ნავაგრა - Navagra 100მგ 4 ტაბლეტი

 

ნავაგრა 100-ის მიღებამდე  გაესაუბრეთ თქვენს ექიმს ფარმაცევტს ან მედდას.

•  თუ გაქვთ ნამგლისებრუჯრედოვანი ანემია (სისხლის წითელი უჯრედების ანომალია),

   ლეიკემია (სისხლის უჯრედების კიბო) მრავლობითი მიელომა (ძვლის ტვინის კიბო).

•  თუ გაქვთ პენისის დეფორმაცია ან პეირონის დაავადება

 

•  თუ თქვენ გაქვთ გულთან დაკავშირებული პრობლემები, ექიმმა გულდასმით უნდა   შეამოწმოს, გაუძლებს თუ არა თქვენი გული, სქესობრივი აქტით გამოწვეულ დატვირთვას.

 

•  თუ ამჟამად გაქვთ კუჭის წყლული ან სისხლდენის პრობლემები (როგორიცაა ჰემოფილია).

 

•თუ თქვენ განიცდით მხედველობის უეცარ დაქვეითებას ან დაკარგვას, შეწყვიტეთ ნავაგრას   მიღება და დაუყონებლივ დაეკონტაქტეთ თქვენს ექიმს.

თქვენ არ უნდა გამოიყენოთ ნავაგრა 100 ერექციული დისფუნქციის სხვა პერორალურ ან ადგილობრივ სამკურნალო საშუალებებთან ერთად.

 

•   თქვენ არ უნდა გამოიყენოთ ნავაგრა 100 ფილტვის არტერიული ჰიპერტენზიის სამკურნალოდ (PAH), რომელიც შეიცავს სილდენაფილს ან სხვა PDE5 ინჰიბიტორებს.

•   არ უნდა მიიღოთ ნავაგრა 100, თუ არ გაქვთ ერექციული დისფუნქცია.

•   არ უნდა მიიღოთ ნავაგრა 100, თუ მდედრობითი სქესის ხართ.

•   აუცილებელია, განსაკუთრებული ყურადღება თირკმელების ან ღვიძლის პრობლემების მქონე პაციენტებისთვის.

•  უნდა აცნობოთ ექიმს, თუ გაქვთ თირკმელების ან ღვიძლის პრობლემები. თქვენმა ექიმმა შეიძლება დანიშნოს თქვენთვის უფრო დაბალი დოზა.

ბავშვები და მოზარდები

ნავაგრა 100 არ უნდა მიეცეს 18 წლამდე ასაკის პირებს.

 

სხვა მედიკამენტები და ნავაგრა 100

აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა მედიკამენტები.

ნავაგრა 100-ის ტაბლეტებმა შეიძლება გავლენა მოახდინოს ზოგიერთ მედიკამენტზე, განსაკუთრებით მათზე, რომლებიც გამოიყენება გულმკერდის ტკივილის სამკურნალოდ. გადაუდებელი სამედიცინო დახმარების შემთხვევაში, თქვენ უნდა აცნობოთ თქვენს ექიმს, ფარმაცევტს ან მედდას, რომ მიიღეთ ნავაგრა 100 და როდის მიიღეთ. არ მიიღოთ ნავაგრა 100 სხვა მედიკამენტებთან ერთად, თუ თქვენი ექიმი არ დაგრთავთ ნებას.

არ უნდა მიიღოთ ნავაგრა 100, თუ იღებთ ნიტრატებად წოდებულ მედიკამენტებს, რადგან ამ მედიკამენტების კომბინაციამ შეიძლება გამოიწვიოს არტერიული წნევის სახიფათო დაქვეითება. ყოველთვის აცნობეთ თქვენს ექიმს, ფარმაცევტს ან მედდას, თუ იღებთ რომელიმე ამ მედიკამენტს, რომელიც ხშირად გამოიყენება სტენოკარდიის (ან „მკერდის ტკივილის“ შესამსუბუქებლად).

არ უნდა მიიღოთ ნავაგრა 100, თუ იყენებთ აზოტის ოქსიდის დონორებად ცნობილ მედიკამენტებს, როგორიცაა ამილის ნიტრიტი („პოპერები“), რადგან ამ კომბინაციამ შესაძლოა გამოიწვიოს არტერიული წნევის სახიფათო დაქვეითება.

აცნობეთ თქვენს ექიმს ან ფარმაცევტს, თუ უკვე იღებთ რიოციგუატს.

თუ თქვენ იღებთ მედიკამენტებს, რომლებიც ცნობილია როგორც პროტეაზას ინჰიბიტორები, როგორიცაა აივ-ის სამკურნალოდ, ექიმმა შეიძლება დაგინიშნოთ ნავაგრა 100-ის ყველაზე დაბალი დოზით (25 მგ).

