ნასოალდო 50მკგ/დ.140დოზა აერ

ნასოალდო

Nasoaldo

საერთაშორისო დასახელება (აქტიურინივთიერება): მომეტაზონი (mometasone).

კლინიკურ-ფარმაკოლოგიური ჯგუფი: გლუკოკორტიკოიდული საშუალებები ადგილობრივი გამოყენებისათვის ,ყელ-ყურ-ცხვირის პრეპარატები.

გამოყენება
ნასოალდო 50 მიკროგრამიანი/ნაზალური სპრეი შეიცავს აქტიურ ნივთიერებას მომეტაზონის ფუროატს, რომელიც მიეკუთვნება კორტიკოსტეროიდების  ჯგუფს.
მომეტაზონის ფუროატი ცხვირში  შესხურებისას  ამცირებს ანთებით პროცესს (შეშუპებას და გაღიზიანებას), ცემინებას, ქავილს  გამონადენს ცხვირიდან და ცხვირით სუნთქვის გაძნელებას.

ჩვენება
თივის ცხელება (სეზონური და ალერგიული რინიტების) და პერინეალური (მრავალწლიანი) რინიტის დროს.
ნასოალდო გამოიყენება თივის ცხელების (სეზონური და ალერგიული რინიტების) და პერინეალური (მრავალწლიანი) რინიტების დროს მოზრდილებში და ბავშვებში 3 წლიდან.
თივის ცხელება  ვითარდება წელიწადის გარკვეულ დროს და წარმოადგენს მცენარეული მტვრით, ბალახებით, სარეველებით, სოკოებით და სოკოს სპორებით გამოწვეულ ალერგიულ რეაქციას.
პერინეალური რინიტი  ვითარდება მთელი წლის განმავლობაში და გამოწვეულია სხვადასხვა მიზეზით  სახლის მტვერი, ცხოველის  ბეწვის (ქერტლის), ბუმბულის და ზოგიერთი  საკვების ჩათვლით.

ნასოალდო ამცირებს  ანთებით პროცესს,  შეშუპებას,  ხსნის  ცემინებას, ქავილს, გამონადენს ცხვირიდან  და ცხვირით სუნქვის გაძნელებას, რომლებიც გამოწვეულია თივის ცხელებით

 (სეზონური და ალერგიული რინიტების) და პერინეალური (მრავალწლიანი) რინიტის დროს.

ნაზალური პოლიპები:
ნასოალდო გამოიყენება ნაზალური პოლიპების სამკურნალოდ 18 წლიდან და ზევით. ნაზალური პოლიპი მცირე ზომის წანაზარდია ცხვირში, რაც ხშირად ორივე ნესტოში ვითარდება. ნასოალდო ამცირებს ანთებით პროცესს ცხვირის ღრუში, რის შედეგადაც ხდება პოლიპების ზომების შემცირება და ცხვირით სუნთქვის გაიოლება.

უკუჩვენება
-  ალერგია (ჰიპერმგრძნობელობა) მომეტაზონის ფუროატის ან მისი შემადგენელი სხვა კომპენენტის მიმართ (ჩამოთვლილია შემადგენლობაში);
-  ცხვირის ინფექციებისას, ნასოალდოს გამოყენებამდე უნდა მოხდეს ინფექციის განკურნება, როგორიცაა ცხვირის ჰერპესი. ინფექციის არსებობის შემთხვევაში შეიძლება მოხდეს პროცესის გაუარესება. უნდა დაელოდოთ ვიდრე არ მოხდება პროცესის სრული ალაგება და ამის შემდეგ უნდა გამოიყენოთ ცხვირის სპრეი;
-ახლო წარსულში ცხვირზე ჩატარებული ოპერაციის ან ტრამვის შემთხვევაში მედიკამენტის  გამოყენებამდე უნდა მოხდეს ჭრილობების სრული მოშუშება.

სიფრთხილისზომები
მედიკამენტის მიღებამდე მიმართეთ ექიმს ან ფარმაცევტს შემდეგ შემთხვევებში:
-თუ გაქვთ ან წარსულში გქონიათ ტუბერკულოზი;
-თუ გაქვთ რაიმე სხვა სახის ინფექცია;
-თუ იღებთ სხვა კორტიკოსტეროიდებს პერორალურად ან ინექციის სახით;
-თუ გაქვთ კისტოზური ფიბრომა (მრავალორგანული გენეტიკური დაავადება, რომელიც ძირითადად გავლენას ახდენს ფილტვებზსა და საჭმლის მომნელებელ სისტემაზე).

