ნეოფლექსი დექსტროზა 10% - Neofleks Dekstroz 10% 500მლ

ნეოფლექსი 10% დექსტროზის ხსნარი წყალში 

ვენაში შესაყვანად სტერილური

·  აქტიური ნივთიერება: ყოველი 100 მლ ხსნარი შეიცავს 10 გრამ დექსტროზის ანჰიდრატს (გლუკოზას).

·  დამხმარე ნივთიერებები: საინექციო წყალი

ყურადღებით წაიკითხეთ ეს ფურცელი სრულად, სანამ დაიწყებთ ამ პრეპარატის გამოყენებას, რადგან ის შეიცავს თქვენთვის მნიშვნელოვან ინფორმაციას.

· შეინახეთ ეს ფურცელი. შეიძლება დაგჭირდეთ ხელახლა წაკითხვა.

· თუ გაქვთ დამატებითი შეკითხვები, მიმართეთ თქვენს ექიმს ან ფარმაცევტს.

· ეს პრეპარატი გამოწერილია მხოლოდ თქვენთვის. არ მისცეთ ის სხვებს. 

· ამ პრეპარატის გამოყენების პერიოდში ექიმთან ან საავადმყოფოში ვიზიტისას, აცნობეთ თქვენს ექიმს, რომ იღებთ ამ მედიკამენტს.

· ზუსტად დაიცავით ამ ინსტრუქციაში მოცემული მითითებები. არ გამოიყენოთ რეკომენდებულზე უფრო მაღალი ან დაბალი დოზები.

ამ ფურცელში:

1. რა არის ნეოფლექსი 10% დექსტროზის ხსნარი წყალში და რისთვის გამოიყენება?

2. რა უნდა იცოდეთ ნეოფლექსი 10% დექსტროზის ხსნარი წყალში გამოყენებამდე?

3. როგორ გამოიყენება ნეოფლექსი 10% დექსტროზის ხსნარი წყალში?

4. რა არის შესაძლო გვერდითი მოვლენები?

5. როგორ ინახება ნეოფლექსი 10% დექსტროზის ხსნარი წყალში?

1. რა არის ნეოფლექსი 10% დექსტროზის ხსნარი წყალში და რისთვის გამოიყენება?

ნეოფლექსი 10% დექსტროზის ხსნარი წყალში არის ინტრავენური ხსნარი, რომელიც გამოიყენება ორგანიზმიდან დაკარგული ნახშირწყლების ჩასანაცვლებლად ან რომლის მიღებაც ადეკვატურად შეუძლებელია პერორალურად, ორგანიზმის ენერგეტიკული საჭიროების ნაწილის დასაკმაყოფილებლად.

ნეოფლექსი 10% დექსტროზის ხსნარი წყალში წარმოდგენილია პოლიპროპილენის პაკეტებში 100, 150, 250, 500 და 1000 მილილიტრის მოცულობით და პვქ პაკეტებში 500 მილილიტრის მოცულობით. აღნიშნულ მოქნილ პაკეტებს გარედან უფრო სქელი დამცავი გარსი აქვთ. არსებობს ორი ფორმა - კომპლექტებით და მათ გარეშე.

პრეოპერაციული და პოსტოპერაციული პერიოდები ან ღვიძლის, თირკმელების, გულის და კუჭ-ნაწლავის მძიმე დაავადებები, პერორალურად საკვებისა და წყლის შეზღუდული მიღებით, იმ შემთხვევებში, როდესაც კუჭ-ნაწლავის ტრაქტიდან ცილების შეწოვა ან ორგანიზმის ცილებზე მოთხოვნა დარღვეულია; იმ შემთხვევებში, სადაც წვის ხარისხის იზრდება, გამოიყენება ცილის შესაბამის წყაროსთან ერთად.

