების დონე, განსაკუთრებით თუ იღებთ ნოლპაზას ^® ხანგრძლივი დროის განმავლობაში. ღვიძლის ფერმენტების დონის ზრდის შემთხვევაში უნდა შეწყდეს მკურნალობა;

- თუ გესაჭიროებათ ეგრეთ წოდებული აასპ პრეპარატების და ნოლპაზას ^® მუდმივად მიღება, ვინაიდან არსებობს კუჭ-ნაწლავის გართულებების გაზრდილი რისკი. ნებისმიერი მომატებული რისკი შეფასებული იქნება თქვენი ინდივიდუალური რის-ფაქტორების მიხედვით, როგორიც არის ასაკი (65 წელი და მეტი), კუჭის ან თორმეტგოჯა ნაწლავის წყლული ან კუჭიდან ან ნაწლავიდან სისხლდენა ანამნეზში.

- თუ აღინიშნება ვიტამინი B12 -ის მარაგი ან არსებობს ვიტამინი B12 -ის შემცველობის შემცირების რისკი და იღებთ ნოლპაზას^®ხანგრძლივი დროის განმავლობაში. ნებისმიერი სხვა მედიკამენტის მსგავსად, რომელიც ამცირებს მჟავიანობას, შესაძლოა ნოლპაზამაც^®გამოიწვიოს იტამინი B12 -ის აბსორბცია.

- თუ თქვენ იღებთ აივ-პროთეაზას ინიჰიბიტორებს ნოლპაზასთან ^® ერთად, როგორიცაა ატაზანავირი (აივ-ინფექციის სამკურნალო საშუალება), მიმართეთ ექიმს კონსულტაციისათვის;

- ნოლპაზას ^® მსგავსი პროტონული ტუმბოს ინჰიბიტორების მიღებამ, განსაკუთრებით ერთ წელზე მეტი პერიოდის განმავლობაში, შესაძლებელია მცირედად გაზარდოს ბარძაყის ძვლის ყელის, მაჯის სახსრის ძვლის და ხერხემლის მოტეხილობის რისკი;

- აცნობეთ ექიმს, თუ გახასიათებთ ოსტეოპოროზი ან იღებთ კორტიკოსტეორიდებს (მათ შესაძლოა გაზარდონ ოსტეოპოროზის განვითარების რისკი);

- თუ იღებთ ნოლპაზას ^® სამ თვეზე მეტი ხნის განმავლობაში, შესაძლოა აღინიშნოს ისეთი სიმპტომები, როგორიცაა დაღლილობა, კუნთების უნებლიე შეკუმშვა, დეზორიენტაცია, კრუნჩხვები, თავბრუსხვევა ან გულის შეკუმშვის სიხშირის გაზრდა. ნებისმიერი მსგავსი სიმპტომის გამოვლენის შემთხვევაში, რაც შეიძლება სწრაფად შეატყობინეთ ექიმს ამის შესახებ. მაგნიუმის დაბალმა დონემ შესაძლოა გამოიწვიოს კალიუმის ან კალციუმის დონის შემცირება სისხლში. თქვენი მკურნალი ექიმი მიიღებს გადაწყვეტილებას სისხლის ანალიზის რეგულარულ ჩატარებაზე მაგნიუმის დონის კონტროლის მიზნით;

- თუ ოდესმე გამოვლინდა კანის რეაქციები ნოლპაზას ^® მსგავსი პრეპარატების მიღების შემდეგ, რომლებიც ამცირებენ მჟავას რაოდენობას კუჭში.

- თუ აღინიშნება გამონაყარი კანზე, განსაკუთრებით ისეთ ადგილებში, რომელზეც აღინიშნებოდა მზის ზემოქმედება, აცნობეთ ექიმს ამის შესახებ რაც შეიძლება სწრაფად, რადგან შესაძლოა საჭირო გახდეს პრეპარატის მოხსნა. ასევე აცნობეთ ნებისმიერი მტკივილის მდგომარეობების შესახებ, როგორიცაა სახსრების ტკივილი;

- თუ გეგმავთ სისხლის სპეციფიკური ანალიზის გაკეთებას (ქრომოგრანინი A).