ნასოალდოსგამოყენებამდემიმართეთექიმს:
-თუ  გაქვთ დაქვეითებული იმუნური სისტემა (გაქვთ რაიმე ინფექცია) ან იმყოფებით კონტაქტში წითელათი ან ჩუტყვავილათი დაავადებულთან;
- თუ გაქვთ ცხვირის ან ყელის ინფექცია;
-თუ ამ პრეპარატის გამოყენება ხდება რამოდენიმე თვის ან მეტი პერიოდის განმავლობაში;
- თუ თქვენ გაქვთ მუდმივი გაღიზიანება ცხვირის ან ყელის ლორწოვანის.

თუ  ცხვირის კორტიკოსტეროიდების გამოყენება ხდება დიდი რაოდენობით ან დიდი ხნის განმავლობაში,  შეიძლება  გამოიწვიოს გვერდითი მოვლენები, ვინაიდან იგი შეიწოვება ორგანიზმში.
თუ გაწუხებთ თვალების ქავილი ან გაღიზიანება, ექიმი  მიმართავს სხვა მკურნალობის მეთოდს.
ბავშვები
ნაზალური სტერეოიდების ხანგრძლივმა გამოყენებამ,  მაღალი დოზებით, შეიძლება გამოიწვიოს ზრდის შეჩერება.
რეკომენდებულია ბავშვებში სიმაღლის შემოწმება თუ ნაზალური კორტიკოსტეროიდის გამოყენება ხდება დიდი ხნის განმავლობაში. რაიმე ცვლილების აღმოჩენის შემთხვევაში მიმართეთ ექიმს.

ურთიერქმედება სხვა მედიკამენტებთან
შეატყობინეთ ექიმს ან ფარმაცევტს თუ იღებდით  ან ღებულობთ სხვა მედიკამენტს.

თუ ალერგიის სამკურნალოდ იღებთ პერორალურ ან საინექციო კორტიკოსტეროიდებს,

ექიმმა შეიძლება გირჩიოთ მათი მიღების შეწყვეტა ნასოალდოს გამოყენების პერიოდში. ზოგიერთ პაციენტს,  კორტიკოსტეროიდების მიღების შეწყვეტის ფონზე, შეიძლება აღენიშნოს არასასურველი გვერდითი ეფექტები, როგორიცაა სახსრების ან კუნთების ტკივილი,  სისუსტე და დეპრესია. შესაძლოა განვითარდეს სხვა ალერგიული რეაქციებიც, როგორცაა ქავილი, თვალებიდან ცრემლდენა ან წითელი ლაქები კანზე და ქავილი. აღნიშნული მოვლენების განვითარების შემთხვევაში მიმართეთ ექიმს.

ორსულობა და ლაქტაცია
თუ  ხართ ორსული და მეძუძური, ან ფიქრობთ რომ ხართ ორსულად ან აპირებთ დაორსულებას, ამ შემთხვევაში, მიმართეთ ექიმს ან ფარმაცევტს, ვიდრე გამოიყენებთ პრეპარატს.

არ არსებობს ინფორმაცია ორსულებში მომეტაზონის ფუროატის გამოყენებისა და  დედის რძეში მომეტაზონის ფუროატის გამოყოფის შესახებ.

ავტომანქანისა და სხვა მოწყობილობების მართვა
ნასოალდოს გამოყენებისას ავტომანქანისა და სხვა მოწყობილობების მართვაზე  გავლენის მოხდენის შემთხვევები არ არის ცნობილი.
ნასოალდო შეიცავს ბენზალკონიუმის ქლორიდს, რომელმაც შეიძლება გამოიწვიოს ცხვირის ლორწოვანის გაღზიანება.