ნეოფლექსი 10% დექსტროზის ხსნარი წყალში, რომლის გამოყენებაც ასევე შეიძლება ზოგიერთ შემთხვევაში, როდესაც სისხლში შაქარი ეცემა მასში შემავალი გლუკოზის (შაქრის) გამო, უზრუნველყოფს ორგანიზმს წყლით და ასევე კალორიებით; ასევე გამოიყენება ზოგიერთი მდგომარეობის სამკურნალოდ, როდესაც ორგანიზმი დეჰიდრატირებულია (წყლის მიღების შეზღუდვა, დიარეა, პიღებინება ან ჭარბი შარდვის გამო სითხის ჭარბი დაკარგვა). 

ნეოფლექსი 10% დექსტროზის ხსნარი წყალში ასევე გამოიყენება ინტრავენური შეყვანისთვის შესაფერისი ზოგიერთი პრეპარატის გასაზავებლად კონცენტრირებული ფორმით ინტრავენური შეყვანის წინ.

პრეპარატი შეჰყავთ მხოლოდ ინტრავენურად და ამ მიზნით შესაფერისი პლასტმასის მილის (კომპლექტის) მეშვეობით.

2. რა უნდა იცოდეთ ნეოფლექსი 10% დექსტროზის ხსნარის წყალში გამოყენებამდე?

ნეოფლექსი 10% დექსტროზის ხსნარი წყალში არის მრავალი პაციენტისთვის უსაფრთხო პრეპარატი. თუმცა, თუ გაქვთ გულის, თირკმელების, ღვიძლის ან ფილტვების პრობლემები, თუ გაქვთ დიაბეტი, თქვენი ექიმი არ გამოიყენებს ამ პროდუქტს.

არ გამოიყენოთ ნეოფლექსი 10% დექსტროზის ხსნარი წყალში;

თუ გქონიათ ალერგიული რეაქცია დექსტროზის, ნეოფლექსი 10% დექსტროზის ხსნარი წყალში შემავალი აქტიურ ნივთიერების ან დამხმარე ნივთიერებების გამოყენებისას, ანუ თუ გქონიათ სიმპტომები, როგორიცაა უეცარი ქოშინი, ხიხინი, კანის გამონაყარი, ქავილი ან შეშუპება, ეს პრეპარატი არ უნდა გამოიყენოთ.

ასევე, არ გამოიყენოთ ეს პრეპარატი, თუ ალერგიული ხართ სიმინდის პროდუქტებზე.

თუ არ ხართ დარწმუნებული, გაქვთ თუ არა ალერგია, კონსულტაციისთვის მიმართეთ თქვენს ექიმს. 

ეს პრეპარატი ასევე არ უნდა იქნას გამოყენებული შემდეგ შემთხვევებში:

-  ინტრაკრანიალური სისხლჩაქცევები.

-  მდგომარეობები, როდესაც ორგანიზმი ძლიერ დეჰიდრატირებულია.

- მდგომარეობები, რომლის დროსაც ვერ ხდება შარდვა (ანურიის მდგომარეობა). 

- კომა ღვიძლის დაავადების გამო.

გამოიყენეთ ნეოფლექსი 10% დექსტროზის ხსნარი წყალში ფრთხილად;

თუ;

-  გაქვთ ლატენტური ან აშკარა შაქრიანი დიაბეტი ან რაიმე მიზეზით ნახშირწყლების აუტანლობა; 

-  შემცირებულია ორგანიზმში მარილის რაოდენობა;

-  გაქვთ გულის უკმარისობა (შეიძლება აღინიშნოს სითხის გადაჭარბებული დაგროვება სისხლის მიმოქცევის სისტემაში);

-  თუ გაქვთ თირკმელების უკმარისობა (ამ შემთხვევაში შეიძლება დაქვეითდეს შაქრის მიმართ ამტანობა და თუ თირკმლის ფუნქციები დაქვეითებულია, ასეთი პრეპარატების მიღებისას ორგანიზმში მოხვედრილმა ალუმინმა შეიძლება მიაღწიოს ისეთ დონეს, რომ გამოიწვიოს მოწამვლა)

ეს პრეპარატი მოგეცემათ სიფრთხილით.

