ნეოფლექსი დექსტროზა 5% - Neofleks Dekstroz 5% 500მლ

ნეოფლექსის  5%  დექსტროზის  წყალხსნარი

განკუთვნილია ინტრავენური   გამოყენებისთვის

  სტერილური

• მოქმედი ნივთიერება: თითოეული 100 მლ 5 გრამ დექსტროზის ანჰიდრატს (გლუკოზას) შეიცავს.
• დამხმარე ნივთიერებები:  საინექციო წყალი.

აღნიშნული წამლის მიღებამდე გამოყენების ინსტრუქცია ყურადღებით წაიკითხეთ, რადგანაც ის თქვენთვის მნიშვნელოვან ინფორმაციას შეიცავს. აღნიშნული გამოყენების ინსტრუქცია შეინახეთ. შეიძლება განმეორებით გადაკითხვა დაგჭირდეთ. დამატებით კითხვების შემთხვევაში, გთხოვთ თქვენს ექიმს ანდა ფარმაცევტს მიმართოთ. აღნიშნული წამალი პირადად  თქვენთვისაა გამოწერილი, სხვას არ მისცეთ. აღნიშნული წამლის გამოყენებისას თუ სხვა ექიმს ანდა საავადმყოფოს მიმართავთ, ექიმს მიაწოდეთ ინფორმაცია ამ წამლის მოხმარების შესახებ. წამლის  გამოყენების ინსტრუქცია ზუსტად შეასრულეთ.  თქვენთვის რეკომენდირებული დოზის გარდა  მაღალი ანდა დაბალი დოზა არ მიიღოთ.

გამოყენების ინსტრუქცია შეიცავს შემდეგი სათაურების მომცველ მონაცემებს:

1. რა არის და რისთვის გამოიყენება ნეოფლექსის 5% დექსტროზა?
2.ნეოფლექსის 5% დექსტროზის გამოყენებამდე  რას უნდა მივაქციოთ ყურადღება?
3. როგორ გამოიყენება ნეოფლექსის 5% დექსტროზა?
4. რა სახის შესაძლო გვერდითი ეფექტები შეიძლება გამოვლინდეს?
5. ნეოფლექსის 5% დექსტროზის შენახვა 

1. რა არის და რისთვის გამოიყენება ნეოფლექსის 5% დექსტროზა?

-ნეოფლექსის 5% დექსტროზა, დექსტროზის სახელით ცნობილი, ორგანიზმის ენერგეტიკული მოთხოვნილებისთვის საჭირო შაქრების შემცველი სტერილური (მიკრობის არ შემცველი) ხსანრია, რომელიც განკუთვნილია ინტრავენური გამოყენებისთვის.

-ხსნარი 50, 100, 150, 250, 500 და 1000 მილილიტრი მოცულობის პოლიეთილენის  პარკებში ანდა პილივინილ ქლორიდის პარკებშია მოთავსებული. აღნიშნული პარკები გარედან დაფარულია უფრო სქელი, დამცავი საფარით. ვენებში პლასტმასის მილის (ინფუზიის სისტემის ნაკრები)საშუალებით გადაესხმება.

-ნეოფლექსის 5% დექსტროზა ორგანიზმის გაუწყლოვანების (დეჰიდრატაციის) მდგომარეობის სამკურნალოდ სხეულის მიერ დაკარგული სითხის აღდგენისთვის გამოიყენება. გარდა ამისა, გამოიყენება სხეულის მიერ დაკარგული ანდა პირის გზით შაქრების არასაკმარისი რაოდენობით მიღებისას ორგანიზმის ენერგეტიკული მოთხოვნილებების გარკვეული  ნაწილის დასაკმაყოფილებლად.

-ნეოფლექსის 5% დექსტროზა გამოიყენება  სხვა  კონცენტრირებული ფორმით არსებული ინტრავენური გამოყენების წამლების ინტრავენურ ინფუზიამდე გაზავების მიზნით.

