Marani Kakheti, რქაწითელი, თეთრი მშრალი ღვინო.

დახასიათება

Marani Kakheti-ის დასამზადებლად იმწიფის პიკზე ყურძენი იკრიფება ხელით. კლერტგაცლილი ყურძენი მსუბუქად იწურება. დუღილი მიმდინარეობს დურდოზე 10-14 დღის განმავლობაში, უჟანგავ ფოლადის ცისტერნებში 16-20 °C -ზე კონტროლირებად ტემპერატურაზე, კახური წესის მიხედვით. დუღილი დასრულებისას ღვინო გადადის სხვა ცისტერნაში შემდგომი დაწმენდისათვის. როგორც წესი, ღვინო აქვს დაძველების რამოდენიმე წლიანი პოტენციალი. მის სასიამოვნო ხილის არომატში დომინირებს ვაშლისა და ნესვის ტონები, გემო კი არის სრულსხეულიანი, ზომიერად ძლიერი, მწიფე , ტანინებით. ხილის ჩირის გამოხატული არომატით და ხანგრძლივი, სურნელოვანი თანმდევი ფინიშით.

ბრენდის ისტორია

კავკასიონისა და ცივ-გომბორის მთაგრეხილებს შორის, ალაზნის ზღაპრულ ველზე, მდებარეობს მეღვინეობის უძველესი რეგიონი – კახეთი, საკუთარი ენოლოგიური ტრადიციებით, ისტორიით, საქართველოში ყველაზე დიდი და მრავალფეროვანი მევენახეობის კონტროლირებადი ზონებითა და მაღალი ხარისხის ღვინის წარმოებისათვის იდეალური პირობებით. ალაზნის ველის ცენტრალურ ნაწილში მდებარეობს კახეთში სიდიდითა და მნიშვნელობით პირველი ქალაქი – თელავი. 1915 წელს სწორედ ამ ქალაქის მახლობლად, ჩრდილო-აღმოსავლეთით, დაარსდა თელავის ღვინის მარანი. საუკუნეზე მეტია, რაც ჩვენს მარანში ისტორია და ინოვაცია ერთმანეთთანაა გადაჯაჭვული. ვინარჩუნებთ რა კახეთის მეღვინეობის ტრადიციებისადმი ერთგულებას, ფეხს ვუწყობთ თანამედროვეობას და ჩვენს ისტორიულ გამოცდილებასთან მეღვინეობის უახლესი მეთოდების ადაპტაციით ვქმნით ღვინოებს, რომლებიც სიამოვნებას ანიჭებს ყველაზე დახვეწილი გემოვნების მქონე მომხმარებელს მსოფლიოს მრავალ ქვეყანაში. თელავის ღვინის მარანის ღვინოებში განსხეულებულია ქართული მეღვინეობა-მევენახეობის ინდივიდუალობა, მრავალსახეობა და ჩვენი მისწრაფება - საუკეთესოდ წარმოვაჩინოთ ადგილობრივი ყურძნის ჯიშების მრავლფეროვნების, კლიმატური პირობებისა და ნიადაგების გამორჩეული თანაფარდობა.