ნატაი რეტინა 10მლ თვ.წვ.გელი

ნატაი რეტინა

10მლ თვალის წვეთ-გელი

კონსერვანტების გარეშე

მეტაბოლური და ანტიოქსიდანტური მოქმედების, დამცავი და დამატენიანებელი გელი პროლონგირებული ეფექტით

შემადგენლობა

10 მლ ხსნარი შეიცავს

ჰიალურონის მჟავა 0,4% (40 მგ),

ალფა ლიპოის მჟავა 0,2 მგ,

ვიტამინი E –TPGS    0,2 მგ,

გლიპოგრიმერი    1025 მგ.

სხვა ინგრედიენტები: ბორის მჟავა, ნატრიუმის ტეტრაბორატი, დეიონიზებული წყალი.

ჰიალურონის მჟავას მაღალი შემცველობა HA-0,4%  განაპირობებს თვალის ზედაპირის ხანგრძლივ დატენიანებას და დაცვას. აღადგენს დაზიანებულ ქსოვილებს და ამშვიდებს გაღიზიანებულ თვალს.

ალფა ლიპოის მჟავა ALA – ყველაზე მძლავრი ანტიოქსიდანტია, რომელიც თრგუნავს თავისუფალი რადიკალების დამაზიანებელ ზეგავლენას, იცავს ბროლს შემღვრევისგან და ინარჩუნებს მის გამჭირვალობას; ამცირებს ლიპიდურ ჟანგვას და მის მავნე გავლენას ნერვულ უჯრედებსა და სისხლძარღვებზე; ააქტიურებს გლუკოზის მეტაბოლიზმს და ატფ-ის სინთეზს; აქვეითებს გლუკონეოგენეზის და კეტოგენეზის პროცესებს.

ვიტამინი E-TPGS – სპეციალურად შემუშავებული E ვიტამინის წყალში ხსნადი ფორმაა, გაუმჯობესებული აქტივობით და მაღალი შეღწევადობით ქსოვილებში. თავისი ანტიოქსიდანტური თვისებებით იგი დადებითად მოქმედებს თვალის წინა და უკანა სეგმენტების სხვადასხვა დაავადებების დროს: კატარაქტა, ასაკობრივი მაკულარული დეგენერაცია, გლაუკომა, უვეიტი.

გლიპოგრიმერი – ხსნარს ანიჭებს გელის სტრუქტურას და განაპირობებს მის ხანგრძლივ აპლიკაციას თვალის ზედაპირზე.

ბორის მჟავა და ნატრიუმის ტეტრაბორატი – ხასიათდება მსუბუქი ანტიმიკრობული აქტივობით (ბაქტერია, სოკო). გამოიყენება, როგორც ანტისეპტიკური საშუალება თვალის ჰიგიენისთვის; ხსნის კვამლით, ქლორით და სხვა ქიმიური ნივთიერებებით გამოწვეულ გაღიზიანებას.

პროდუქტი არ შეიცავს: კონსერვანტებს, ბენზალკონიუმის ქლორიდს, ქლორჰექსიდინს, პარაბენებს, ფენოქსიეთანოლს და ცხოველური წარმოშობის კომპონენტებს.

ჩვენებები

• მშრალი თვალის სინდრომი;
• თვალის გაღიზიანება, სიწითლე, წვა და  უცხო სხეულის შეგრძნება;
• პროგრესირებადი კატარაქტის პრევენცია;
• დიაბეტური რეტინოპათია;
• დიაბეტური გართულებების პროფილაქტიკა და მკურნალობა;
• მაკულოდისტროფია;
• სხვადასხვა გენეზის ანგიო- და ნეიროპათიები;
• ღამის მხედველობის გაუმჯობესება;
• გარემოს სტრესული ფაქტორებისგან დაცვა (მზე, ქარი, მტვერი, კვამლი, აუზის ქლორიანი წყალი);
• თვალის გადაღლის და დაძაბვის დროს (ღამით ტარება, ეკრანებთან ხანგრძლივი კონტაქტი, არასაკმარისად განათებული გარემო და სხვა).

დოზირება და გამოყენების წესი

1-2 წვეთი თითოეულ თვალში დღეში 1-ჯერ ან რამდენიმეჯერ, საჭიროების მიხედვით.

ალფა ლიპოის მჟავის სინათლის სხივზე მგრძნობელობის გამო, გამოყენება უმჯობესია საღამოს პერიოდში.

სიფრთხილის ზომები

• თვალის გაღიზიანების შემთხვევაში შეწყვიტეთ გამოყენება და მიმართეთ ექიმს;
• არ გამოიყენოთ პროდუქტში შემავალ კომპონენტებზე მომატებული მგრძნობელობის ან ალერგიის შემთხვევაში;
• ჩაწვეთების შემდეგ შესაძლოა, აღინიშნოს მხედველობის ხანმოკლე დაბინდვა;
• ჩაწვეთებისას საწვეთური მოარიდეთ თვალთან და სხვა ზედაპირებთან კონტაქტს;
• ფლაკონი გამოსაყენებლად ვარგისია პირველი გახსნიდან 6 თვის განმავლობაში;
• გამოყენების შემდეგ მჭიდროდ დაახურეთ თავსახური;
• არ გამოიყენოთ ვადის გასვლის შემდეგ;
• შეინახეთ 5-30°C ტემპერატურაზე, ბავშვებისგან დაცულ ადგილას.

შეფუთვა

10მლ მულტიდოზირებული ბოთლი დისპენსერით, კონსერვანტების გარეშე.

მწარმოებელი

Omisan Farmaceutici-იტალია

Via Galileo Galilei, 00012 Guidonia Montecelio (RM).