ნეპტა 50მკგ 140დოზა სპრეი

ნეპტა0.05% ცხვირის სპრეი

ნაზალური სუსპენზია დოზატორიანი გამფრქვევი მოწყობილობით

შემადგენლობა

მოქმედინივთიერება: ყოველი გაფრქვევა შეიცავს 50 მკგ მომეტაზონის ფუროატს (მონოჰიდრატის სახით).

სხვა ინგრედიენტები: ნატრიუმის ციტრატის დიჰიდრატი, ბენზალკონიუმის ქლორიდი, გლიცერინი, მიკროკრისტალური ცელულოზა და ნატრიუმის კარმელოზა, ლიმონმჟავას მონოჰიდრატი, გაწმენდილი წყალი, პოლისორბატი 80.

გამოყენება

ნეპტა შეიცავს მომეტაზონის ფუროატს, რომელიც წარმოადგენს ადგილობრივი მოქმედების გლუკოკორტიკოსტეროიდს.

მომეტაზონის ფუროატის მცირე რაოდენობით შესხურება ცხვირის ღრუში ამცირებს ანთებით პროცესს, ცემინებას, ქავილს და ცხვირის გაჭედილობას ან სურდოს.

ნეპტა გამოიყენება მოზრდილებსა და 6 წელზე უფროსი ასაკის ბავშვებში თივისმიერი ცხელების (სეზონური ალერგიული რინიტის) და წლიური ალერგიული რინიტის (ცხვირის ლორწოვანი გარსის ანთების) სიმპტომების სამკურნალოდ, რომელიც ვლინდება მთელი წლის განმავლობაში.

ნეპტა გამოიყენება თივისმიერი ცხელების საპროფილაქტიკოდ (საპრევენციოდ) მოზრდილებსა და 12 წელზე უფროსი ასაკის მოზარდებში.

ნეპტას გამოყენება შეიძლება 2-დან 6 წლამდე ასაკის ბავშვებში ალერგიული რინიტის დიაგნოზით.

პროფილაქტიკური მკურნალობა უნდა დაიწყოს დამტვერვის სეზონის მოსალოდნელ დაწყებამდე 2-4 კვირით ადრე.

ნეპტა ასევე გამოიყენება ცხვირის პოლიპების (არასიმსივნური წარმონაქმნების) სამკურნალოდ 18 წლის და უფროსი ასაკის მოზრდილებში.

ინფორმაცია თივისმიერი ცხელებისა და წლიური რინიტის შესახებ

თივისმიერი ცხელება, რომელიც წელიწადის გარკვეულ დროს ვლინდება, წარმოადგენს ალერგიულ რეაქციას, რომელიც გამოწვეულია ხეების, ბალახების, სარეველა ბალახების მტვრის, ასევე ობის და სოკოს სპორების შესუნთქვით. წლიური რინიტი ვლინდება მთელი წლის განმავლობაში და სიმპტომები შეიძლება გამოწვეული იყოს სხვადასხვა ალერგენის მიმართ მგრძნობელობით, როგორიცაა ოთახის მტვრის ტკიპა, ცხოველის თმა/ქერტლი, ბუმბული და გარკვეული საკვები. ეს ალერგენები იწვევს სურდოს და ცემინებას, ასევე ცხვირის ლორწოვანი გარსის შეშუპებას, რაც იწვევს ცხვირის დახშობის შეგრძნებას. ნეპტა ამცირებს შეშუპებას და გაღიზიანებას ცხვირში და ამგვარად ამსუბუქებს ცემინებას, ქავილს და ცხვირის გაჭედილობას ან სურდოს.

ინორმაცია ცხვირის პოლიპების შესახებ

ცხვირის პოლიპები პატარა წარმონაქმნებია ცხვირის ლორწოვან გარსზე და ჩვეულებრივ გავლენას ახდენს ორივე ნესტოზე. მთავარი სიმპტომია ცხვირის დახშობის შეგრძნება, რამაც შეიძლება გავლენა იქონიოს ცხვირით სუნთქვაზე. ასევე შეიძლება აღინიშნოს სურდო გამონადენით,  ყელში  გადადინების შეგრძნება და გემოვნებისა და ყნოსვის დაკარგვა. ნეპტა ამცირებს ანთებით პროცესს ცხვირის ღრუში, რაც იწვევს პოლიპების თანდათანობით შემცირებას.

