ნოლეგრონი ფორტე ვაგინალური - Nolegron Forte Vaginal 200მგ+750მგ 10 კაფსულა

ნოლეგრონი ფორტე, ვაგინალური კაფსულები 200 მგ/750 მგ

(მიკონაზოლის ნიტრატი, მეტრონიდაზოლი)

ინფორმაცია პაციენტისთვის

ამ პრეპარატის მიღების დაწყებამდე ბოლომდე წაიკითხეთ გამოყენების ინსტრუქცია, ვინაიდან მასში თქვენთვის მნიშვნელოვანი ინფორმაციაა.

შეინახეთ პრეპარატის გამოყენების ინსტრუქცია, შესაძლებელია მისი გადაკითხვა კიდევ დაგჭირდეთ.თუ თქვენ გაგიჩნდათ დამატებითი კითხვები, მიმართეთ მკურნალ ექიმს.ეს პრეპარატის დაგინიშნეს თქვენ. არ გადასცეთ ის სხვა პირებს. პრეპარატმა შეიძლება ავნოს მათ იმ შემთხვევაშიც კი, თუ ანალოგიური სიმპტომები აქვთ.თუ გამოგივლინდათ რაიმე არასასურველი რეაქციები, მიმართეთ მკურნალ ექიმს. ეს რეკომენდაცია ვრცელდება ნებისმიერ შესაძლო არასასურველ რეაქციაზე მათ შორის ისეთებზე, რომლებიც არ არის ჩამოთვლილი  მე-4 თავში.  

გამოყენების ინსტრუქციის შინაარსი:

1. რას წარმოადგენს პრეპარატი ნოლეგრონი ფორტე და რისთვის გამოიყენება;

2. რა უნდა იცოდეთ პრეპარატ ნოლეგრონი ფორტეს მიღებამდე;

3. პრეპარატ ნოლეგრონი ფორტეს გამოყენება;

4. შესაძლო არასასურველი რეაქციები;

5. პრეპარატ ნოლეგრონი ფორტეს შენახვის პირობები;

6. შეფუთვა და სხვა ინფორმაცია.

1. რას წარმოადგენს პრეპარატი ნოლეგრონი ფორტე და რისთვის გამოიყენება

ნოლეგრონი ფორტე - კომბინირებული პრეპარატია, რომელიც შეიცავს მეტრონიდაზოლს და მიკონაზოლის ნიტრატს. იგი მიეკუთვნება წამლების ჯგუფს, რომლებსაც ეწოდებათ: ასეპტიკები და გინეკოლოგიური დაავადებების სამკურნალო ანტიმიკრობული პრეპარატები. იმიდაზოლის წარმოებულების კომბინაციები. გამოიყენება საშოს ინფექციური დაავადებების სამკურნალოდ. 

პრეპარატი ნოლეგრონი ფორტე გამოიყენება 18 წლის და უფროსი ასაკის მოზრდილებში საშოს ინფექციური დაავადებების სამკურნალოდ (ბაქტერიული ვაგინოზი, ტრიქომონიაზი, კანდიდოზური ვაგინიტი, შერეული ვაგინალური ინფექცია) ისეთი სიმპტომებით, როგორიც არის ქავილი, წვა, ანომალიური გამონადენი, საშოს შეშუპება და სიწითლე. 

თუ 7-10 დღის შემდეგ უკეთესად არ იქნება მდგომარეობა ან გრძნობთ გაუარესებას, აუცილებელია მიმართოთ ექიმს.

2. რა უნდა იცოდეთ პრეპარატ ნოლეგრონი ფორტეს მიღებამდე

არ გამოიყენოთ ნოლეგრონი ფორტე შემდეგ შემთხვევებში:

- თუ გაქვთ ალერგია პრეპარატის მოქმედი ნივთიერებების ან ნებისმიერი სხვა კომპონენტის მიმართ (რომლებიც ჩამოთვლილია გამოყენების ინსტრუქციის მე-6 თავში).

- თუ გაქვთ ღვიძლის ფუნქციის მძიმე დარღვევები.

- თუ გაქვთ ეპილეფსია.

- თუ ხართ ორსულობის I ტრიმესტრში, ლაქტაციის პერიოდში.

