კლობეტაზოლი Atb 0.5მგ/გ 25გ მალამო

კლობეტაზოლიAtb 0.5 მგ/გ მალამო

შემადგენლობა

მოქმედი ნივთიერება: კლობეტაზოლის პროპიონატი. ერთი გრამი მალამო შეიცავს 0.5 მგ კლობეტაზოლის პროპიონატს.

სხვა ინგრედიენტები: თეთრი რბილი პარაფინი, პროპილენგლიკოლი, პროპილენგლიკოლის მონოსტეარატი, გლიცერილის სტეარატი და ლაურეთ-23.

გამოყენება

კლობეტაზოლი Atb მიეკუთვნება ადგილობრივ კორტიკოსტეროიდებს. ადგილობრივი კორტიკოსტეროიდები ამცირებს სიწითლეს და ქავილს, რაც ვლინდება გარკვეული კანისმიერი დაავადებებისას.

კლობეტაზოლი Atb ამცირებს  ანთების ეფექტებს კანისმიერი დაავადებებისას, როგორიცაა ეგზემა, რომელიც არ პასუხობს სხვა სამკურნალო საშუალებებზე, ფსორიაზი (ფართოდ გავრცელებული პუსტულოზური ფსორიაზის გამოკლებით), ბრტყელი ლიქენი და დისკოიდური წითელი მგლურა.

უკუჩვენებები

კლობეტაზოლიAtb-ის მიღება უკუნაჩვენებია შემდგეგ შემთხვევებში:

-        ალერგია კლობეტაზოლის პროპიონატზე ან ამ პრეპარატის რომელიმე სხვა ინგრედიენტზე (ჩამოთვლილია შემადგენლობაში);

-        აკნე ვულგარისი ან აკნე როზაცეა (კანის ძლიერი გაწითლება ცხვირზე და მის გარშემო) ან  პერიორალური დერმატიტი (ლაქებიანი წითელი გამონაყარი პირის გარშემო);

-        ქავილი ანუსის ან სასქესო ორგანოების ირგვლივ; წამალი არ უნდა იქნას გამოყენებული პერიანალურ ან სასქესო მიდამოებში;

-        არანამკურნალევი კანის პირველადი ვირუსული ინფექციები (მაგ. მარტივი ჰერპესი, ჩუტყვავილა), ძირითადად ინფექციური კანისმიერი დაზიანებები, გამოწვეული სოკოებით (მაგ. კანდიდოზი, თინეა) ან ბაქტერიებით (მაგ. იმპეტიგო), წყლულოვანი დაზიანებები;

-        1 წლამდე ასაკის ბავშვებში ან ბავშვებში, რომლებსაც აქვთ საფენის დერმატიტი.

გაფრთხილებები და სიფრთხილის ზომები

კონსულტაცია გაიარეთ ექიმთან ან ფარმაცევტთან კლობეტაზოლი Atb-ისგამოყენებამდე შემდეგ შემთხვევებში:

-        ძვლის ახლად განვითარებული ტკივილი ან კლობეტაზოლი Atb-ით მკურნალობისას მანამდე არსებული ძვლისმიერი სიმპტომების გაუარესება, განსაკუთრებით თუ იყენებდით კლობეტაზოლი Atb-ს დიდი ხნის განმავლობაში ან განმეორებით;

-        იყენებთ კორტიკოსტეროიდების შემცველ სხვა პერორალურ/ადგილობრივ მედიკამენტებს ან პრეპარატებს, რომლებიც განკუთვნილია იმუნური სისტემის გასაკონტროლებლად (მაგ. აუტოიმუნური დაავადებისთვის ან ტრანსპლანტაციის შემდეგ). კლობეტაზოლი Atb-ის ამ მედიკამენტებთან კომბინაციამ შეიძლება გამოიწვიოს სერიოზული ინფექციები.

გამოიყენეთ კლობეტაზოლი Atb მხოლოდ გარეგანად.

კლობეტაზოლი Atb-ის გამოყენება შეწყვიტეთ ალერგიის განვითარების შემთხვევაში.

არ გამოიყენოთ კლობეტაზოლი Atb დიდ ზედაპირზე ან ოკლუზიური სახვევის ქვეშ. ამან შეიძლება გამოიწვიოს გვერდითი მოვლენების გამოვლენის ალბათობის გაზრდა.

