კრალექსი - Cralex 200მგ 50 კაფსულა

კრალექსი მყარი კაფსულები

აქტიური ნახშირი (აქტივირებული ნახშირი)

პრეპარატის მიღებამდე სრულად და ყურადღებით გაეცანით ინსტრუქციას, ვინაიდან ის შეიცავს თქვნთვის მნიშვნელოვან ინფორმაციას. 

ყოველთვის მიიღეთ ეს სამკურნალო საშუალება ისე როგორც აღწერილია ამ ინსტრუქციაში ან თქვენი ექიმის ან ფარმაცევტის დანიშნულების შესაბამისად. 

· შეინახეთ ეს ინსტრუქცია. შეიძლება დაგჭირდეთ მისი გადაკითხვა.

· დამატებითი ინფორმაციის ან რჩევის მისაღებად მიმართეთ ფარმაცევტს.

· ნებისმიერი გვერდითი ეფექტის განვითარების შემთხვევაში მიმართეთ თქვენს ექიმს, ფარმაცევტს ან მედდას. აღნიშნული ეხება ისეთ გვერდით მოვლენას რომელიც არ არის ნახსენები ამ ინსტრუქციაში. იხ. პუნქტი 4.

· მკურნალობის 3 დღის განმავლობაში სიმპტომების გაუარესების ან კლინიკური გაუმჯობესების არარსებობის შემთხვევაში დაუკავშირდით ექიმს.

რას შეიცავს ეს ინსტრუქცია:

1.   რა არის კრალექსის მყარი კაფსულები (შემდგომში კრალექსის კაფსულები) და რისთვის გამოიყენება

2.   რა უნდა იცოდეთ კრალექსის კაფსულების მიღებამდე

3.   როგორ მივიღოთ კრალექსის კაფსულები

4.   შესაძლო გვერდითი ეფექტები

5.   როგორ შევინახოთ კრალექსის კაფსულები

6.   შეფუთვის შიგთავსი და დამატებითი ინფორმაცია

1.   რა არის კრალექსის კაფსულები და რისთვის გამოიყენება

კრალექსის კაფსულა შეიცავს აქტიურ ნივთიერებას, რომელსაც ეწოდება აქტიური ნახშირი (აქტივირებული ნახშირი). სამკურნალო პროდუქტი გამოიყენება მსუბუქი ფაღარათის სამკურნალოდ. მისი აქტიური კომპონენტი არის მცენარეული წარმოშობის აქტიური ნახშირი, რომელიც შეიწოვს საჭმლის მომნელებელ ტრაქტში მოხვედრილ ტოქსიკურ ნივთიერებებს და ახდენს მათ ინაქტივაციას. 

მკურნალობის 3 დღის განმავლობაში თუ თავს არ გრძნობთ უკეთ, ან პირიქით, გრძნობთ გაუარესებას, აცნობეთ ამის შესახებ ექიმს. 

2.   რა უნდა იცოდეთ კრალექსის კაფსულების მიღებამდე

ნუ მიიღებთ კრალექსის კაფსულას

- თუ ხართ ალერგიული აქტიური ნახშირის (აქტივირებული ნახშირი) ან ამ პრეპარატის ნებისმიერი სხვა კომპონენტის მიმართ (ჩამოთვლილია მე-6 პუნქტში);

- თუ არსებობს ეჭვი ნაწლავის ოკლუზიაზე ან წყლულოვან კოლიტზე (ცოლიტის ულცეროსა).

გაფრთხილებები და სიფრთხილის ზომები

კრალექსის კაფსულების მიღებამდე მიმართეთ თქვენს ექიმს ან ფარმაცევტს.

კუჭ-ნაწლავის ტრაქტის სისხლდენის და სხვადასხვა ანთებითი დაავადებების შესაძლო ან ცნობილი მიდრეკილების შემთხვევაში, მიმართეთ ექიმს. 

