ლევომაგი-500 - Levomag-500 500მგ N30 ტაბლეტი

PSP

15.48

₾

21.50

₾

ფასის ჩანიშვნა

შემატყობინე ფასდაკლება

შენახვა

საყიდლების სიაში

მახასიათებლები

აღწერა

ლევომაგი-500

ლევოფლოქსაცინის ტაბლეტები U.S.P. 500 მგ

საერთაშორისო არაპატენტირებული (გენერიული) დასახელება:ლევოფლოქსაცინი

შემადგენლობა:

თითოეული აპკიანი გარსით დაფარული ტაბლეტი შეიცავს :

აქტიური სუბსტანცია (-ები):

ლევოფლოქსაცინის ჰემიჰიდრატი U.S.P.

ექვივალენტი ლევოფლოქსაცინი 500 მგ-ის

არააქტიური სუბსტანცია(ები):

მიკროკრისტალური ცელულოზა-30 მგ

სიმინდის სახამებელი-96.28 მგ

კოლოიდური სილიციუმის დიოქსიდი-5.5 მგ

ნატრიუმის კროსკამელოზა-23.75 მგ

ნატრიუმის მეთილპარაბენი-0.8 მგ

ნატრიუმის პროპილპარაბენი-0.2 მგ

ნატრიუმის სახამებლის გლიკოლატი-36 მგ

მაგნიუმის სტეარატი-15 მგ

გასუფთავებული ტალკი-20.00 მგ

გასუფთავებული წყალი-160 მგ

გარსი:

ჰიპრომელოზა (HPMC)- 7.55 მგ

დიქლორმეთანი-146მგ

ტიტანიუმის დიოქსიდი-2.45 მგ

გასუფთავებული ტალკი-2.0 მგ

იზოპროპილის სპირტი-73 მგ

პოლიეთილენის გლიკოლი 6000-2.4 მგ

ფერი რკინის წითელი ოქსიდი -0.6 მგ

ასევე, იხილეთ : >Levoximed - ლევოქსიმედი 500მგ 7 ტაბლეტი

ფარმაკოლოგიური კლასიფიკაცია: ანტიბაქტერიული საშუალებები სისტემური გამოყენებისთვის, ფტორქინოლონები

ფარმაკოლოგიური მოქმედება: ლევოფლოქსაცინი არის ფტორქინოლონის ქიმიური ჯგუფის ფართო სპექტრის ბაქტერიციდული საშუალება. და არის ოფლოქსაცინის რაცემიული (-)- S(-) ენანტიომერი.

მოქმედების მექანიზმი:

ლევოფლოქსაცინის ბაქტერიციდული მოქმედება გამომდინარეობს ფერმენტ დნმ-გირაზას კომპლექსსა და ტოპოიზომერაზა IV ინტერფერენციით, რაც საჭიროა დნმ-ის რეპლიკაციისათვის, ტრანსკრიპციის, აღდგენის და რეკომბინირებისათვის.

ლევოფლოქსაცინი In vitro არის ბაქტერიციდული. In vitro ავლენს ჯვარედინ რეზისტენტულობას ლევოფლოქსაცინსა და სხვა ფტორქინოლონებს შორის. მოქმედების მექანიზმიდან გამომდინარე, ზოგადად არ არსებობს არანაირი ჯვარედინი რეზისტენტულობა ლევოფლოქსაცინსა და ანტიბაქტერიული საშუალებების სხვა ჯგუფებს შორის.

ლევოფლოქსაცინის ანტიბაქტერიული სპექტრი მოიცავს გრამ-დადებითი და გრამ-უარყოფით ბაქტერიებს. ლევოფლოქსაცინი შეიძლება გამოყენებულ იქნას წარმატებით შემდეგი მიკროორგანიზმების მიმართ:

გრამ-უარყოფითი მიკროორგანიზმები: Acinetobacter calcoaceticus, Enterobacter cloacae, Escherichia coli, Haemohilus influenza, Haemophilus parainfluenzae, Klebsiella pneumonia, Moraxella catarrhalis, Proteus mirabilis და Pseudomonas aeruginosa.