- თუ გაქვთ პორფირია.

- თუ გეგმავთ ალკოჰოლის მიღებას მკურნალობის დროს ან მკურნალობის დასრულებიდან 3 დღის განმავლობაში.

- თუ იღებთ დისულფირამს მკურნალობის დროს ან გეგმავთ მის გამოყენებას მკურნალობის კურსის დასრულებიდან 2 კვირის განმავლობაში.

- თუ ხართ 18 წელზე ნაკლები ასაკის ან ხართ ქალიშვილი. 

განსაკუთრებული მითითებები და სიფრთხილის ზომები:

პრეპარატ ნოლეგრონი ფორტეს გამოყენებამდე კონსულტაცია გაიარეთ მკურნალ ექიმთან ან აფთიაქის თანამშრომელთან.

პრეპარატით მკურნალობის დროს და არანაკლებ სამი დღის განმავლობაში მკურნალობის შემდეგ ალკოჰოლის მიღება აკრძალულია (შესაძლებელია დისულფირამის მსგავსი რეაქციების განვითარება: სპასტიკური ხასიათის აბდომინალური ტკივილი, ღებინება, გულისრევა, თავის ტკივილი, სახის უეცარი წამოწითლება).

რეკომენდებულია თავის შეკავება სქესობრივი ცხოვრებისგან.

ტრიქომონიაზის მკურნალობისას მიზანშეწონილია პარტნიორმაც იმკურნალოს მეტრონიდაზოლის შიგნით მისაღები ტაბლეტებით.

ვაგინალური კაფსულების დანიშვნა მიზანშეწონილია მეტრონიდაზოლის პერორალურ ფორმებთან კომბინაციაში. 

შიგნით მისაღებ მეტრონიდაზოლთან ერთად პრეპარატის გამოყენებისას, განსაკუთრებით განმეორებითი კურსის დროს, აუცილებელია პერიფერიული სისხლის სურათის კონტროლი (ლეიკოპენიის საშიშროება).

სიფრთხილით : ორსულობა (II-III ტრიმესტრები), ლეიკოპენია ანამნეზში.

თერაპიის მიმდინარეობისას სხვა ინტრავაგინალური საშუალებების (ტამპონების, ვაგინალური ოყნის, სპერმიციდული საშუალებების) გამოყენება არ შეიძლება.

შესაძლებელია შედეგების შეცვლა ღვიძლის ფერმენტების, გლუკოზის (ჰექსოკინაზური მეთოდი), თეოფილინის და პროკაინამიდის დონის განსაზღვრისას სისხლში. 

მეტრონიდაზოლის მაღალმა დოზებმა და ხანგრძლივმა სისტემურმა გამოყენებამ შეიძლება გამოიწვიოს სისუსტე, ტკივილი, დაბუჟება, ჩხვლეტების შეგრძნება ხელებსა და ფეხებში (პერიფერიული ნეიროპათიის სიმპტომები) და კრუნჩხვები (ეპილეფსიის სიმპტომები). ასეთ შემთხვევაში შეწყვითეთ მკურნალობა და მიმართეთ ექიმს.

ნოლეგრონ ფორტე შეიცავს მეთილპარაჰიდროქსიბენზოატს Е218, პროპილპარაჰიდროქსიბენზოატს Е216, რამაც შეიძლება გამოიწვიოს ალერგიული რეაქციები (მათ შორის, გადავადებული). 

ნოლეგრონ ფორტეს შემადგენლობაში შედის გლიცერინი, რომლის შემცველობამ შეიძლება გამოიწვიოს თავის ტკივილი, კუჭის ფუნქციის დარღვევა და დიარეა. 

ბავშვები

18 წლამდე ასაკის ბავშვებში პრეპარატის გამოყენების უსაფრთხოება და ეფექტურობა ამ მომენტისთვის დადგენილი არ არის. 

სხვა პრეპარატები და პრეპარატი ნოლეგრონი ფორტე

აცნობეთ მკურნალ ექიმს ან აფთიაქის თანამშრომელს იმის შესახებ, თუ რა სხვა პრეპარატს იღებთ ამ მომენტისთვის, ცოტახნის წინ რას იღებდით ან რა პრეპარატის მიღების დაწყებას გეგმავთ.