დაუყონებლივ მიმართეთ ექიმს,თუ შეინიშნება შემდეგი სიმპტომებიდან რომელიმე:

- წონის უნებლიე დაკლება;

- ღებინება, განსაკუთრებით განმეორებითი;

- სისხლიანი ღებინება; შესაძლოა იყოს ყავის მუქი ნალექის მსგავსი;

- თუ შეინშნება სისხლი განავალში; შესაძლოა იყოს შავი ან კუპრისებრი განავალის სახით;

- ყლაპვის გართულება ან ტკივილი ყლაპვის დროს;

- ტკივილი მკერდში;

- მუცლის ტკივილი;

- რთული და/ან განმეორებითი დიარეა, რადგან პრეპარატის მიღება კავშირშია ინფექციური დიარეის განვითარების გაზრდილ რისკთან.

მკურნალმა ექიმმა შესაძლოა დანიშნოს ზოგიერთი ტესტების ჩატარება, ავთვისებიანი წარმონაქმნების გამორიცხვის მიზნით, რადგან ნოლპაზამ ^® ასევე შესაძლოა გამოიწვიოს კიბოს სიმპტომების შემსუბუქება და აღინიშნოს ამ დაავადების დიაგნოსტიკის შეფერხება. თუ მკურნალობის მიუხედავად აღინიშნება ჩამოთვლილი სიმპტომების შენარჩუნება, საჭიროა შემდგომი კვლევების ჩატარება.

თუ იღებთ ნოლპაზას ხანგრძლივი დროის განმავლობაში (1 წელზე მეტი ხნით), ექიმი, სავარაუდოდ, მკაცრად გააკონტროლებს თქვენს მდგომარეობას. აუცილებლად უნდა აცნობოთ ექიმს ნებისმიერი ახალი ან სპეციფიური სიმპტომების და მდგომარეობების გამოვლენის შესახებ.

ბავშვები და მოზარდები

პრეპარატი არ არის განკუთვნილი ბავშვებში და 12 წლამდე ასაკის მოზარდებში გამოყენებისათვის.

სხვა პრეპარატები და ნოლპაზა ^®

აცნობეთ მკურნალ ექიმს ან ფარმაცევტს, თუ იღებთ, ცოტა ხნის წინ მიიღეთ ან შესაძლოა მიიღოთ ნებისმიერი სხვა სამკურნალო საშუალებები. ნოლპაზამ ^® შესაძლოა ზეგავლენა მოახდინოს სხვა პრეპარატების ეფექტურობაზე, ამიტომ აცნობეთ მკურნალ ექიმს შემდეგი მიღების შესახებ:

- აივ-ინფექციის სამკურნალო პრეპარატები, როგორიცა ატაზანავირი.

- კეტოკონაზოლი, იტრაკონაზოლი და პოზაკონაზოლი (გამოიყენება სოკოვანი ინფექციების სამკურნალოდ) ან ერლოტინიბი (ზოგიერთ კიბოს სახეობის სამკურნალოდ), რადგან ნოლპაზამ ^® შესაძლოა შეწყვიტოს მათი მოქმედება;

- ვარფარინი და ფენპროკუმონი (გამოიყენება სისხლის გათხელებისათვის და სისხლის კოლტების წარმოქმნის საწინააღმდეგოდ). შესაძლოა საჭირო გახდეს დამატებითი გამოკვლევის ჩატარება;

- მეტოტრექსატი (გამოიყენება რევმატოიდური ართრიტის, ფსორიაზის და კიბოს სამკურნალოდ) – თუ იღებთ მეთოტრექსატს, ექიმმა შესაძლოა გირჩიოთ ნოლპაზას ^® მიღების შეწყვეტა, რადგან ნოლპაზამ ^® შესაძლოა გამოიწვიოს სისხლში მეთოტრექსატის დონის გაზრდა.

- ფლუვოქსამინი (გამოიყენება დეპრესიის და სხვა ფსიქიური დაავადებების სამკურნალოდ). თუ იღებთ ფლუვოქსამინს, ექიმმა შესაძლოა შეამციროს დოზა;

- რიფამპიცინი (გამოიყენება ინფექციების სამკურნალოდ).

