კოკარბოქსილაზა

ჩვენება: დიაბეტური წარმოშობის აციდოზი, ღვიძლის და დიაბეტური კომა, წინაკომატოზური მდგომარეობა, ღვიძლის ან თირკმელების უკმარისობა, სუნთქვის აციდოზი ფილტვის და გულის უკმარისობის დროს, სისხლის მიმოქცევის ქრონიკული უკმარისობა, ექსტრასისტოლიით თანმხლები გულის დაავადებები, პაროქსიზმალური ტაქიკარდია, მოციმციმე არითმია და რითმის სხვა დარღვევები, გაფანტული სკლეროზის მსუბუქი ფორმები, პრეეკლამფსიური მდგომარეობა და ეკლამფსია, პერიფერიული ნეფრიტები, სხვადასხვა პათოლოგიური პროცესები, რომლებიც საჭიროებენ ნახშირწყლოვანი ცვლის გაუმჯობესებას.

უკუჩვენება: კოკარბოქსილაზას მიმართ მომატებული მგრძნობელობა.

სხვა სამკურნალო საშუალებებთან ურთიერთქმედება: კოკარბოქსილაზა აძლიერებს საგულე გლიკოზიდების კარდიოტონულ მოქმედებას და აუმჯობესებს მათ ათვისებას.

გამოყენების თავისებურებანი: კომპლექსური თერაპიის ჩატარების დროს საჭიროა კოკარბოქსილაზას თვისებების გულის გლიკოზიდების კარდიოტონული მოქმედების გაძიერების გათვალისწინება. მოციმციმე არითმიის დროს პრეპარატის ვენაში შეყვანა არ შეიძლება.

გამოყენება ორსულობისა და ლაქტაციის პერიოდში: კოკარბოქსილაზას ჰიდროქლორიდის გამოყენების ეფექტურობა და უსაფრთხოება ორსულობის ან ლაქტაციის პერიოდში არ არის დადგენილი, ამიტომ პრეპარატის ამ პერიოდში დანიშვნა არ არის რეკომენდირებული.

მიღების წესი და დოზები: როგორც წესი გამოიყენება როგორც კომპლექსური თერაპიის კომპონენტი. შეყავთ კუნთში, იშვიათად კანის ქვეშ ან ვენაში. შეყვანამდე ამპულის ან ფლაკონის შიგთავსი იხსნება 2მლ საინექციო წყალში. ვენაში ნაკადით შეყვანის დროს მოცულობა უნდა მიიყვანოთ 10-20მლ-მდე, წვეთოვანის დროს-200-400მლ-მდე, ნატრიუმის ქლორიდის 0,9% სხნარის ან გლუკოზის 5% ხსნარის დამატებით. შეყვანის დოზა განისაზღვრება ინდივიდუალურად, დაავადების და პაციენტის მდგომარეობის სიმძიმის გათვალისწი-ნებით. მოზრდილებში შეყავთ 50-100მგ დღე-ღამეში ერთჯერადად, მკურნალობის კურსი 15-30 დღე. საჭიროების შემთხვევაში (დიაბეტური კომა), აღნიშნული დოზა შეიძლება განმეორებით შეიყვანოს 1-2 საათის შემდეგ. შემდგომში გადადიან შემანარჩუნებელ თერაპიაზე-50მგ დღე-ღამეში 1-ჯერ. მწვავე თირკმლის ან-და ღვიძლის უკმარისობის დროს პრეპარატი შეყავთ ვენაში ნაკადით 100-150მგ (4-6 მლ) დღე-ღამეში 3-ჯერ ან წვეთოვნად (გლუკოზის 5% სხნარზე) 100-150მგ (4-6 მლ) 1-1,5 თვის განმავლობაში. ბავშვებში შეყავთ კანის ქვეშ ან ვენაში: დაბადებიდან სამ თვემდე- 25მგ დღე-ღამეში 1-ჯერ; 4 თვიდან 7 წლამდე- 25-50მგ დღე-ღამეში 1-ჯერ; 8-18 წელი- 50-100მგ დღე-ღამეში 1-ჯერ. საჭიროების შემთხვევაში აღნიშნული დოზების შეყვანა შესაძლებელია ორ მიღებაზე.

შენახვის პირობები: ინახება სინათლისგან დაცულ და ბავშვებისთვის მიუწვდომელ ადგილას არაუმეტეს
25C ტემპერატურაზე.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.