უკუჩვენებები

ნეპტა არ გამოიყენება შემდეგ შემთხვევებში:

• ალერგია (მომატებული მგრძნობელობა)  მომეტაზონის ფუროატის ან ამ პრეპარატის რომელიმე სხვა ინგრედიენტის მიმართ;
• ცხვირის ინფექცია. ცხვირის სპრეის გამოყენებამდე უნდა მოხდეს ინფექციისგან სრულად განკურნება;
• მოკლე პერიოდში გაკეთებული ოპერაცია ცხვირზე ან   ცხვირის დაზიანების არსებობისას. ცხვირის სპრეი არ გამოიყენება მის შეხორცებამდე.

გაფრთხილება

გამოიჩინეთ განსაკუთრებული სიფრთხილე ნეპტას გამოყენებისას შემდეგ შემთხვევებში:

• მიმდინარე ან ოდესმე არსებული ტუბერკულოზი;
• თვალის მარტივი ჰერპეს-ვირუსული ინფექცია;
• რაიმე სხვა ინფექციის არსებობა;
• კორტიკოსტეროიდული სხვა პრეპარატებით მკურნალობა პერორალურად ან ინექციის სახით;
• კისტოზური ფიბროზი.

ნეპტას გამოყენებისას მოერიდეთ კონტაქტს ნებისმიერ პირთან, რომელსაც აქვს წითელა და ჩუტყვავილა.  ამ ინფექციებით დაავადებულთან კონტაქტის შემთხვევაში, აცნობეთ ექიმს.

ნეპტას გამოყენება საკვებთან და სასმელთან ერთად

ნეპტას გამოყენება შეიძლებასაკვებთან ერთად ან მის გარეშე.

ორსულობა

ამ პრეპარატის გამოყენებამდე მიმართეთ ექიმს ან ფარმაცევტს.

თუ ხართ ორსულად ან გეგმავთ დაორსულებას, არ გამოიყენოთ ნეპტა ექიმის დანიშნულების გარეშე. ცხვირის სხვა კორტიკოსტეროიდული პრეპარატების მსგავსად, ორსულ ქალებში მისი გამოყენების შესახებ გადაწყვეტილების მიღებისას დედისთვის და ნაყოფისათვის პოტენციური ზიანი უნდა შეფასდეს პოტენციურ სარგებელთან მიმართებაში.

დაუყოვნებლივ მიმართეთ ექიმს ან ფარმაცევტს, თუ მკურნალობის დროს აღმოაჩენთ, რომ ორსულად ხართ.

ძუძუთი კვება

პრეპარატის გამოყენებამდე მიმართეთ ექიმს ან ფარმაცევტს.

თუ ძუძუთი კვებავთ ან გეგმავთ ბავშვის ძუძუთი კვებას, ნეპტას გამოყენებამდე გაიარეთ კონსულტაცია ექიმთან. ცხვირის სხვა კორტიკოსტეროიდული პრეპარატების მსგავსად, მეძუძურ ქალებში მისი გამოყენების შესახებ გადაწყვეტილების მიღებისას, დედისთვის და ბავშვისთვის პოტენციური ზიანი უნდა შეფასდეს პოტენციურ სარგებელთან მიმართებაში.

სატრანსპორტო საშუალებების მართვა და მექანიზმების გამოყენება

ნეპტას გავლენის შესახებ სატრანსპორტო საშუალებების მართვის  ან მექანიზმების გამოყენების უნარზე ინფორმაცია არ არის ცნობილი.

მნიშვნელოვანი ინფორმაცია ნეპტას შემადგენლობაში შემავალი ზოგიერთი დამხმარე ნივთიერების შესახებ

ნეპტა შეიცავს ბენზალკონიუმის ქლორიდს, რომელმაც შეიძლება გამოიწვიოს ცხვირის გაღიზიანება.

სხვა პრეპარატებთან ერთად გამოყენება

აცნობეთ ექიმს ნებისმიერი რეცეპტით გაცემული და ურეცეპტო მედიკამენტის, მათ შორის მცენარეული მედიკამენტების შესახებ, რომლებსაც იღებთ. ზოგიერთმა პრეპარატმა შეიძლება გავლენა იქონიოს ნეპტას მოქმედებაზე ან ნეპტამ შეიძლება გავლენა იქონიოს სხვა მედიკამენტების ეფექტზე.

