ლოგუსგინი

LOGUSGYN
ლოგუსგინი
ვაგინალური სანთელი #10 2გ

ანოტაცია შეიცავს მნიშვნელოვან ინფორმაციას. გამოყენებამდე ყურადღებით უნდა მოხდეს ინსტრუქციის გაცნობა. პროდუქტი ინიშნება ექიმის დანიშნულებით და ასევე რეცეპტის გარეშე. მაქსიმალური ეფექტის მისაღწევად აუცილებელია გაითვალისწინონ მიღების წესი. დამატებითი ინფორმაციის მისაღებად უნდა მიემართოს მკურნალ ექიმს ან ფარმაცევტს.
შემადგენლობა: ნახევრადსინთეზური გლიცერიდი, ოსმოსური წყალი, კოლოიდური სილიციუმი, კალენდულას ცხიმშიხსნადი ექსტრაქტი, რძემჟავა ბაქტერიების ტინდალიზებული ნაკრები( Lactobacillus casei, Lactobacillus acidophilus, Lactobacillus plantarum, Streptoccocus Termophilus), გუარის მარცვლისგან მიღებული ნაწილობრივ ჰიდროლიზებული ბოჭკო, რძემჟავა, ვიტამინი E აცეტატი და ვიტამინი A პალმიტატი.

რას წარმოადგენს პროდუქტი ?
ლოგუსგინი წარმოადგენს ვაგინალურ სანთელს, რომელიც გამოიყენება ნებისმიერი წარმოშობის (პაპილომა ვირუსის ჩათვლით) ნებისმიერი გენეზის ვულვო-ვაგინალური პათოლოგიური სიმპტომის მკურნალობის სქემის ადუვანტურ კომპონენტს. ზემო აღნიშნულ სიმპტომებს მიეკუთვნება:წვა, ქავილი, ტკივილი საშოში, საშოს სიმშრალე, დისპარეუნია, დიზურია, ლეიკორეა, ვულვის შეშუპება, ვულვის ერითემა. ლოგუსგინის შემადგენლობა ხელს უწყობს საშოში პათოგენური მიკროორგანიზმების გამოვლენას. პარალელურად აქვს დამამშვიდებელი, ქავილის საწინააღმდეგო ეფექტი და აღადგენს ვაგინალურ PH-ს.

ჩვენებები: ბაქტერიული ვაგინოზი, მიკოზური ვულვოვაგინიტი, ვაგინიტი (ქლამიდიური, ჰერპესული, hpv-ით ინდუცირებული), საშოს ფლორის დარღვევა (ანტიბიოტიკოთერაპია ან ჰორმონალური დისბალანსი).

გამოყენების დრო და წესი: გამოიყენება დღეში ერთხელ მინიმუმ 5 დღე, უწყვეტი რეჟიმით, უმჯობესია ღამით, ძილის წინ. მკურნალობის ხანგრძლივობა დამოკიდებულია სიმპტომატიკაზე. საჭიროების შემთხვევაში კურსის ხანგრძლივობა შესაძლოა გაიზარდოს, თუმცა არ უნდა გადააჭარბოს 30 დღეს. გამოყენებამდე რეკომენდებულია ხელის დაბანა. ვაგინალური კაფსულა გამოყენებულ იქნას კოლოფიდან ამოღებისთანავე. კაფსულა უნდა მოთავსდეს საშოში მწოლიარე პოზიციაში გენიატლური ორგანოების ჰიგიენის შემდეგ. უმჯობესია მწოლიარე მდგომარეობის შენარჩუნება, რათა მოხდეს პრეპარატის სრული შეწოვა. ლოგუსგინის ვაგინალური სანთლის გამოყენებას შესაძლოა თან ახლდეს უსუნო, მოთეთრო გამონადენი საშოდან.

გაფრთხილება: პროდუქტი განკუთვნილია მხოლოდ ვაგინალური გამოყენებისთვის. არ გამოიყენება მენსტრუაციის დროს. სხვა პრეპარატებთან გამოყენების შესახებ უნდა მიემართოს მკურნალ ექიმს. არ არის კვლევა ჩატარებული პრეპარატის ორსულობის, ლაქტაციის პროცეში გამოყენების შესახებ. არ გამოიყენება პროდუქტი ვარგისიანობის ვადის გასვლის შემდეგ ან იმ შემთხვევაში თუ შეფუთვა დაზიანებულია. არ უნდა მოხდეს გადაყლაპვა. გადაყლაპვის შემთხვევაში უნდა მიემართოს მკურნალ ექიმს. უნდა მოარიდონ თვალთან კონტაქტს. თვალთან კონტაქტის შემთხვევაში დაუყოვნებლივ უნდა დაიბანონ. არ უნდა მოხდეს პროდუქტის გაყინვა.

ურთერთქმედება სხვა პრეპარატთან: დღეისათვის ლოგუსგინის ვაგინალურ სანთლებთან ასოცირებული გვერდითი მოვლენები არ არის აღწერილი.

უკუჩვენება: ლოგუსგინის ვაგინალურ სანთლებს სპეციფიური უკუჩვენებები არ აქვს . არ გამოიყენება ლოგუსგინის ვაგინალური სანთელი მასში შემავალი რომელიმე კომპონენტის მომატებული მგრძნობელობის ან აუტანლობის შემთხვევაში .

შესაძლო გვერდითი მოვლენები: გვერდითი მოვლენები არ არის აღწერილი პროდუქტის სწორად გამოყენების შემთვევაში. საშოს ლორწოვანის გაღიზიანების შემთხვევაში უნდა მიემართოს მკურნალ ექიმს.

შენახვის წესი: ინახება ბავშვებისათვის მიუწვდომელ, ცივ და მშრალ, სიცხის და მზის პირდაპირი სხივებისაგან დაცულ ადგილას. შენახვის ტემპერატურა არუმეტეს 25C. შეფუთვა : 10 ვაგინალური სუპოზიტორია (2გ) ორ ბლისტერად .

ვარგისიანობის ვადა: 36 თვე. ვარგისიანობის ვადა ვალიდურია იმ შემთვევაში, თუ შეფუთვა არ არის გახსნილი და შენახვის პირობები დაცულია. პროდუქტის ვარგისიანობა გარანტირებულია მხოლოდ იმ შემთხვევაში, თუ კოლოფის მთლიანობა არ არის დარღვეული.

MEDICAL DEVICE

ლოგუს ფარმა ს.რ.ლ. (LOGUS PHARMA s. r. l), სანმარინო.

ლოგუსგინის ოფიციალური იმპორტიორი საქართველოში შპს ენქეი ფარმა .