გამოყენების წესი
ნუ მიიღებთ მედიკამენტის გადაჭარბებულ დოზას, ნუ შეისხურებთ სპრეის ხშირად, ან უფრო ხანგრძლივად, ვიდრე ექიმის დანიშნულებაშია.
თივისცხელებადაპერინეალურირინიტი
მოზრდილები და ბავშვები 12 წლის ასაკიდან:
დოზა შეადგენს 2 შესხურებას თითო ნესტოში დღეში ერთხელ.
სიმპტომების ნორმალიზების შემთხვევაში შეიძლება თქვენმა ექიმმა შეგიმციროთ მიღების დოზა.

თუ მდგომარეობა არ გაუმჯობესდა, მიმართეთ ექიმს. შესაძლოა გაგიზარდოთ დოზა მაქსიმალურ დასაშვებ დღურ დოზამდე -  4 შესხურება  თითო ნესტოში დღეში ერთხელ.

3-11 წლის ასაკის ბაშვებში:
დოზა შეადგენს 1 შესხურებას თითო ნესტოში დღეში ერთხელ.
თუ პაციენტი თივის ცხელების მაღალი ინტენსივობით გამოირჩევა, ექიმმა შეიძლება ურჩიოს ნასოალდოს გამოყენება მცენარის ყვავილობამდე, რაც  ალერგიული სიმპტომების პრევენციის საშუალებას იძლევა. მცენარეების ყვავილობის სეზონის დასასრულს, თივის ცხელების სიმპტომები ქრება და მკურნალობა აღარ არის საჭირო. 

ნაზალურიპოლიპები
საწყისი დოზა 18 წელს ზემოთ მოზრდილებში  შეადგენს 2 შესხურებას თითო ნესტოში დღეში ერთხელ.
თუ 5-6 კვირის განმავლობაში არ მოხდა სიპტომების შესუსტება, დოზა  შეიძლება გაიზარდოს  2 შესხურებამდე 2-ჯერ დღეში. სიმპტომების  შემსუბუქების შემთხვევაში ექიმი რჩევით შესაძლოა დოზის შემცირება მინიმალურ ეფექტურ დოზამდე.
თუ 5-6 კვირის შემდეგ, დღეში ორჯერადი შესხურების ფონზე არ მოხდა მდგომარეობის გაუმჯობესება, მიმართეთ ექიმს.

მიღებისწესიდამეთოდი

ნაზალური სპრეის მომზადება გამოყენებისთვის: ნასოალდოს ნაზალური სპრეი შეიცავს მტვრისგან დამცავ ხუფს, რომელიც იცავს გამომფრქვევის სისუფთავეს. გამოყენების წინ ყოველთვის მოხსენით ხუფი სპრეის და დაახურეთ გამოყენების შემდეგ.

სპრეის პირველად გამოყენების შემთხვევაში საჭიროა ჰაერის გამოტუმბვა გამომფრქვევის დაახლოებით 10-ჯერ შეკუმშვით, რათა მიიღოთ სითხის ნაკადი:
1. ფრთხილად შეანჯღრიეთ ბოთლი.
2. საჩვენებელი და შუა თითები მოათავსეთ გამომფრქვევ ტუმბოზე, ხოლო დიდი თითი ბოთლის ძირზე. ნუ გაჩხვლეტთ ცხვირის აპლიკატორს.
3. მიმართეთ გამომფრქვევი თქვენგან მოშორებით და თითებით დააწექით ტუმბოს ქვემოთ 10-ჯერ ვიდრე  არ გაიფრქვევა სითხის ნაკადი
თუ სპრეი არ გამოგიყენებიათ 14 დღეზე მეტ ხანს, დაგჭირდებათ ჰაერის ხელახლა გამოტუმბვა 2 დაჭერით, ვიდრე არ მიიღებთ სითხის ნაკადს. 

ნაზალურისპრეისგამოყენება:

1. ფრთხილად შეანჯღრიეთ ბოთლი და მოხსენით ხუფი.

2. ფრთხილად გამოიწმინდეთ ცხვირი.

3. დაახშეთ ერთი ნესტო და მოათავსეთ გამომფრქვევი მეორე ცხვირის მეორე ნესტოში.
დააფიქსირეთ თავი წინ წამოწეულ მდგმარეობაში, ისე, რომ ბოთლი ზემოთ იყოს მიმართული.