ინფექციის გამოვლენის შემთხვევაში აცნობეთ ექიმს. ექიმი გირჩევთ შესაბამის მკურნალობას. ადგილობრივი გლუკოკორტიკოიდების გამოყენება შეიძლება საშიში იყოს ფსორიაზის დროს, იმის გათვალისწინებით, რომ ის იწვევს რეციდივებს, ტოლერანტობის განვითარებას, გენერალიზებულ პუსტულოზულ ფსორიაზს და ასევე ადგილობრივ ან სისტემურ ტოქსიკურ ეფექტებს.

ამ შემთხვევაში აუცილებელია პაციენტების საგულდაგულო მეთვალყურეობა.

არ გამოიყენოთ კლობეტაზოლი Atb სახეზე, მაგრამ თუ ეს აუცილებელია, მალამო წაისვით ხანმოკლე პერიოდით (5 დღე). მოერიდეთ მალამოს კონტაქტს თვალებთან, ადგილობრივი გაღიზიანების ან გლაუკომის რისკის გამო. თუ წამალი მოხვდა თვალში, ამოიბანეთ დიდი რაოდენობის წყლით.

ბავშვები

არ გამოიყენოთ ეს პრეპარატი 1 წლამდე ასაკის ბავშვებში. ბავშვებში გამოყენება უნდა შემოიფარგლოს 5 დღით და განიხილებოდეს ყოველკვირეულად. ბავშვები შეიძლება უფრო მგრძნობიარენი იყვნენ სისტემური ტოქსიკურობის მიმართ ეკვივალენტური დოზების გამოყენებისას, კანის ზედაპირის უფრო დიდი ფართობის და სხეულის წონის თანაფარდობის გამო.

სხვა სამკურნალო საშუალებები და კლობეტაზოლიAtb

აცნობეთ ექიმს ან ფარმაცევტს, თუ იღებთ, ცოტა ხნის წინ იღებდით ან შესაძლოა მიიღოთ სხვა პრეპარატები.

იმ მედიკამენტების ერთდროულმა გამოყენებამ, რომლებიც აინჰიბირებს CYP3A4-ს (მაგ. რიტონავირი, იტრაკონაზოლი) შეიძლება გამოიწვიოს კორტიკოსტეროიდების მეტაბოლიზმის დათრგუნვა, რაც გაზრდის სისტემური ზემოქმედების შანსებს.

კლობეტაზოლიAtbსაკვებთან და სასმელთან ერთად

არ არის ცნობილი ურთიერთქმედება კლობეტაზოლსადა საკვებს ან სასმელს შორის.

ორსულობა, ძუძუთი კვება და ფერტილობა

თუ ხართ ორსულად ან ძუძუთი კვებავთ ბავშვს, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის გამოყენებამდე რჩევისთვის მიმართეთ თქვენს ექიმს ან ფარმაცევტს.

ორსულ ქალებში ან ძუძუთი კვების პერიოდში ამ პრეპარატის გამოყენების უსაფრთხოება დადგენილი არ არის.

სატრანსპორტი საშუალებების მართვა და მექანიზმების გამოყენება

კლობეტაზოლი Atb არ ახდენს ან ახდენს უმნიშვნელო ზეგავლენასსატრანსპორტო საშუალებების მართვის და მექანიზმების გამოყენების უნარზე.

კლობეტაზოლი Atb შეიცავს 45 მგ/გ პროპილენ გლიკოლს და 20 მგ/გ პროპილენგლიკოლის მონოსტეარატს, რამაც შეიძლება გამოიწვიოს კანის გაღიზიანება.

გამოიყენების წესი

ეს პრეპარატიყოველთვის გამოიყენეთ ზუსტად ისე, როგორც ექიმი ან ფარმაცევტი დაგინიშნავთ. თუ არ ხართ დარწმუნებული, მიმართეთ ექიმს ან ფარმაცევტს.

წაისვით კლობეტაზოლი Atb-ის თხელი ფენა დაზიანებულ ადგილზე დღეში ერთხელ ან ორჯერ და ნაზად შეიზილეთ, სანამ მთლიანად არ შეიწოვება. დაიბანეთ ხელები ყოველი გამოყენების წინ და შემდეგ.