თუ იღებთ სხვა კორტიკოსტეროიდულ საშუალებებს ალერგიისთვის, პერორალურად ან ინექციის სახით, ექიმმა შეიძლება გირჩიოთ შეწყვიტოთ მათი მიღება ნეპტას  გამოყენების დაწყებისთანავე. ზოგიერთ ადამიანს პერორალური ან ინექციური კორტიკოსტეროიდების მიღების შეწყვეტის შემდეგ შეიძლება გამოუვლინდეს ისეთი გვერდითი მოვლენები, როგორიცაა: სახსრების ან კუნთების ტკივილი, სისუსტე და დეპრესია. აღნიშნულის გამოვლენის შემთხვევაში, აცნობეთ ექიმს, რომელიც მოგცემთ რჩევას ცხვირის სპრეის გამოყენების გაგრძელების შესახებ. ასევე შეიძლება გამოვლინდეს სხვა სახის ალერგიები, როგორიცაა: ქავილი, თვალების აწყლიანება ან წითელი ლაქები კანზე და კანისმიერი ქავილი. რომელიმე ჩამოთვლილი ეფექტის გამოვლენის შემთხვევაში  მიმართეთ ექიმს.

აცნობეთ ექიმს ან ფარმაცევტს, თუ იღებთ ან ცოტა ხნის წინ იღებდით სხვა პრეპარატებს, მათ შორის ურეცეპტოდ გაცემულ პრეპარატებსაც.

გამოყენების წესი

ნეპტა ყოველთვის გამოიყენეთზუსტად  ექიმის დანიშნულების მიხედვით. თუ არ ხართ დარწმუნებული, მიმართეთ  ექიმს ან ფარმაცევტს. არ გამოიყენოთ უფრო დიდი დოზა და არ გამოიყენოთ სპრეი უფრო ხშირად ან უფრო დიდხანს, ვიდრე ექიმმა დაგინიშნათ.

სათანადო გამოყენების ინსტრუქცია და დოზირება/გამოყენებისსიხშირე

თივისმიერი ცხელება და წლიური რინიტი

მოზრდილები, ხანდაზმული პირებიდა 12 წელზე უფროსი ასაკის ბავშვები

ჩვეულებრივი დოზაა 2 შესხურება თითოეულ ნესტოში დღეში ერთხელ.

როგორც კი სიმპტომები  კონტროლირებადი გახდება, ექიმმა შეიძლება გირჩიოთ დღეში ერთხელ შესხურება თითოეულ ნესტოში.

თუ თავს უკეთესად არ იგრძნობთ, მიმართეთ ექიმს, რომელმაც შეიძლება გაგიზარდოთ დოზა მაქსიმალურ დღიურ დოზამდე – 4 შესხურება თითოეულ ნესტოში დღეში ერთხელ. როგორც კი სიმპტომები გახდება კონტროლირებადი, ექიმმა შეიძლება გირჩიოთ დოზის შემცირება 2 შესხურებამდე თითოეულ ნესტოში დღეში ერთხელ.

2-დან 11 წლამდე ასაკის ბავშვები

ჩვეულებრივი დოზაა 1 შესხურება თითოეულ ნესტოში დღეში ერთხელ.

ხანგრძლივი დროის განმავლობაში მაღალი დოზების გამოყენებისას კორტიკოსტეროიდის შემცველმა ცხვირის სპრეიმ შეიძლება გამოიწვიოს გარკვეული გვერდითი მოვლენები, როგორიცაა ბავშვებში ზრდის ტემპის შენელება. რეკომენდებულია იმ ბავშვების სიმაღლის რეგულარული მონიტორინგი, რომლებიც ხანგრძლივად მკურნალობენ ცხვირის კორტიკოსტეროიდებით და თუ რაიმე ცვლილება შეინიშნება, უნდა ეცნობოს  ექიმს, რომელმაც შეიძლება შეცვალოს დოზა.

ძალიან შემაწუხებელი თივისმიერი ცხელების შემთხვევაში, ექიმმა შეიძლება გირჩიოთ ნეპტას გამოყენება დამტვერვის სეზონის დაწყებამდე 2-დან 4 კვირით ადრე, რაც დაგეხმარებათ თავიდან აიცილოთ თივისმიერი ცხელების სიმპტომების გამოვლენა. ექიმმა შეიძლება გირჩიოთ სხვა სამკურნალო საშუალებების გამოყენება ნეპტასთან ერთად, განსაკუთრებით თუ აღგენიშნებათ თვალების ქავილი ან გაღიზიანება. დამტვერვის სეზონის ბოლოს თივისმიერი ცხელების სიმპტომები უნდა გაუმჯობესდეს და მკურნალობა აღარ უნდა იყოს საჭირო.