4. შეისუნთქეთ ფრთხილად და ნელა ცხვირით და ერთხელ დააწექით ტუმბოს თითებით შესუნთქვის პროცესში. 

5. ამოისუნთქეთ პირით. გაიმეორეთ მე-4 ნაბიჯი მეორე შეფრქვევის დროს იმავე ნესტოში. 

6. გამოიღეთ გამომფრქვევი ნესტოდან და ამოისუნთქეთ პირით. 

7. გაიმეორეთ მე-3-6 საფეხურები მეორე ნესტოში. სპრეის  გამოყენების შემდეგ გაწმინდეთ  გამომფრქვევი სუფთა ნაჭრით და დაახურეთ თავსახური.

ცხვირის სპრეის გასუფთავება:
მნიშვნელოვანია სპრეის მუდმივი გასუფთავება, სხვა შემთხვევაში შესაძლებელია მისი დაზიანება. მოხადეთ ხუფი და ფრთხილად მოხსენით გამომფრქვევი. გარეცხეთ ისინი თბილ წყალში და გაავლეთ გამდინარე წყალში. ნუ ეცდებით ნაზალური აპლიკატორის გახსნას ბასრი საგნით, შეიძლება დააზანოთ და დაარღვიოთ მედიკამენტის სწორი დოზირება. გააშრეთ თბილ ადგილას. ჩაამაგრეთ გამომფრქვევი აპლიკატორზე და დაახურეთ ხუფი. გასუფთავების შემდეგ სპრეის დასჭირდება ჰაერის ხელახლა გამოტუმბვა გამოყენების წინ.

ჭარბი დოზირება

ნასოალდოს ჭარბი დოზით მიღების შემთხვევაში მიმართეთ ექიმს. სტეროიდების ხანგრძლივი ან მაღალი დოზებით მიღების დროს, იშვიათად იცვლება ჰორმონული ფონი. ბავშვებში მან შეიძლება გავლენა იქონიოს ზრდასა და განვითარებაზე.
დოზის გადაჭარბების შემთხვევაში ან შემთხვევითი გადაყლაპვისას დაუყოვნებლივ მიმართეთ თქვენს ექიმს ან ფარმაცევტს ან დარეკეთ ტოქსიკოლოგიის მართვის ცენტრში, ტელ: 91 562 04 20, მიუთითეთ მედიკამენტის სახელი და მიღებული გადაჭარბებული დოზის რაოდენობა.

ნასოალდოსდოზისგამოტოვება
ნაზალური სპრეის დოზის გამოტოვების შემთხვევაში, შეეცადეთ გამოიყენოთ იგი გახსენებისთანავე და გააგრძელეთ კურსი დანიშნულებისამებრ. ნუ მიიღებთ ორმაგ დოზას გამოტოვებულის სანაცვლოდ.

ნასოალდოსმიღებისშეწყვეტა
ზოგიერთ პაციენტში ნასოალდოს ფონზე სიმპტომების შემსუბუქება პირველი დოზის მიღებიდან 12 საათის შემდეგ აღინიშნება; თუმცა სრული ეფექტი შესაძლოა 2 დღის შემდეგ დადგეს. მნიშვნელოვანია ნაზალური სპრეის რეგულარული გამოყენება. ნუ შეწყვეტთ მკურნალობას ექიმის რჩევის გარეშე, ჯანმრთელობის გაუმჯობესების შემთხვევაშიც.
მედიკამენტის მიღებასთან დაკავშირებული შეკითხვების შემთხვევაში მიმართეთ ექიმს ან ფარმაცევტს.

შესაძლოგვერდითიეფექტები:
ყველა მედიკამენტის მსგავსად  ნასოალდოსაც  შეუძლია გვერდითი ეფექტების გამოწვევა. ნასოალდოს  გამოყენების შემდეგ შეიძლება გამოვლინდეს დაუყოვნებელი (ჰიპერმგრძნობელობის) რეაქციები. ეს რეაქციები შეიძლება იყოს  სახიფათო.  უნდა შეწყვიტოთ  ნასოალდოთი მკურნალობა და მიმართოთ სამედიცინო დახმარების ცენტრს შემდეგი სიმპტომების გამოვლენისას:
- სახის, ყელის და ენის შეშუპება;
- ყლაპვის გაძნელება;
- ჭინჭრის ციება;
- დაღლილობა და სუნთქვის უკმარისობა.
თუ ნაზალური კორტიკოსტეროიდების გამოყენება ხდება დიდი დოზებით და დიდი ხნის განმავლობაში, შეიძლება განვითარდეს გვერდითი ეფექტები, ვინაიდან იგი აბსორბირდება  ორგანიზმში.

