Movalis - მოვალისი 15მგ 20 ტაბლეტი

გენერიული დასახელება:

Mელოხიცამ

ქიმიური დასახელება:

4-ჰიდროქსი-2-მეთილ-N-(5-მეთილ-2-თიაზოლილ)-2H-1,2-ბენზოთიაზინ-3-კარბოქსამიდ-1,1-დიოქსიდი.

შემადგენლობა:

აქტიური ნივთიერება

1 ტაბ. შეიცავს 7.5მგ და 15მგ მელოქსიკამს;

1 სანთელი შეიცავს 7.5მგ და 15მგ მელოქსიკამს.

დამხმარე ნივთიერებები:

ტაბლეტები:

ნატრიუმის ციტრატი, ლაქტოზა, მიკროკრისტალური ცელულოზა, პოლივიდონი, სილიციუმის ორჟანგის კოლოიდური ანჰიდრიდი, კროსპოლივიდონი, მაგნიუმის სტეარატი.

სანთლები:

მყარი ცხიმები, პოლიოქსიეთილენირებული ჰიდროგენიზებული აბუსალათინის ზეთი.

ფორმა:

ტაბლეტები 7.5მგ და 15მგ;

სანთლები 7.5მგ და 15მგ.

ფარმაკოთერაპიული ჯგუფი:

არასტეროიდული ანთების საწინააღმდეგო საშუალება.

ფარმაკოლოგიური თვისებები:

ფარმაკოდინამიკა:

მოვალისი წარმოადგენს ენოლის მჟავას წარმოებულ არასტეროიდულ ანთების საწინააღმდეგო საშუალებას. ახასიათებს გამოხატული ანთების საწინააღმდეგო, ტკივილდამაყუჩებელი და სიცხის დამწევი მოქმედება.

პრეპარატის მოქმედების მექანიზმი განპირობებულია სპეციფიური ფერმენტის ციკლოოქსიგენაზა-2-ის ინჰიბირებით, რომლის შედეგადაც მცირდება არაქიდონის მჟავისაგან პროსტაგლანდინების წარმოქმნა, რომლებიც დიდ როლს თამაშობენ ანთებითი რეაქციების ფორმირებაში.

ჩვენება:

რევმატოიდული ართრიტის, ოსტეოართროზის, მაალკილიზირებელი სპონდილიტის, სიმპტომატური მკურნალობა.

წინააღმდეგჩვენება:

მომატებული მგრძნობელობა მელოქსიკამის ან მის შემადგენლობაში არსებული სხვა კომპონენტების მიმართ.

აცეტილსალიცილის მჟავასა და სხვა არასტეროიდული ანთების საწინააღმდეგო საშუალებების მიმართ ჯვარედინი რეაქციების განვითარება;

ანამნეზში-ბრონქული ასთმა, ცხვირის ლორწოვანი გარსის პოლიპები, ანგიონევროზული შეშუპება, ურტიკარია;

პეპტიური წყლული აქტიურ ფაზაში;

ღვიძლის მძიმე უკმარისობა;

თირკმელების უკმარისობა დიალიზის ჩატარების გარეშე;

15 წლამდე ასაკის ბავშვებში;

ორსულობა და ლაქტაცია.

სიფრთხილე:

ისევე როგორც სხვა არასტეროიდული ანთების საწინააღმდეგო საშუალებები, მოვალისი, განსაკუთრებული სიფრთხილით ენიშნებათ კუჭ-ნაწლავის ტრაქტის ზედა ნაწილის დაავადებებით შეპყრობილ პაციენტებს ანამნეზში, აგრეთვე პაციენტებს, რომლებიც იღებენ ანტიკოაგულანტებს.

პეპტიური წყლულის ან კუჭიდან და ნაწლავებიდან სისხლდენის დაწყების დროს საჭიროა პრეპარატით მკურნალობის შეწყვეტა.

კანისა და ლორწოვანი გარსის მხრივ ცვლილებების წარმოქმნის შემთხვევაში საჭიროა პრეპარატის მიღების შეწყვეტა.

არასტეროიდული ანთების საწინააღმდეგო საშუალებები აინჰიბირებენ თირკმელების სისხლით მომარაგების პროცესში მონაწილე პროსტაგლანდინების სინთეზს.

პაციენტებში თირკმელების სისხლით მომარაგების და ცირკულაციაში მყოფი სისხლის მოცულობის დარღვევის შემთხვევაში შესაძლებელია თირკმელების უკმარისობის დაჩქარება, ხოლო პრეპარატით მკურნალობის შეწყვეტის დროს თირკმელების ფუნქცია საწყის მდგომარეობას უბრუნდება.

მსგავსი რეაქციების განვითარების რისკი უფრო მაღალია პაციენტებში დეჰიდრატაციის, გულის შეგუბებითი უკმარისობის, ღვიძლის ციროზის, ნეფროზული სინდრომის და თირკმელების მძიმე დაავადებების, დიურეზული საშუალებების მიღების, აგრეთვე ოპერაციის შემდგომი ჰიპოვოლემიის დროს.

