მილდიანი, ქინძმარაული, საფერავი, წითელი ნახევრადტკბილი ღვინო, 2019 წ.

დახასიათება

მილდიანის წითელი ნახევრადტკბილი ღვინო საფერავისგანაა დაყენებული კახეთში და ტრადიციულადაა ფერმენტირებული და დაძველებული ქვევრში. სასმელს მუქი მაქვლისფერი შეფერილობა და მწიფე წითელი ხილის არომატი აქვს შავი ქლიავის ჩირის, შინდის მურაბისა და ალუბლის ტყლაპის დახვეწილი ელემენტებით. ღვინოს ძლიერისხეულიანი, ტანინებუთ სავსე, გაწონასწორებული, ბარხატოვანი, ცოცხალი, გამყოლი გემო აქვს, რომელსაც ხალასი მჟავიანობა და მოტკბო ტონები დაყვება. ძალიან უხდება მწვადს, საშუალოდ შემწვარ სტეიკსა და საქონლის ენის სალათს. სერვირებისთვის რეკომენდებული ტემპერატურა 12-14 გრადუსია.

ბრენდის ისტორია

„საოჯახო მეღვინეობა მილდიანის“ ისტორია 1991 წელს იწყება, როდესაც ენთუზიაზმითა და მეღვინეობისადმი სიყვარულით სავსე ოთხი ძმა აფუძნებს კომპანიას, რომელიც მიუხედავად უამრავი დაბრკოლებისა დღემდე იზრდება და ვითარდება. ყველაფერი მეღვინეობისადმი განსაკუთრებული სიყვარულით დაიწყო. პირველ ხანებში, ქვეყანაში არსებული ღვინის მარაგების შესყიდვა და ექსპორტი ხდებოდა, რაც მცხეთაში ღვინის ჩამოსასხელი საკუთარი საწარმოს აშენების წინაპირობა გახდა. სულ მალე იქვე აშენდა კერამიკის საამქრო, სადაც მრავაფლეროვანი კერამიკული ღვინის ბოთლები მზადდებოდა. ამ საამქროს მიერ გამოშვებული თიხის ბოთლები, რომლებშიც კომერციალიზაციის მიზნით ღვინო ჩაისხა, პირველი პრეცენდენტი იყო პოსტსაბჭოთა საქართველოში. რამდენიმე წელში, მიზანმიმართული და დაუღალავი შრომის შედეგად, საკუთარი ღვინის საწარმოს მშენებლობასაც ჩაეყარა საფუძველი, რომელიც უმაღლესი ხარისხის იტალიური დანადგარებით აღიჭურვა. ეს საწარმო კახეთში, მეღვინეობის ერთ-ერთ გამორჩეულ ზონაში - წინანდალში მდებარეობს. აქ იწარმოება უმაღლესი ხარისხის ღვინოები და ყურძნისეული წარმოშობის სხვა ალკოჰოლური სასმელები, რომელთაც უამრავი საერთაშორისო ჯილდო და მედალი აქვთ მიღებული წლების განმავლობაში. აღსანიშნავია, რომ მეღვინეობა მილდიანის 2002 წლის მოსავლის საფერავი, პირველი ქართული ღვინო იყო საბჭოთა კავშირის დაშლის შემდეგ, რომელიც 2004 წელს პარიზში, ღვინის საერთაშორისო კონკურსზე _ ,,Vinalies Internationales” ვერცხლის მედლით დაჯილდოვდა. კომპანია მილდიანი მეღვინეობის სხვადასხვა ზონებში საკუთარ ვენახებს ფლობს და სრულად აკონტროლებს ხარისხს პროდუქციის წარმოების ყველა ეტაპზე.