პრეპარატის ბოლო მიღებიდან 1 დღის განმავლობაში თქვენ უნდა შეამოწმოთ განავალი შესაძლო კუპრისებრ ფერზე (შავი ფერის განავალი, რომელიც შეიცავს მონელებულ სისხლს).

ნახშირბადის შემადგენლობის გამო განავალი შეიძლება შეიღებოს შავად.

კრალექსის კაფსულა და სხვა პრეპარატები

გთხოვთ აცნობოთ ექიმს ან ფარმაცევტს, თუ ღებულობთ, ადრე ღებულობდით ან მომავალში აპირებთ მიიღოთ ნებისმიერი სხვა სამკურნალო საშუალება.

საჭიროა თავიდან იქნას აცილებული კრალექსის კაფსულების, ღებინების საწინააღმდეგო საშუალებების და ტანის მჟავას შემცველი პროდუქტების ერთდროული მიღება. 

გულის ზოგიერთი დაავადების სამკურნალოდ გამოყენებული სათითურას პრეპარატების მიღება რეკომენდებულია ნახშირის კაფსულის მიღებამდე მინიმუმ ორი საათით ადრე ან მიღებიდან 2 საათის შემდეგ. 

სხვა პრეპარატების შემთხვევაში, მათი მიღება უნდა მოხდეს უზმოზე, კრალექსის კაფსულების მიღებამდე სულ მცირე ერთი საათით ადრე. 

კრალექსის კაფსულების მიღება საკვებთან და სასმელთან ერთად

ხანგრძლივი პერიოდის განმავლობაში გამოყენების დროს, დოზის შერჩევისას გასათვალისწინებელია მიღებული საკვები ნივთიერების აქტივირებული ნახშირის მიერ ფაკულტატური შეწოვა. თუ ასეა, გთხოვთ დაუკავშირდეთ ექიმს ან ფარმაცევტს. 

ორსულობა და ძუძუთი კვება

თუ ხართ ორსულად ან ბავშვს კვებავთ ძუძუთი, ვარაუდობთ რომ ხართ ორსულად ან გეგმავთ ბავშვის გაჩენას, ამ პრეპარტის მიღებამდე მიმართეთ ექიმს ან ფარმაცევტს. 

ვინაიდან კრალექსის აქტიური კომპონენტი არ შეიწოვება კუჭ-ნაწლავის ტრაქტიდან, მისი გამოყენება საფრთხეს არ უქმნის ორსულ დედას და არც ნაყოფს ორსულობისა და ლაქტაციის დროს. 

ავტომობილის მართვა და მექანიზმებთან მუშაობა

ავტომობილის მართვასა და მექანიზმებთან მუშაობის უნარზე ზეგავლენის შემსწავლელი კვლევები არ არსებობს. თუმცა ასეთი ზეგავლენა მოსალოდნელი არ არის. 

3.   როგორ მივიღოთ კრალექსის კაფსულები

ყოველთვის მიიღეთ ეს პრეპარატი ინსტრუქციის მიხედვით ან ექიმის და ფარმაცევტის დანიშნულების შესაბამისად. 

თუ რამეში არ ხართ დარწმუნებული გთხოვთ დააზუსტოთ ექიმთან ან ფარმაცევტთან. 

სამკურნალო პრეპარატის რეკომენდებული დოზა არის: 

უფროსებისა და 12 წელს ზემოთ ბავშვებისათვის

მიიღეთ 5-6 კაფსულა 3 -ჯერ დღეში, საჭიროების მიხედვით 

ბავშვებში:

9-12 წლის ასაკის ბავშვები: 3X3-5 კაფსულა დღეში

6-9 წლის ასაკის ბავშვები: 3X2-3 კაფსულა დღეში

3-6 წლის ასაკის ბავშვები: 3X1-2 კაფსულა დღეში

გამოყენების წესი:

პერორალური გამოყენებისათვის.