გრამ-დადებითი მიკროორგანიზმები: Staphylococcus aureus, Streptococcus faecalis, Streptococcus pneumnia და streptococcus pyogene.

სხვა მიკროორგანიზმები: Chlamydia pneumonia, Legionella pneumophila და Mycoplasma pneumoniae.

ფარმაკოკინეტიკა:

შეწოვა:

პერორალური მიღების შემდეგ, ლევოფლოქსაცინი სწრაფად და თითქმის ბოლომდე შეიწოვება პლაზმაში და პიკურ კონცენტრაციას აღწევს 1 საათის მანძილზე. საკვების მიღებას ლევოფლოქსაცინზე მინიმალური ეფექტი აქვს და ტაბლეტები შეიძლება მიღებულ იქნას საკვებთან ერთად ან საკვების გარეშე. აბსოლუტური ბიოშეღწევადობა არის 100%.

გავრცელება, მეტაბოლიზმი და გამოყოფა:

ლევოფლოქსაცინი დაახლოებით 30-40% შრატის პროტეინებს უკავშირდება. მდგრადი კონცენტრაცია მიიღწევა სამ დღეში.

ლევოლოქსაცინი მცირე ხარისხით მეტაბოლიზდება არააქტიურ მეტაბოლიტებად - დესმეთილევოფლოქსაცინი და ლევოფლოქსაცინ-N-ოქსიდი.

ლევოფლოქსაცინის ნახევარდაშლის პერიოდი არის 6-8 საათში პერორალური და ინტრავენური მიღების შემდეგ. ლევოფლოქსაცინი გამოიყოფა უცვლელი სახით, უპირველესად კი თირკმლების საშუალებით.

გავრცელება ქსოვილებსა და სითხეებში:

ლევოფლოქსაცინი აღწევს ფილტვის ქსოვილში, ძვლოვან ქსოვილში, ბრონქიალურ ლორწოვანში, ეპითელიალურ სითხესა და ბუშტუკოვან სითხეში.

თერაპიული ჩვენებები:

ლევომაგი-500 ნაჩვენებია მოზრდილებში შემდეგი ინფექციების სამკურნალოდ:

• მწვავე ბაქტერიული სინუსიტი

• ცისტიტი გართულების გარეშე

• ფილტვების ქრონიკულ ობსტრუქციული დაავადების გამწვავება ბრონქიტის ჩათვლით

• კანისა და რბილი ქსოვილების გართულებული ინფექციები/კანის გართულებული და კანის სტრუქტურის ინფექციები.

ზემოაღნიშნული ინფექციების დროს ლევომაგი-500 ტაბლეტები გამოყენებული უნდა იქნას მხოლოდ მაშინ, როდესაც არასათანადოდ არის მიჩნეული სხვა ანიბაქტერიული საშუალებების გამოყენება, რომლებიც ჩვეულებრივ რეკომენდებულია ამგვარი ინფექციების სამკურნალოდ.

• მწვავე პიელონეფრიტი და საშარდე გზების გართულებული ინფექციები

• ქრონიკული ბაქტერიული პროსტატიტი

• საზოგადოებაში შეძენილი პნევმონია

• ინჰალაციური ჯილეხი: ექსპოზიციის შემდგომი პროფილაქტიკა და მკურნალობა.

ლევომაგი-500 ტაბლეტები ასევე შეიძლება გამოყენებულ იქნას თერაპიის კურსის დასასრულებლად იმ პაციენტებში, რომლებმაც აჩვენეს გაუმჯობესება ინტრავენური ლევოფლოქსაცინის გამოყენებით საწყისი მკურნალობის დროს.

გასათვალისწინებელია ოფიციალური მითითებები ანტიბაქტერიული საშუალებების სათანადო გამოყენების შესახებ.