სხვაგვერდითიმოვლენები: ადამიანთა უმეტესობას  არ აღენიშნებათ ნაზალური სპრეის გამოყენების შემდეგ გვერდითი მოვლენები, თუმცა მომეტაზონის ფუროატის ან სხვა კორტიკოსტეროიდების ნაზალური სპრეების  მიღების შემდეგ, შეიძლება გამოვლინდეს:
ხშირი გვერდითი ეფექტები  ვლინდება 10 დან 1 პაციენტში:
-თავის ტკივილი
-ცემინება
ძალიან ხშირად ცხვირიდან სისხლდენა ( ვლინდება 10 დან 1 ზე მეტ  პაციენტში).
ადამიანებისთვის, რომლებთაც აწუხებთ ნაზალური პოლიპები და მომეტაზონის ფუროატს მოიხმარენ 2  შესხურებას 2-ჯერ დღეში თითო ნესტოში, ასევე დამახასიათებელია:
-ცხვირისა და ყელის ტკივილი;
-ცხვირის წყლული.;
-რესპირატორული ინფექციები.
სავარაუდო გვერდითი მოვლენები:
მომატებული თვალშიდა წნევა (გლაუკომა)  ან კატარაქტა, რომელმაც შეიძლება გამოიწვიოს:

–   მხედველობის დარღვევები;
– ცხვირის ძგიდის დაზიანება;
– გემოსა და სუნის ცვლილება;
– ქოშინი და დაღლილობა. 

ნასოალდოს შენახვის წესები
შეინახეთ მედიკამენტი ბავშვებისათვის მიუწვდომელ ადგილას.  არა უმეტეს  30°C.  არ გაყინოთ.
არ გამოიყენოთ ეს პრეპარატი ვარგისობის ვადის გასვლის შემდეგ.
ვარგისობის ვადად ითვლება არის მითითებული თვის ბოლო დღე.
სპრეი გამოყენებული უნდა იქნას გახსნიდან 2 თვის განმავლობაში.
მედიკამენტები არ  გადააგდოთ კანალიზაციაში ან საყოფაცხოვრებო ნაგავში. გამოუყენებელი  მედიკამენტების უტილიზაცია ხდება აფთიაქში განთავსებულ სპეციალურ ურნაში. თუ არ გჭირდებათ მედიკამენტი, კითხეთ ფარმაცევტს, როგორ მოიქცეთ. ამით თქვენ ხელს შეუწყობთ გარემოს დაცვას.

შემადგენლობა
ნასოალდოს მოქმედი ნივთიერებაა  მომეტაზონის ფუროატი. თითოეული სპრეი შეიცავს 50 მკგ მომეტაზონის ფუროატის მონოჰიდრატს.
დამხმარენივთიერებები: დისპერსიული ცელულოზა (მიკროკრისტალური ცელულოზა  და ნატრიუმის კარბოქსიმეთილცელულოზა) გლიცერინი,ნატრიუმის ციტრატი, უწყლო ლიმონმჟავა, ბენზალკონიუმის ქლორიდი, პოლისორბატ 80 და გამოხდილი წყალი. 

გამოშვებისფორმადაშეფუთვის  შემადგენლობა
50მკგ/დოზა 140 დოზა ნაზალური დოზირებული სპრეი ბალონი №1 გამფრქვევი მოწყობილობით.

ნასოალდო წარმოადგენს ნაზალურ სპრეის.
ნასოალდო თეთრი გაუმჭირვალე პლასტიკის ბოთლია, გათვლილი 140 შესხურებაზე, აღჭურვილი დოზირებული ტუმბოთი, ცხვირის ადაპტერით და მტვრისგან დამცავი თავსახურით.

გაცემის რეჟიმი: III ჯგუფი (ურეცეპტოდ).

მწარმოებელი

Laboratorio Aldo-Unión

ესპანეთი.