გარდა ამისა, ეს პრეპარატი ასევე სიფრთხილით დაინიშნება ახალშობილებში ძალიან დაბალი წონით (შეიძლება გამოიწვიოს სისხლის სითხის ნაწილის სიმკვრივის მატება და ინტრაკრანიალური სისხლდენის რისკის გაზრდა).

თუ იღებთ პრეპარატს, განსაკუთრებით იმ შემთხვევაში, თუ გამოყენებული ინტრავენური მკურნალობა გახანგრძლივდა, თქვენმა მკრურნალმა ექიმა შეიძლება ჩაგიტაროთ ხელახალი გამოკვლევა  და დაგინიშნოთ სისხლის სხვადასხვა ანალიზი.

რეკომენდებულია ამ პრეპარატის შეყვანისას გამოყენებული მილების (კომპლექტების) გამოცვლა ყოველ 24 საათში. გარდა ამისა, პროდუქტი გამოყენებული უნდა იყოს მხოლოდ იმ შემთხვევაში, თუ პაკეტი ხელუხლებელია და არ ფიქსირდება გაჟონვა, ხოლო მასში არსებული ხსნარი გამჭვირვალეა.

თუ ეს გაფრთხილებები გეხებათ თქვენ, თუნდაც წარსულში ნებისმიერ დროს, გთხოვთ, კონსულტაციისთვის მიმართოთ თქვენს ექიმს.

ნეოფლექსი 10% დექსტროზის ხსნარის წყალში გამოყენება საკვებთან ან სასმელთან 

ნეოფლექსი 10% დექსტროზის ხსნარი წყალში არის ვენაში შესაყვანი პრეპარატი; არ აღინიშნება ურთიერთქმედება საკვებთან და სასმელებთან შეყვანის გზის გათვალისწინებით.

ორსულობა

ამ პრეპარატის გამოყენებამდე კონსულტაციისთვის მიმართეთ თქვენს ექიმს ან ფარმაცევტს. 

არ გამოიყენოთ ნეოფლექსი 10% დექსტროზის ხსნარი წყალში ორსულობის დროს, თუ ეს განსაკუთრებულად მიზანშეწონილად არ არის მიჩნეული თქვენი ექიმის მიერ.

თუ მკურნალობის დროს შეიტყობთ ორსულობის შესახებ,  დაუყოვნებლივ მიმართეთ თქვენს ექიმს ან ფარმაცევტს.

ძუძუთი კვება

ამ პრეპარატის გამოყენებამდე კონსულტაციისთვის მიმართეთ თქვენს ექიმს ან ფარმაცევტს. 

თუ ბავშვს ძუძუთი კვებავთ, ამის შესახებ აცნობეთ თქვენს ექიმს. არ გამოიყენოთ ნეოფლექსი 10% დექსტროზას ხსნარი წყალში ძუძუთი კვების დროს, გარდა იმ შემთხვევისა, როდესაც ეს განსაკუთრებულად მიზანშეწონილად არის მიჩნეული თქვენი ექიმის მიერ.

ავტომობილის მართვა და მექანიზმების გამოყენება

ნეოფლექსი 10% დექსტროზის ხსნარი წყალში არ ახდენს გავლენას ავტომობილის ან მექანიზმების მართვის უნარზე.

მნიშვნელოვანი ინფორმაცია ნეოფლექსი 10% დექსტროზის ხსნარი წყალში შემადგენლობაში არსებული ზოგიერთი დამხმარე ნივთიერების შესახებ 

მოსალოდნელი არ არის ნეოფლექსი 10% დექსტროზის ხსნარი წყალში შემავალ დამხმარე ნივთიერებებთან დაკავშირებული არასასურველი ეფექტები, თუ არ ხართ ჰიპერმგრძნობიარე მსგავსი ნივთიერებების მიმართ.

გამოყენება სხვა მედიკამენტებთან ერთად

თუ გეგმავთ სხვა პრეპარატების, მათ შორის ურეცეპტოდ გასაცემი პრეპარატების, ვაქცინების ან მცენარეული პრეპარატების მიღებას, გთხოვთ აცნობოთ თქვენს ექიმს.

