ნიტოლიკი ტილების საწ

გამოყენების ინსტრუქცია
NITOLIC® მოსაშორებელი სავარცხლით– სამედიცინო საშუალება თავის დატილიანების (Pediculushumanus capitis) სამკურნალოდ.
ბავშვებში 2 წლის ასაკიდან და მოზრდილებში
როგორ მუშაობს
- ხოცავს ტილებს თავის ტილების განვითარების ყველა აქტიურ სტადიაში
- ხოცავს ტილების კვერცხებს (წილებს)
- აადვილებს ტილებისა და წილების ჩამოვარცხნას
გამოყენებამდე, ყოველთვის წაიკითხეთ ინსტრუქცია. ეფექტური მკურნალობისთვის, იხელმძღვანელეთ ქვემოთ მოცემული მითითებებით:
შეინახეთ ეს ინსტრუქცია შემდგომი გამოყენებისთვის
გამოიყენეთ მხოლოდ დანიშნულებისამებრ და იხელმძღვანელეთ ინსტრუქციაში გათვალისწინებული მითითებებით.
დამატებითი კითხვების შემთხვევაში, დაუკავშირდით თქვენს ექიმს, სამედიცინო დაწესებულებას ან ფარმაცევტს.
ნებისმიერი გვერდითი მოვლენის შემთხვევაში, შეწყვიტეთ გამოყენება და მიმართეთ ექიმს.

NITOLIC® სწრაფად და თანაბრად ვრცელდება თავის კანზე და მჭიდროდ ფარავს ტილებს (O-ეფექტის ტექნოლოგია). ის ფარავს ტილების სასულეებს და ამრიგად სწრაფად ანადგურებს მათ.
100%-იანი ეფექტურობა თავის ტილებისა და წილების წინააღმდეგ მათი განვითარების ყველა სტადიაზე
თავის დატილიანების სამკურნალო სამედიცინო საშუალების ძირითადი მახასიათებელია სწრაფად და თანაბრად გავრცელება თავის კანსა და თმაზე, რომელიც O-ეფექტის® ტექნოლოგიით არის უზრუნველყოფილი.
ადამიანის თავის ტილი კვერცხებს (7-10 წილი დღეში) თავის კანთან ახლოს, თმის ძირებში დებს. (სიცოცხლის ციკლის განმავლობაში, მათ 300-მდე კვერცხის დადება შეუძლიათ). წილები მცირე ზომის (დაახლოებით 0.8 მმ) ყვითელ, მოწითალო ან მოყავისფრო ოვალურ წერტილებს ჰგავს, რომლებსაც ნაჭუჭზე სპეციალური სარქველი აქვს, საიდანაც ტილი იჩეკება.
დამტკიცებულია, რომ NITOLIC® 100%-ით ეფექტური საშუალებაა ტილების კვერცხების წინააღმდეგ, რომელიც იწვევს ახალგაზრდა ემბრიონის მოგუდვას და დეჰიდრატაციას და წყვეტს მის შემდგომ განვითარებას.
თავის ტილის სასიცოცხლო ციკლი
დღე 0 - კვერცხების დადება
7-8 დღე - ტილების გამოჩეკა
8-16 დღე - ტილების განვითარება (3 სტადია)
17-19 დღე - რეპროდუქცია
19-32 დღე - კვერცხების დადება
33-35 დღე სიცოცხლის ბუნებრივად დასრულება
კვერცხებს მდედრი დებს, თმის ძირებში, თავის კანის სიახლოვეს და ისინი მყარად არის მიმაგრებული თმაზე
თავის ტილის სასიცოცხლო ციკლი, დაახლოებით, 40 დღეს შეადგენს, თუმცა, ადამიანის თავის გარეთ ისინი 24-28 საათზე მეტ ხანს ვერ ცოცხლობენ.
NITOLIC®-ის მოსაშორებელი სავარცხელი დაგეხმარებათ მოაშოროთ ტილები და მათი კვერცხები (წილები) მკურნალობის შემდეგ.
გამოყენების ინსტრუქცია და
მნიშვნელოვანი მინიშნებები:
ტილების მთლიანად მოშორებისა და ხელახალი დაინფიცირების თავიდან ასაცილებლად მკურნალობა ერთდროულად უნდა ჩაუტარდეს ოჯახის ყველა წევრს, რომლებსაც დატილიანება აღენიშნებათ.
დატილიანების მკურნალობა უნდა მოხდეს კარგი განათების ქვეშ. მნიშვნელოვანია, რომ მკურნალობა გავრცელდეს თმის ძირებიდან თმის ბოლომდე. ეფექტური მკურნალობისთვის NITOLIC® საფუძვლიანად წაისვით თავის კანსა და თმაზე. თავდაპირველად - ყურების უკან, კეფაზე, კისერზე, შემდეგ კი - თმის ხაზის გარშემო.
1. გრძელი თმის შემთხვევაში, თმა ოთხ ნაწილად გაყავით - წინიდან უკან და ყურიდან ყურამდე.
2. წაისვით NITOLIC® მთლიანად, მშრალ თმაზე, თავის კანისა და თმის მთელ მოცულობაზე, თმის ძირებიდან ბოლოებამდე. პირველ რიგში, წაისვით ყურების უკან, კისრის უკანა მხარეს და თმის ხაზის გარშემო.
3. გაჟღინთეთ თმა და კანი NITOLIC®-ით, ისე რომ უზრუნველყოდ, ყველა ტილისა და წილი დაიფარვა.
4. წასმის შემდეგ, თავზე დაიფარეთ შხაპის ჩაჩი, 1 საათის განმავლობაში. (გაფრთხილება! იხელმძღვანელეთ მითითებებით და დაიცავით ექსპოზიციის დრო).
5. მოიხსენით შხაპის ჩაჩი და თმა შამპუნითა და წყლით დაიბანეთ.
6. ტილები და წილები თმიდან NITOLIC®-ის სავარცხლით მოიშორეთ.

დავარცხნის მითითებები:
გრძელი თმა ნაწილებად გაყავით და დაამაგრეთ თითოეული ნაწილი. თმის დიდი ნაწილიდან ასწიეთ პატარა ნაწილი, ისე რომ თავის კანი გამოჩნდეს. დაიწყეთ თმის ნაწილის გულდასმით დავარცხნა. NITOLIC®-ის სავარცხელი მჭიდროდ ჩამოუსვით თმის ძირებიდან ბოლოებამდე. თმის ნაწილი კვლავ მიამაგრეთ დავარცხნის დასრულების შემდეგ. გამორეცხეთ ტილები და წილები NITOLIC®-ის სავარცხლის კბილებიდან ქსოვილის დახმარებით.