Microlax - მიკროლაქსი რექტალური ხსნარი 5 მლ 4

გამოყენების ინსტრუქცია

მიკროლაქსი®

პრეპარატის სავაჭრო დასახელება: მიკროლაქსი®

საერთაშორისო არაპატენტური დასახელება: -

წამლის ფორმა: რექტალურად შესაყვანი ხსნარი

შემადგენლობა
1 მლ ხსნარი შეიცავს:
აქტიური ნივთიერება: ნატრიუმის ციტრატი – 90 მგ, ნატრიუმის ლაურილსულფოაცეტატი 70% - 12,9 მგ (შეესაბამება 9 მგ ნატრიუმის ლაურილსულფოაცეტატს), სორბიტოლის ხსნარი 70% - 893 მგ.
დამხმარე ნივთიერებები: სორბინის მჟავა, გლიცეროლი, გასუფთავედბული წყალი.

აღწერა: უფერო, მაოპალისცირებელი, ბლანტი სითხე.

ფარმაკოთერაპიული ჯგუფი: საფაღარათო საშუალებები.

ATC code: А06АG11.

ფარმაკოლოგიური თვისებები
მიკროლაქსი® – კომბინირებული პრეპარატია, ახდენს საფაღარათო მოქმედებას. ეფექტი დგება 5-15 წუთში. პრეპარატის შემადგენლობაში შედის ნატრიუმის ციტრატი (პეპტიზატორი, რომელიც გამოდევნის განავლოვან მასებში არსებულ შეკავშირებულ წყალს), ნატრიუმის ლაურილსულფატოაცეტატი (აჯირჯვებს ნაწლავის შემადგენლობას) და სორბიტი (აძლიერებს საფაღარათო მოქმედებას ნაწლავებში წყლის შესვლის გზით). წყლის რაოდენობის გაზრდა პეპტიზაციის და გაჯირჯვების ხარჯზე, ხელს უწყობს განავლოვანი მასების დარბილებას და აადვილებს ნაწლავების დაცლას.

მიღების ჩვენებები
შეკრულობა, მათ შორის ენკოპრეზით, ენდოსკოპიური (რექტოსკოპია) და რენტგენოლოგიური კვლევისათვის მომზადება კუჭ-ნაწლავის ტრაქტის გამოსაკვლევად.

წინააღმდეგჩვენებები
მომატებული ინდივიდუალური მგრძნობელობა პრეპარატის კომპონენტების მიმართ.

გამოყენება ორსულობის და ძუძუთი კვების პერიოდში
ადექვატური და მკაცრად კონტროლირებული კვლევები ორსული ქალების მონაწილეობით არ ჩატარებულა. რადგან სავარაუდოდ პრეპარატი მცირე რაოდენობით შეიწოვება სისტემური სისხლის მიმოქცევიდან, რეკომენდაციების შესაბამისად ნაყოფისათვის ორსულობისას, ან ლაქტაციის პერიოდში, ან ძუძუთი კვებაზე მყოფი ბავშვისათვის არასასურველი მოვლენების განვითარება მოსალოდნელი არ არის.

მიღების წესი და დოზები
მოზრდილები და 3 წელზე მეტი ასაკის ბავშვები: შეიყვანეთ 1 მიკროკლიზმის შიგთავსი (5 მლ) რექტალურად, ბუნიკის მთელ სიგრძეზე ჩადგმით.
ახალშობილები და 3 წლამდე ასაკის ბავშვები: შეიყვანეთ 1 მიკროკლიზმის შიგთავსი (5 მლ) რექტალურად, ბუნიკის ნახევარ სიგრძეზე ჩადგმით (მონიშნულია ბუნიკზე).
თუ ჩივილები ნარჩუნდება ხანგრძლივი დროის განმავლობაში, აუცილებელია მიმართოთ ექიმს.

მითითებები გამოყენებისათვის
მოტეხეთ პლომბი ტუბის დაბოლოებაზე.
მსუბუქად დააწექით ტუბს ისე, რომ პრეპარატის წვეთი წაესვას კლიზმის დაბოლოებას – ეს ამსუბუქებს შეყვანის პროცესს.
3 წლამდე ასაკის ბავშვებში 5 მლ მიკროკლიზმის გამოყენებისას, შეიყვანეთ კლიზმის წამოსაცმელი სწორ ნაწლავში ნახევარ სიგრძეზე, 3 წელზე მეტი ასაკის ბავშვებში, კლიზმის წამოსაცმელი შეიყვანეთ მთელ სიგრძეზე.
ტუბზე დაჭერით გამოდევნეთ მისი სრული შიგთავსი.
გამოიღეთ წამოსაცმელი, ტუბზე ისევ მსუბუქი დაჭერით.

გვერდითი მოვლენები
არასასურველი მოვლენების შესახებ სპონტანური ცნობების მონაცემებით
პრეპარატის გამოყენების ფონზე განვითარებული არასასურველი რეაქციები, რომლებიც გამოვლინდა რეგისტრაციის შემდგომი გამოყენების პერიოდში, კლასიფიცირებული იყო შემდეგნაირად: ძალიან ხშირი (≥10%), ხშირი (≥1%, მაგრამ <10%), არახშირი (≥0,1%, მაგრამ <1%), იშვიათი (≥0,01%, მაგრამ <0,1%), ძალიან იშვიათი (<0,01%) და არასასურველი რეაქციები განვითარების უცნობი სიხშირით (განვითარების სიხშირე არსებული მონაცემების საფუძველზე ვერ ფასდება).
დარღვევები კუჭ-ნაწლავის ტრაქტის მხრივ: ძალიან იშვიათი: ტკივილი მუცლის არეში (აბდომინალური დისკომფორტის, მუცლის არეში ტკივილის, ასევე მუცლის ზედა ნაწილში ტკივილის ჩათვლით); დისკომფორტი ანორექტალურ არეში, ფაღარათი.
დარღვევები იმუნური სისტემის მხრივ. ძალიან იშვიათი: ჰიპერმგრძნობელობის რეაქციები (მაგ. ჭინჭრის ციება).

დოზის გადაჭარბება
აღწერილი არ არის.

ურთიერთქმედება სხვა სამკურნალო საშუალებებთან
ნატრიუმის პოლისტიროლსულფონატის და პრეპარატის შემადგენლობაში შემავალი სორბიტოლის ერთდროული პერორალური/რექტალური გამოყენებისას, არსებობს მსხვილი ნაწლავის ნეკროზის განვითარების რისკი.

განსაკუთრებული მითითებები
თუ სიმპტომები ნარჩუნდება, თავი აარიდეთ ხანგრძლივ გამოყენებას და მიმართეთ ექიმს. თუ სამკურნალო საშუალება უვარგისი გახდა, ან გაუვიდა ვარგისიანობის ვადა – არ გადაღვაროთ ის გამდინარე წყალში და არ გადააგდოთ ქუჩაში! სამკურნალო საშუალება მოათავსეთ პაკეტში და ჩადეთ ნაგვის კონტეინერში. ეს ზომები დაიცავს გარემოს!

გავლენა სატრანსტორტო საშუალებების და მექანიზმების მართვის უნარზე
მიკროლაქსი სატრანსპორტო საშუალებების და მექანიზმების მართვის უნარზე გავლენას არ ახდენს.

გამოშვების ფორმა
რექტალურად შესაყვანი ხსნარი.
5 მლ რექტალურად შესაყვანი ხსნარი ერთჯერადი გამოყენებისათვის მიკროკლიზმაში (პოლიეთილენის ტუბი წამოსაცმელით და მოსატეხი პლომბით). 4 ან 12 მიკროკლიზმა გამოყენების ინსტრუქციასთან ერთად მოთავსებულია მუყაოს კოლოფში.

ვარგისიანობის ვადა
3 წელი.
არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

შენიშვნა:
შეფუთვაზე ვარგისიანობის ვადის მარკირება (წარმოების თარიღიდან “ვარგისია მდე” პუნქტამდე პერიოდი) შეიძლება იყოს 3 წელზე 1 თვით ნალკები.

შენახვის პირობები
შეინახეთ არაუმეტეს 25 °С ტემპერატურის პირობებში, ბავშვებისთვის მიუწვდომელ ადგილას.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი
“ფამარ ორლეან” საფრანგეთი

იურიდიული მისამართი: Famar Orleans, 5 avenue de Concyr, 45071 Orleans Cedex 2, France/
“ფარმა ორლეანი”, 5 ავენიუ დე კონსირ, 45071 ორლეან სედექს 2, საფრანგეთი

პრეტენზიების მიმღები ორგანიზაცია
შპს “ჯონსონ & ჯონსონ”, რუსეთი
121614, ქ. მოსკოვი, კრილაცკის ქ. 17, კორპ. 2
ტელ. (495) 726-55-55
ელ. ფოსტის მისამართი: safetyru@its.jnj.com