- კრაზანას პრეპარატები (Hypericum perforatum) (გამოიყენება მსუბუქი დეპრესიის სამკურნალოდ).

ნოლპაზას^® მიღება საკვებ და სასმელ პროდუქტებთან ერთად

ტაბლეტები უნდა მიიღოთ 1 საათით ადრე ჭამამდე, დაღეჭვის და დანაწევრების გარეშე. ტაბლეტი უნდა გადაყლაპოთ მთლიანად წყლის მიყოლებით.

ორსულობა და ლაქტაციის პერიოდი

თუ ხართ ორსულად ან კვებავთ ჩვილს ძუძუთი, ან თუ ეჭვობთ, რომ ხართ ორსულად ან გეგმავთ ორსულობას, უნდა მიმართოთ ექიმს ან ფარმაცევტს კონსულტაციისათვის ნოლპაზას ^® მიღებამდე.

მონაცემები ნოლპაზას ^® ორსულ ქალებში გამოყენების შესახებ არ მოიპოვება. აღინიშნა დედის რძეში გამოყოფა. პრეპარატის გამოყენება შეიძლება მხოლოდ იმ შემთხვევაში, თუ ექიმის შეფასების მიხედვით თქვენთვის მიღებული სარგებელი აღემატება ნაყოფის მიმართ მიყენებულ ზიანს.

სატრანსპორტო საშუალებების მართვა და მექანიზმებთან მუშაობა

ნოლპაზა ^® არ ახდენს ან არ მოახდინა მნიშვნელოვანი ზეგავლენა სატრანსპორტო საშუალებების მართვის ან მექანიზმებთან მუშაობის უნარზე.

თუ აღინიშნება არასასურველი რეაქციები, როგორიცაა თავბრუსხვევა ან მხედველობის დარღვევები, არ უნდა მართოთ ავტომობილი და მექანიზმები.

ნოლპაზა^® შეიცავს სორბიტოლს

თუ თქვენ ექიმი გაცნობებთ, რომ გახასიათებთ აუტანლობა ზოგიერთი შაქრების მიმართ, უნდა მიმართოთ ექიმს კონსულტაციისათვის ამ პრეპარატის გამოყენებამდე.

პრეპარატი ნოლპაზას^® გამოყენება

ყოველთვის მიიღეთ ეს მედიკამენტი ზუსტად ექიმის დანიშნულების მიხედვით. მიმართეთ ექიმს რჩევისთვის, თუ რაიმეში არ ხართ დარწმუნებული.

როდის და როგორ უნდა მიიღოთ ნოლპაზა ^®

ტაბლეტები უნდა მიიღოთ ჭამამდე 1 საათით ადრე, დაღეჭვის და დანაწევრების გარეშე, უნდა გადაყლაპოთ ტაბლეტი მთლიანად მცირე რაოდენობის წყლის მიყოლებით.

ნოლპაზას^® 20 მგ ნაწლავში ხსნადი ტაბლეტები

მოზრდილები და 12 წლის ზემოთ ასაკის მოზარდები:

გასტროეზოფაგეალურ რეფლუქსურ დაავადებასთან დაკავშირებული სიმპტომების მკურნალობა (როგორიცაა გულძმარვა, მჟავე ბოყინი, ტკივილი ყლაპვისას): პრეპარატის რეკომენდებული დოზა – ერთი ტაბლეტი დღე-ღამეში. სიმპტომების შემსუბუქება ჩვეულებრივ ვლინდება 2 – 4 კვირის განმავლობაში, აუცილებლობის შემთხვევაში შესაძლებელია მკურნალობის გაგრძელება 8 კვირამდე. მკურნალი ექიმი მიიღებს გადაწყვეტილებას სამკურნალო საშუალების მიღების ხანგრძლივობის შესახებ. ამის შემდეგ შესაძლებელია ნებისმიერი განმეორებითი სიმპტომების კონტროლი დღეში ერთი ტაბლეტის მიღებით საჭიროების შემთხვევაში.

