მედოტილინი - Medotilin 1000მგ/4მლ 3 ამპულა

მედოტილინი

სავაჭრო დასახელება

მედოტილინი, Medotilin

საერთაშორისო არაპატენტირებული დასახელება

ქოლინის ალფოსცერატი, Choline alfoscerate

წამლის ფორმა 

საინექციო ხსნარი.

აღწერილობა: გამჭვირვალე, უფერო ან ღია-ყვითელი ფერის ხსნარი.

შემადგენლობა

პრეპარატის 1 ამპულა შეიცავს

აქტიური ნივთიერება: ქოლინის ალფოსცერატი (ქოლინის ალფოსცერატის ჰიდრატის ფორმით) 1000 მგ. 

დამხმარე ნივთიერება: საინექციო წყალი.  

პრეპარატის ათქ კოდი  N07AX02 

ფარმაკოთერაპიული ჯგუფი

სხვა პარასიმპათომიმეტური საშუალებები.

ფარმაკოლოგიური თვისებები

ფარმაკოდინამიკა

ქოლინის ალფოსცერატი არის ქოლინის ტრანსპორტერი და ფოსფატიდილქოლინის პრეკურსორი. გააჩნია პროფილაქტიკური და აღმდგენი მოქმედების უნარი ინვოლუციური ფსიქოორგანული სინდრომის მნიშვნელოვან პათოგენეზურ ფაქტორებად მიჩნეულ ბიოქიმიურ დაზიანებებზე, კერძოდ, ქოლინერგული აქტივობის შემცირებაზე და ნეირომემბრანების ფოსფოლიპიდური შემადგენლობის ცვლილებაზე.

ქოლინის ალფოსცერატის ქიმიური სტრუქტურა (შეიცავს 40,5% ქოლინს) და მასთან დაკავშირებული ქიმიურ-ფიზიკური თვისებები უზრუნველყოფს აქტიური ნივთიერების მნიშვნელოვან მარაგს და ტვინის ქსოვილის მეტაბოლურ დაცვას.

პრეკლინიკური ფარმაკოლოგიის ექსპერიმენტული კვლევების და კლინიკური კვლევების მონაცემების ანალიზმა დაადასტურა ქოლინის ალფოსცერატის სასარგებლო გავლენა კოგნიტურ ფუნქციებზე, მეხსიერების ფუნქციაზე, ასევე ემოციური მდგომარეობისა და ქცევის მაჩვენებლებზე, რომელთა გაუარესება გამოწვეული იყო ტვინის ინვოლუციური პათოლოგიის განვითარებით.

ფარმაკოკინეტიკა

პრეპარატი სწრაფად და მთლიანად შეიწოვება კუჭ-ნაწლავის ტრაქტში. სწრაფად გროვდება და ნაწილდება სხვადასხვა ორგანოებსა და ქსოვილებში, მათ შორის თავის ტვინში. თირკმელებით ექსკრეცია შეადგენს 96 საათში დაახლოებით 10% რადიოაქტიურად მონიშნული შეყვანილი დოზისა. ტრიტიუმით მონიშნულ ქოლინთან შედარებით, პრეპარატის კონცენტრაცია თავის ტვინში უფრო მაღალია. 

გამოყენების ჩვენებები

ტვინის დეგენერაციულ-ინვოლუციური ფსიქოორგანული სინდრომები - მეორადი ცერებროვასკულური უკმარისობის შედეგები, როგორიც არის პირველადი ან მეორადი კოგნიტური დარღვევები ხანდაზმული ასაკის პირებში, რომლებსაც ახასიათებს მეხსიერების დარღვევები, ცნობიერების არევა და დეზორიენტაცია, მოტივაციის და ინიციატივის, ასევე ყურადღების კონცენტრაციის უნარის დაქვეითება.

ემოციური და ქცევითი სფეროს ცვლილებები ხანდაზმული ასაკის პირებში: ემოციური არასტაბილურობა, გაღიზიანებადობა, გარემოს მიმართ ინტერესის დაქვეითება. მოხუცებულთა ფსევდომელანქოლია. 