ნეოფლექსი 10% დექსტროზის ხსნარი წყალში შეუთავსებელია ზოგიერთ პრეპარატთან. ეს პრეპარატები, რომლებიც ცნობილია, რომ შეუთავსებელია, არ უნდა დაემატოს ხსნარს; ამ პრეპარატების გაზავებისთვის უპირატესობა უნდა მიენიჭოს სხვა ხსნარებს. ხსნარში დასამატებელ სხვა პრეპარატებთან შეუთავსებლობის რისკის შესამცირებლად, ჯანდაცვის პერსონალი შეამოწმებს, შერევისთანავე შესაყვანი საბოლოო ნარევი არის თუ არა მღვრიე ან შეიცავს თუ არა ის ნალექს, გამოყენების წინ და გამოყენების დროს გარკვეული ინტერვალებით.

ნეოფლექსი 10% დექსტროზის ხსნარი წყალში სიფრთხილით უნდა დაინიშნოს პაციენტებში, რომლებიც იყენებენ სტეროიდულ პრეპარატებს.

თუ ამჟამად იყენებთ რომელიმე რეცეპტით ან ურეცეპტოდ გასაცემ პრეპარატს,  ან თუ ისინი გამოიყენეთ ცოტა ხსნის წინ, გთხოვთ ამის შესახებ აცნობოთ თქვენს ექიმს ან ფარმაცევტს. 

3. როგორ გამოიყენება ნეოფლექსი 10% დექსტროზის ხსნარი წყალში? 

ინსტრუქციები სათანადო გამოყენების და დოზირების/შეყვანის სიხშირის შესახებ:

თქვენი ექიმი გადაწყვეტს ამ პრეპარატის საჭირო რაოდენობას და მიღების დროს. ამ პრეპარატის შესაყვანად თქვენი ექიმი ასევე გაითვალისწინებს თქვენს ასაკს, სხეულის წონას და პრეპარატის გამოყენების მიზეზს. მიჰყევით ამ ინსტრუქციებს, თუ სხვაგვარი რეკომენდაციები არ იქნება გაცემული თქვენი ექიმის მიერ. 

არ დაგავიწყდეთ პრეპარატის დროულად მიღება.

თქვენი ექიმი შეგატყობინებთ ნეოფლექსი 10% დექსტროზის ხსნარი წყალში მკურნალობის პერიოდს. არ შეწყვიტოთ მკურნალობა ადრე, რადგან ასეთ შემთხვევაში, ვერ მიიღებთ მოსალოდნელ შედეგს. 

მიღების მეთოდი:

ეს პრეპარატი შეჰყავთ ვენაში შესაბამისი პლასტიკური მილის (კომპლექტის) მეშვეობით.

სხვადასხვა ასაკობრივი ჯგუფები: 

გამოყენება ბავშვებში:

დოზირებას და შეყვანის ადგილის ზომას ბავშვებისთვის გადაწყვეტს ექიმი, რომელიც გასცემს პრეპარატის გამოყენების რეკომენდაციას. 

გამოყენება ხანდაზმულებში:

პრეპარატის დოზა და შეყვანის სიჩქარე განისაზღვრება ექიმის მიერ პაციენტის წონის, კლინიკური და ბიოლოგიური მდგომარეობის მიხედვით, როგორც მოზრდილებში, და თანმხლები მკურნალობის გათვალისწინებით. 

განსაკუთრებული გამოყენების შემთხვევები

არ არსებობს განსაკუთრებული გამოყენების შემთხვევები.

თუ გაქვთ შთაბეჭდილება, რომ ნეოფლექსი 10% დექსტროზის ხსნარის წყალში ზემოქმედება ძალიან ძლიერი ან ძალიან სუსტია, მიმართეთ თქვენს ექიმს ან ფარმაცევტს.