ზოგიერთ პაციენტს, რომლებიც იღებენ ალფა-ბლოკერებით თერაპიას მაღალი არტერიული წნევის ან პროსტატის გადიდების სამკურნალოდ, შეიძლება განიცადონ თავბრუსხვევა ან დეზორიენტაცია, რაც შეიძლება გამოწვეული იყოს დაბალი არტერიული წნევით, სწრაფად დაჯდომისას ან ადგომისას. ზოგიერთ პაციენტს აღენიშნებოდა ეს სიმპტომები ნავაგრა 100-ს ალფა-ბლოკატორებთან ერთად მიღებისას. ეს დიდი ალბათობით მოხდება, მედიკამენტის მიღებიდან 4 საათის განმავლობაში. იმისთვის, რომ შევამციროთ ამ სიმპტომების სავარაუდო წარმოქმნა, თქვენ უნდა მიიღოთ, ალფა ბლოკატორების რეგულარული დღიური დოზა მანამდე, ვიდრე დაიწყებთ ნავაგრა 100-ს მოხმარებას. ექიმმა შესაძლოა დანიშნოს ნავაგრას (25 მგ), შედარებით დაბალი დოზა

აცნობეთ თქვენს ექიმს ან ფარმაცევტს, თუ იღებთ საკუბიტრილის/ვალსარტანის შემცველ მედიკამენტებს, რომლებიც გამოიყენება გულის უკმარისობის სამკურნალოდ.

ნავაგრა 100 საკვებთან, სასმელთან და ალკოჰოლთან მიმართებაში.

ნავაგრას მიღება შეიძლება საკვებთან ერთად ან მის გარეშე. თუმცა, თქვენ შეიძლება აღმოაჩინოთ, რომ ნავაგრას მუშაობის დაწყებას უფრო მეტი დრო სჭირდება, თუ მას მძიმე კვებასთან ერთად მიიღებთ.

ალკოჰოლის დალევამ შეიძლება დროებით გააუარესოს თქვენი ერექციის უნარი. იმისათვის, რომ მიიღოთ მაქსიმალური სარგებელი მედიკამენტისგან, გირჩევთ არ დალიოთ ჭარბი რაოდენობით ალკოჰოლი ვიდრე  სვამთ ნავაგრას.

ორსულობა, ძუძუთი კვება და ფერტილობა

•   ნავაგრა არ არის ნაჩვენები მდედრობითი სქესის მიერ გამოყენებისთვის.

ავტომობილის და მექანიზმების მართვა

•   ნავაგრამ შეიძლება გამოიწვიოს თავბრუსხვევა და შეიძლება გავლენა იქონიოს მხედველობაზე.

თქვენ უნდა იცოდეთ, როგორ რეაგირებთ ნავაგრაზე ავტომობილის და მექნიზმის მართვის დაწყებამდე.

3.  როგორ მივიღოთ ნავაგრა 100

ყოველთვის მიიღეთ ეს მდიკამენტი ზუსტად ისე, როგორც თქვენმა ექიმმა ან ფარმაცევტმა გაცნობათ, თუ არ ხართ დარწმუნებული, მიმართეთ თქვენს ექიმს ან ფარმაცევტს. რეკომენდებული საწყისი დოზაა 50 მგ.

ნავაგრა 100 არ უნდა მიიღოთ დღეში ერთ მიღებაზე მეტჯერ.

არ მიიღოთ ნავაგრა 100 აპკიანი გარსით დაფარული ტაბლეტები ნავაგრას ოროდისპერსიულ ტაბლეტებთან კომბინაციაში.

ნავაგრა 100 უნდა მიიღოთ სქესობრივი აქტის დაწყებამდე ერთი საათით ადრე, გადაყლაპეთ ტაბლეტი მთლიანად ჭიქა წყლის მიყოლებით.

თუ გრძნობთ, რომ ნავაგრას ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.

ნავაგრა100 ერექციის მიღწევაში მხოლოდ სექსუალური სტიმულირების შემთხვევაში დაგეხმარებათ. ნავაგრას 100 მოქმედებისთვის, დროის ხანგრძლივობა განსხვავებულია ინდივიდუალურად,  მაგრამ ჩვეულებრივ ამას ნახევარ საათიდან ერთ საათამდე სჭირდება. თქვენ მიხვდებით, რომ ნავაგრას მოქმედებას მეტად ბევრი დრო დასჭირდა, თუ თქვენ ის მიღებული გაქვთ მძიმე საკვებთნ ერთად.