ცხვირის პოლიპები

გამოიყნება 18 წელზე უფროსი ასაკის მოზრდილებში

ჩვეულებრივი საწყისი დოზა არის ორი შესხურება თითოეულ ნესტოში დღეში ერთხელ.

თუ სიმპტომები კონტროლირებადი არ ხდება  5-6 კვირის შემდეგ, დოზა შეიძლება გაიზარდოს 2 შესხურებამდე თითოეულ ნესტოში დღეში ორჯერ. როგორც კი სიმპტომები გახდება კონტროლირებადი, ექიმი ამცირებს დოზას ყველაზე დაბალ ოდენობამდე, რომლითაც სიმპტომები ჯერ კიდევ კონტროლირებადია.

თუ 5-6 კვირის შემდეგ დღეში ორჯერ გამოყენებისას სიმპტომების გაუმჯობესება არ შეინიშნება, უნდა მიმართოთ ექიმს, რათა განიხილოთ სხვა მკურნალობა ნეპტას ჩასანაცვლებლად.

მიღების წესი და მეთოდი

ცხვირის სპრეის მომზადება გამოსაყენებლად

ნეპტას ცხვირის სპრეი აღჭურვულია მტვრისგან დამცავი თავსახურით, რომელიც იცავს საფრქვევს და ინარჩუნებს მის სისუფთავეს.

მოხსენით იგი სპრეის გამოყენებამდე და დაახურეთ გამოყენების შემდეგ.

არ გახვრეტოთ სპრეის ტუმბოს წვერი.

თუ პირველად იყენებთ სპრეის, საჭიროა ბოთლის სპრეის 10-ჯერ ამოტუმბვა, სანამ არ წარმოიქმნება თხელი ნისლი:

1. ბოთლი ნაზად შეანჯღრიეთ;

2. მოათავსეთ საჩვენებელი თითი და შუა თითი საფრქვევის ორივე მხარეს, ხოლო ცერა თითი ბოთლის ქვეშ;

3. დაიჭირეთ საფრქვევი თქვენგან მოშორებით და შემდეგ დააჭირეთ თითებით ქვევით სპრეის გამოსაფრქვად;

თუ სპრეი არ გამოგიყენებიათ 14 დღის ან მეტი ხნის განმავლობაში, საჭიროა ბოთლის სპრეის 2-ჯერ გასხურება, სანამ არ წარმოიქმნება თხელი ნისლი.

გამოყენების ინსტრუქცია

1. ნაზად შეანჯღრიეთ ბოთლი და მოხსენით მტვრისგან დამცავი თავსახური. (სურათი

2. ნაზად მოიწმინდეთ ცხვირი.

3. დახურეთ ერთი ნესტო და მოათავსეთ საფრქვევი მეორე ნესტოში, როგორც ნაჩვენებია (სურათი 2). თავი ოდნავ დახარეთ წინ, ბოთლი გეჭიროთ ვერტიკალურ მდგომარეობაში.

4. დაიწყეთ ნაზად ან ნელა სუნთქვა ცხვირით და სანამ სუნთქავთ, შეისხურეთ თხელი ნისლისებური სპრეი ცხვირში თითების ერთხელ დაჭერით.

5. ამოისუნთქეთ პირით. გაიმეორეთ მე-4 ნაბიჯი მეორე შესხურების შესასუნთქად იმავე ნესტოში.

6. გამოიღეთ საფრქვევი ამ ნესტოდან და ამოისუნთქეთ პირით.

7. გაიმეორეთ  3-დან 6-მდე ნაბიჯები მეორე ნესტოსთვის (სურათი 3).

8. სპრეის გამოყენების შემდეგ, საფრქვევი ფრთხილად გაწმინდეთ სუფთა ხელსახოცით ან ნაჭრით და დაახურეთ მტვრისგან დამცავი თავსახური.

ცხვირის სპრეის გაწმენდა

მნიშვნელოვანია ცხვირის სპრეის რეგულარულად გაწმენდა, წინააღმდეგ შემთხვევაში შეიძლება არ იმუშაოს სწორად.