რეფლუქს-ეზოფაგიტის გამწვავების ხანგრძლივი მკურნალობა და პროფილაქტიკა: რეკომენდებული დოზა – ერთი ტაბლეტი დღეში. თუ დაავადება განმეორდება, ექიმმა შესაძლოა გააორმაგოს დოზა და ასეთ შემთხვევაში თქვენ უნდა მიიღოთ 40 მგ ნოლპაზას ^® ერთი ტაბლეტი ერთჯერ დღეში. განკურნების შემდეგ შესაძლებელია დოზირების კვლავ შემცირება და ნოლპაზა ^® 20 მგ-ის ერთი ტაბლეტის დღეში ერთჯერ მიღება.

უფროსები:

კუჭის და თორმეტგოჯა ნაწლავის ეროზიულ-წყლულოვანი დაზიანებების პროფილაქტიკა, რაც კავშირშია აასპ-ს გამოყენებასთან რისკ ჯგუფის პაციენტებში, რომელთაც ესაჭიროებათ აასპ-ს ხანგრძლივი გამოყენება:

რეკომენდებული დოზა – ერთი ტაბლეტი დღეში.

ნოლპაზა^® 40 მგ ნაწლავში ხსნადი ტაბლეტები

მოზრდილები და 12 წლის ზემოთ ასაკის მოზარდები:

რეფლუქს-ეზოფაგიტი: პრეპარატის რეკომენდებული დოზა – ერთი ტაბლეტი დღე-ღამეში. ექიმმა შესაძლოა გაზარდოს დოზა დღეში 2 ტაბლეტბამდე. რეფლუქს-ეზოფაგიტის მკურნალობა ჩვეულებრივ გრძელდება 4-8 კვირა. მკურნალი ექიმი მიიღებს გადაწყვეტილებას სამკურნალო საშუალების მიღების ხანგრძლივობის შესახებ.

უფროსები:

Helicobacter pylori (H.pylori) ბაქტერიებით გამოწვეული ინფექციები შესაბამის ანტიბაქტერიული სამკურნალო საშუალებების შემადგენლობაში (ერადიკაციული თერაპია): 1 ტაბლეტი ორჯერ დღეში + ორი ტაბლეტი ანტიბიოტიკი (მაგალითად, ამოქსიცილინი, კლარიტრომიცინი და მეტრონიდაზოლი (ან თინიდაზოლი)), რომელთაგან თითოეული მათგანი მიიღება დღეში ორჯერ ნოლპაზას ^® ერთ ტაბლეტთან ერთად. ნოლპაზას ^® პირველი ტაბლეტი მიიღება საუზმემდე 1 საათით ადრე, ხოლო ნოლპაზას ^® მეორე ტაბლეტი 1 საათით ადრე ვახშმამდე. დაიცავით ექიმის მითითებები და წაიკითეთ ანტიბიოტიკების გამოყენების ინსტრუქცია. ჩვეულებრივ მკურნალობის ხანგრძლივობა შეადგენს 1 – 2 კვირას.

კუჭისა და თორმეტგოჯა ნაწლავის წყლული: რეკომენდებული დოზა – 1 ტაბლეტი დღეში. ექიმთან კონსულტაციის შემდეგ შესაძლებელია დოზირების გაორმაგება. მკურნალი ექიმი განსაზღვრავს მკურნალობის ხანგრძლივობას. კუჭის წყლულის მკურნალობის პერიოდი ჩვეულებრივ შეადგენს 4 – 8 კვირას. თორმეტგოჯა ნაწლავის წყლულის მკურნალობა ჩვეულებრივ შეადგენს 2 – 4 კვირას.

ზოლინგერ-ელისონის სინდრომი და სხვა პათოლოგიური მდგომარეობები, რომლებიც კავშირშია კუჭში მომატებული მჟავიანობის წარმოქმნასთან: რეკომენდებული საწყისი დოზა ჩვეულებრივ შეადგენს 2 ტაბლეტს დღეში. ტაბლეტები უნდა მიიღოთ ჭამამდე 1 საათით ადრე. ექიმმა შესაძლოა მოახდინოს დოზირების რეჟიმის კორექცია მკურნალობის პასუხის შესაბამისად. დღეში 2 ტაბლეტზე მეტი დოზირების დანიშვნისას, დოზა დაყოფილი უნდა იქნეს ორ მიღებად. თუ ექიმი დანიშნავს დღე-ღამეში 4 ტაბლეტზე მეტ დოზირებას, ის ზუსტად განსაზღვრავს მკურნალობის ხანგრძლივობას თქვენთვის.