2. ნეოფლექსის 5% დექსტროზის გამოყენებამდე რას უნდა მივაქციოთ ყურადღება?

ნეოფლექსის 5% დექსტროზა ბევრი ავადმყოფისთვის უსაფრთხო წამალია. თუმცა, თუ გულის, თირკმლების, ღვიძლის ანდა ფილტვების პრობლემა  ანდა შაქრიანი დიაბეტი გაქვთ, ექიმმა შეიძლება ეს წამალი თქვენთან არ გამოიყენოს.

გარდა ამისა, აღნიშნული ხსნარის ინფუზია არ შეიძლება როგორც სისხლის ტრანსფუზიასთან ერთად, ასევე ინფუზიის წინ ანდა შემდეგ იმავე საინფუზიო სისტემიდან.

ნეოფლექსის 5% დექსტროზა ქვემოთ მოცემული მდგომარეობების დროს არ გამოიყენოთ:

თუ,

• სისხლში შაქრის დონე ნორმაზე მაღალია (ჰიპერგლიკემია).

• არაკონტროლირებადი შაქრიანი დიაბეტი გაქვთ.

• ორგანიზმში მეტაბოლიზმის შენელების დროს წარმოქმნილოი ზოგიერთი შაქრის მიმართ აუტანლობა გაქვთ.

• ორგანიზმი უკიდურესად დეჰიდრატირებულია და ამ მდგომარეობის გამოსწორების მიზნით გლუკოზის შემცველი სითხის მიცემასთან დაკავშირებით თქვენთან კომა(ჰიპეროსმოლარული კომა) განვითარდა.

• სხეულში ნახშირწყლების დაშლის შედეგად წარმოქმნილი არასასურველი პროდუქტის-რძემჟავას დონე მომატებულია (ჰიპერლაქტემია).

• სიმინდის ანდა სიმინდის ნაწარმის მიმართ მომატებული მგრძნობელობა (ალერგია) გაქვთ.

ნეოფლექსის 5% დექსტროზა, ქვემოთ  მოცემული მდგომარეობის დროს სიფრთხილით გამოიყენეთ

თუ;

• მოწამლული ხართ.

• თირკმლის უკმარისობა გაქვთ, როცა შარდის რაოდენობა შემცირებულია ანდა შარდი საერთოდ არ გამოიყოფა.

• გულის უკმარისობა გაქვთ.

• ფილტვების უკმარისობა გაქვთ.

• თავის ტვინის სისხლძარღვების უეცარი დახშობის ანდა სისხლჩაქცევის შედეგად დამბლა განვითრდა (მწვავე იშემიური ინსულტი).

• ბოლო 24 საათის განმავლობაში თავის ტვინის ტრავმა მიიღეთ.

• ქალას შიგა წნევა მომატებული გაქვთ.

თუ,

აღნიშნული წამალი ელექტრონული პომპის (ტუმბოს) საშუალებით გეძლევათ, უნდა დარწმუნდეთ, რომ ხსნარის პარკის სრულად დაცლამდე ტუმბოს მუშაობა შეჩერებულია.

ამ წამლის  ინტრავენური შეყვანის დროს, გამოყენებული მილები(გადასხმის სისტემის ნაკრები) 24 საათში ერთხელ უნდა შეიცვალოს. გარდა ამისა,  ხსნარი  გამოიყენებული უნდა იქნას მხოლოდ იმ შემთხვევაში, თუ ხსნარის შემცველი პარკის მთლიანობა არ არის დარღვეული, არ ჟონავს და ხსნარი გამჭვირვალეა.

თუ, აღნიშნული გაფრთხილებები  ამჟამად ანდა  წარსულის ნებისმერ დროს თქვენთან გამოვლინდა, გთხოვთ, კონსულტაციისთვის  თქვენს ექიმს  მიმართეთ.