თუ ნავაგრა 100 არ გეხმარებათ ერექციის მიღწევაში, ან თუ თქვენი ერექცია არ გრძელდება იმდენი ხანი, რომ დაასრულოთ სქესობრივი კავშირი, უნდა აცნობოთ ექიმს.

თუ იღებთ ნავაგრა 100 საჭიროზე მეტს:

თქვენ შეიძლება განიცადოთ გვერდითი ეფექტების ზრდა და მათი სიმძიმე. 100 მგ-ზე მეტი დოზები არ ზრდის მედიკამენტის ეფექტურობას.

არ უნდა მიიღოთ მეტი ტაბლეტი, ვიდრე ექიმმა გირჩიათ. მიმართეთ ექიმს, თუ იღებთ საჭიროზე მეტ ტაბლეტს.

თუ თქვენ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს, ფარმაცევტს ან მედდას.

4. შესაძლო გვერდითი მოვლენები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება. ნავაგრას გამოყენებასთან დაკავშირებული გვერდითი ეფექტები, როგორც წესი, არის მსუბუქიდან ზომიერამდე და ხანმოკლე ხანგრძლივობით.

თუ თქვენ გაქვთ რომელიმე შემდეგი სერიოზული გვერდითი მოვლენა, შეწყვიტეთ ნავაგრას მიღება და დაუყოვნებლივ მიმართეთ სამედიცინო დახმარებას:

·  ალერგიული რეაქცია - ვლინდება იშვიათად (შეიძლება განვითარდეს 100-დან 1 ადამიანი)

სიმპტომები მოიცავს უეცარ ხიხინს, სუნთქვის გაძნელებას ან თავბრუსხვევას, ქუთუთოების, სახის, ტუჩების ან ყელის შეშუპებას.

·  გულმკერდის ტკივილი - ვლინდება იშვიათად,

თუ ეს ხდება სქესობრივი აქტის დროს ან მის შემდეგ:

-   მიიღეთ ნახევრად მჯდომარე პოზა და შეეცადეთ დაისვენოთ.

არ გამოიყენოთ ნიტრატები გულმკერდის ტკივილის სამკურნალოდ.

• გახანგრძლივებული და ხანდახან მტკივნეული ერექცია - ვლინდება იშვიათად (შეიძლება აწუხებდეს 1,000-დან 1 ადამიანს)

თუ თქვენ გაქვთ ერექცია, რომელიც გრძელდება 4 საათზე მეტ ხანს, დაუყოვნებლივ უნდა მიმართოთ ექიმს.

• მხედველობის უეცარი დაქვეითება ან დაკარგვა - ვლინდება იშვიათად

• კანის სერიოზული რეაქციები -ვლინდება იშვითად

სიმპტომები შეიძლება მოიცავდეს კანის ძლიერ აქერცვლას და შეშუპებას, პირის ღრუს, სასქესო ორგანოების და თვალების ირგვლივ ბუშტუკებს, ცხელებას.

•  კრუნჩხვები ან კონვულსიები - ვლინდება იშვიათად.

სხვა გვერდითი მოვლენები:

ძალიან ხშირი (შეიძლება აღენიშნებოდეს 10-დან 1-ზე მეტ ადამიანს): თავის ტკივილი.

ხშირი (შეიძლება აღენიშნებოდეს 10-დან 1 ადამიანში): ღებინება სახის სიწითლე, წამოხურება (სიმპტომები მოიცავს სხეულის ზედა ნაწილში სითბოს უეცარ შეგრძნებას), საკვების მონელების დარღვევა, ფერადი სიბრმავე, მხედველობის დაბინდვა, მხედველობის დარღვევა, „გაჭედილი ცხვირი“ და თავბრუსხვევა.

არახშირი (შეიძლება აღენიშნებოდეს 100-დან 1 ადამიანს): ღებინება, კანის გამონაყარი, თვალის გაღიზიანება, თვალების სისხლჩაქცევა/წითელი თვალები, თვალის ტკივილი, სინათლის ციმციმები, ვიზუალური სიკაშკაშე, სინათლის მგრძნობელობა, წყლიანი თვალები, გულისცემა, აჩქარებული გულისცემა, მაღალი წნევა, დაბალი წნევა, კუნთების ტკივილი, ძილიანობა, შეხების შეგრძნების დაქვეითება, ძილიანობა ცხვირის ლორწოვანი გარსის (სიმპტომებში შედის სურდო, ცემინება და ცხვირის ჩახშობა), ტკივილი მუცლის ზედა ნაწილში, გასტრო-ეზოფაგური რეფლუქსური დაავადება (სიმპტომებში შედის გულძმარვა), შარდში სისხლის არსებობა, ტკივილი მკლავებში ან ფეხებში, ცხვირიდან სისხლდენა, სიცხის შეგრძნება და დაღლილობის შეგრძნება.