სპეციალური ჯგუფის პაციენტები

- თუ გახასიათებთ საშუალოდან რთულამდე ან რთული ხარისხის თირკმელების დაავადება ან ღვიძლის ფუნქციის დარღვევა არ შეიძლება ნოლპაზას ^® მიღება Helicobacter pylori- ს ბაქტერიის ერადიკაციისათვის.

- თუ აღინიშნება ღვიძლის რთული დაავადება, არ შეიძლება 20 მგ ნოლპაზას ^® 1 ტაბლეტზე მეტის მიღება დღე-ღამეში (საამისოდ განკუთვნილია ნოლპაზა ^® 20 მგ ტაბლეტები)

გამოყენება ბავშვებში და მოზარდებში

აღნიშნული პრეპარატი არ არის რეკომენდებული 12 წლამდე ასაკის ბავშვებში გამოყენებისათვის.

თუ მიიღეთ პრეპარატ ნოლპაზას^® საჭიროზე მეტი დოზირება

აცნობეთ ამის შესახებ მკურნალ ექიმს ან ფარმაცევტს. ზედოზირების სიმპტომები არ არის ცნობილი.

თუ დაგავიწყდათ პრეპარატ ნოლპაზას^® საჭირო დოზის მიღება

არ მიიღოთ ორაგი დოზა გამოტოვებული დოზირების კომპენსირების მიზნით. განაგრძეთ მომდევნო გეგმიური დოზირების მიღება ჩვეულებრივ რეჟიმით მისაღებ დროს.

თუ გსურთ პრეპარატ ნოლპაზას^® მიღების შეწყვეტა

არ შეწყვიტოთ პრეპარატის მიღება ექიმთან წინასწარი კონსულტაციის გარეშე.

დამატებითი კითხვების შემთხვევაში პრეპარატის გამოყენების შესახებ მიმართეთ მკურნალ ექიმს.

4. მოსალოდნელი არასასურველი რეაქციები

ნებისმიერი მედიკამენტის მსგავსად ნოლპაზამაც ^® შესაძლოა გამოიწვიოს არასასურველი რეაქციები, თუმცა არა ნებისმიერ პაციენტში.

დაუყონებლივ აცნობეთ ექიმს ან მიმართეთ ახლომდებარე კლინიკას შემდეგში აღწერილი ნებისმიერი არასასურველი რეაქციის გამოვლენის შემთხვევაში:

- რთული ალერგიული რეაქციები (იშვიათი: შესაძლოა აღინიშნოს 1000 -დან 1-ზე მეტ ადამიანში): ენის და/ან ყელის შეშუპება, ყლაპვის ან სუნთქვის გართულება, ჭინჭრის ცხელება (გამონაყარი), სახის ალერგიული შეშუპება (კვინკეს/ანგიონევროზული შეშუპება), ძლიერი თავბრუსხვევა გულისცემის აჩქარებით და ძლიერი ოფლიანობით.

- კანის რთული რეაქციები (სიხშირე უცნობია: სიხშირის დადგენა შეუძლებელია არსებული მონაცემების მიხედვით): ბუშტუკების განვითარება და საერთო მდგომარეობის სწრაფი გაუარესება, თვალების, ცხვირის, პირის ან სასქესო ორგანოების ეროზიული დაზიანებები (მსუბუქი სისხლდენის ჩათვლით) (სტივენს-ჯონსონის სინდრომი, ლეიელის სინდრომი, მრავალფორმიანი ერითემა), სინათლის მიმართ მგრძნობელობა.

- სხვა სერიოზული რეაქციები (სიხშირე უცნობია: სიხშირის დადგენა შეუძლებელია არსებული მონაცემების მიხედვით): კანის და თვალის გუგების სიყვითლე (ღვიძლის ძლიერი დაზიანების შედეგად, სიყვითლე), სხეულის ტემპერატურის მატება, გამონაყარი და თირკმელების ფუნქციის დარღვევები, რასაც თან ახლავს მტკივნეული შარდვა და წელის არეში ტკივილი (თირკმელების რთული ანთება შესაძლო პროგრესირებით თირკმლის უკმარისობამდე).

