მილდიანი, წინანდალი რეზერვი, კუპაჟი, თეთრი მშრალი ღვინო, 2016 წ.

დახასიათება

მილდიანის თეთრი მშრალი ღვინო წინანდალი ყურძნის ორი ჯიშისგან, რქაწითელისა და კახური მწვანესგანაა დაყენებული დაყენებული კახეთში და ტრადიციულადაა ფერმენტირებული ქვევრში და დაძველებულია მუხის კასრში. სასმელს ჩალიფერი შეფერილობა და მრავალფეროვანი, მდიდარი რქაწითელისთვის დამახასიათებელი ჯიშური არომატი აქვს ციტრუსის, ახალი ყვავილებისა და მუხის ელემენტებით. დაგემოვნებისას ვაშლის ცოცხალ, სასიამოვნო ტონებს შეიგრძნობთ, მაღალმჟავიანობის მიუხედავად, ღვინო გლუვი და ბარხატოვანია. ძალიან უხდება ბოსტნეულსა და ფრინველის ხორცს. სერვირებისთვის რეკომენდებული ტემპერატურა 5-7 გრადუსია.

ბრენდის ისტორია

„საოჯახო მეღვინეობა მილდიანის“ ისტორია 1991 წელს იწყება, როდესაც ენთუზიაზმითა და მეღვინეობისადმი სიყვარულით სავსე ოთხი ძმა აფუძნებს კომპანიას, რომელიც მიუხედავად უამრავი დაბრკოლებისა დღემდე იზრდება და ვითარდება. ყველაფერი მეღვინეობისადმი განსაკუთრებული სიყვარულით დაიწყო. პირველ ხანებში, ქვეყანაში არსებული ღვინის მარაგების შესყიდვა და ექსპორტი ხდებოდა, რაც მცხეთაში ღვინის ჩამოსასხელი საკუთარი საწარმოს აშენების წინაპირობა გახდა. სულ მალე იქვე აშენდა კერამიკის საამქრო, სადაც მრავაფლეროვანი კერამიკული ღვინის ბოთლები მზადდებოდა. ამ საამქროს მიერ გამოშვებული თიხის ბოთლები, რომლებშიც კომერციალიზაციის მიზნით ღვინო ჩაისხა, პირველი პრეცენდენტი იყო პოსტსაბჭოთა საქართველოში. რამდენიმე წელში, მიზანმიმართული და დაუღალავი შრომის შედეგად, საკუთარი ღვინის საწარმოს მშენებლობასაც ჩაეყარა საფუძველი, რომელიც უმაღლესი ხარისხის იტალიური დანადგარებით აღიჭურვა. ეს საწარმო კახეთში, მეღვინეობის ერთ-ერთ გამორჩეულ ზონაში - წინანდალში მდებარეობს. აქ იწარმოება უმაღლესი ხარისხის ღვინოები და ყურძნისეული წარმოშობის სხვა ალკოჰოლური სასმელები, რომელთაც უამრავი საერთაშორისო ჯილდო და მედალი აქვთ მიღებული წლების განმავლობაში. აღსანიშნავია, რომ მეღვინეობა მილდიანის 2002 წლის მოსავლის საფერავი, პირველი ქართული ღვინო იყო საბჭოთა კავშირის დაშლის შემდეგ, რომელიც 2004 წელს პარიზში, ღვინის საერთაშორისო კონკურსზე _ ,,Vinalies Internationales” ვერცხლის მედლით დაჯილდოვდა. კომპანია მილდიანი მეღვინეობის სხვადასხვა ზონებში საკუთარ ვენახებს ფლობს და სრულად აკონტროლებს ხარისხს პროდუქციის წარმოების ყველა ეტაპზე.