• მოხსენით მტვრისგან დამცავი თავსახური და ფრთხილად ამოაძრეთ საფრქვევი;
• გარეცხეთ საფრქვევი და მტვრისგან დამცავი თავსახური თბილ წყალში და შემდეგ გაავლეთ გამდინარე ონკანის ქვეშ;
• ნუ ეცდებით ცხვირის აპლიკატორის განბლოკვას ქინძისთავის ან სხვა ბასრი საგნის შერჭობით, რადგან ეს დააზიანებს აპლიკატორს და ვერ მიიღებთ წამლის სწორ დოზას;
• აცადეთ თბილ ადგილას გაშრობა;
• ჩასვით საფრქვევი ისევ ბოთლში და დაახურეთ მტვრისგან დამცავი თავსახური;
• გაწმენდის შემდეგ პირველად გამოყენებისას საჭიროა სპრეის „ხელახლა მომზადება გამოსაყენებლად“ 2-ჯერ გაფრქვევით.

სხვადასხვა ასაკობრივი ჯგუფები

გამოყენება ბავშვებში

ბავშვებში გამოყენება უნდა მოხდეს მოზრდილების მეთვალყურეობის ქვეშ.

გამოყენება ხანდაზმულებში

გამოყენების განსაკუთრებული პირობა არ არსებობს.

განსაკუთრებული შემთხვევები გამოყენებისთვის

თირკმლის/ღვიძლის უკმარისობა

თირკმლის ან ღვიძლის უკმარისობის მქონე პაციენტებისთვის არ არსებობს მონაცემები.

თუ ფიქრობთ, რომ ნეპტასმოქმედება ძალიან ძლიერი ან ძალიან სუსტია, აცნობეთ  ექიმს ან ფარმაცევტს.

დოზის გადაჭარბება

თუ შემთხვევით გამოიყენეთ საჭიროზე მეტი ნეპტა, აცნობეთ  ექიმს ან ფარმაცევტს.

სტეროიდებს დიდი ხნის განმავლობაში ან დიდი რაოდენობით გამოყენება იშვიათად გავლენას ახდენს   ჰორმონულ ცვლაზე.

ბავშვებში  შეიძლება გავლენა იქონიოს ზრდასა და განვითარებაზე.

დოზის გამოტოვება

წამალი გამოყენებული უნდა იყოს ექიმის რეკომენდაციის მიხედვით.

თუ დაგავიწყდათ ცხვირის სპრეის გამოყენება საჭირო დროს, გამოიყენეთ იგი როგორც კი გაგახსენდებათ, შემდეგ კი გააგრძელეთ ძველებურად.

არ გამოიყენოთორმაგი დოზა გამოტოვებული დოზის ასანაზღაურებლად.

მკურნალობის შეწყვეტა

ზოგიერთ პაციენტში ნეპტაიწყებს სიმპტომების შემსუბუქებას პირველი დოზის მიღებიდან 12 საათის შემდეგ; თუმცა, მკურნალობის სრული სარგებელი შეიძლება არ გამოვლინდეს 2 დღის განმავლობაში.

ძალიან მნიშვნელოვანია, რომ რეგულარულად გამოიყენოთ ცხვირის სპრეი. არ შეწყვიტოთ მკურნალობა მაშინაც კი, თუ თავს უკეთ გრძნობთ, სანამ ექიმი არ გეტყვით.

ამ სამკურნალო საშუალების გამოყენებასთან დაკავშირებით დამატებითი კითხვების შემთხვევაში, მიმართეთ თქვენს ექიმს ან ფარმაცევტს.

შესაძლო გვერდითი მოვლენები

სხვა მედიკამენტის მსგავსად, ნეპტამშეიძლება გამოიწვიოს გვერდითი მოვლენები იმ პაციენტებში, რომლებიც მგრძნობიარენი არიან პრეპარატში შემავალი ნივთიერებების მიმართ.

რომელიმე ქვემოთ ჩამოთვლილი გვერდითი მოვლენის განვითარების შემთხვევაში, შეწყვიტეთ ნეპტას გამოყენება და აცნობეთ ექიმს ან დაუყოვნებლივ მიმართეთ უახლოეს საავადმყოფოს სასწრაფო დახმარების განყოფილებას. ეს მოვლენებია:

იშვიათი: დაუყოვნებელი მომატებული მგრძნობელობის (ალერგიული) რეაქციები (როგორიცაა ბრონქოსპაზმი (ბრონქებში სპაზმი), დისპნოე (ქოშინი)), შეიძლება განვითარდეს ნესტოებში მისი შესხურების შემდეგ (ინტრანაზალური).