უკუჩვენებები:

ლევომაგი არ უნდა იქნას გამოყენებული:

· პაციენტებში, რომლებსაც გააჩნიათ ჰიპერმგრძნობელობა ლევოფლოქსაცინის ან სხვა ქინოლონების, ან სხვა შემადგენელი კომპონენტების მიმართ;

· ეპილეფსიის მქონე პაციენტებში;

· პაციენტებში, რომელთაც ანამნეზშიც აქვთ მყესების დაზიანება დაკავშირებული ფტორქინოლონის მიღებასთან;

· ბავშვებში ან მოზარდებში (18 წლამდე ასაკი);

· ორსულობა, ლაქტაციის პერიოდში.

სიფრთხილით:

ლევომაგის გამოყენება დაუშვებელია 18 წლამდე ასაკის პაციენტებში.

დიდი სიფრთხილე გვმართებს ლევომაგის გამოყენებისას პაციენტებში:

· მიდრეკილი გულყრებისკენ, პაციენტებში რომელთაც აღენიშნებათ ცენტრალური ნერვული სისტემის დაზიანება;

· რომლებიც გადიან მკურნალობას ფენბუფენით ან ანთების საწინააღმდეგო არასტეროიდული მედიკამენტებით;

· რომლებიც ღებულობენ მედიკამენტებს, რომლებიც ამცირებენ ცერებრალური გულყრის აღმოცენების ზღურბლს, როგორიც არის თეოფილინი;

· რომლებიც მართავენ ავტომობილს ან ამუშავებენ მანქანა-დანადგარებს, რადგანაც ლევომაგის გამოყენებამ შესაძლოა გავლენა იქონიოს ავტომანქანის მართვის ან მანქანა-დანადგარებზე მუშაობის უნარზე;

· რომლებიც შემოწმებას გადიან ტუბერკულოზზე, რადგანაც ლევომაგი აფერხებს Mycobacterium tuberculosis ზრდას და მაშასადამე შესაძლოა მივიღოთ ცრუ - უარყოფითი შედეგები ტუბერკულოზის ბაქტერიოლოგიური დიაგნოზის დასმისას;

· მგრძნობიარეა ულტრაიისფერ სინათლეზე, როგორიცაა მზის სინათლე ფანჯრიდან ან „ა“ სპექტრის გრძელ ტალღოვანი ულტრაიისფერი სხივები გარუჯვისას, რათა აღიკვეთოს ფოტომგრძნობელობა.

წამლებთან ურთიერთქმედება:

ლევომაგის აბსორბცია მნიშვნელოვნად მცირდება რკინის მარილებთან, ანტაციდებთან და სუკრალფატებთან ერთდროული მიიღებისას. ამიტომ, რეკომენდებულია არ მიიღოთ რკინის მარილების, სუკრალფატის, მაგნიუმის ან ალუმინის შემცველი ანტაციდების პრეპარატები ლევომაგას მიღებამდე 2 საათით ადრე ან მის შემდეგ.

ლევომაგი ცნობილია, როგორც ღვიძლში მედიკამენტის მეტაბოლიზმის ინჰიბიტორი და შეუძლია იმოქმედოს მედიკამენტების კლირენსზე, როგორიცაა თეოფილინი, ფენბუფენი ან მსგავსი ანთების საწინააღმდეგო არასტეროიდული მედიკამენტები, როლებიც ამცირებენ გულყრების განვითარების ზღურბლს.

ორსულობა და ლაქტაციის პერიოდი:

ორსულობის და ლაქტაციის პერიოდში ლევომაგის გამოყენება უკუნაჩვენებია.

დოზირება და მიღების წესი :

ლევომაგი მიიღება ერთხელ ან ორჯერ დღეში 250 ან 500 მგ დოზით. დოზა დამოკიდებულია პათოგენის ტიპზე და ინფექციის სიმძიმეზე. ლევომაგის გამოყენება გრძელდება მინიმუმ 48-72 საათის განმავლობაში ბაქტერიული ინფექციის აღმოფხვრიდან. თერაპიის ხანგრძლივობა განსხვავდება ინფექციის ტიპის და მისი მიღების კურსის მიხედვით.

შემდეგი დღიური დოზებია რეკომენდებული ლევომაგის მიღებისას :

რეკომენდებული დღიური დოზა პაციენტებში, რომელთაც შენარჩუნებული აქვთ თირკმლის ფუნქცია:

ბრონქიტი, ბაქტერიული გენეზის გამწვავება - 500 მგ ერთხელ დღეში 5-10 დღე.