ამ დროს მკურნალობის დაწყებამდე აუცილებელია აღნიშნული პაციენტების თირკმელების ფუნქციის და დიურეზის სისტემატური კონტროლი.

იშვიათად არასტეროიდული ანთების საწინააღმდეგო საშუალებები იწვევენ ინტერსტიციულ ნეფრიტს, გლომერულონეფრიტს, თირკმლის ტვინოვანი ნივთიერების ნეკროზს ან ნეფროზულ სინდრომს.

თირკმელების უკმარისობის ბოლო სტადიით ან ჰემოდიალიზზე მყოფ პაციენტებში მოვალისი არ ინიშნება 7.5მგ-ზე მეტი რაოდენობით დღეღამეში.

ზოგჯერ ადგილი აქვს ღვიძლის ტრანსამინაზების აქტივობის ან სხვა პარამეტრების მომატებას, რომლებიც ახასიათებენ ღვიძლის ფუნქციას. ამ შემთხვევაში საჭიროა პრეპარატით მკურნალობის შეწყვეტა და საკონტროლო ლაბორატორიული გამოკვლევების ჩატარება.

კლინიკურად არაპროგრესირებადი ღვიძლის ციროზის დროს პრეპარატის დოზის შემცირება საჭირო არ არის.

მოვალისი სიფრთხილით ენიშნებათ გულის, ღვიძლისა და თირკმელების ფუნქციის დარღვევით შეპყრობილ ხანდაზმულ პაციენტებს.

მოვალისის სანთლების გამოყენება რეკომენდებული არ არის ავადმყოფებში ანორექტალური მიდამოს ანთების ან ანამნეზში ანორექტალური სისხლის დენის დროს.

მკურნალობის დროს მხედველობის დარღვევის, ძილიანობის ან ც.ნ.ს-ის მხრივ გვერდითი ეფექტების წარმოქმნის შემთხვევაში პრეპარატის მიღება ეკრძალებათ ავტოტრანსპორტის მძღოლებს და იმ პირებს, რომელთა მუშაობა მოითხოვს განსაკუთრებულ ყურადღებას.

გვერდითი მოვლენები:
კუჭ-ნაწლავის ტრაქტის მხრივ:
პაციენტების 1%-ზე მეტს- დისპეფსია, გულისრევა, ღებინება, ტკივილი მუცლის არეში, ყაბზობა, მეტეორიზმი, დიარეა;
პაციენტების 0.1-1%-ს-ღვიძლის ფუნქციის მაჩვენებლების ტრანზიტორული ცვლილებები (მაგ. ტრანსამინაზების ან ბილირუბინის მაჩვენებლების მომატება), ბოყინი, ეზოფაგიტი, კუჭისა და 12-გოჯა ნაწლავის წყლული, კუჭიდან და ნაწლავებიდან ფარული და ხილული სისხლდენები;
პაციენტების 1%-ზე ნაკლებს-კუჭისა და ნაწლავების პერფორაციები, კოლიტი;

სისხლის სურათი მხრივ:
პაციენტების 1%-ზე მეტს-ანემია;
პაციენტების 0.1-1%-ს-პერიფერიული სისხლის სურათის ცვლილებები, მათ შორის ლეიკოპენია და თრომბოციტოპენია. მიელოტოქსიური პრეპარატების კერძოდ მეტოტრექსატის ერთდროული დანიშვნა იწვევს ციტოპენიას.
კანის და ლორწოვანი გარსის მხრივ:
პაციენტების 1%-ზე მეტს-ქავილი, კანზე გამონაყარი;
პაციენტების 0.1-1%-სტომატიტი, ურტიკარია;
პაციენტების 1%-ზე ნაკლებს-ფოტოსენსიბილიზაცია.
სუნთქვის სისტემის მხრივ:
პაციენტების 1%-ზე ნაკლებს-ასპირინის და სხვა ანთების საწინააღმდეგო საშუალებების მიღების დროს, მოვალისის ჩათვლით, ცალკეულ შემთხვევებში აღენიშნება ბრონქული ასთმის მწვავე შეტევები.
გულ-სისხლძარღვთა სისტემის მხრივ:
პაციენტების 1%-ზე მეტს-შეშუპება.
პაციენტების 0.1-1%-არტერიული წნევის მომატება, ტაქიკარდია, ალები.
ც.ნ.ს-ის მხრივ:
პაციენტების 1%-ზე მეტს-თავის ტკივილი.
პაციენტების 0.1-1%-თავბრუსხვევა, ყურებში შუილი, ძილიანობა.
შარდ-სასქესო სისტემის მხრივ:
პაციენტების 0.1-1%-თირკმელების მაჩვენებლების ცვლილებები (კრეატინინის დაან სისხლის შარდოვანას მაჩვენებლების მომატება).
პაციენტების 1%-ზე ნაკლებს-თირკმელების მწვავე უკმარისობა.
ალერგიული რეაქციები:
პაციენტების 1%-ზე ნაკლებს-ანგიონევროზული შეშუპება, დაუყოვნებლივი ტიპის ალერგიული რეაქციები, ანაფილაქსიური და ანაფილაქტოიდური რეაქციების ჩათვლით.
მხედველობის ორგანოების მხრივ: კონიუნქტივიტი, მხედველობის დარღვევა.

