Marani Kondoli Vineyards, სეპაჟი, თეთრი მშრალი ღვინო.

დახასიათება

Marani Kondoli Vineyards Mtsvane-Kisi მზადდება ორი აბორიგენული ჯიშის ყურძნიგან - კახური მწვანე და ქისი. მასში დომინირებს მწვანეს მცენარეული და ყვავილოვანი ტონები და ქისის მდიდარი ტროპიკული ხილის ნოტები. ყვავილებისა და თეთრი ატმის პირველი გემო, რომელიც ბუნებრივად გადაიზრდება მანგოს ტონებში და სრულდება ატმისა და ანანასისთვის დამახასიათებელი ელეგანტური ტონალობებით.

ბრენდის ისტორია

კავკასიონისა და ცივ-გომბორის მთაგრეხილებს შორის, ალაზნის ზღაპრულ ველზე, მდებარეობს მეღვინეობის უძველესი რეგიონი – კახეთი, საკუთარი ენოლოგიური ტრადიციებით, ისტორიით, საქართველოში ყველაზე დიდი და მრავალფეროვანი მევენახეობის კონტროლირებადი ზონებითა და მაღალი ხარისხის ღვინის წარმოებისათვის იდეალური პირობებით. ალაზნის ველის ცენტრალურ ნაწილში მდებარეობს კახეთში სიდიდითა და მნიშვნელობით პირველი ქალაქი – თელავი. 1915 წელს სწორედ ამ ქალაქის მახლობლად, ჩრდილო-აღმოსავლეთით, დაარსდა თელავის ღვინის მარანი. საუკუნეზე მეტია, რაც ჩვენს მარანში ისტორია და ინოვაცია ერთმანეთთანაა გადაჯაჭვული. ვინარჩუნებთ რა კახეთის მეღვინეობის ტრადიციებისადმი ერთგულებას, ფეხს ვუწყობთ თანამედროვეობას და ჩვენს ისტორიულ გამოცდილებასთან მეღვინეობის უახლესი მეთოდების ადაპტაციით ვქმნით ღვინოებს, რომლებიც სიამოვნებას ანიჭებს ყველაზე დახვეწილი გემოვნების მქონე მომხმარებელს მსოფლიოს მრავალ ქვეყანაში. თელავის ღვინის მარანის ღვინოებში განსხეულებულია ქართული მეღვინეობა-მევენახეობის ინდივიდუალობა, მრავალსახეობა და ჩვენი მისწრაფება - საუკეთესოდ წარმოვაჩინოთ ადგილობრივი ყურძნის ჯიშების მრავლფეროვნების, კლიმატური პირობებისა და ნიადაგების გამორჩეული თანაფარდობა.