არაჰოსპიტალური პნევმონია - 500 მგ ერთხელ ან ორჯერ დღეში 10-14 დღე (უფრო მაღალი დოზა ნაჩვენებია სხვა ფაქტრორების თანაარსებობისას, როგორიცაა ხანდაზმული ასაკი, სხვა თანმხლები დაავადებები).

სინუსიტი - 500 მგ ერთხელ დღეში 10-14 დღე.

საშარდე გზების (გართულებული) ინფექციები და მწვავე პიელონეფრიტი -250 მგ ერთხელ დღეში 10 დღე.

საშარდე გზების (გაურთულებელი) ინფექციები ქალებში - 250 მგ ერთხელ დღეში 3 დღე.

კანისა და რბილი ქსოვილების გაურთულებელი ინფექციები - 250 – 500 მგ ერთხელ დღეში 7-10 დღე.

კანისა და რბილი ქსოვილების გართულებული ინფექციები - 500 მგ ერთხელ დღეში 10-14 დღე.

ინტრააბდომინალური ინფექციები - 500 მგ ერთხელ დღეში 10-14 დღე კომბინაციაში სხვა ანაერობული ფლორის მომცველ ანტიბიოტიკთან ერთად.

სხვა ინფექციები ბაქტერემიის ან სეპტიცემიის არსებობისას - 500 მგ ორჯერ დღეში - 10-14 დღე.

დღიური დოზა პაციენტებში, რომელთაც აქვთ დარღვეული თირკმლის ფუნქცია:

დოზირება უნდა იყოს შერჩეული თირკმლის დისფუნქციის ხარისხის მიხედვით (კრეატინინის კლირენსი <50 მლ/წთ).
პაციენტებს, რომელთაც კრეატინინის კლირენსი აქვთ 20-50 მლ/წთ:
პაციენტებს, რომელთაც ჩვეულებრივ სჭირდებათ 250 ან 500 მგ დოზა დღეში ერთხელ: ნორმალური დოზა მიეცემა საწყის ეტაპზე და შემდეგ მცირდება ნახევრამდე, რომელიც მიიღება დღეში ერთხელ.

პაციენტები, რომლებიც ნორმაში საჭიროებენ 500 მგ ორჯერ დღეში: საწყისი დოზაა 500 მგ და შემდეგ კი 250 მგ 12 საათში ერთხელ.

პაციენტებში კრეატინინის კლირენსით 10 და 19 მლ/წთ:
პაციენტები, რომლებიც ჩვეულებრივ საჭიროებენ 250 მგ ერთხელ დღეში: საწყის ეტაპზე ინიშნება 250 მგ და შემდეგ 125 მგ ყოველ 48 საათში .

პაციენტები, რომლებიც ჩვეულებრივ საჭიროებენ 500 მგ ერთხელ დღეში: საწყისი დოზაა 500 მგ და შემდეგ კი 125 მგ ყოველ 24 საათში ერთხელ.

პაციენტები, რომლებიც საჭიროებენ 500 მგ ორჯერ დღეში: საწყისი დოზაა 500 მგ და შემდეგ კი 125 მგ ყოველ 12 საათში ერთხელ.

პაციენტებში კრეატინინს კლირენსით <10 მლ/წთ ან ჰემოდიალიზზე ან CAPD-ზე (უწყვეტი პერიტონეალური დიალიზი ამბულატორიულ პირობებში) მყოფ პაციენტებში:

პაციენტები, რომლებიც ჩვეულებრივ საჭიროებენ 250 მგ ერთხელ დღეში: მიეცემა საწყის ეტაპზე 250 მგ და შემდეგ 125 მგ ყოველ 48 საათში.

პაციენტები რომლებიც საჭიროებენ 500 მგ ორჯერ დღეში: საწყისი დოზაა 500 მგ და შემდეგ კი 125 მგ ყოველ 24 საათში ერთხელ.

დოზის ცლილება არ არის საჭირო ხანდაზმულებში და პაციენტებში, რომელთაც აღენიშნებათ ღვიძლის დისფუნქცია.

