ლენირეფი - Leniref 15მლ 24 პაკეტი

ლენირეფი 

გამოყენების ჩვენებები

ლენირეფი სამედიცინო დევაისი დაფუძნებული მაგნეზიუმ ალგინატზე,მუკოსეივი,კალციუმ კარბონატი და კალიუმის ბიკარბონატი.

ლენირეფი ნაჩვენებია სიმპტომური მკურნალობისთვის გასტროეზოფაგური რეფლუქსისა და თანმდევი სიმპტომების,როგორიცაა გულძმარვა, ეზოფაგიტი, მჟავას რეგურგიტაცია.

ლენირეფი ასევე ნაჩვენებია ლარინგოფარინგეალური რეფლუქსისა და მასთან ასოცირებული სიმპტომების დროს, როგორიცაა : ხმის ცვლილება, მშრალი ხველა,უცხო სხეულის შეგრძნება ყელში, ყლაპვის გაძნელება და ზედა სასუნთქი გზების გაღიზიანება.

უკუჩვენებები და გამოყენების შეზღუდვები

არ გამოიყენება ლენირეფში შემავალ რომელიმე კომპონენტზე ჰიპერსენსიტიურობის შემთხვევაში,პერფორაციისა ან/და გასტროინტენსტინური ობსტრუქციისას.

არ გამოიყენება 12 წლამდე ბავშვებში,ექიმის დანიშნულების გარეშე.

შემადგენლობა

ყოველი 15მლ-იანი პაკეტი შეიცავს: მაგნეზიუმის ალგინატი 500მგ, მუკოსეივი პლუს HC (ოპუნცია ფიკუს ინდიკა,ზეთისხილი,მალტოდექსტრინი)  120მგ, კალციუმის კარბონატი 160 მგ, კალიუმის ბიკარბონატი 80 მგ. შემავსებლები: დისტილირებული წყალი,თეთრი მსხლის ექსტრაქტი,პროპილ სოდიუმ P-ოქსი-ბენზოატი,მეთილ სოდიუმ P-ოქსი-ბენზოატი, კარბოპოლ 974,სუკრალოზა,კალიუმ ჰიდროქსიდი.

მოქმედების მექანიზმი

ლენირეფი მოქმედებს შემდეგი მექანიზმებით :

1) ბარიერული ეფექტი,მოქმედებს, როგორც ე.წ  “ტივტივა”,ახდენს კუჭის შიგთავსის საყლაპავისკენ გადაადგილების პრევენციას. კარბონატის შეკავშირება მარილმჟავასთან ათავისუფლებს CO2-ს, კარბონის დიოქსიდს,რომელიც აბსორბირდება ალგინატის მიერ, იწვევს მის ფუშინგს ზედა მიმართულებით, ნაერთი ექცევა კუჭის შიგთავსის თავზე, რაც ქმნის ბარიერულ ეფექტს. შედეგად,ეს მექანიზმი ახდენს კუჭის მჟავა კონტენტისა და საკვების  მოხვედრის პრევენციას  ეზოფაგურ ტრაქტში.ხდება  საყლაპავის კედლებზე მჟავას ექსპოზიციის თავიდან არიდება. 

2) ალკალიზაცია, მოქმედებს, როგორც ბუფერი კუჭის მჟავიანობის მომატებისას

3) გასტროეზოფაგური და ლარინგოფარინგეალური ლორწოვანი გარსის დაცვა

ლენირეფის მუკოადჰეზიური თვისებები გულისხმობს : ახდენს წვის და ტკივილის სიმპტომთა რედუქციას, ხელს უწყობს განკურნების პროცესს ფიზიკურ/მექანიკური მუკოადჰეზიური მექანიზმებით. 

შეფუთვის ფორმა

თითოეული ყუთი შეიცავს 14 პაკეტს - 15 მლ

თითოეული ყუთი შეიცავს 20 პაკეტს - 15 მლ

თითოეული ყუთი შეიცავს 24 პაკეტს - 15 მლ

გამოყენების მეთოდი

გახსენით შეფუთვა პაკეტზე მითითებულ ჭრის ხაზზე და მიიღეთ პრეპარატი პერორალურად, წყლის ან სხვა სითხის დამატების გარეშე.

დოზირება და მიღების დრო

მოზრდილები და მოზარდები 12 წლიდან :

1 პაკეტი ჭამის შემდეგ და 1 პაკეტი საღამოს, დაძინებამდე. 

შემდეგი მიღება შესაძლებელია დაძინებამდე ან დღის განმავლობაში ექიმის რეკომენდაციის მიხედვით.

არ გამოიყენოთ ლენირეფი უწყვეტად 30 დღეზე მეტი ხანგრძლივობით.

მკურნალობის კურსის შემდეგ სიმპტომების პერსისტირების შემთხვევაში მიმართეთ ექიმს.

ურთიერთქმედება სხვა პრეპარატებთან

პრეპარატის ბლანტი კონსისტენციიდან გამომდინარე,შეიძლება შეაფერხოს ან შეამციროს სხვა პრეპარატების აბსორბცია ერთდროულად მიღების შემთხვევაში. მკურნალობის დაწყებამდე აუცილებელია ექიმთან კონსულტაცია,განსაკუთრებით მაშინ, როცა ხდება ჩასახვის საწინააღმდეგო აბების ან სიცოცხლის შემანარჩუნებელი პრეპარატების მიღება. 

პრეპარატი არ არის უკუნაჩვენები შემდეგ ფარმაცევტულ პროდუქტებთან კომბინაციაში,როგორიცაა,ომეპრაზოლი,ციმეტიდინი ან ცისაპრიდი.

გვერდითი მოვლენები

გარდა ინდივიდუალური აუტანლობის შემთხვევებისა თერაპიულ დოზებში გამოყენებისას,გვერდითი მოვლენები არ გამოვლენილა,გარდა ზომიერი,გარდამავალი  გულისრევისა და კონსტირპაციისა.

შენახვის პირობები

გამოყენების ვადა დატანილია შეფუთვაზე,რელევანტურია პროდუქტის გაუხსნელ მდგომარეობაში და შესაბამის პირობებში შენახვის შემთხვევაში.

არ გამოიყენოთ პრეპარატი ვადის გასვლის შემდეგ ან დაზიანებული შეფუთვის შემთხვევაში.

პრეპარატი შეინახეთ  მშრალ,გრილ,მზის სხივებისგან და  მაღალი ტემპერატურისგან დაცულ ადგილას. 

გაფრთხილება

შეინახეთ ბავშვებისგან მიუწვდომელ ადგილას. ლენირეფი არ არის მოწოდებული 12 წლამდე ასაკის ბავშვებში.

არ გამოიყენოთ პროდუქტი ჰერმენტულობის დარღვევის შემთხვევაში.

გამოყენებამდე კონსულტაციისთვის მიმართეთ ექიმს. 

ორსულობისას,ლაქტაციისას გამოყენებამდე მიმართეთ ექიმს. 

არ გადააჭარბოთ დოზის ნორმას,რათა თავიდან იქნას აცილებული კონსტირპაცია და დიარეა.

ლენირეფი უკუნაჩვენებია ქრონიკული კონსტირპაციის ან დიარეის,თირკმელების დაავადების ან ქრონიკული გულის უკმარისობის შემთხვევაში

ლენირეფის გამოყენებამდე შეამოწმეთ პრეპარატის მოქმედების ვადა. 

ვადაგასული პროდუქტი უნდა განადგურდეს შესაბამისი სტანდარტების დაცვით, არ უნდა მოხვდეს გარემოში.