Marani Khvanchkara, სეპაჟი, წითელი ნახევრადტკბილი ღვინო.
44.00
₾მახასიათებლები
სპეციფიკაციები
აღწერა
დახასიათება
Marani Khvanchkara გახლავთ წითელი ნახევრადტკბილი ღვინო, დამზადებული ორი ქართული ჯიშის ყურძნისგან - ალექსანდროულისა და მუჯურეთულისგან. მის მკვეთრად გამოხატულ ჯიშურ არომატში დომინირებს ჟოლოს და ნუშის ტონები, ბუნებრივი არომატის, სიტკბოს და მჟავიანობის საოცარი შეხამება ღვინოს აძლევს სიხალისეს, რბილ და კონცენტრირებულ გემოს.
ბრენდის ისტორია
კავკასიონისა და ცივ-გომბორის მთაგრეხილებს შორის, ალაზნის ზღაპრულ ველზე, მდებარეობს მეღვინეობის უძველესი რეგიონი – კახეთი, საკუთარი ენოლოგიური ტრადიციებით, ისტორიით, საქართველოში ყველაზე დიდი და მრავალფეროვანი მევენახეობის კონტროლირებადი ზონებითა და მაღალი ხარისხის ღვინის წარმოებისათვის იდეალური პირობებით. ალაზნის ველის ცენტრალურ ნაწილში მდებარეობს კახეთში სიდიდითა და მნიშვნელობით პირველი ქალაქი – თელავი. 1915 წელს სწორედ ამ ქალაქის მახლობლად, ჩრდილო-აღმოსავლეთით, დაარსდა თელავის ღვინის მარანი. საუკუნეზე მეტია, რაც ჩვენს მარანში ისტორია და ინოვაცია ერთმანეთთანაა გადაჯაჭვული. ვინარჩუნებთ რა კახეთის მეღვინეობის ტრადიციებისადმი ერთგულებას, ფეხს ვუწყობთ თანამედროვეობას და ჩვენს ისტორიულ გამოცდილებასთან მეღვინეობის უახლესი მეთოდების ადაპტაციით ვქმნით ღვინოებს, რომლებიც სიამოვნებას ანიჭებს ყველაზე დახვეწილი გემოვნების მქონე მომხმარებელს მსოფლიოს მრავალ ქვეყანაში. თელავის ღვინის მარანის ღვინოებში განსხეულებულია ქართული მეღვინეობა-მევენახეობის ინდივიდუალობა, მრავალსახეობა და ჩვენი მისწრაფება - საუკეთესოდ წარმოვაჩინოთ ადგილობრივი ყურძნის ჯიშების მრავლფეროვნების, კლიმატური პირობებისა და ნიადაგების გამორჩეული თანაფარდობა.