აუცილებლად უნდა აცნობოთ მკურნალ ექიმს ან აფთიაქის თანამშრომელს, თუ იღებთ ქვემოთ ჩამოთვლილი პრეპარატებიდან რომელიმეს.

- სისხლის შედედებისთვის ხელის შემშლელი პრეპარატები, რომლებიც შეიცავენ აცენოკუმაროლს, ანიზინდიონს, დიკუმაროლს, ფენპროკუმონს, ვარფარინს;

- კრუჩხვებისა და ეპილეფსიის სამკურნალო პრეპარატები, რომლებიც შეიცავენ კარბამაზეპინს, ფენობარბიტალს, ფენიტოინს, ფოსფენიტოინს;

- ფსიქიკური აშლილობების სამკურნალო პრეპარატები, რომლებიც შეიცავენ პიმოზიდს, ლითიუმს;

- ალკოჰოლური დამოკიდებულების სამკურნალო პრეპარატები, რომლებიც შეიცავენ დისულფირამს;

- კიბოს სამკურნალო პრეპარატები, რომლებიც შეიცავენ ფტორურაცილს და ტრიმეტრექსატს;

- ანტიალერგიული პრეპარატები, რომლებიც შეიცავენ ასტემიზოლს და ტერფენადინს;

- შარდის შეუკავებლობის სამკურნალო პრეპარატები, რომლებიც შეიცავენ ტოლტეროდინს, ოქსიბუტინინს;

- კუჭის წყლულის დაავადების სამკურნალო და საპროფილაქტიკო ციმეტიდინის შემცველი პრეპარატები, რომლებიც კუჭში ამცირებენ მჟავიანობას,;

- ციკლოსპორინის შემცველი პრეპარატები, რომელთა მოქმედება მიმართულია იმუნური სისტემის დათრგუნვისკენ (იმუნოდეპრესიულები);

- ფენტანილის, ოქსიკოდონის შემცველი პრეპარატები, რომლებიც გამოიყენება როგორც გამაყუჩებლები, ტკივილის შესამსუბუქებლად;

- თეოფილინის შემცველი პრეპარატები, რომლებიც გამოიყენება ბრონქული ასთმის სამკურნალოდ;

- ამიოდარონის შემცველი პრეპარატები, რომლებიც გამოიყენება გულის რითმის დარღვევის სამკურნალოდ;

- გლიმეპირიდის შემცველი შაქრის დამწევი პრეპარატები.

პრეპარატს შეუძლია ბიოქიმიური მაჩვენებლების შეცვლა ლაბორატორიულ კვლევებში.

ალკოჰოლთან ერთად გამოყენება იწვევს დისულფირამის მსგავს რეაქციებს (ჭინთვების მსგავსი ტკივილი მუცელში, ღებინება, გულისრევა, თავის ტკივილი, კანის სიწითლე).

ურთიერთქმედება საკვებთან და სასმელებთან

პრეპარატ ნოლეგრონი ფორტეს ურთიერთქმედების შემთხვევები კვების პროდუქტებთან, ჩაის, ყავის ჩათვლით, უცნობია.

ორსულობა, ლაქტაცია და ფერტილობა

თუ ორსულად ან მეძუძური დედა ხართ, ფიქრობთ, რომ დაორსულდით, ან გეგმავთ ორსულობას, პრეპარატის გამოყენების დაწყებამდე კონსულტაციისთვის მიმართეთ მკურნალ ექიმს ან აფთიაქის თანამშრომელს. 

ორსულობა

ორსულობის პირველ ტრიმესტრში პრეპარატის გამოყენება უკუნაჩვენებია. მეტრონიდაზოლი აღწევს ჰემატო-პლაცენტურ ბარიერში.