გამოიყენეთ კლობეტაზოლი Atb დროის მოკლე ინტერვალებით. თუ სიმპტომების გაუმჯობესება არ შეინიშნება 2-4 კვირის განმავლობაში, შესაძლოა საჭირო გახდეს დიაგნოზის გადახედვა.

არ გადააჭარბოთ მაქსიმალურ დოზას - 50 გ კვირაში.

არ გააგრძელოთ კლობეტაზოლით მკურნალობა 4 კვირაზე მეტი ხნის განმავლობაში მოზრდილებში და მოზარდებში და 5 დღე ბავშვებში.

კლობეტაზოლის გამოყენება შეწყვიტეთ თანდათანობით.

სახეზე გამოყენების შემთხვევაში კლობეტაზოლით მკურნალობა შემოიფარგლება 5 დღით.

ბავშვები

არ გამოიყენოთ კლობეტაზოლი 1 წლამდე ასაკის ბავშვებში. 1 წლიდან 12 წლამდე ასაკის ბავშვების მკურნალობა უნდა ჩატარდეს მკაცრი სამედიცინო ზედამხედველობის ქვეშ, ხოლო ხელახალი შეფასება ყოველ კვირას.

ხანდაზმული პაციენტები

გამოიყენეთ მინიმალური რაოდენობა, რომელიც აუცილებელია მოსალოდნელი კლინიკური სარგებლის მისაღებად.

თირკმლის/ღვიძლის უკმარისობის მქონე პაციენტები

გამოიყენეთ მინიმალური რაოდენობა, რომელიც აუცილებელია მოსალოდნელი კლინიკური სარგებლის მისაღებად.

ჭარბი დოზირება

მალამოს რეკომენდებულზე მეტჯერ წასმა განსაკუთრებულ საფრთხეს არ წარმოადგენს, თუმცა საჭიროა მიმართოთ ექიმს.

დოზის გამოტოვება

თუ დაგავიწყდათ კლობეტაზოლი Atb-ის გამოყენება, გამოიყენეთ რეკომენდებული რაოდენობა, როგორც კი გაგახსენდებათ. თუმცა, თუ შემდეგი დოზის დროა მოახლოებული, გამოიყენეთ მხოლოდ ის.

არ გამოიყენოთ ორმაგი დოზა გამოტოვებული დოზის ასანაზღაურებლად.

მკურნალობის შეწყვეტა

კლობეტაზოლი Atb-ის გამოყენება არ შეწყვიტოთ ექიმთან შეთანხმების გარეშე, რადგან მდგომარეობა შეიძლება გაუარესდეს, თუ მოულოდნელად შეწყვეტთ.

ამ პრეპარატის გამოყენებასთან დაკავშირებით დამატებითი შეკითხვების შემთხვევაში, მიმართეთ ექიმს ან ფარმაცევტს.

შესაძლო გვერდითი მოვლენები

სხვა სამკურნალო საშუალებების მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ისინი არ უვითარდება ყველა პაციენტს.

ხშირი გვერდითი მოვლენები (შეიძლება განვითარდეს 10-დან 1 ადამიანში)

-        ქავილი, წვის შეგრძნება და კანის ტკივილი.

არახშირი გვერდითი მოვლენები (შეიძლება განვითარდეს 100-დან 1 ადამიანში)

-        კანის გათხელება, სტრიები, ზედაპირული სისხლძარღვების გაფართოება.

ძალიან იშვიათი გვერდითი მოვლენები (შეიძლება განვითარდეს 10000-დან 1 ადამიანში)

-        ინფექციები, ალერგიული რეაქციები, ერითემა, გამონაყარი, კანის ქავილი, ჭინჭრის ციება, ალერგიული კონტაქტური დერმატიტი, სიწითლე, კანის გათხელება, კანის ფერის ცვლილება, სხეულზე თმის მომატება, უკვე არსებული სიმპტომების მომატება, პუსტულური ფსორიაზი, კანის გაღიზიანება პრეპარატის წასმის ადგილზე.