ნეოფლექსის 5% დექსტროზას  გამოყენება საკვებთან და სასმელთან ერთად

ნეოფლექსის 5% დექსტროზა ინტრავენური გამოყენებისთვის განკუთვნილი წამალია;  წამალს  საკვებთან და  სასმელთან ურთიერთქმედება არ აქვს.

ორსულობა

წამლის გამოყენებამდე კონსულტაციისთვის თქვენს ექიმს ანდა ფარმაცევტს მიმართეთ.

ნეოფლექსის 5% დექსტროზის გამოყენების აუცილებლობის გარეშე, ორსულობის დროს არ უნდა იქნას გამოყენებული.

თუ, ორსულად ხართ ანდა  ფიქრობთ, რომ ორსულობის ალბათობა არსებობს,  მაშინვე ექიმს აცნობეთ.

თუ, მკურნალობის პერიოდში ორსულობას გამოავლენთ, მაშინვე თქვენს ექიმს ანდა ფარმაცევტს აცნობეთ.

ძუძუთი კვება-ლაქტაცია

ამ წამლის გამოყენებამდე გთხოვთ, კონსულტაციისთვის თქვენს ექიმს ანდა ფარმაცევტს მიმართეთ.

ავტომობილისა და მექანიზმების მართვის უნარზე ზემოქმედება

ნეოფლექსის 5% დექსტროზით მკურნალობის დროს ავტომობილის და მექანიზმების მართვა შეუძლებელია. მკურნალობის შემდეგ დღიური აქტივობის გაგრძელება შესაძლებელია,  ავტომობილის და მექანიზმების მართვა შეიძლება.

ნეოფლექსის 5% დექსტროზის შემადგენლობაში არსებული ზოგიერთი დამხმარე ნივთიერებების შესახებ მნიშვნელოვანი ინფორმაცია

დამხმარე ნივთიერების სახით საინექციო წყალს შეიცავს, ამიტომ რაიმე სახის გაფრთხილებას არ საჭიროებს.

სხვა მედიკამენტებთან ერთად გამოყენება

ნეოფლექსის 5% დექსტროზის გამოყენებისას,   დამატებით რომელიმე წამლის მიღებამდე, კონსულტაციისთვის თქვენს ექიმს მიმართეთ.

თუ, შაქრიანი დიაბეტი გაქვთ, ამ წამლის გამოყენება  არ შეიძლება ანდა  სისხლში შაქრის გამანეიტრალებელი საშუალების დამატებით, შეიძლება გამოყენებული იქნას.

აღნიშნული წამლით მკურნალობის დაწყებამდე  აუცილებლად ექიმს აცნობეთ ყველა იმ წამლის შესახებ, რომელსაც ღებულობთ, რეცეპტის გარეშე გაცემული წამლების ჩათვლით, ეს ძალიან მნიშვნელოვანია.

თუ რეცეპტით დ ან რეცეპტის გარეშე ნებისმიერ წამალს ღებულობთ ანდა  ბოლო პერიოდში მიიღეთ, გთხოვთ, აღნიშნულის შესახებ თქვენს ექიმს ანდა ფარმაცევტს აცნობეთ.

3. როგორ გამოიყენება ნეოფლექსის 5% დექსტროზა?

სწორი გამოყენება და დოზები/გამოყენების სიხშირე და მითითებები:

• აღნიშნული წამლის საჭირო დოზის და ინფუზიის დროს გამოყენების საკითხს თქვენი ექიმი გადაწყვეტს. ამ დროს მნიშვნელოვანია თქვენი წონის, ასაკის და ამ წამლის თქვენთან გამოყენების მიზეზის გათვალისწინება.

• თუ, ექიმი სხვა მითითებებს არ მოგცემთ, აღნიშნული რეკომენდაციები გაითვალისწინეთ.

• წამლის დროული მიღება არ დაგავიწყდეთ.