ძალიან იშვიათი: აღინიშნა ანაფილაქსია (მომატებული მგრძნობელობის რეაქცია) და ანგიონევროზული შეშუპება (კანისმიერი ქავილი).

ყველა აღნიშნული ძალიან სერიოზული გვერდითი მოვლენაა.

რომელიმე ჩამოთვლილი მოვლენის განვითარება ნიშნავს, რომ  სერიოზული ალერგია გაქვთ ნეპტაზე. შეიძლება საჭირო გახდეს სასწრაფო სამედიცინო დახმარება ან ჰოსპიტალიზაცია.

სხვა გვერდითი მოვლენები

ქვემოთ ჩამოთვლილი შესაძლო გვერდითი მოვლენების სიხშირე განისაზღვრება შემდეგი კონვენციის გამოყენებით:

ძალიან ხშირი: შეიძლება განვითარდეს 10-დან 1 პაციენტში მაინც.

ხშირი: შეიძლება განვითარდეს 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში.

არახშირი: შეიძლება განვითარდეს 100-დან 1-ზე ნაკლებ პაციენტში, მაგრამ 1000-დან 1-ზე მეტ პაციენტში.

იშვიათი: შეიძლება განვითარდეს 1000-დან 1-ზე ნაკლებ პაციენტში, მაგრამ 10000-დან 1-ზე მეტ პაციენტში.

ძალიან იშვიათი: შეიძლება განვითარდეს 10000-დან 1-ზე ნაკლებ პაციენტში.

უცნობი: სიხშირის განსაზღვრა შეუძლებელია არსებული მონაცემებიდან.

მოზრდილ და მოზარდ პაციენტებში ალერგიული რინიტის კლინიკური კვლევების დროს გამოვლენილი მკურნალობასთან დაკავშირებული გვერდითი მოვლენები ჩამოთვლილია ქვემოთ:

ხშირი: ეპისტაქსისი (ცხვირიდან სისხლდენა), ფარინგიტი (ყელის ანთება), ცხვირის წვა, ცხვირის გაღიზიანება, ცხვირის წყლული, ცემინება, თავის ტკივილი.

უცნობი: ბავშვებში ზრდის შენელებული ტემპი ხანგრძლივი გამოყენებისას, მხედველობის დარღვევა, რომელიც დაკავშირებულია თვალის კაკალში მომატებულ წნევასთან (გლაუკომა).

რეკომენდებულია ბავშვების სიმაღლის რეგულარული მონიტორინგი ცხვირის კორტიკოსტეროიდებით ხანგრძლივი მკურნალობისას.

ეპისტაქსისი (ცხვირიდან სისხლდენა) ზოგადად იყო თვითშეზღუდული და მსუბუქი სიმძიმის, და ვლინდებოდა უფრო მაღალი (5%) სიხშირით (გამოვლენის სიხშირე) პლაცებოსთან შედარებით (მედიკამენტი, რომელიც არ შეიცავს მოქმედ ნივთიერებას), მაგრამ უფრო დაბალი სიხშირით, შესწავლილ აქტიური კონტროლის ნაზალურ კორტიკოსტეროიდებთან შედარებით (15%-მდე). ყველა სხვა ეფექტის სიხშირე შედარებადი იყო პლაცებოსთან.

პედიატრიულ პოპულაციაში გვერდითი მოვლენების სიხშირე, მაგ., თავის ტკივილი (3%), ეპისტაქსისი (6%), ცხვირის გაღიზიანება (2%) და ცემინება (2%) შედარებადი იყო პლაცებოსთან.

ცხვირის პოლიპები (არასიმსივნური წარმონაქმნები)

პაციენტებში, რომლებიც მკურნალობდნენ ცხვირის პოლიპოზს, გვერდითი მოვლენების საერთო სიხშირე შედარებადი იყო პლაცებოსთან და მსგავსი იყო ალერგიული რინიტის მქონე პაციენტებში გამოვლენილი გვერდითი მოვლენებისა. პოლიპების კლინიკურ კვლევებში, მკურნალობასთან დაკავშირებული გვერდითი მოვლენები აღინიშნა პაციენტების ≥1%-ში, რომელიც ნაჩვენებია ქვემოთ:

ძალიან ხშირი: ეპისტაქსისი 200 µგ-ის ორჯერ დღეში გამოყენებისას.