კაფსულის გადაყლაპვის გაძნელების შემთხვევაში, შესაძლებელია კაფსულის გახსნა და მისი შიგთავსის წყალში შერევა. საჭიროა რაც შეიძლება დიდი რაოდენობით წყლის მიღება.

თუ დაგავიწყდათ კრალექსის კაფსულების მიღება

ნუ მიიღებთ გაორმაგებულ დოზას გამოტოვებულის საკომპენსაციოდ.

ამ პრეპარატის გამოყენების შესახებ დამატებითი კითხვების შემთხვევაში მიმართეთ თქვენს ექიმს ან ფარმაცევტს. 

მოწამვლის შემთხვევაში: 

საეჭვო მოწამვლის შემთხვევაში დაუყოვნებლივ მიმართეთ თქვენს ექიმს. მოწამვლის შემთხვევაში დოზა უნდა დადგინდეს ექიმის მიერ. 

4. შესაძლო გვერდითი ეფექტები

ყველა სამკურნალო საშუალების მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ყველას შეიძლება არ გამოუვლინდეს ისინი.

ძალიან იშვიათად, გამოყენების შედეგად შეიძლება აღინიშნებოდეს კუჭ-ნაწლავის მხრივ მსუბუქი ჩივილები (ყაბზობა, ღებინება). ამ პრეპარატის მიღების დროს განავალი შეიძლება შავად შეიფეროს. 

შეტყობინება გვერდითი ეფექტების შესახებ

ნებისმიერი გვერდითი ეფექტის განვითარების შემთხვევაში, მიმართეთ ექიმს ან ფარმაცევტს. აღნიშნული ეხება ისეთ გვერდით ეფექტებსაც, რომელიც არ არის ნახსენები ამ ინსტრუქციაში. 

გვერდითი მოვლენების შეტყობინებით თქვენ შეგიძლიათ დაეხმაროთ ამ პრეპარატის უსაფრთხოების შესახებ დამატებითი ინფორმაციის მიღებაში.

5. როგორ შევინახოთ კრალექსის კაფსულები

შეინახეთ არაუმეტეს 30°C ტემპერატურის პირობებში. 

შეინახეთ თავდაპირველ შეფუთვაში, ტენისგან დაცვის მიზნით. 

შეინახეთ ბავშვებისათვის მიუწვდომელ ადგილას.

ნუ გამოიყენებთ ამ პრეპარატს შეფუთვაზე მითითებული ვარგისობის ვადის გასვლის შემდეგ (წელი/თვე). ვარგისობის ვადა გულისხმობს მითითებული თვის ბოლო დღეს.

არ შეიძლება სამკურნალო პრეპარატების გადაგდება კანალიზაციაში ან საყოფაცხოვრებო ნაგავში. შეეკითხეთ ექიმს ან ფარმაცევტს, თუ როგორ უნდა მოხდეს გამოუყენებელი წამლის უტილიზაცია. ეს ზომები ეხმარება გარემოს დაცვას. 

6.   შეფუთვის შიგთავსი და დამატებითი ინფორმაცია

რას შეიცავს კრალექსის კაფსულები?

- აქტიური ნივთიერება არის: 200 მგ აქტიური ნახშირი (აქტივირებული ნახშირი) თითო კაფსულაში. 

- სხვა კომპონენტები არის: კაფსულის გარსი: ჟელატინი, ტიტანის დიოქსიდი (E171), შავი რკინის ოქსიდი (E172).

როგორ გამოიყურება კრალექსის კაფსულა და რას შეიცავს შეფუთვა?

- შავი ფერის, უსუნო, “1” ზომის მყარი ჟელატინის კაფსულები შევსებული აქტიური ნახშირით. 

- 25, 50 ან 70 მყარი კაფსულა მოთავსებულია თეთრი ფერის PP კონტეინერებში, დახუფულია LDPE პირველადი გახსნის კონტროლის თავსახურით. 1 კონტეინერი კოლოფში.