გვერდითი ეფექტები:

ქვემოთ მოცემული ინფორმაცია ეფუძნება კლინიკური კვლევების მონაცემებს 8300-ზე მეტი პაციენტის მონაწილეობით და ფართო პოსტმარკეტინგულ გამოცდილებას.

არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირად (≥1/10); ხშირად (≥1/100- <1/10); არახშირად (≥1/1000- <1/100); იშვიათად (≥1/10000- <1/1000); ძალიან იშვიათად (<1/10 000), სიხშირე უცნობია (არსებული მონაცემებით შეფასება შეუძლებელია).

თითოეულ ჯგუფში განვითარების სიხშირის მითითებით, არასასურველი რეაქციები წარმოდგენილია სიმძიმის ხარისხის კლების მიხედვით.

სისტემის ორგანოთა კლასი	ხშირად (≥1/100- <1/10)	არახშირად (≥1/1 000- <1/100)	იშვიათად (≥1/10 000-<1/1 000)	სიხშირე უცნობია (არსებული მონაცემებით შეფასება შეუძლებელია).
ინფექციური და პარაზიტული დაავადებები		სოკოვანი ინფექციები, მათ შორის Candida-ს მიერ გამოწვეული ინფექციები, პათოგენების მიმართ რეზისტენტობის განვითარება.
სისხლის და ლიმფური სისტემის მხრივ		ლეიკოპენია ეოზინოფილია	თრომბოციტოპენია ნეიტროპენია	პანციტოპენია აგრანულოციტოზი ჰემოლიზური ანემია
იმუნური სისტემის მხრივ			ანგიონევროზული შეშუპება ჰიპერმგრძნობელობა	ანაფილაქსიური შოკი ^a ანაფილაქტოიდური შოკი^a.
ენდოკრინული სისტემის მხრივ			ანტიდიურეზული ჰორმონის (SIADH) არაადეკვატური სეკრეციიგასკდოს სინდრომი
ნივთიერებათა ცვლის და კვების მხრივ		ანორექსია	ჰიპოგლიკემია, განსაკუთრებით შაქრიანი დიაბეტის მქონე პაციენტებში,	ჰიპერგლიკემია ჰიპოგლიკემიური კომა
ფსიქიკის მხრივ*	უძილობა	შფოთვა ცნობიერების არევა ნერვოზულობა	ფსიქოზური დარღვევები (მაგალითად, ჰალუცინაციები, პარანოია) დეპრესია აჟიტაცია ძილის დარღვევა ღამის კოშმარები დელირიუმი	ფსიქოტური დარღვევები, რომელსაც თან ახლავს საკუთარი თავის დაზიანების მცდელობები, მათ შორის სუიციდური აზრები ან თვითმკვლელობის მცდელობები
ნერვული სისტემის მხრივ*	თავის ტკივილი თავბრუსხვევა	ძილიანობა ტრემორი დისგევზია	კრუნჩხვები პარესთეზია მეხსიერების დარღვევა	პერიფერიული სენსორული ნეიროპათია პერიფერიული სენსომოტორული ნეიროპათია პაროსმია, მათ შორის ანოსმია დისკინეზია ექსტრაპირამიდული დარღვევები აგევზია გონების დაკარგვა კეთილთვისებიანი ქალასშიდა ჰიპერტენზია
მხედველობის ორგანოს მხრივ*			მხედველობის დარღვევა, მაგალითად, მხედველობის დაბინდვა;	მხედველობის გარდამავალი დაკარგვა უვეიტი