ხშირი: ზედა სასუნთქი გზების ინფექცია 200 µგ-ის დღეში ერთხელ გამოყენებისას, ეპისტაქსისი 200 µგ-ის დღეში ერთხელ გამოყენებისას, ყელის გაღიზიანება 200 µგ-ის ორჯერ დღეში გამოყენებისას, თავის ტკივილი 200 µგ-ის დღეში ერთხელ და 200 µგ-ის ორჯერ დღეში გამოყენებისას.

არახშირი: ზედა სასუნთქი გზების ინფექცია 200 µგ-ის ორჯერ დღეში გამოყენებისას.

ძალიან იშვიათად აღინიშნა გემოვნებისა და ყნოსვის დარღვევები.

ინტრანაზალური კორტიკოსტეროიდების გამოყენების შემდეგ დაფიქსირდა ცხვირის ძგიდის პერფორაციის (ცხვირის ხრტილის რღვევა) ან თვალშიდა წნევის მომატების და/ან კატარაქტის იშვიათი შემთხვევები.

ნაზალური კორტიკოსტეროიდების სისტემური ეფექტები შეიძლება აღინიშოს, განსაკუთრებით მაღალი დოზების ხანგრძლივი პერიოდის განმავლობაში გამოყენებისას.

შეტყობინება გვერდითი მოვლენების შესახებ

ნებისმიერი გვერდითი მოვლენის გამოვლენის შემთხვევაში, მათ შორის ისეთი შესაძლო გვერდითი მოვლენის აღნიშვნის შემთხვევაში, რომელიც არ არის აღნიშნული  შეფუთვის ფურცელ-ჩანართში, მიმართეთ ექიმს, ფარმაცევტს ან ექთანს. გვერდითი მოვლენების შესახებ  ასევე, შეგიძლიათ შეატყობინოთ თურქეთის ფარმაკოზედამხედველობის ცენტრს  (TÜFAM), ვებ-გვერდზე # ღილაკზე „შეტყობინება გვერდითი მოვლენების შესახებ“ დაწკაპუნებით  ან დარეკვით ნომერზე 0 800 314 00 08, რომელიც წარმოადგენს გვერდითი მოვლენების შეტყობინების ცხელ ხაზს. გვერდითი მოვლენების შეტყობინებით, ხელს შეუწყობთ წამლის უსაფრთხოებასთან დაკავშირებით  მეტი ინფორმაციის უზრუნველყოფას.

თუ გამოგივლინდათ რაიმე გვერდითი მოვლენა, რომელიც ზემოთ არ არის მოცემული, აცნობეთ ექიმს ან ფარმაცევტს.

შენახვის წესი

შეინახეთნეპტა ბავშვებისთვისმიუწვდომელ ადგილასდა ორიგინალი შეფუთვით.

ინახება არაუმეტეს 25°C.

მოარიდეთ მზის პირდაპირ სხივებს. არ გაყინოთ.

ვარგისობის ვადა

პრეპარატი გამოიყენეთ ვარგისობის ვადის შესაბამისად.

არ გამოიყენოთ ნეპტა ვარგისობის ვადის გასვლის შემდეგ, რომელიც მითითებულია შეფუთვაზე.

არ გამოიყენოთ ნეპტა,თუ შეამჩნევთ რაიმე წუნს პროდუქტსა და/ან შეფუთვაზე.

არც ერთი პრეპარატი არ გადაყაროთ კანალიზაციაში ან საყოფაცხოვრებო ნარჩენებთან ერთად. ჰკითხეთ ფარმაცევტს, თუ როგორ უნდა მოახდინოთ იმ პრეპარატების უტილიზაცია, რომელიც აღარ გჭირდებათ. ეს ზომები ხელს შეუწყობს გარემოს დაცვას.

გაცემის წესი                   

ფარმაცევტული პროდუქტის ჯგუფი III, გაიცემა რეცეპტის გარეშე.

მარკეტინგული ლიცენზიის მფლობელი

Deva Holding A.Ş. (დევა ჰოლდინგ ა.შ.)

Küçükçekmece (კუჩუკჩეკმეჯე)/სტამბოლი/თურქეთი

ტელ: +90 212 692 92 92

ფაქსი: +90 212 697 00 24.

მწარმოებელი

Deva Holding A.Ş. (დევა ჰოლდინგ ა.შ.)

Kapaklı /TEKİRDA (კაპაკლი/თეკირდაღი)/თურქეთი.