ლაქტაცია

პრეპარატ ნოლეგრონი ფორტეს მოქმედი ნივთიერება (მეტრონიდაზოლი) საკმარისი რაოდენობით აღწევს ადამიანის დედის რძეში და ახდენს ზეგავლენას ბუნებრივ კვებაზე მყოფ ახალშობილებზე (ბავშვებზე) . მეტრონიდაზოლს რძის გემოს გამწარება შეუძლია. ბავშვზე პრეპარატის უარყოფითი მოქმედების პრევენციისთვის საჭიროა ან ლაქტაციის შეწყვეტის, ან პრეპარატ ნოლეგრონი ფორტეთი თერაპიის მოხსნის შესახებ გადაწყვეტილების მიღება, ბავშვისთვის ბუნებრივი კვების სარგებლისა და ქალისთვის თერაპიის სარგებლის გათვალისწინებით. 

ზეგავლენა სატრანსპორტო საშუალებების მართვისა და მექანიზმებთან მუშაობის უნარზე

ნოლეგრონი ფორტე არ ახდენს ზეგავლენას სატრანსპორტო საშუალებების მართვისა და მექანიზმებთან მუშაობის უნარზე.

3. პრეპარატ ნოლეგრონი ფორტეს გამოყენება

პრეპარატი ყოველთვის მიიღეთ მკურნალი ექიმის რეკომენდაციების შესაბამისად. რაიმე ეჭვის გაჩენის შემთხვევაში რჩევისთვის მიმართეთ მკურნალ ექიმს.

შიგნით მიღება არ შეიძლება.

რეკომენდებული დოზები

1 ვაგინალური კაფსულა ღამე შეიყვანება ღრმად საშოში 7 დღის განმავლობაში, თუ არ არის ექიმის მიერ პრეპარატის დანიშნულების შესახებ სხვაგვარი რეკომენდაცია.

დაავადების რეციდივების დროს მკურნალობის კურსის გაგრძელება შეიძლება 14 დღემდე.

ტრიქომონადური ვაგინიტის თერაპიისთვის მიზანშეწონილია ნოლეგრონი ფორტეს ვაგინალური კაფსულების კომბინირება მეტრონიდაზოლის პერორალურ ფორმებთან ან სისტემური მოქმედების სხვა ტრიქომონაციდულ პრეპარატებთან. 

ამავე დროს მკურნალობა უნდა ჩაუტარდეს სქესობრივ პარტნიორს მეტრონიდაზოლის ტაბლეტებით ან სისტემური მოქმედების სხვა ტრიქომონაციდული პრეპარატებით. 

ბავშვები

18 წლამდე ასაკის ბავშვებში უსაფრთხოება და ეფექტურობა ამ მომენტისთვის დადგენილი არ არის. 

პაციენტები თირკმელების ფუნქციის დარღვევებით

თირკმლის უკმარისობა: გამოყენების თაობაზე განსაკუთრებული რეკომენდაციები არ არის. თუ ხართ დიალიზზე მყოფი პაციენტი, მკურნალობის დაწყებამდე კონსულტაცია უნდა გაიაროთ ექიმთან.

პაციენტები ღვიძლის ფუქნციის დარღვევებით

ღვიძლის სერიოზული უკმარისობის შემთხვევებში სისხლის პლაზმაში მეტრონიდაზოლის შემცველობა შეიძლება დაირღვეს. სისხლის პლაზმაში მეტრონიდაზოლის მაღალი დონისას შეიძლება გამოვლინდეს ენცელოპათიის სიმპტომების გაძლიერება, ამიტომ მეტრონიდაზოლის გამოყენება ფრთხილად უნდა მოხდეს ღვიძლის ენცეფალოპათიის მქონე ქალ პაციენტებში. ენცეფალოპათიის მქონე ქალ პაციენტებში სადღეღამისო დოზა 1/3-მდე უნდა შემცირდეს.

ხანდაზმული პაციენტები

65 წელზე უფროს ქალ პაციენტებში დოზირების რეჟიმის კორექტირება საჭირო არ არის. 

შეყვანის გზა და წესი

ნოლეგრონ ფორტე გამოიყენება ინტრავაგინალურად და საშოში ღრმად შეიყვანება ბლაგვი ბოლოთი. 

არ ჩაყლაპოთ და სხვანაირად არ გამოიყენოთ!