თუ იღებთ ნოლპაზას ^® სამ თვეზე მეტი ხნის განმავლობაში, შესაძლოა აღინიშნოს სისხლში მაგნიუმის დონის შემცირება. მაგნიუმის დაბალმა დონემ შესაძლოა გამოიწვიოს ისეთი სიმპტომები, როგორიცაა დაღლილობა, კუნთების უნებლიე შეკუმშვა, დეზორიენტაცია, კრუნჩხვები, თავბრუსხვევა, გულის კუმშვის სიხშირის გაზრდა. თუ გამოვლინდება ამ სიმპტომებიდან რომელიმე, აცნობეთ მკურნალ ექიმს რაც შეიძლება სწრაფად. მაგნიუმის დაბალმა დონემ შესაძლოა გამოიწვიოს ასევე კალიუმის და კალციუმის დონის შემცირება სისხლში. ექიმმა შესაძლოა დანიშნოს რეგულარული სისხლის ანალიზის ჩატარება, მაგნიუმის დონის გაკონტროლების მიზნით.

იშვიათი არასასურველი რეაქციები (ვლინდება 1000-დან 1-მდე ადამიანში)

სისხლში ლეიკოციტების რაოდენობის სერიოზული შემცირება, რაც ზრდის ინფექციების რისკს. აცნობეთ ექიმს ნებისმიერი სიმპტომის გამოვლენის შესახებ, როგორიცაა უეცარი ცხელება, ყელის ტკივილი, ძლიერი დაღლილობა, რაც შეიძლება იყოს ინფექციის ნიშანი.

ძალიან იშვიათი არასასრუველი რეაქციები (ვლინდება 10000-დან 1-მდე ადამიანში)

სისხლში თრომბოციტების რაოდენობის შემცირება, რამაც შესაძლოა გამოიწვიოს ანომალიური სისხლდენა ან სისხლჩაქცევები. აცნობეთ ექიმს ნებისმიერი აუხსნელი გენეზის სისხლჩაქცევების ან სისხლდენების შესახებ.

სხვა არასასურველი რეაქციები მოიცავენ:

ხშირი (შესაძლოა აღინიშნოს 10 -დან 1-მდე ადამიანში):

კეთილთვისებიანი პოლიპები კუჭში.

არახშირი (შესაძლოა აღინიშნოს 100-დან 1-მდე ადამიანში):

თავის ტკივილი: თავბრუსხვევა; დიარეა; ღებინება, გულისრევა; მუცლის შებერილობა და მეტეორიზმი, ყაბზობა, პირის სიმშრალე, მუცლის ტკივილი და დისმკომფორტი; კანზე გამონაყარი, ეგზანთემა, ჭინჭრის ცხელება; ქავილი; მაჯის, მენჯის ყელის ძვლების, ხერხემლის მოტეხილობები, სისუსტე, დაღლილობა ან საერთო შეუძლოდ ყოფნა; ძილის დარღვევები.

იშვიათი (შესაძლოა აღინიშნოს 1000 -დან 1-მდე ადამიანში):

გემოს შეგრძნებების დარღვევა; მხედველობის დარღვევა, როგორიცაა მხედველობის დაბინდვა, ჭინჭრის ცხელება, სახსრების ტკივილი, კუნთების ტკივილი. წონის ცვლილებები; სხეულის ტემპერატურის მატება; კიდურების შეშუპება (პერიფერიული შეშუება), ალერგიული რეაქციები, დეპრესია, მამაკაცებში მკერდის გადიდება.

- ძალიან იშვიათი ( შესაძლოა აღინიშნოს 10 000-დან 1-მდე ადამიანში):

დეზორიენტაცია

- სიხშირე უცნობია (არსებული მონაცემების მიხედვით შეუძლებელია სიხშირის დადგენა):

ჰალუცინაციები, გონების დაბინდვა (განსაკუთრებით პაციენტებში, რომლებთაც უკვე აღენიშნებათ არსებული სიმპტომები); სისხლში ნატრიუმის დონის შემცირება; სისხლში კალციუმის დონის შემცირება; სისხლში კალიუმის დონის შემცირება; ხელ-ფეხში ჩხვლეტა ან დაბუჟება; მსხვილი ნაწლავის ანთება, რამაც შესაძლოა გამოიწვიოს თხელი განავალი; კუნთების სპაზმი; გამონაყარი, მოსალოდნელია სახსრებში ტკივილის თანხლებით.