სმენის და წონასწორობის ორგანოს მხრივ*		ვერტიგო	ტინიტუსი	სმენის დაკარგვა სმენის დარღვევა
გულის მხრივ**			ტაქიკარდია პალპიტაცია	პარკუჭოვანი ტაქიკარდია , შეიძლება გამოიწვიოს გულის გაჩერება პარკუჭოვანი არითმია, "პირუეტის" ტიპის პარკუჭოვანი ტაქიკარდია (უპირატესად აღინიშნება QT ინტერვალის გახანგრძლივების რისკ- ფაქტორების მქონე პაციენტებში), QT ინტერვალის გახანგრძლივება ელექტროკარდიოგრამაზე (ეკგ).
სისხლძარღვების მხრივ**			ჰიპოტენზია
სასუნთქი სისტემის, გულმკერდის და შუასაყრის ორგანოების მხრივ		ქოშინი		ბრონქოსპაზმი ფილტვების ალერგიული დაავადებები
კუჭ-ნაწლავის ტრაქტის მხრივ	დიარეა გულისრევა ღებინება	მუცლის ტკივილი დისპეფსია მეტეორიზმი ყაბზობა;		ჰემორაგიული დიარეა , ძალიან იშვიათ შემთხვევებში, ეს შეიძლება იყოს ენტეროკოლიტის, განსაკუთრებით ფსევდომემბრანული კოლიტის ნიშანი პანკრეატიტი
ღვიძლის და სანაღვლე გზების მხრივ	ღვიძლის ფერმენტების დონის მომატება (ალანინამინოტრანსფერაზას(ALT)/ასპარტატამინოტრანსფერაზას (AST), ტუტე ფოსფატაზას, γ-გლუტამილტრანსფერაზას)	სისხლში ბილირუბინის დონის მომატება		სიყვითლე და ღვიძლის მძიმე დაზიანება, მათ შორის ღვიძლის მწვავე უკმარისობის განვითარების შემთხვევები ლეტალური გამოსავალით, ძირითადად მძიმე ძირითადი დაავადების მქონე პაციენტებში ჰეპატიტი
კანის და კანქვეშა ქსოვილების მხრივ^b:		გამონაყარი კანზე ქავილი ჭინჭრის ციება ჰიპერჰიდროზი	წამლისმიერი რეაქცია ეოზინოფილიასთან და სისტემურ სიმპტომებთან ერთად მდგრადი წამლისმიერი გამონაყარი	ტოქსიკური ეპიდერმული ნეკროლიზი სტივენს-ჯონსონის სინდრომი მულტიფორმული ერითემა ფოტოსენსიბილიზაციის რეაქციები ლეიკოციტოკლასტური ვასკულიტი სტომატიტი
ჩონჩხ-კუნთოვანი და შემაერთებელი ქსოვილის მხრივ*		ართრალგია მიალგია	მყესების დაზიანება, მათ შორის ტენდინიტი, მაგ. აქილევსის მყესის) კუნთების სისუსტე , განსაკუთრებით მიასთენის მქონე პაციენტებში	რაბდომიოლიზი მყესების გაწყვეტა (მაგალითად, აქილევსის მყესის) იოგების გაწყვეტა, კუნთების გაწყვეტა ართრიტი.
თირკმელების და საშარდე გზების მხრივ		შრატში კრეატინინის დონის მომატება	თირკმლის მწვავე უკმარისობა (მაგალითად, ინტერსტიციული ნეფრიტის განვითარების გამო).
ზოგადი დარღვევები და დარღვევები შეყვანის ადგილას*		ასთენია	ცხელება	ტკივილი (განსაკუთრებით ზურგის, გულმკერდისა და კიდურების ტკივილი).

