Neyrotrop - ნეიროტროპი 30 ტაბლეტი

ნეიროტროპი

შემადგენლობა:

გამა-ამინოერბოს მჟავა (GABA)-125მგ

L-გლუტამინი-100მგ

გლიცინი-75მგ

ვიტამინი B6 -500მკგ

ფოლიუმის მჟავა-50მკგ

დამხმარე ნივთიერებები: ცელულოზა E460, პოლივინილპიროლიდონი E1201, მაგნიუმის სტეარატი E470b, პოლივინილპიროლიდონი E1202, სილიკონის დიოქსიდი E551.

ფარმაკოლოგიური ჯგუფი: ბიოლოგიურად აქტიური დანამატები, თავის ტვინის მეტაბოლიზმის გასაუმჯობესებელი საშუალებები.

ფარმაკოლოგიური მოქმედება: ნეიროტროპი წარმოადგენს კომბინირებულ საშუალებას. ახასიათებს ნეიროპროპროტექტორული, ნოოტროპული და ანტიჰიპოქსიური მოქმედება, ახდენს ენერგეტიკული და მეტაბოლური პროცესების ნორმალიზებას თავის ტვინში,  აუმჯობესებს სისხლის მიმოქცევას, ჟანგბადისა და გლუკოზის უტილიზაციას,  იცავს ნერვულ უჯრედებს იშემიური დაზიანებისგან, აუმჯობესებს აზროვნების პროცესს, მეხსიერებას, ყურადღების კონცენტრაციას, ააქტიურებს  ადამიანის ინტელექტუალურ შესაძლებლობებს, ზრდის გონებრივ შრომისუნარიანობას.

გამა-ამინოერბოს მჟავა (GABA) - ადამიანის ცენტრალური ნერვული სისტემის უმნიშვნელოვანეს შემაკავებელ ნეირომედიატორს წარმოადგენს.  აუმჯობესებს ენერგეტიკულ პროცესებს, აჩქარებს გლუკოზის უტილიზაციას, ახდენს ქსოვილოვანი სუნთქვის აქტივაციას და ტვინის სისხლის მიმოქცევის ნორმალიზებას. გამა-ამინოერბოს მჟავას გააჩნია დამამშვიდებელი ეფექტი, თრგუნავს აგზნების პროცესებს თავის ტვინში და ამცირებს გაღიზიანებადობას. ხელს უწყობს თავის ტვინის სისხლის მიმოქცევის დარღვევით განპირობებულ მოტორული და მეტყველების ფუნქციების აღდგენას. აუმჯობესებს აზროვნებასა და მეხსიერებას, ავლენს მსუბუქ ფსიქომასტიმულირებელ, ანტიჰიპოქსიურ, კრუნჩხვის საწინააღმდეგო მოქმედებას, ახდენს კუნთოვანი ტონუსის ნორმალიზებას.

L-გლუტამინი - თავის ტვინის ქსოვილის მეტაბოლურ პროცესებში მაღალაქტიური მედიატორის როლს თამაშობს, ზრდის თავის ტვინის ამტანობას ჰიპოქსიისადმი, უზრუნველყოფს ამიაკის ნეიტრალიზაციას და გამოდევნას ორგანიზმიდან. ალფა-დეკარბოქსილირების გზით გარდაიქმნება გამა-ამინოერბოს მჟავად, აუმჯობესებს გონებრივ შესაძლებლობებს, წარმოადგენს უჯრედულ დონეზე ინსულინის მეტაბოლიზმის უმნიშვნელოვანეს მონაწილეს.