თუ გამოიყენეთ საჭიროზე მეტი ნეოფლექსი 10% დექსტროზის ხსნარი წყალში

თუ გამოიყენეთ რეკომენდებულზე მეტი ნეოფლექსი 10% დექსტროზის ხსნარი წყალში, მიმართეთ თქვენს ექიმს ან ფარმაცევტს.

დოზის გადაჭარბების ტიპიური საწყისი ნიშნებია ორგანიზმში წყლის მომატება, სისხლში გლუკოზის მომატება, სისხლის მნიშვნელობების დაქვეითება (ჰემოგლობინი და ჰემატოკრიტი), სისხლში მარილების კონცენტრაციის დაქვეითება და სისხლის სიმკვრივის გაზრდა.

თირკმელების ნორმალური ფუნქციის მქონე პაციენტებში დოზის გადაჭარბების შემთხვევაში, შარდის გამოყოფა იზრდება, რასაც თან ახლავს ორგანიზმში მარილების დაკარგვა. შარდის გამოყოფის მატების მიხედვით აღინიშნება ორგანიზმში დეჰიდრატაციის განსხვავებული ხარისხი.

იმ შემთხვევებში, როდესაც არ აღინიშნება შარდის რაოდენობის მომატება, შეიძლება განვითარდეს სისხლის მიმოქცევის გადატვირთვასთან დაკავშირებული სიმპტომები (წყლის დაგროვება ორგანიზმში და უჯრედშიდა კალიუმის დონის შემცირება).

 თუ დაგავიწყდათ ნეოფლექსი 10% დექსტროზის ხსნარის წყალში გამოყენება

არ მიიღოთ ორმაგი დოზა გამოტოვებული დოზების კომპენსირების მიზნით. 

ეფექტები, რომლებიც შეიძლება განვითარდეს ნეოფლექსით 10% დექსტროზის ხსნარი წყალში მკურნალობისას

არ არის. 

4. რა არის შესაძლო გვერდითი მოვლენები?

ყველა პრეპარატის მსგავსად, ნეოფლექსი 10% დექსტროზის ხსნარმა წყალში შეიძლება გამოიწვიოს გვერდითი ეფექტები მისი შემადგენლობის მიმართ მგრძნობიარე პირებში.

გვერდითი მოვლენები ჩამოთვლილია შემდეგ კატეგორიებში:

· ხშირი: 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში

· არახშირი: 100-დან 1-ზე ნაკლებ პაციენტში, მაგრამ 1000-დან 1-ზე მეტ პაციენტში

· იშვიათი: 1000-დან 1-ზე ნაკლებ პაციენტში, მაგრამ 10000-დან 1-ზე მეტ პაციენტში

შეწყვიტეთ ნეოფლექსი 10% დექსტროზის ხსნარის წყალში გამოყენება, თუ განვითარდა რომელიმე ქვემოთ ჩამოთვლილი მოვლენა, და დაუყოვნებლივ აცნობეთ თქვენს ექიმს ან მიმართეთ უახლოესი საავადმყოფოს გადაუდებელ განყოფილებას:

-  სიწითლე/შეშუპება ქავილი, წვის შეგრძნება პრეპარატის შეყვანის ადგილზე; 

-  სუნთქვის დარღვევა, ხიხინი, ტკივილი გულმკერდის არეში;

-  ძლიერი სიცხის ან სიცივის შეგრძნება სხეულში; 

-  ხელების, ფეხების, ტუჩების, სახის ან მთელი სხეულის შეშუპება; 

-  თავბრუსხვევა;

-  ტაქიკარდია

ყველა ეს მოვლენა ძალიან სერიოზული გვერდითი მოვლენებია.

რომელიმე ზემოაღნიშნული მოვლენის განვითარება ნიშნავს, რომ თქვენ გაქვთ სერიოზული ალერგია ნეოფლექსი 10% დექსტროზის ხსნარზე წყალში. შეიძლება საჭირო გახდეს სასწრაფო სამედიცინო ჩარევა ან ჰოსპიტალიზაცია.

ყველა ეს მოვლენა ძალიან სერიოზული გვერდითი მოვლენებია. 