• ექიმი, ნეოფლექსის 5% დექსტროზით მკურნალობის ხანგრძლივობას გაცნობებთ. მკურნალობა დროზე ადრე არ შეწყვიტოთ, რადგანაც ასეთ შემთვევაში სასურველ შედეგს ვერ მიიღებთ.

შეყვანის გზა და მეთოდი:

წამალი, ვენაში ჩადგმული პლასტიკური ნაკრების დახმარებით გამოიყენება.

სხვადასხვა ასაკობრივი ჯგუფები:

ბავშვებში გამოყენება:

ბავშვებისთვის, დოზას და გამოყენებული ინფუზიის სისტემის ნაკრების დეტალებს ექიმი გადაწყვეტს.

ხანდაზმულებში გამოყენება:  

ზრდასრულებში გამოყენებული დეტალების მსგავსად გამოიყენება.

გამოყენების განსაკუთრებული მდგომარეობები:

თირკმლების /ღვიძლის  უკმარისობა:

თირკმლების და ღვიძლის უკმარისობის დროს, დავადების სიმძიმის შესაბამისად,  ეს წამალი შეიძლება თქვენთან არ იქნას გამოყენებული.  წამლის  ინფუზიის გადაწყვეტილების მიღების შემთვევაში, ინფუზია დაკვირვების ქვეშ განხორციელდება.

თუ,ფიქრობთ, რომ ნეოფლექსის 5% დექსტროზის ეფექტი ძალიან ძლიერი ანდა ძალიან სუსტია, თქვენს ექიმს ანდა ფარმაცევტს მიმართეთ.

 თუ, ნეოფლექსის 5% დექსტროზის  საჭიროზე მეტი დოზა მიიღეთ:

თუ, ნეოფლექსის 5% დექსტროზის საჭიროზე მეტი დოზა მიიღეთ, თქვენს ექიმს ანდა ფარმაცევტს გაესაუბრეთ.

თუ,  ნეოფლექსის 5% დექსტროზის  მიღება დაგავიწყდებათ:

დავიწყებული დოზების აღდგენისთვის ორმაგი დოზა არ მიიღოთ.

მოვლენები, რომელიც ნეოფლექსის 5% დექსტროზით  მკურნალობის დასრულებისას შეიძლება გამოვლინდეს:

არ არსებობს.

4. რა შეიძლება იყოს შესაძლო გვერდითი ეფექტები:

როგორც ყველა წამლის შემთხვევაში, ნეოფლექსის 5% დექსტროზის შემადგენლობაში არსებული ნივთიერების მიმართ მგრძნობელობის მქონე პირებში შეიძლება გვერდითი ეფექტები გამოვლინდეს.

თუ, ქვემოთ ჩამოთვლილთაგან რომელიმე თქვენთან გამოვლინდება, ნეოფლექსის 5% დექსტროზის გამოყენება შეწყვიტეთ და მაშინვე თქვენს ექიმს აცნოებთ ანდა თქვენთან ყველაზე ახლო საავადმყოფოს ემერჯენსის განყოფილებას მიმართეთ:

• გავრცელებული ანდა ლოკალური ჭინჭრის ციება (ურტიკარია), ხმაურიანი სუნთქვა, მკერდში მოჭერის შეგრძნება, წნევის დაცემა, მაღალი ცხელება, ავად ყოფნის შეგრძნება, კუჭის არეში ტკივილი ანდა კანკალი/სურდოს მსგავსი სიმპტომები.

ზემოთ აღნიშნული ძალიან სერიოზული გვერდითი ეფექტებია.

თუ, ჩამოთვლილთაგან რომელიმე თქვენთან გამოვლინდება, ეს ნიშნავს, რომ თქვენ ნეოფლექსის 5% დექსტროზის  მიმართ ალერგია გაქვთ.  ამ დროს სასწრაფო სამედიცინო დახმარება ანდა საავადმყოფოში დაწოლა შეიძლება დაგჭირდეთ.