გლიცინი - ერთ-ერთ ყველაზე მნიშვნელოვან შემაკავებელ ნეიროტრანსმიტერს წარმოადგენს. ახდენს  ტვინის მეტაბოლიზმის აქტივაციას, ახასიათებს სედაციური, ანტიდეპრესიული, ანტიოქსიდანტური და ანტიტოქსიური მოქმედება. ამცირებს ფსიქოემოციურ დაძაბულობას, ზრდის გონებრივ შრომისუნარიანობას, ამაღლებს სოციალური ადაპტაციის უნარს და გუნება-განწყობას. ხელს უშლის ქალა-ტვინის ტრავმებისა და იშემიური ინსულტის შემდგომი გართულებების განვითარებას, ამცირებს ალკოჰოლის ტოქსიურ ზემოქმედებას, ფსიქოტროპული (ნეიროლეფსიური) საშუალებების გვერდით ეფექტებს.

ვიტამინი B6 - მონაწილეობს  გლუტამინის მჟავას გამა-ამინოერბოს მჟავად გარდაქმნის პროცესში, ასტიმულირებს მის ენდოგენურ სინთეზს, მოქმედებს კუნთებში მიმდინარე ბიოქიმიურ პროცესებზე.

ფოლიუმის მჟავა (ვიტამინი B9) - აუცილებელია სისხლის მიმოქცევისა და იმუნური სისტემის ნორმალური ფუნქციობისათვის. აუმჯობესებს კოგნიტურ შესაძლებლობებს, ამაღლებს გუნება-განწყობას.

ჩვენებები

ნეიროტროპი რეკომენდებულია სხვადასხვა დაავადების პროფილაქტიკისა და კომპლექსურ თერაპიაში:

• თავის ტვინის სისხლძარღვოვანი და დეგენერაციული დაავადებებით განპირობებული მეხსიერებისა და ყურადღების დეფიციტი, მეტყველების დარღვევა, თავის ტკივილი, თავბრუსხვევა
• ინსულტისა და თავის ტვინის ტრავმების შემდგომი პერიოდი
•ქრონიკული ცერებრო-ვასკულარული პათოლოგია
• ფსიქოემოციური სტრესი და დაქვეითებული ინტელექტუალური შესაძლებლობები
• გონებრივი, მოტორული და ფიზიკური განვითარების შეფერხება ბავშვებში
• ყურადღების დეფიციტისა და ჰიპერაქტივობის სინდრომი
• ემოციური და ქცევითი აშლილობები
• კრუნჩხვითი სინდრომი
• ალკოჰოლური ენცეფალოპათია და ალკოჰოლური პოლინევრიტი
• პრემენსტრუალური სინდრომი
• ძილის დარღვევა
• ღამის ენურეზი ბავშვებში
•კინეტოზი
 მიღების წესი და დოზირების რეჟიმი:

2-14 წელი: 1აბი 1-ჯერ დღეში,

14 წლიდან:1 აბი 2-ჯერ დღეში.       

მიღება რეკომენდებულია კვების დროს.

მკურნალობის კურსის მინიმალური ხანგრძლივობა 2 თვე.

გვერდითი მოვლენები: ძალიან იშვიათად გარდამავალი დისპეფსიური მოვლენები.

უკუჩვენება: მომატებული მგრძნობელობა შემადგენელი კომპონენტების მიმართ, 1 წლამდე ასაკი, ორსულობა (I ტრიმესტრი), ლაქტაციის პერიოდი, თირკმლის მწვავე უკმარისობა.

შენახვის პირობები: ინახება არა უმეტეს 25ºC ტემპერატურაზე, მშრალ, სინათლისგან დაცულ და ბავშვებისათვის მიუწვდომელ ადგილას.

სიფრთხილის ზომები: არ გადააჭარბოთ დღიურად მისაღებ რეკომენდებულ დოზას. პროდუქტი არ ანაცვლებს საკვებს.

გამოშვების ფორმა: N30 შემოგარსული აბი, ბიოლოგიურად აქტიური დანამატი.

ვარგისიანობის ვადა: იხილეთ შეფუთვაზე.

აფთიაქიდან გაცემის წესი: გაიცემა ურეცეპტოდ.

მწარმოებელი: ,,Made Group’’ ლიეტუვა.