თუ პრეპარატი ნოლეგრონი ფორტე საჭიროზე მეტი მიიღეთ

მეტრონიდაზოლის ინტრავაგინალურად გამოყენებისას ჭარბი დოზის შესახებ მონაცემები არ არსებობს. საშოში შეყვანის შემდეგ მეტრონიდაზოლი შეიძლება შეწოვილი იქნას ისეთი სისტემური (ზოგადი) ეფექტების გამოსაწვევად საკმარისი რაოდენობით, როგორებიც არის ღებინება, გულისრევა, ტკივილი მუცელში, დიარეა (ფაღარათი), გენერალიზებული (ზოგადი) ქავილი, რკინის გემო პირში, პირში და ყელში წვის შეგრძნება, არამყარი სიარული, თავბრუსხვევვა, კრუნჩხვები, ლეიკოციტების რაოდენობის შემცირება (ლეიკოპენია), შარდის ფერის გამუქება, ხელებსა და ფეხებში წვა, ჩხვლეტები, დაბუჟება და ჩხვლეტები (პარესთეზიები). 

ამ სიმპტომების გამოვლინების შემთხვევაში ან პრეპარატის ძალიან დიდი რაოდენობით გამოყენების შემთხვევაში დაუყოვნებლივ მიმართეთ ექიმს ან საავადმყოფოს.

თუ დაგავიწყდათ პრეპარატ ნოლეგრონი ფორტეს გამოყენება

გამოტოვებული დოზის კომპენსირებისთვის ორმაგი დოზა არ გამოიყენოთ.  

თუ შეწყვიტეთ პრეპარატ ნოლეგრონი ფორტეს გამოყენება

თუ მკურნალობა დროზე ადრე შეწყდა, დაავადების სიმპტომები შეიძლება კვლავ გამოვლინდეს. პრეპარატის გამოყენების შეწყვეტისას, არასასურველი რეაქციები აღარ აღინიშნება. 

პრეპარატის გამოყენების შესახებ კითხვების არსებობისას მიმართეთ მკურნალ ექიმს ან აფთიაქის თანამშრომელს. 

4. შესაძლო არასასურველი რეაქციები

ყველა სამკურნალო პრეპარატის მსგავსად, პრეპარატს შეუძლია არასასურველი რეაქციების გამოწვევა, თუმცა ყველასთან არა.

არასასურველი რეაქციები აღინიშნება ძალიან იშვიათად სისხლში მეტრონიდაზოლის დაბალი კონცენტრაციის გამო ნოლეგრონი ფორტეს ვაგინალური კაფსულების ინტრავაგინალური (საშოში) გამოყენების დროს. ნოლეგრონი ფორტეს ვაგინალური კაფსულების საშოში შეყვანის შემდეგ მიკონაზოლის ნიტრატი არ შეიწოვება.

პრეპარატის აქტიური კომპონენტების სისტემურ გამოყენებასთან (კერძოდ შიგნით მიღებისას,  პირის მეშვეობით) დაკავშირებით, გვერდით მოქმედებებს მიეკუთვნება:

ძალიან ხშირად (შეიძლება განვითარდეს 10-დან 1-ზე მეტ პაციენტში):

- გამონადენი საშოდან.

ხშირად (შეიძლება განვითარდეს 10-დან მაქსიმუმ 1 პაციენტში):

- ვაგინიტი, ვულვოვაგინიტი, დისკომფორტი მენჯის არეში

- თავის ტკივილი, თავბრუსხვევა

არახშირად (შეიძლება განვითარდეს 100-დან მაქსიმუმ 1 პაციენტში):

- წყურვილი

- დეპრესია

იშვიათად (შეიძლება განვითარდეს 1000-დან მაქსიმუმ 1 პაციენტში): 

- გაღიზიანება, წვა და ქავილი საშოში

- ტკივილი მუცელში, კანზე გამონაყარი

ძალიან იშვიათად (შეიძლება განვითარდეს 10000-დან მაქსიმუმ 1 პაციენტში):

- ფსიქოემოციური აშლილობები

სიხშირე უცნობია (არსებული მონაცემებიდან გამომდინარე სიხშირის დადგენა შეუძლებელია):

- ჰიპერმგრძნობელობის რეაქციები, ალერგიული რეაქციები (მძიმე შემთხვევებში ანაფილაქსია)

- დაღლილობა, ძილიანობა, არამყარი სიარული, კრუნჩხვები, პერიფერიული ნეიროპათია (დაბუჟების, ჩხვლეტებისა და წვის შეგრძნება ხელებსა და ფეხებში) პრეპარატის ხანგრძლივი და ჭარბი დოზით გამოყენებისას

- გემოს შეცვლა, პირში რკინის გემო, სიმშრალე პირში, ღებინება, გულისრევა, ყაბზობა, დიარეა (ფაღარათი), ტკივილი და სპაზმები მუცელში

- ადგილობრივი გაღიზიანება, მომატებული მგრძნობელობა, კონტაქტური დერმატიტი

- ლეიკოპენია (სისხლში ლეიკოციტების რაოდენობის შემცირება).

არასასურველი რეაქციების გამოვლენისას პრეპარატ ნოლეგრონი ფორტეთი მკურნალობა უნდა შეწყდეს.

შეტყობინება არასასურველი რეაქციების შესახებ

რაიმე არასასურველი რეაქციების წარმოქმნისას კონსულტაციისთვის მიმართეთ ექიმს. ეს რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის ისეთ გვერდით რეაქციებზე, რაც არ არის ჩამოთვლილი პრეპარატის გამოყენების ინსტრუქციაში. არასასურველი რეაქციების შეტყობინებით, თქვენ შეგიძლიათ დაეხმაროთ პრეპარატის უსაფრთხოების შესახებ მეტი ინფორმაციის მიწოდებას.

5. პრეპარატ ნოლეგრონი ფორტეს შენახვის პირობები

პრეპარატი შეინახეთ ბავშვებისთვის მიუწვდომელ ადგილას ისე, რომ ბავშვმა ვერ შეძლოს მისი დანახვა.

ინახება ნესტისა და სინათლისაგან დაცულ ადგილას 15°С-დან 25°С-მდე ტემპერატურაზე.

შეფუთვაზე მითითებული ვარგისობის ვადის გასვლის შემდეგ პრეპარატი არ გამოიყენოთ.

ვარგისობის ვადის გასვლის თარიღი არის თვის ბოლო დღე.

პრეპარატი არ გადააგდოთ კანალიზაციაში. აფთიაქის თანამშრომელთან დააზუსტეთ, როგორ მოიშოროთ არასაჭირო პრეპარატები. ამ ზომების მიღება  იძლევა გარემოს დაცვის შესაძლებლობას. 

6. შეფუთვა და სხვა ინფორმაცია

პრეპარატი ნოლეგრონი ფორტე შეიცავს:

მოქმედი ნივთიერებები: მიკონაზოლის ნიტრატი - 200 მგ, მეტრონიდაზოლი - 750 მგ.

დამხმარე ნივთიერებები: ფუტკრის ყვითელი დინდგელი, საშუალო ჯაჭვის ტრიგლიცერიდები (მიგლიოლი 812 N).

კაფსულის გარსის შემადგენლობა: ჟელატინი, გლიცერინი, გამოხდილი წყალი, მეთილპარაჰიდროქსიბენზოატი Е218, პროპილპარაჰიდროქსიბენზოატი Е216, ტიტანის დიოქსიდი Е171. 

ნოლეგრონი ფორტეს გარეგნული იერსახე   და კოლოფის შიგთავსი

რბილი ჟელატინის კაფსულები კვერცხისმაგვარი ფორმის წვეტიანი ბოლოთი, შეერთების ხაზით, მკვრივი, გაუმჭვირვალე, თითქმის თეთრი ან ღია-კრემისფერი.

5 კაფსულა თითო ბლისტერზე დამზადებული პოლივინილ ქლორიდის ფილისგან და დაბეჭდილი ლაქირებული ალუმინის ფოლგაში. 2 ბლისტერი  პრეპარატის გამოყენების ინსტრუქციასთან ერთად მუყაოს კოლოფში.

გაცემის პირობები

გაიცემა ექიმის რეცეპტით.

ასევე, იხილეთ: >Klion D 100 - კლიონ-D 100მგ 10 ვაგინალური ტაბლეტი