აღნიშნული ძალიან სერიოზული გვერდითი ეფექტები საკმაოდ იშვიათად ვლინდება.

თუ, ქვემოთ ჩამოთვლილთაგან რომელიმე გამოვლინდება, მაშინვე თქვენს ექიმს აცნობეთ:

• ორგანიზმში სითხის რაოდენობის შემცირება და სხეულის გაუწყლოვნება (დეჰიდრატაცია)

• სისხლში იოების სახელით წოდებული ნივთიერებების (კალიუმის, მაგნიუმის, ფოსფატის და ა.შ.) დონის შემცირება

• სისხლშ შაქრის დონის მომატება (ჰიპერგლიკემია)

• სისხლის მიმოქცევის მოცულობის მომატება(ჰიპერვოლემია)

• შარდის რაოდენობის მომატება

• ინფუზიის ადგილიდან ხსნარის ვენიდან გარეთ გამოჟონვა

• ინფუზიის ადგილის ირგვლივ ტკივილი, სიწითლე და შეშუპება

• ინფუზიის ადგილის დაჩირქება

• ინფუზიის ვენის დაზიანება, გაღიზიანება

• ინფუზიის ადგილიდან დაწყებული, ვენის გაყოლებით გავრცელებული ჩირქოვანი ანთება

• ინფუზიის ადგილიდან დაწყებული ვენების დახშობის განმომწვევი თრომბის განვითარება

ყველა ჩამოთვლილი ძალიან სერიოზული გვერდითი ეფექტებია.

ნებისმიერი გვერდითი ეფექტის  გამოვლინების შემთხვევაში, რომელიც არ არის ხსენებული  წამლის გამოყენების ინსტრუქციაში, მიმართეთ თქვენს ექიმს  ანდა ფარმაცევტს.

გვერდი ეფექტების შესახებ მოხსენება

ნებისმიერი გვერდითი ეფექტის  გამოვლინების შემთხვევაში, რომელიც არ არის ხსენებული  წამლის გამოყენების ინსტრუქციაში, მიმართეთ თქვენს ექიმს, ექთანს  ანდა ფარმაცევტს. გამოვლენილი გვერდითი ეფექტების შეტყობინებით წვლილს შეიტანთ გამოყენებული მედიკამენტის შესახებ უფრო მეტი ინფორმაციის  მიღებასა და უსაფრთხოებაზე.

5. ნეოფლექსის 5% დექსტროზის შენახვა

ნეოფლექსის 5% დექსტროზა  ბავშვებისგან  შორს, მიუწვდომელ ადგილას, შეფუთვაში შეინახეთ.

თითოეული საინფუზიო ხსნარის პარკის ეტიკეტზე მითითებულია გამოყენების ბოლო ვადა. თუ, ეს ვადა გასულია, ეს წამალი არ უნდა იქნას გამოყენებული.

თუ, ხსნარი გამჭვირვალე არ არის, არ გამოიყენოთ.

შეინახეთ  <25⁰ C  ოთახის ტემპერატურაზე.

გამოყენების შემდეგ დარჩენილი ხსნარი გადააგდეთ. გამოუყენებელი ნაწილი კვლავ არ გამოიყენოთ.

გამოიყენეთ გამოყენების ბოლო ვადის შესაბამისად.

შეფუთვაზე მითითებული გამოყენების ბოლო ვადის შემდეგ ნეოფლექსის 5% დექსტროზა  არ გამოიყენოთ/გამოიყენეთ გამოყენების ბოლო ვადის გასვლამდე.

ვადა გასული  ანდა  გამოუყენებელი წამლები ნაგავში არ ჩააგდოთ, გარემოს დაცვისა და ურბანიზაციის სამინისტროს მიერ განსაზღვრულ შემკრებ სისტემას ჩააბარეთ.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით