კოლხიცინი სეიდი - Colchicina Seid 1მგ 40 ტაბლეტი

კოლხიცინი სეიდი 1 მგ ტაბლეტები

ყურადღებით წაიკითხეთ ინსტრუქცია სრულად, სანამ დაიწყებთ ამ პრეპარატის მიღებას, რადგან ის შეიცავს თქვენთვის მნიშვნელოვან ინფორმაციას.

· შეინახეთ ინსტრუქცია, რადგან შეიძლება დაგჭირდეთ მისი ხელახლა წაკითხვა.

· თუ გაქვთ რაიმე შეკითხვები, მიმართეთ თქვენს ექიმს ან ფარმაცევტს.

· ეს პრეპარატი დაგენიშნათ მხოლოდ თქვენ და არ მისცეთ ის სხვებს, მაშინაც კი, თუ მათ ისეთივე სიმპტომები აქვთ, როგორიც თქვენ, რადგან შეიძლება ზიანი მიაყენოს მათ.

· თუ განვითარდა გვერდითი ეფექტები, მიმართეთ ექიმს ან ფარმაცევტს, მათ შორის ისეთი გვერდითი ეფექტები, რომლებიც არ არის ჩამოთვლილი ამ ინსტრუქციაში. იხილეთ პუნქტი 4.

ინსტრუქციის შინაარსი

1. რა არის კოლხიცინი სეიდი 1 მგ და რისთვის გამოიყენება

2. რა უნდა იცოდეთ კოლხიცინი სეიდის 1 მგ მიღებამდე

3. როგორ მიიღება კოლხიცინი სეიდი 1 მგ

4. შესაძლო გვერდითი ეფექტები

5. როგორ ინახება კოლხიცინი სეიდი 1 მგ

6. შეფუთვის შიგთავსი და დამატებითი ინფორმაცია

1. რა არის კოლხიცინი სეიდი 1 მგ და რისთვის გამოიყენება

კოლხიცინი სეიდი მიეკუთვნება პოდაგრის საწინააღმდეგო მედიკამენტების ჯგუფს.

კოლხიცინი სეიდი გამოიყენება პოდაგრის მწვავე შეტევებისა და ქრონიკული პოდაგრის სამკურნალოდ, მწვავე შეტევების პროფილაქტიკისთვის, სხვა მედიკამენტებით მკურნალობის დაწყებასას, რომლებიც იწვევენ სისხლსა და შარდში შარდმჟავას დაქვეითებას, ასევე, პერიოდული დაავადების დროს (ხმელთაშუა ზღვის ოჯახური ცხელება).

ასევე, იხილეთ: >Colchicina - კოლხიცინა ლირკა 1მგ 60 ტაბლეტი

2. რა უნდა იცოდეთ კოლხიცინი სეიდის 0.5 მგ მიღებამდე

არ მიიღოთ კოლხიცინი სეიდი:

- თუ ალერგიული ხართ კოლხიცინზე ან ამ პრეპარატის შემადგენელ რომელიმე სხვა ნივთიერებაზე (ჩამოთვლილია მე-6 პუნქტში).

- თუ გაქვთ თირკმლის მძიმე უკმარისობა

- თუ გიტარდებათ ჰემოდიალიზი

- თუ გაქვთ ღვიძლის მძიმე უკმარისობა

- თუ გაქვთ კუჭ-ნაწლავის ტრაქტის მხრივ მძიმე დარღვევები

- თუ გაქვთ კუჭის წყლული

- თუ გაქვთ გულის დაავადება

- თუ გაქვთ ჰემატოლოგიური დარღვევები

- თუ ორსულად ხართ

- თუ ცოტა ხნის წინ იღებდით ან იღებთ სხვა პრეპარატებს (იხ. „კოლხიცინი სეიდის გამოყენება სხვა სამკურნალო საშუალებებთან ერთად“).

გაფრთხილებები და სიფრთხილის ზომები

კოლხიცინი სეიდის მიღებამდე მიმართეთ თქვენს ექიმს ან ფარმაცევტს.

განსაკუთრებული სიფრთხილის ზომები კოლხიცინი სეიდთან დაკავშირებით:

- თუ მკურნალობის დროს გაქვთ დიარეა, გულისრევა, ღებინება ან მუცლის ტკივილი, დაუყოვნებლივ აცნობეთ თქვენს ექიმს, რადგან შესაძლოა თქვენი მკურნალობა შეწყდეს ან დოზა შემცირდეს.

- ხანდაზმულებში, ბავშვებსა და დასუსტებულ პაციენტებში ან ალკოჰოლის ბოროტად მომხმარებლებში.

- ღვიძლის ან თირკმლის უკმარისობის მქონე პაციენტებში შეიძლება საჭირო გახდეს დოზის კორექცია.

- ქრონიკული მკურნალობის დროს შესაძლოა გამოვლინდეს კუნთების და თირკმელების მხრივ მძიმე დარღვევები.

თუ იღებთ კოლხიცინი სეიდს, აუცილებელია სისხლზე ამ პრეპარატის მიერ გამოწვეული პოტენციური გვერდითი ეფექტების მონიტორინგი (სისხლის თეთრი უჯრედების, თრომბოციტების და სისხლის წითელი უჯრედების შემცირება). სავარაუდოდ, ექიმი დაგინიშნავთ სისხლის რეგულარულ ანალიზს ამ გვერდითი ეფექტების გასაკონტროლებლად.

კოლხიცინი სეიდის 1 მგ გამოყენება სხვა პრეპარატებთან ერთად

აცნობეთ თქვენს ექიმს ან ფარმაცევტს, თუ იღებთ ან ცოტა ხნის წინ იღებდით ან შეიძლება მიიღოთ სხვა მედიკამენტები.

განსაკუთრებით აცნობეთ თქვენს ექიმს კოლხიცინის მიღებამდე, თუ ცოტა ხნის წინ იღებდით ან იღებთ პრეპარატებს, რომლებიც შეიცავს რომელიმე ქვემოთ ჩამოთვლილ აქტიურ ნივთიერებას, რადგან შეიძლება დაირღვეს კოლხიცინი სეიდის ორგანიზმიდან გამოყოფა:

- ინფექციების სამკურნალოდ გამოყენებული მედიკამენტები, როგორიცაა კლარითრომიცინი, ერითრომიცინი, ტელითრომიცინი, აზითრომიცინი და მაკროლიდების ჯგუფის სხვა ანტიბიოტიკები.

- სოკოვანი ინფექციების სამკურნალოდ გამოყენებული მედიკამენტები, როგორიცაა იტრაკონაზოლი და კეტოკონაზოლი.

- ჰიპერტენზიის სამკურნალო საშუალებები, როგორც ვერაპამილი და დილთიაზემი.

- მედიკამენტები, რომლებიც გამოიყენება VHI სამკურნალოდ, როგორიცაა ინდინავირი, ნელფინავირი, რიტონავირი და საქვინავირი.

თუ იღებთ კოლხიცინი სეიდს ქოლესტერინის და ტრიგლიცერიდების დონის შესამცირებელ მედიკამენტებთან ერთად, როგორიცაა ატორვასტატინი, სიმვასტატინი, პრავასტატინი, ფლუვასტატინი, გემფიბროზილი, ფენოფიბრატი, ფენოფიბრინის მჟავა ან ბეზაფიბრატი, გულის დაავადებების სამკურნალოდ გამოყენებულ სამკურნალო საშუალებებთან ერთად, როგორიცაა დიგოქსინი, ან იმუნოსუპრესორებთან, როგორიცაა ციკლოსპორინი, შეიძლება ხელი შეუწყოს კუნთოვანი პრობლემების განვითარებას. აცნობეთ თქვენს ექიმს კოლხიცინის გამოყენებამდე.

ვიტამინი B₁₂-ის შეწოვაზე შეიძლება გავლენა იქონიოს კოლხიცინის მაღალმა დოზების ქრონიკულმა მიღებამ. შესაძლოა საჭირო გახდეს ვიტამინი B₁₂-ის დოზის გაზრდა.

კოლხიცინი სეიდის გამოყენება საკვებთან და სასმელთან ერთად

კოლხიცინთან ერთად არ შეიძლება გრეიფრუტის მიღება, რადგან კოლხიცინის გამოყოფა ორგანიზმიდან შეიძლება შემცირდეს და საზიანო იყოს პაციენტისთვის.

ორსულობა და ძუძუთი კვება

თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე რჩევისთვის მიმართეთ თქვენს ექიმს ან ფარმაცევტს.

არ მიიღოთ ეს პრეპარატი, თუ ორსულად ხართ.

კოლხიცინის მიღება რეკომენდებული არ არის ძუძუთი კვების დროს, რადგან კოლხიცინი შეიძლება გადავიდეს დედის რძეში.

ავტომობილის და მექანიზმების მართვა

მოსალოდნელი არ არის, რომ კოლხიცინი სეიდმა ზეგავლენა მოახდინოს ავტომობილის და მექანიზმების მართვის უნარზე.

3. როგორ მიიღება კოლხიცინი სეიდი

ზუსტად მიჰყევით თქვენი ექიმის მიერ მოცემულ ინსტრუქციას ამ პრეპარატის შესახებ. ეჭვის შემთხვევაში, კვლავ მიმართეთ ექიმს ან ფარმაცევტს.

არასოდეს გადააჭარბოთ ქვემოთ მოცემულ დოზებს.

პერორალური გამოყენება:

მოზრდილები

• პოდაგრის მწვავე შეტევა:

მწვავე შეტევის პირველი ნიშნისას რეკომენდებული დოზა არის 1 ტაბლეტი (1 მგ კოლხიცინი). თუ ტკივილის შემსუბუქება არ მიიღწევა, რეკომენდებული დოზირების რეჟიმი არის 0.5 მგ-დან 1 მგ-მდე კოლხიცინი, პირველი დოზის მიღებიდან ერთ-ორ საათში.

არ შეიძლება 24 საათის განმავლობაში 2-ზე მეტი ტაბლეტის მიღება.

დღეში 2 ტაბლეტზე მეტი დოზების მიღება არ ავლენდა უფრო მეტ ეფექტურობას, თუმცა ფიქსირდებოდა გვერდითი ეფექტების ზრდა.

დოზირების ეს სქემა შეიძლება დაინიშნოს თანმიმდევრულად, მაქსიმუმ 4 დღის განმავლობაში, საერთო კუმულაციური დოზით 6 მგ კოლხიცინი 4 დღეში. საჭიროების შემთხვევაში, როდესაც პოდაგრის შეტევის ტკივილები გრძელდება, ზემოთ აღწერილი სქემა შეიძლება განმეორდეს, მაგრამ ყოველთვის წინა მკურნალობის დასრულებიდან გასული უნდა იყოს მინიმუმ 3 დღე, როგორც "გამორეცხვის პერიოდი".

• პოდაგრის შეტევების პროფილაქტიკური მკურნალობა ალოპურინოლით ან ურიკოზურიით საწყისი თერაპიის დროს:

რეკომენდირებული დოზა, როგორც პოდაგრის შეტევების პროფილაქტიკური საშუალების, არის 1 ტაბლეტი დღეში. ექიმი გაცნობებთ რამდენ ხანს უნდა მიიღოთ კოლხიცინი სეიდი.

• პერიოდული დაავადება ან ხმელთაშუა ზღვის ოჯახური ცხელება:

რეკომენდებული დოზა არის 1-2 ტაბლეტი დღეში, რომელიც შეიძლება დაიყოს ორ დღიურ დოზად ან მიღებული იყოს ერთჯერადად. ექიმი გირჩევთ რა ხანგრძლივობით უნდა მიიღოთ კოლხიცინი სეიდი.

• ქრონიკული პოდაგრის მკურნალობა:

რეკომენდებული დოზა ქრონიკული დაავადების სამკურნალოდ არის 1 ტაბლეტი (1 მგ კოლხიცინი) დღეში. ექიმი გეტყვით, თუ როგორ უნდა მიიღოთ კოლხიცინი სეიდი.

18 წლამდე ასაკის ბავშვები და მოზარდები

• პოდაგრის მწვავე შეტევა, პოდაგრის შეტევების და ქრონიკული პოდაგრის პროფილაქტიკა:

არ არის საკმარისი მონაცემები ამ ასაკობრივ ჯგუფში რეკომენდაციების დასადგენად.

• პერიოდული დაავადება ან ხმელთაშუა ზღვის ოჯახური ცხელება:

რეკომენდებული დოზა 12 წელზე უფროსი ასაკის მოზარდებში არის 1 ტაბლეტიდან (1 მგ კოლხიცინი) 2 ტაბლეტამდე (2 მგ კოლხიცინი) დღეში, რომელიც შეიძლება დაიყოს ორ დღიურ დოზად ან მიღებული იყოს ერთჯერადად.

თუ მიიღეთ იმაზე მეტი კოლხიცინი სეიდი, ვიდრე საჭიროა

დაუყოვნებლივ მიმართეთ თქვენს ექიმს ან ფარმაცევტს ან წადით უახლოეს საავადმყოფოში. შემთხვევითი დოზის გადაჭარბების ან გადაყლაპვის შემთხვევაში, დაუყოვნებლივ მიმართეთ თქვენს ექიმს ან ფარმაცევტს ან დარეკეთ ტოქსიკოლოგიურ საინფორმაციო სამსახურში ტელეფონზე (91) 562 04 20 და უთხარით მიღებული პრეპარატისა და რაოდენობის შესახებ.

თუ ექიმის მიერ რეკომენდებულზე მეტ დოზებს იღებთ, შეიძლება აღინიშნოს ინტოქსიკაცია. კოლხიცინის ჭარბი დოზით ინტოქსიკაციები ძალიან სერიოზულია.

კოლხიცინის სპეციფიკური ანტიდოტი არ არსებობს.

ტაბლეტების მაღალი დოზების მიღებით ინტოქსიკაციის მკურნალობა უნდა მოიცავდეს პერორალური გააქტიურებული ნახშირის გამოყენებას, კუჭის ამორეცხვას და წყლისა და ელექტროლიტების ინტრავენურად ჩანაცვლებას.

დოზის გადაჭარბების ნიშნები ჩვეულებრივ ვლინდება პრეპარატის მიღებიდან 24 საათის განმავლობაში, მაგრამ ზოგჯერ შეიძლება გადაიდოს ერთ კვირამდე. ამიტომ, თუ ეჭვი გაქვთ დოზის გადაჭარბებაზე, თუნდაც აშკარა ნიშნების გარეშე, დაუყოვნებლივ უნდა მიმართოთ სპეციალიზებულ სამედიცინო დახმარებას.

ტოქსიკურობის უფრო ხშირი სიმპტომებია წვა და დისკომფორტი პირის ღრუში და ყელში, ყლაპვისა და სუნთქვის გაძნელება, საჭმლის მომნელებელი სისტემის დარღვევები, როგორიცაა მუცლის დიფუზური ტკივილი, გულისრევა, ღებინება, ძლიერი დიარეა ზოგჯერ სისხლიანი, დაბნეულობა, ალოპეცია (თმის ცვენა) და ჰიპოტენზია (არტერიულ წნევის დაქვეითება).

თუ დაგავიწყდათ კოლხიცინი სეიდის მიღება

არ მიიღოთ ორმაგი დოზა გამოტოვებული დოზის კომპენსირების მიზნით.

თუ გაქვთ რაიმე დამატებითი შეკითხვა ამ მედიკამენტის გამოყენებასთან დაკავშირებით, მიმართეთ ექიმს ან ფარმაცევტს.

4. შესაძლო გვერდითი მოვლენები

ყველა მედიკამენტის მსგავსად, კოლხიცინი სეიდმაც შეიძლება გამოიწვიოს გვერდითი მოვლენები, თუმცა ისინი ყველას არ უვითარდება.

უფრო ხშირი გვერდითი რეაქციებია:

- გულისრევა, ღებინება, მუცლის ტკივილი და დიარეა.

მაღალმა დოზებმა შეიძლება გამოიწვიოს კანზე გამონაყარი, მძიმე დიარეა, კუჭ-ნაწლავის სისხლდენა და თირკმლის ან ღვიძლის დარღვევები.

ზოგჯერ ვლინდება:

- ხანგრძლივი მკურნალობისას ჰემატოლოგიური დარღვევები, როგორიცაა სისხლის თეთრი უჯრედების შემცირება (ლეიკოპენია), ნეიტროფილების შემცირება (ნეიტროპენია), თრომბოციტების შემცირება (თრომბოციტოპენია).

- აზოოსპერმია (სპერმატოზოიდების არარსებობა)

- ალოპეცია (თმის ცვენა)

- კუნთების მაკონტროლებელი ნერვების დარღვევები, რაც შექცევადია მკურნალობის შეწყვეტის შემდეგ.

- კუნთების მხრივ დარღვევები, როგორიცაა რაბდომიოლიზი (კუნთების ბოჭკოების დაშლა)

- ღვიძლის დაზიანება

თუ რომელიმე გვერდითი ეფექტი გამწვავდა, მიმართეთ ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში.

გვერდითი ეფექტების შეტყობინება

თუ განვითარდა რაიმე სახის გვერდითი მოვლენა, მიმართეთ თქვენს ექიმს ან ფარმაცევტს, მათ შორის ისეთი გვერდითი მოვლენები, რომლებიც არ არის ჩამოთვლილი ამ ინსტრუქციაში. თქვენ ასევე შეგიძლიათ პირდაპირ დაუკავშირდეთ ესპანეთის ადამიანებისთვის განკუთვნილი მედიკამენტების ფარმაკოზედამხედველობის სისტემის მეშვეობით: www.notificaRAM.es. გვერდითი ეფექტების შეტყობინებით თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

5. როგორ ინახება კოლხიცინი სეიდი 0,5მგ

შეინახეთ ეს პრეპარატი ბავშვებისთვის მიუწვდომელ ადგილას.

ეს პრეპარატი არ საჭიროებს შენახვის განსაკუთრებულ პირობებს.

არ გამოიყენოთ ეს პრეპარატი ეტიკეტზე მითითებული ვარგისობის ვადის გასვლის შემდეგ. ვარგისობის ვადა ეხება ამ თვის ბოლო დღეს.

არ გადაყაროთ მედიკამენტები სანიაღვრე მილებში ან საყოფაცხოვრებო ნარჩენებთან ერთად. განათავსეთ ყველა კონტეინერი და მედიკამენტი, რომელიც აღარ გჭირდებათ აფთიაქებში არსებულ შეფუთვის ნარჩენების მართვის ინტეგრირებულ სისტემაში(SIGRE). ნებისმიერი ეჭვის შემთხვევაში, ჰკითხეთ თქვენს ფარმაცევტს, როგორ გადაყაროთ კონტეინერები და მედიკამენტები, რომლებიც აღარ გჭირდებათ. ამ გზით თქვენ დაეხმარებით გარემოს დაცვას.

6. შეფუთვის შიგთავსი და დამატებითი ინფორმაცია

კოლხიცინი სეიდის შემადგენლობა:

· აქტიური ნივთიერება არის: კოლხიცინი. თითოეული ტაბლეტი შეიცავს 1 მგ კოლხიცინს.

· სხვა ინგრედიენტებია: ლაქტოზა, მიკროკრისტალური ცელულოზა, პოლივინილპიროლიდონი, მეთილენკაზეინი, მაგნიუმის სტეარატი, ერითროზინის ლაქი (E-127).

პროდუქტის გარეგნული აღწერა და შეფუთვის შიგთავსი

ვარდისფერი ტაბლეტები.

შეფუთვა შეიცავს 2 ბლისტერს თითოს 20 ტაბლეტით.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით.