მეღვინეობა პი, აკურა, თეთრი მშრალი ღვინო 2022 წ.

დახასიათება

ღვინო აკურა - 2022 წლის მოსავალი, თეთრი მშრალი ქვევრის ღვინო დამზადებულია თელავის რაიონ სოფელ აკურაში მდებარე 40 წლის ვენახის (12 რიგი ) რქაწითელი და მწვანეს ყურძნისგან. ღვინო დამზადდა კახური ღვინის დაყენების მეთოდით, დადუღდა ჭაჭაზე, კლერტის გარეშე და 30% ჭაჭაზე სამი თვე ქვევრში დავარგდა. დამზადებულია ბუნებრივ საფუარზე (სპონტანური) ფერმენტაციით, გაუფილტრავი, ვეგანური, არ არის დამუშავებული. ღვინო აკურა, ოქროსფერი შეფერილობისაა, გამოხატული ჯიშური არომატებით, მწიფე ყვითელი ხილი, ოქროს ვაშლი, ციტრუსოვანი არომატები და მწვანე ჩაი, მიმზიდველი სტილი, რომელიც აჩვენებს ხილის საოცარ კონცენტრაციას და დაბალანსებულ ჰარმონიულ გემოს.

ბრენდის ისტორია

“მეღვინეობა პი” მცირე წარმოების მარანია (წლიურად 7000 ბოთლამდე), რომელიც ამ ფორმულირებით 2020 წელს დაარსდა, თუმცა წინაპრეპიდან მოყოლებული ოჯახი ათწლეულების განმავლობაში ამზადებდა ღვინოს. სახელი დაკავშირებულია პი რიცხვთან 3.14, ღვინო 8000 წლიანი არსებობის ისტორიით ანუ „ღვინო როგორც მუდმივა“. ჩვენი ღვინოების დამზადების ტექნოლოგია, მრავალწლიან გამოცდილებაზე დაყრდნობით ვინიფიკაციის მხოლოდ ფიზიკური, ბუნებრივი პროცესებით მართვას გულისხმობს და ღვინოს ჰარმონიული და დაბალანსებული გემოვნებით გამოარჩევს. მთავარი კი ვენახებია, რომელსაც სოფელ აკურაში და შილდაში ვფლობთ. მეღვინეობა პის მიზანია მაღალხარისხიანი ხელნაკეთი ტერუარული ღვინოების წარმოება, რომელიც ყოველწლიურად აჩვენებს ინდივიდუალიზმს, გამოსახვს ადგილს, სტილს და ორიენტირებულია განვითარებაზე. ღვინოები უკვე არაერთ საერთაშორისო კონკურსზე დაჯილდოვდა ოქროს და ვერცხლის მედლებით და მოხვდა პრესტიჟულ გამოცემებში როგორიცაა: The Guardien, Harpers Wine & Spirit, the Scotsman, the Standard UK, Vinum Magazine, WeinMarkt. ღვინოების ძირითადი ნაწილი კი ექსპორტზე ბრიტანეთში, შვეიცარიაში, ბელგიაში და გერმანიაში გადის.