ხანგრძლივი დროის განმავლობაში კლობეტაზოლის დიდი რაოდენობით გამოყენების შემთხვევაში, შეიძლება შეინიშნოს თირკმელზედა ჯირკვლის დათრგუნვის გამოვლინებები, რაც მოიცავს ბავშვებში ზრდის შენელებას, წონის უსაფუძვლო მატებას და აკნეს გაჩენას. ამ ნიშნების შემთხვევაში, მიმართეთ ექიმს ან ფარმაცევტს. განსაკუთრებით ბავშვებში, მკურნალობის ზოგადი ხანგრძლივობის შემთხვევაშიც კი შეიძლება განვითარდეს შემდეგი: წონის მომატება, სახის დამრგვალება და არტერიული წნევის მაღალი მაჩვენებლები. შეწოვა შეიძლება გაიზარდოს, თუ კლობეტაზოლი გამოიყენება ოკლუზიური სახვევის ქვეშ.

ბავშვებში საჭიროა კლობეტაზოლის რეკომენდებული რაოდენობის ფრთხილი გამოყენება, რადგან პრეპარატის უფრო მეტი რაოდენობა შეიძლება შეიწოვოს კანით.

შეტყობინება გვერდითი მოვლენების შესახებ

ნებისმიერი გვერდითი მოვლენის გამოვლენის შემთხვევაში, ან ისეთი გვერდითი მოვლენების განვითარების შემთხვევაში, რომელიც არ არის ზემოთ აღნიშნული, მიმართეთ ექიმს ან ფარმაცევტს. გვერდითი მოვლენების შესახებ ასევე, შეგიძლიათ შეატყობინოთ პირდაპირ ეროვნული შეტყობინების სისტემის მეშვეობით,  რომლის მონაცემებიც გამოქვეყნებულია მედიკამენტებისა და სამედიცინო ხელსაწყოების ეროვნული სააგენტოს ვებ. გვერდზე:

რუმინეთის მედიკამენტებისა და სამედიცინო ხელსაწყოების ეროვნული სააგენტო  Aviator Sănătescu (ავიატორ სანატესკუ) ქ. #. 48, სექტორი 1

ბუქარესტი 011478- RO

ტელ: + 4 0757 117 259

ფაქსი: +4 0213 163 497

ელ.ფოსტა: [email protected]

გვერდითი მოვლენების შეტყობინებით, ხელს შეუწყობთ მედიკამენტის  უსაფრთხოებასთან დაკავშირებით მეტი ინფორმაციიის მიღებას.

კლობეტაზოლი Atb-ის შენახვის წესი

პრეპარატი შეინახეთ ბავშვებისთვის მიუწვდომელ ადგილას.

შეინახეთ ორიგინალურ შეფუთვაში, 25°C-ზე დაბალ ტემპერატურაზე.

შეინახეთ ტუბის გახსნიდან მაქსიმუმ 12 კვირის განმავლობაში.

პრეპარატი არ გამოიყენოთ შეფუთვაზე მითითებული ვარგისობის ვადის (EXP) გასვლის შემდეგ.

ვარგისობის ვადად ითვლება მითითებული თვის ბოლო დღე.

არ გადაყაროთ სამკურნალო საშუალებები საყოფაცხოვრებო ნაგავში ან გამდინარე წყლებში. ჰკითხეთ ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაბინძურების თავიდან აცილებას.

კლობეტაზოლი Atb-ის გარეგნული სახე და შეფუთვის შემადგენლობა

თეთრი ან თითქმის თეთრი ერთგვაროვანი ნახევრად მყარი პრეპარატი.

პროდუქტი ხელმისაწვდომია მუყაოს კოლოფში, რომელიც შეიცავს ალუმინის ერთ ტუბს 25 გ მალამოს

მარკეტინგული ლიცენზიის მფლობელი და მწარმოებელი

Antibiotice  SA (ანტიბიოტიკ სა)

1 ვალეა ლუპულუის ქუჩა, იასი 707410, რუმინეთი.

დეტალური ინფორმაცია ამ პრეპარატის შესახებ ხელმისაწვდომია მედიკამენტებისა და სამედიცინო ხელსაწყოების ეროვნულ სააგენტოს გვერდზე #