არასასურველი რეაქციები, რომლებიც გამოვლინდა სისხლის ანალიზის დროს:

არახშირი (შესაძლოა აღინიშნოს 100 -დან 1-მდე ადამიანში):

- ღვიძლის ფერმენტების დონის მომატება.

იშვიათი (შესაძლოა აღინიშნოს 1000 -დან 1-მდე ადამიანში):

- ბილირუბინის დონის მომატება; სისხლში ლიპიდების დონის მომატება.

- ძალიან იშვიათი (შესაძლოა აღინიშნოს 10 000 -დან 1-მდე ადამიანში):

- ლეიკოციტების რაოდენობის შემცირება, რამაც შესაძლოა გაზარდოს ინფექციების განვითარების რისკი;

- სისხლის უჯრედების რაოდენობის სერიოზული შემცირება, რამაც შესაძლოა გამოიწვიოს სისუსტე, სისხლჩაქცევები ან ინფექციების გამოვლენის მეტი ალბათობა.

არასასურველი რეაქციების შეტყობინება

თუ გამოვლინდება ნებისმიერი არასასურველი რეაქციები, მიმართეთ ექიმს კონსულტაციისათვის. აღნიშნული რეკომენდაცია ვრცელდება ასევე ნებისმიერ მოსალოდნელ არასასურველ რეაქციებზეც, მათ შორის ისეთებზეც, რომლებიც არ არის აღწერილი ამ ფურცელ-ჩანართში. არასასურველი რეაქციების შეტყობინებით თქვენ ხელს შეუწყობთ პრეპარატის უსაფრთხოების შესახებ მეტი ინფორმაციის მოპოვებას.

5. პრეპარატი ნოლპაზას^® შენახვის წესი

ინახება არაუმეტეს 30°С ტემპერატურაზე. შეინახეთ საწყის შეფუთვაში ნესტისაგან დაცვის მიზნით.

შეინახეთ ბავშვებისათვის მიუწვდომელ ადგილას.

ვარგისობის ვადა 5 წელი.

არ გამოიყენოთ პრეპარატი შეფუთვაზე აღნიშნული ვარისგსობის ვადის გასვლის შემდეგ. აღნიშნული ვადა ვრცელდება მითითებული თვის ბოლო დღემდე.

არ გადაადოთ პრეპარატი გამდინარე წყლებში ან კანალიზაციაში. დააზუსტეთ აფთიაქის თანამშრომელთან არასაჭირო პრეპარატის უტილიზაციის წესები. ეს ღონისძიებები ხელს შეუწყობს გარემოს დაცვას.

6. შეფუთვის შემადგენლობა და დამატებითი ინფორმაციები

პრეპარატი ნოლპაზას^® შემადგენლობა

1 ნაწლავში ხსნადი ტაბლეტი შეიცავს 20 მგ ან 40 მგ პანტოპრაზოლს, პანტოპრაზოლის ნატრიუმის სესკვიჰიდრატის სახით (22,55 მგ და 45,10 მგ შესაბამისად).

დამხმარე ნივთიერებები: მანიტი, კროსპოვიდონი, ნატრიუმის კარბონატი, სორბიტი (E420), კალციუმის სტეარატი, ჰიპრომელოზა (2,4-3,6 mPas), პოვიდონი K25, ტიტანის დიოქსიდი (E171), ყვითელი რკინის ოქსიდი (E172), პროპილენგლიკოლი, მეტაკრილის მჟავა – ეტილაკრილატის სოპოლიმერი (1:1) დისპერსიული 30 %, ნატრიუმის ლაურილსულფატი, პოლისორბატი 80, ტალკი, მაკროგოლი 6000.

გაცემის პირობები

ფარმაცევტულიპროდუქტისჯგუფიIII, გაიცემა რეცეპტის გარეშე.