^aანაფილაქსიური და ანაფილაქტოიდური რეაქციები ზოგჯერ შეიძლება განვითარდეს პირველი დოზის მიღების შემდეგ.

^b კანის და კანქვეშა ქსოვილის მხრივ რეაქციები ზოგჯერ შეიძლება გავნითარდეს პირველი დოზის მიღების შემდეგ.

* მიღებულია შეტყობინებები ხანგრძლივი (თვეების ან წლების განმავლობაში მიმდინარე), დამაინვალიდებელი, პოტენციურად შეუქცევადი, სერიოზული წამლისმიერი არასასურველი რეაქციების განვითარების ძალიან იშვიათი შემთხვევების შესახებ, რომლებიც ეხება ადამიანის ორგანიზმის სხვადასხვა, ზოგჯერ რამდენიმე სისტემას და გრძნობათა ორგანოებს (მათ შორის ისეთი არასასურველი რეაქციები, როგორიც არის ტენდინიტი, მყესების გაწყვეტა, ართრალგია, ტკივილი კიდურებში, სიარულის დარღვევა, პარესთეზიასთან დაკავშირებული ნეიროპათიები, დეპრესია, დაღლილობა, მეხსიერების, ძილის, სმენის, მხედველობის, გემოს და ყნოსვის დარღვევა), რომლებიც ურთიერთკავშირშია ქინოლონების და ფტორქინოლონების გამოყენებასთან, ზოგიერთ შემთხვევაში, წინმსწრები რისკ-ფაქტორების არსებობისაგან დამოუკიდებლად.

** პაციენტებში, რომლებიც იღებდნენ ფტორქინოლონებს დაფიქსირებულია ანევრიზმის და აორტის განშრევების შემთხვევები, ზოგჯერ გასკდომით გართულებული (ლეტალური გამოსავლის ჩათვლით) და ასევე გულის რომელიმე სარქვლის რეგურგიტაცია/უკმარისობა.

სხვა შესაძლო არასასურველი რეაქციები, რომლებიც დაკავშირებულია ყველა ფტორქინოლონთან:

-პორფირიის შეტევები იმ პაციენტებში, რომელთაც უკვე აქვთ აღნიშნული დაავადება.

შეტყობინება გვერდითი რეაქციების შესახებ

მიმართეთ თქვენს ექიმს, თუ გაქვთ რომელიმე გვერდითი მოვლენა.

ასევე მიმართეთ ექიმს, თუ შეამჩნევთ სხვა გვერდით მოვლენებს, რომლებიც არ არის ჩამოთვლილი ინსტრუქციაში.

სამკურნალო საშუალების მიღებაზე ნებართვის შემდეგ მნიშვნელოვანია შეატყობინოთ ნებისმიერი გვერდითი რეაქციის შესახებ.

ეს საშუალებას იძლევა სამკურნალო საშუალების სარგებლის/რისკის ბალანსის მუდმივ მონიტორინს.

დოზის გადაჭარბების სიმპტომები და მისი მკურნალობა

ცხოველებზე ჩატარებული ცდების საფუძველზე დადგინდა, რომ ყველაზე გავრცელებული გვერდითი რეაქციები ლევომაგის გადაჭარბებული დოზის მიღებისა არის ცენტრალური ნერვული სისტემის მხრივ სიმპტომები, როგორიცაა კონფუზია, თავბრუხვევა, გონების არევა და კონვულსიური შეტევები. გადაჭარბებული დოზის მკურნალობა არის სიმპტომატური.ლევომაგი არ იკრძალება ჰემოდიალიზის და პერიტონეალური დიალიზის დროს.

გამოტოვებული დოზა:

თუ დოზა გამოტოვეთ, უნდა მიიღოთ როგორც კი გაგახსენდებათ. თუ მომდევნო დოზის დრო ახლოვდება, დავიწყებული დოზა უნდა გამოტოვოთ. არ გააორმაგოთ დოზა გამოტოვებული დოზის ხარჯზე.

ვარგისობის ვადა:

3 წელი. ვარგისობის ვადის ამოწურვის შემდეგ ფარმაცევტული პროდუქტის გამოყენება აკრძალულია.

შენახვის პირობები:

შეინახეთ გრილ ადგილას 30°C-ზე ნაკლებ ტემპერატურაზე. დაიცავით მზის პირდაპირი სხივებისგან. შეინახეთ ბავშვებისათვის მიუწვდომელ ადგილას. ვიზუალური დათვალიერების შედეგად აღმოჩენილი დეფექტის შემთხვევაში პრეპარატის მიღება დაუშვებელია.

სტანდარტული შეფუთვა:

500 მგ 10 ტაბლეტი შეფუთულია ალუ-პვს ბლისტერში .სამი ბლისტერი მოთავსებულია დაბეჭდილი მუყაოს კოლოფში, სამედიცინო გამოყენების ინსტრუქციასთან ერთად.

გამოყენებამდე ყურადღებით გაეცანით თანდართულ ინსტრუქციას.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.