ორსულობა და ლაქტაცია:
ორსულობის და ლაქტაცის დროს პრეპარატის გამოყენება ნებადართული არ არის.

ურთიერთქმედება სხვა პრეპარატებთან:
მოვალისის და აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების ერთდროული გამოყენება რეკომენდებული არ არის. არაპირდაპირი მოქმედების ანტიკოაგულანტებთან პრეპარატის კომბინაციით მოსალოდნელია სისხლის შედედების საწინააღმდეგო ეფექტის გაძლიერება.
მოვალისი ლითიუმთან კომბინაციით, იწვევს ამ უკანასკნელების კონცენტრაციის მომატებას სისხლის პლაზმაში.
მოვალისი აძლიერებს მეტოტრექსატის ჰემატოლოგიურ აქტივობას. ამ შემთხვევაში აუცილებელია სისხლის სურათის პერიოდული კონტროლი.
მოვალისის და კალიუმის შემცველი დიურეტიკების ერთდროული დანიშვნით შესაძლებელია სისხლში კალიუმის კონცენტრაციის მომატება.
მოვალისის და კონტრაცეპტივების კომბინაციით ქვეითდება ამ უკანასკნელთა მოქმედების ეფექტი.
მოვალისის და ანტიჰიპერტენზიული პრეპარატების ერთდროულად დანიშვნისას პროსტაგლანდინ-ვაზოდილატატორების ბლოკირებით ქვეითდება მათი ანტიჰიპერტენზიული მოქმედების ეფექტი.
ქოლესტირამინი კუჭ-ნაწლავის ტრაქტში იწვევს მელოქსიკამთან შეკავშირებას, რაც იწვევს ორგანიზმიდან მისი გამოყოფის პროცესის დაჩქარებას.
მოვალისის და ციკლოსპორინების ერთდროული დანიშვნით ადგილი აქვს ამ უკანასკნელის ნეფროტოქსიურობის გაძლიერებას, რის გამოც საჭიროა თირკმელების ფუნქციის პერიოდული კონტროლი.
არასტეროიდული ანთების საწინააღმდეგო საშუალებები იწვევენ ნატრიუმის, კალიუმის, სითხის გამოყოფის შეფერხებას და სალურეზული საშუალებების მოქმედების შესუსტებას, რაც ხელს უწყობს გულის უკმარისობის და არტერიული ჰიპერტენზიის განვითარებას.

მიღების წესი და დოზირება:
რევმატოიდული ართრიტი:
ენიშნებათ 15მგ დღეღამეში. მნიშვნელოვანი თერაპიული ეფექტის შემთხვევაში შესაძლებელია დოზის შემცირება 7.5მგ-მდე დღეღამეში.
ოსტეოართროზი-7.5მგ დღეღამეში. აუცილებლობის შემთხვევაში შესაძლებელია დოზის გაზრდა 15მგ-მდე დღეღამეში.
მაალკილიზირებელი სპონდილიტი-15მგ დღეღამეში.
თირკმელების მძიმე უკმარისობით შეპყრობილ პაციენტებში, რომლებიც იმყოფებიან ჰემოდიალიზზე, სადღეღამისო დოზა არ უნდა აღემატებოდეს 7.5მგ-ს.
მოვალისის მაქსიმალური რეკომენდებული სადღეღამისო დოზა შეადგენს 15მგ-ს.
რადგან ბავშვებში პრეპარატის დოზა დადგენილი არ არის, იგი ენიშნებათ მხოლოდ მოზრდილებს.
ტაბლეტებს იღებენ ჭამის დროს წყალთან ან სხვა სითხეებთან ერთად.
პრეპარატის 15მგ-იანი 1 სანთელი ენიშნებათ 1-ჯერ დღეღამეში, ან 7.5მგ 1სანთელი-1-2-ჯერ დღეღამეში.
პრეპარატის სადღეღამისო დოზა, როგორც ტაბლეტებში აგრეთვე სანთლებში არ უნდა აღემატებოდეს 15მგ-ს.

ჭარბი დოზირება:

ამ დროს საჭიროა კუჭის ამორეცხვა და სიმპტომატური მკურნალობა.

სპეციფიკური ანტიდოტი არ არსებობს.

დადგენილია, რომ ქოლესტირამინი აჩქარებს ორგანიზმიდან მელოქსიკამის გამოყოფის პროცესს.

შენახვის ვადა:

ტაბლეტები-5 წელი

სანთლები-3 წელი

შენახვის პირობები:

ტაბლეტები: მშრალ ადგილას 00ჩ-დან 250ჩ–მდე ტემპერატურაზე.

სანთლები: არა უმეტეს 300ჩ–ტემპერატურაზე.

ბავშვებისაგან დაცულ ადგილას.

შეფუთვა:

N20 ტაბლეტი ბლისტერში 7.5მგ და 15მგ;

N6 ან N12 სანთელი ალუმინის ფოლგაში 7.5მგ და 15მგ.