თუ შეამჩნევთ რომელიმე ქვემოთ ჩამოთვლილ მოვლენას, დაუყოვნებლივ აცნობეთ თქვენს ექიმს ან მიმართეთ უახლოესი საავადმყოფოს სასწრაფო დახმარების განყოფილებას:

ხშირი გვერდითი მოვლენები:

-  ორგანიზმში მარილის (ელექტროლიტების) დონის დარღვევა

-  სისხლში შაქრის მომატება (ჰიპერგლიკემია). 

არახშირი გვერდითი მოვლენები:

-  სისხლის დილუცია (ჰემოდილუცია)

-  ორგანიზმში წყლის რაოდენობის გაზრდის გამო (ჰიპერვოლემია), წყლის დაგროვება ორაგნიზმში ან მკლავებში ან ფეხებში (შეშუპება), ხშირი სუნთქვა, სუნთქვის გაძნელება, სუნთქვის გაძნელება წოლისას ან კიბეებზე ასვლისას (გულის შეგუბებითი უკმარისობის სიმპტომები)

-  რეაქციები, როგორიცაა ცხელება, შემცივნება

-  ანთება შეყვანის ადგილზე 

-  შაქრის გამოყოფა შარდში

-  ოფლიანობა

იშვიათი გვერდითი მოვლენები:

-  ალერგიული რეაქციები (დამოკიდებულია ხსნარში დამატებულ პრეპარატზე)

-  სიმაგრე, სიწითლე ან შეშუპება (თრომბოფლებიტი), რომელიც ვრცელდება ყველგან ვენებში, დაწყებული გამოყენების ადგილიდან.

ყველა ეს მოვლენა სერიოზული გვერდითი მოვლენებია. შეიძლება საჭირო გახდეს სასწრაფო სამედიცინო დახმარება.

იმ შემთხვევაში, თუ განვითარდა რაიმე გვერდითი ეფექტი, რომელიც არ არის მითითებული პაციენტის საინფორმაციო ფურცელში, გთხოვთ, აცნობოთ თქვენს ექიმს ან ფარმაცევტს.

შეტყობინება გვერდითი ეფექტების შესახებ:

თუ განვითარდა რაიმე გვერდითი მოვლენა, რომელიც არ არის ჩამოთვლილი ამ ინსტრუქციაში, მიმართეთ თქვენს ექიმს ან ფარმაცევტს. თქვენ ასევე შეგიძლიათ შეატყობინოთ გვერდითი მოვლენები პირდაპირ თქვენს ექიმს ან ფარმაცევტს. თქვენ ასევე შეგიძლიათ შეატყობინოთ გვერდითი მოვლენები პირდაპირ თქვენი ქვეყნის ჯანდაცვის ორგანოს. გვერდითი ეფექტების შეტყობინებით შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას. 

5. როგორ ინახება ნეოფლექსი 10% დექსტროზის ხსნარი წყალში?

შეინახეთ ნეოფლექსი 10% დექსტროზის ხსნარი წყალში ბავშვებისთვის მიუწვდომელ ადგილას და საკუთარ შეფუთვაში.

ინახება 25°C-ზე დაბალ ტემპერატურაზე. 

ეს პრეპარატი განკუთვნილია ერთჯერადი გამოყენებისთვის.

არ გადაყაროთ ვადაგასული ან გამოუყენებელი მედიკამენტები! გადაეცით ისინი გარემოს დაცვისა და ურბანიზაციის სამინისტროს მიერ განსაზღვრულ საკოლექციო სისტემას.

ვარგისიანობის ვადის თარიღი მითითებულია თითოეულის პაკეტის ეტიკეტზე.  ამ პრეპარატის გამოყენება არ მოხდება, თუ მისი ვარგისიანობის ვადა ამოწურულია. 

გამოიყენეთ ვარგისიანობის ვადის დაცვით.

არ გამოიყენოთ ნეოფლექსი 10% დექსტროზის ხსნარი წყალში შეფუთვაზე მითითებული ვარგისიანობის ვადის გასვლის შემდეგ.