იშვიათი (შეიძლება აღენიშნებოდეს 1000-დან 1 ადამიანში): სისუსტე, ინსულტი, გულის შეტევა, არარეგულარული გულისცემა, თავის ტვინის ნაწილებში სისხლის ნაკადის დროებითი დაქვეითება, ყელის დაჭიმვის შეგრძნება, პირის დაბუჟება, სისხლდენა თვალის უკანა მხარეს, ორმაგი მხედველობა,, მხედველობის სიმკვეთრის დაქვეითება, პათოლოგიური შეგრძნება თვალში, თვალის ან ქუთუთოს შეშუპება, პატარა ნაწილაკები ან ლაქები თქვენს მხედველობაში, სინათლის გარშემო ჰალოების დანახვა, თვალის გუგის გაფართოება, თვალის თეთრი ფერის შეცვლა, პენისიდან სისხლდენა, სპერმაში სისხლის არსებობა, ცხვირის სიმშრალე, ცხვირის შიდა ნაწილის შეშუპება, გაღიზიანების შეგრძნება და სმენის უეცარი დაქვეითება ან დაკარგვა.

პოსტმარკეტინგული გამოცდილებიდან იშვიათად დაფიქსირდა არასტაბილური სტენოკარდიის (გულის მდგომარეობა) და უეცარი სიკვდილის შემთხვევები. აღსანიშნავია, რომ მამაკაცთა უმეტესობას, მაგრამ არა ყველას, ვისაც ეს გვერდითი მოვლენები გამოუვლინდა, აღენიშნებოდა გულის პრობლემები ამ წამლის მიღებამდე. შეუძლებელია იმის დადგენა, იყო თუ არა ეს მოვლენები პირდაპირ კავშირში ნავაგრასთან.

შეტყობინება გვერდითი ეფექტების  შესახებ

თუ თქვენ გამოგივლინდათ გვერდითი მოვლენა, მიმართეთ თქვენს ექიმს, ფარმაცევტს ან მედდას. ასევე ნებისმიერი შესაძლო გვერდით ეფექტის შემტხვევაშიც, რომელიც არ არის ჩამოთვლილი ამ ინსტრუქციაში.

5. როგორ შევინახოთ ნავაგრა 100

ინახება არა უმეტეს 30°C ტემპერატურაზე, სინათლისგან და ნესტისგან დაცულ  ადგილას.

ინახება ბავშვებისათვის მიუწვდომელ ადგილას.

არ გამოიყენოთ ეს წამალი ვარგისიანობის ვადის გასვლის შემდეგ, რომელიც მითითებულია მუყაოს კოლოფზე და ბლისტერზე EXP-ის შემდეგ. ვარგისიანობის ვადა ეხება  თვის ბოლო დღეს.

შეინახეთ ორიგინალ შეფუთვაში, ტენიანობისგან დასაცავად. არ გადააგდოთ წამალი კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადააგდოთ მედიკამენტები რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შემადგენლობა და სხვა ინფორმაცია

რას შეიცავს ნავაგრა 100:

 თითოეული აპკიანი გარსით დაფარული ტაბლეტი შეიცავს:

 სილდენაფილის ციტრატს USP 100 მგ სილდენაფილის   ექვივალენტური.

დამხმარე ნივთიერებების ჩამონათვალი: 

ტაბლეტის ბირთვი: მიკროკრისტალური ცელულოზა, დიკალციუმის ფოსფატი, პოლივინილ პიროლიდონი, კროსპოვიდონი, მაგნიუმის სტეარატი ;

ტაბლეტის გარსი: Sheff Coat PVA (პოლივინილის სპირტის,ლეციტინის, გასუფთავებული ტალკის, ტიტანის დიოქსიდის კომბინაცია); FD & C Blue; FD & C Red#40.

როგორ  გამოიყურება  ნავაგრა 100 და შეფუთვის შიგთავსი:

ნავაგრა 100 აპკიანი გარსით დაფარული ტაბლეტები 100 მგ

ცისფერი ოვალური ფორმის აპკიანი გარსით დაფარული ტაბლეტი, ცალ მხარეს DIL დაბეჭდილით, ხოლო მეორე მხარეს ნაზოლით, ყოველგვარი ლაქების გარეშე.

შეფუთვა:

4 ტაბლეტი  ბლისტერზე, 1 ბლისტერი თითო ფურცელი-ჩანართით თითოეულ კოლოფში.

შენახვის ვადა:

3 წელი.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

ასევე, იხილეთ: >ეროგრა - Erogra 100მგ 5 ტაბლეტი