გამოყენების წესი და დოზები 

პრეპარატი განკუთვნილია ინტრამუსკულარული და ინტრავენური შეყვანისათვის. 

ინიშნება 1 ამპულა დღე-ღამეში ინტრამუსკულარულად ან ინტრავენურად.

რეკომენდებულია ინტრავენურად ნელა შეყვანა.

მკურნალობის ხანგრძლივობას განსაზღვრავს ექიმი.

ბავშვები

ქოლინის ალფოსცერატის გამოყენების ეფექტურობა და უსაფრთხოება 18 წლამდე ასაკის ბავშვებში დადგენილი არ არის.

უკუჩვენებები

- მომატებული მგრძნობელობა პრეპარატის აქტიური ნივთიერების ან ნებისმიერი დამხმარე კომპონენტის მიმართ;

- ორსულობა.

არასასურველი რეაქციები

ქოლინის ალფოსცერატი, როგორც ბიოლოგიური კომპონენტების წინამორბედი, ჩვეულებრივ, არ იწვევს ამტანობის მხრივ პრობლემებს ხანგრძლივი გამოყენების შემთხვევაშიც კი.

შესაძლებელია გულისრევის განვითარება (რაც, სავარაუდოდ, ხდება მეორადი დოფამინერგული აქტივაციის ფონზე), რის გამოც შეიძლება საჭირო გახდეს დოზის შემცირება.

შეტყობინებები საეჭვო არასასურველი რეაქციების შესახებ

შეტყობინებები საეჭვო არასასურველი რეაქციების შესახებ სამკურნალო საშუალების რეგისტრაციის შემდეგ მნიშვნელოვანია. თუ პაციენტს გამოუვლინდა სერიოზული არასასურველი რეაქცია სამკურნალო საშუალებაზე ან ახალი არასასურველი რეაქციის აღნიშვნის შემთხვევაში, რომელიც არ არის აღწერილი მოცემულ ნაწილში, გთხოვთ, მოახდინოთ ინფორმირება ფარმაკოზედამხედველობის ეროვნული სისტემის შესაბამისად. 

განსაკუთრებული მითითებები

შეინახეთ ბავშვებისათვის მიუწვდომელ ადგილას.

ზემოქმედება ავტოტრანსპორტის და მექანიზმების მართვის უნარზე   

მედოტილინი არ ახდენს გავლენას ავტომობილის მართვის და პოტენციურად სახიფათო სამუშაოების შესრულების უნარზე. 

გამოყენება ორსულობის და ლაქტაციის დროს 

პრეპარატის გამოყენება უკუნაჩვენებია ორსულობის დროს. თუმცა, სპეციალურმა კვლევებმა მიუთითეს ტერატოგენული და ემბრიოტოქსიკური ეფექტების არარსებობაზე.

არ არის რეკომენდებული პრეპარატის გამოყენება ლაქტაციის პერიოდში საკმარისი რაოდენობის მონაცემების არარსებობის გამო. 

ურთიერთქმედება სხვა სამკურნალო საშუალებებთან

სხვა სამკურნალო საშუალებებთან ურთიერთქმედების შესახებ მონაცემები არ არსებობს.

ჭარბი დოზირება

პრეპარატის ჭარბი დოზირების შესახებ მონაცემები არ არსებობს.

გამოშვების ფორმა

4 მლ საინექციო ხსნარი უფერო მინის ამპულაში.

3 ამპულა კონტურულ უჯრედოვან შეფუთვაში.

1 კონტურულ უჯრედოვანი შეფუთვა სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

ინახება სინათლისაგან დაცულ ადგილას არაუმეტეს 25°C ტემპერატურაზე. 

შეინახეთ ბავშვებისათვის მიუწვდომელ ადგილას!

ვარგისიანობის ვადა

3 წელი წარმოების თარიღიდან.

არ გამოიყენოთ ვარგისიანობის ვადის გასვლის შემდეგ.

აფთიაქიდან გაცემის პირობები

ფარმაცევტული პროდუქტის ჯგუფი II, გაიცემა ფორმა №3 რეცეპტით. 

ასევე, იხილეთ: >მედოტილინი 400მგ 14 კაფსულა