Marani Kondoli Vineyards Sami, სეპაჟი, წითელი მშრალი ღვინო.

დახასიათება

Marani Kondoli Vineyards Sami გახლავთ წითელი მშრალი ღვინო, დამზადებული სამი ჯიშის ყურძნის - ალექსანდრეულის, საფერავისა და მერლოსგან. საფერავი, მისთვის დამახასიათებელი ღრმა წითელი ფერით, ინტენსიური შავი ხილის წვენის არომატებით და სრულსხეულიანობით, ალექსანდრეული, მსუბუქი ფერით და სტრუქტურით გამოხატული ტკბილი ვანილის ტონებში და მერლო, კონცენტრირებული მწიფე ხილის არომატებით და მწვანე ბალახის ნიუანსებით, ქმნის შესანიშნავად დაბალანსებულ ღვინოს. სრულსხეულიან, კომპლექსურ და მდიდარ გემოში იკვეთება წითელი კენკროვნების და ალუბლის არომატი შერწყმული პიტნის, სანელების და გახუხული პურის ტონებთან

ბრენდის ისტორია

კავკასიონისა და ცივ-გომბორის მთაგრეხილებს შორის, ალაზნის ზღაპრულ ველზე, მდებარეობს მეღვინეობის უძველესი რეგიონი – კახეთი, საკუთარი ენოლოგიური ტრადიციებით, ისტორიით, საქართველოში ყველაზე დიდი და მრავალფეროვანი მევენახეობის კონტროლირებადი ზონებითა და მაღალი ხარისხის ღვინის წარმოებისათვის იდეალური პირობებით. ალაზნის ველის ცენტრალურ ნაწილში მდებარეობს კახეთში სიდიდითა და მნიშვნელობით პირველი ქალაქი – თელავი. 1915 წელს სწორედ ამ ქალაქის მახლობლად, ჩრდილო-აღმოსავლეთით, დაარსდა თელავის ღვინის მარანი. საუკუნეზე მეტია, რაც ჩვენს მარანში ისტორია და ინოვაცია ერთმანეთთანაა გადაჯაჭვული. ვინარჩუნებთ რა კახეთის მეღვინეობის ტრადიციებისადმი ერთგულებას, ფეხს ვუწყობთ თანამედროვეობას და ჩვენს ისტორიულ გამოცდილებასთან მეღვინეობის უახლესი მეთოდების ადაპტაციით ვქმნით ღვინოებს, რომლებიც სიამოვნებას ანიჭებს ყველაზე დახვეწილი გემოვნების მქონე მომხმარებელს მსოფლიოს მრავალ ქვეყანაში. თელავის ღვინის მარანის ღვინოებში განსხეულებულია ქართული მეღვინეობა-მევენახეობის ინდივიდუალობა, მრავალსახეობა და ჩვენი მისწრაფება - საუკეთესოდ წარმოვაჩინოთ ადგილობრივი ყურძნის ჯიშების მრავლფეროვნების, კლიმატური პირობებისა და ნიადაგების გამორჩეული თანაფარდობა.