მახარებელი, რქაწითელი & მწვანე, თეთრი მშრალი ღვინო, 2020.

დახასიათება

თეთრი მშრალი ბუნებრივი ღვინო წარმოებულია კახეთის რეგიონის ალაზნის ველზე მდებარე სოფელ ვაზისუბნის ბიო მეურნეობაში მოწეული უმაღლესი ხარისხის რქაწითელისა და 20% კახური მწვანე ყურძნის ჯიშებისაგან, ქვევრში ტრადიციული, ქართული მეთოდით. ხასიათდება ქარვისფერი შეფერილობით. ქვევრში 6 თვე, ჭაჭაზე, კლერტი - 50%, 1 წელი უჟანგავი ცისტერნა.

ბრენდის ისტორია

მეღვინეობა ,,მახარებელი” დააფუძნა ორმა მეგობარმა 1999 წელს და ამ დროიდან მოყოლებული, მათი ოჯახების ზრდასთან ერთად იზრდებოდა ადამიანების რიცხვი (რომელიც დღეს 7-7 შვილს შეადგენს), რომელნიც ვენახს უვლიან და ჩართულები არიან ყველა პროცესში, რაც ვაზის მოვლას და დაკვირვებას უკავშირდება. ვენახი მდებარეობს კახეთში, მუკუზნისა და ვაზისუბნის მიკროზონაში, ალაზნის ველზე, საიდანაც მიღებული მოსავალი ქარვისფერი რქაწითელი და ლალისფერი უნიკალური საფერავია. ღვინო არის ნატურალური, იწამლება მხოლოდ ბორდოს ხსნარით და გოგირდით, ჰერბიციდის გარეშე, არის ურწყავი. მეღვინეობა ,,მახარებელი” 2019 წლიდან ნატურალური ღვინის ასოციაციის წევრია და ღვინო, რომელიც თბილისში მდებარე მარანში იწურება და ქვევრებში გადის შემდგომ ეტაპებს, თბილისის საუკეთესო ღვინის მაღაზიებში იყიდება.