მონსერა

საერთაშორისო დასახელება - ivabradin
კლინიკურ-ფარმაკოლოგიური ჯგუფი: გულ-სისხლძარღვთა სისტემა

მონსერა გულ-სისხლძარღვთა დაავადებების სამკურნალო პრეპარატია, რომელიც გამოიყენება:
• ზრდასრულ პაციენტებში სიმპტომური სტაბილური სტენოკარდიით, როდესაც გულისცემის სიხშირე არის ≥70 დარტყმა/წთ.
• ზრდასრულ პაციენტებში გულის ქრონიკული უკმარისობით, როდესაც გულისცემის სიხშირე არის ≥70 დარტყმა/წთ.

პრეპარატი ინიშნება ბეტა-ბლოკერების აუტანლობის დროს ან ბეტა-ბლოკერებთან ერთად კომბინაციაში, როდესაც პაციენტის მდგომარეობა სრულად ვერ კონტროლდება მხოლოდ ბეტა-ბლოკერების გამოყენებით.
გულის ქრონიკული უკმარისობის შესახებ

გულის ქრონიკული უკმარისობა – ეს არის დაავადება, რომელიც ვითარდება მაშინ, როდესაც გულს არ აქვს უნარი გაატაროს ორგანიზმისათვის საჭირო სისხლის რაოდენობა. გულის უკმარისობის ყველაზე გავრცელებულ სიმპტომებია ქოშინი, გადაღლილობა, სწრაფი დაღლა, წვივების შეშუპება.
ბავშვები და მოზარდები

მონსერა არ გამოიყენება 18 წლამდე ასაკის ბავშვებსა და მოზარდებში.
ორსულობა

პრეპარატის მიღებამდე მიმართეთ ექიმს ან ფარმაცევტს.
მონსერას გამოყენება უკუნაჩვენებია ორსულობის პერიოდში.
თუ ორსულობა დადგა მკურნალობის პერიოდში, პრეპარატის მიღება უნდა შეწყდეს.
აცნობეთ ექიმს ან ფარმაცევტს მკურნალობის პერიოდში დადგენილი ორსულობის თაობაზე.
სტაბილური სტენოკარდიის მკურნალობა

მონსერას საწყისი დოზა არ უნდა აჭარბებდეს ერთ 5 მგ-იან ტაბლეტს დღეში ორჯერ. იმ შემთხვევაში, თუ აღნიშნულ დოზირებას კარგად იტანთ და, ამავე დროს, სტენოკარდიის სიმპტომები მაინც გაქვთ, შესაძლებელია პრეპარატის დოზის გაზრდა.

პრეპარატის შემანარჩუნებელი დოზა არ უნდა აჭარბებდეს 7.5 მგ-იან ტაბლეტს დღეში ორჯერ. ჩვეულებრივ ღებულობენ ერთ ტაბლეტს დილით და ერთს – საღამოს.

ზოგიერთ შემთხვევებში (მაგალითად, ხანდაზმულ პაციენტებში) ექიმმა შეიძლება დანიშნოს პრეპარატის განახევრებული დოზა, ანუ 5 მგ-იანი ტაბლეტის ნახევარი (რაც შეესაბამება 2.5 მგ ივაბრადინს) დილით და 5 მგ-იანი ტაბლეტის ნახევარი საღამოს.
გულის ქრონიკული უკმარისობის მკურნალობა

მონსერას ჩვეულებრივ რეკომენდებული საწყისი დოზა შეადგენს ერთ 5 მგ-იან ტაბლეტს დღეში ორჯერ. საჭიროებისას, შესაძლებელია დოზის გაზრდა ერთ 7.5 მგ-იან ტაბლეტამდე დღეში ორჯერ. ექიმი შეგირჩევთ თქვენთვის საჭირო დოზას. ჩვეულებრივ ღებულობენ ერთ ტაბლეტს დილით და ერთს – საღამოს.

ზოგიერთ შემთხვევებში (მაგალითად, ხანდაზმულ პაციენტებში) ექიმმა შეიძლება დანიშნოს პრეპარატის განახევრებული დოზა, ანუ 5 მგ-იანი ტაბლეტის ნახევარი (რაც შეესაბამება 2.5 მგ ივაბრადინს) დილით და 5 მგ-იანი ტაბლეტის ნახევარი საღამოს.
ყველა სხვა სამკურნალო საშუალებების მსგავსად მონსერას მიღებამ, ზოგიერთი პაციენტის შემთხვევაში, შეიძლება გამოიწვიოს გვერჟდითი მოვლენები.

თუ გამოვლინდა ნებისმიერი ქვემოთ ჩამოთვლილი გვერდითი მოვლენა, დაუყოვნებლივ მიმართეთ მკურნალ ექიმს ან გადაუდებელი სამედიცინო დახმარების ცენტრს:
მძიმე ალერგიული რეაქციები: გამონაყარი, ქავილი, სახის, ტუჩების, პირის ღრუს და ყელის შეშუპება, რამაც შეიძლება გამოიწვიოს ყლაპვის ან სუნთქვის გაძნელება. ეს იშვიათი, მაგრამ ძალიან სერიოზული გვერდითი მოვლენაა. იგი ვლინება 10000-დან მხოლოდ 1 პაციენტის შემთხვევაში და მოითხოვს პაციენტის დაუყოვნებლივ ჰოსპიტალიზაციას.