კლიაცეფი - Kliacef 250მგ/5მლ 100 მლ

კლიაცეფი გრანულები პერორალური სუსპენზიისთვის 250მგ/5მლ

ცეფაკლორი

ექვივალენტური პრეპარატი

ყურადღებით წაიკითხეთ ეს ფურცელი სრულად, სანამ დაიწყებთ ამ პრეპარატის გამოყენებას, რადგან ის შეიცავს თქვენთვის მნიშვნელოვან ინფორმაციას .

- შეინახეთ ეს ფურცელი. შეიძლება დაგჭირდეთ ხელახლა წაკითხვა.

- თუ გაქვთ დამატებითი შეკითხვები, მიმართეთ თქვენს ექიმს ან ფარმაცევტს.

- ეს პრეპარატი გამოწერილია მხოლოდ თქვენთვის. არ გადასცეთ ის სხვებს. ამან შეიძლება ზიანი მიაყენოს მათ, მაშინაც კი, თუ მათი დაავადების ნიშნები იგივეა, რაც თქვენი.

- თუ განვითარდა რაიმე გვერდითი მოვლენა, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით მოვლენას, რომელიც ჩამოთვლილი არ არის ამ ფურცელში. იხილეთ ნაწილი 4.

რა წერია ამ ფურცელში :

1. რა არის კლიაცეფი და რისთვის გამოიყენება

2. რა უნდა იცოდეთ კლიაცეფის მიღებამდე

3. როგორ მიიღება კლიაცეფი

4. შესაძლო გვერდითი მოვლენები

5. როგორ ინახება კლიაცეფი

6. შეფუთვის შიგთავსი და სხვა ინფორმაცია

1.რა არის კლიაცეფი და რისთვის გამოიყენება

კლიაცეფი შეიცავს აქტიურ ნივთიერებას ცეფაკლორს.

ცეფაკლორი არის ანტიბაქტერიული ნივთიერება, რომელიც მიეკუთვნება ცეფალოსპორინების ოჯახს. ეს ანტიბიოტიკები ასრულებენ ბაქტერიციდულ მოქმედებას პათოგენური ბაქტერიების წინააღმდეგ, რომლებიც მგრძნობიარეა მათი მოქმედების მიმართ. მათი ბაქტერიციდული მოქმედება მოიცავს ზოგიერთი ბაქტერიული შტამის უჯრედის კედლის წარმოქმნის ბლოკირებას.

კლიაცეფი ნაჩვენებია მგრძნობიარე შტამებით გამოწვეული შემდეგი ინფექციების სამკურნალოდ:

- რესპირატორული ინფექციები (პნევმონია, ბრონქიტი, ბრონქიტის გამწვავება, ფარინგიტი და ტონზილიტი);

- შუა ყურის ინფექცია (შუა ოტიტი);

- კანისა და რბილი ქსოვილების ინფექციები;

- საშარდე გზების ინფექციები (ცისტიტი და პიელონეფრიტი); პარანაზალური სინუსების ინფექციები (სინუსიტი);

- ურეთრის ინფექციები (არხი, რომლითაც ხდება შარდის გამოსვლა შარდის ბუშტიდან გარეთ) გამოწვეული გონორეაზე (სქესობრივი გზით გადამდები დაავადება) პასუხისმგებელი ბაქტერიებით.

2.რა უნდა იცოდეთ კლიაცეფის მიღებამდე

არ მიიღოთ კლიაცეფი,თუ :

- ალერგიული ხართ ცეფაკლორის, სხვა მსგავსი ნივთიერებების (ცეფალოსპორინების) ან მე-6 ნაწილში ჩამოთვლილი ამ სამკურნალო საშუალების რომელიმე სხვა ინგრედიენტის მიმართ;

- ხართ ორსულად ან ძუძუთი კვებავთ (იხ. "ორსულობა და ძუძუთი კვება").

გაფრთხილებები და სიფრთხილის ზომები :

კლიაცეფის მიღებამდე გაესაუბრეთ თქვენს ექიმს ან ფარმაცევტს:

- თუ ალერგიული ხართ ცეფალოსპორინების ან პენიცილინების კლასის ანტიბიოტიკებზე. ამ ანტიბიოტიკების მიღების შემდეგ პაციენტებს შეიძლება განუვითარდეთ უეცარი მძიმე ალერგიული რეაქციები (ანაფილაქსიური რეაქციები);

- თუ გაქვთ თირკმელების ფუნქციის მძიმე დაქვეითება; ექიმი დაგინიშნავთ კლიაცეფის დოზას თქვენი მდგომარეობის შესაბამისად;

- გქონდათ ან გაქვთ ნაწლავური დარღვევები, განსაკუთრებით კოლიტი. მიიღეთ კლიაცეფი თქვენი ექიმის დანიშნულებით.

კლიაცეფით მკურნალობის დროს გაითვალისწინეთ, რომ :

- შეიძლება განვითარდეს დიარეა. ფართო სპექტრის ანტიბიოტიკების გამოყენება (მათ შორის მაკროლიდები, ნახევრად სინთეზური პენიცილინები და ცეფალოსპორინები) ხშირად ასოცირდება ფსევდომემბრანულ კოლიტთან (ანტიბიოტიკებთან დაკავშირებული კოლიტი);

- ეს სამკურნალო საშუალება უნდა ინახებოდეს ბავშვებისთვის მიუწვდომელ ადგილას.

- ცეფაკლორის გამოყენების გამო ალერგიული რეაქციის შემთხვევაში, შეწყვიტეთ მკურნალობა და აცნობეთ თქვენს ექიმს ან მიმართეთ უახლოეს საავადმყოფოს;

- ცეფაკლორის ხანგრძლივმა გამოყენებამ შეიძლება გამოიწვიოს ანტიბიოტიკების მოქმედებისადმი რეზისტენტული ბაქტერიების განვითარება;

- თუ განვითარდა სხვა ინფექციები იმ ინფექციასთან ერთად, რისთვისაც იყენებთ კლიაცეფს, დაუყოვნებლივ აცნობეთ თქვენს ექიმს, რომელიც დააკორექტირებს თქვენს მკურნალობას, რომელიც უფრო შესაფერისი იქნება თქვენი მდგომარეობისთვის.

- თუ ჩაგიტარდებათ შარდის ანალიზი ბენედიქტის და ფელინგის ხსნარებით ან კლინიტესტით®, შედეგებმა შეიძლება შეცდომით აჩვენოს შარდში გლუკოზის ცრუ არსებობა. ეს არ დაფიქსირებულა Tes-Tape®-ით (ფერმენტული ტესტი გლიკოზურიაზე, Lilly) ტესტირების დროს.

სხვა მედიკამენტები და კლიაცეფი

გთხოვთ, აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ იღებდით ან შეიძლება მიიღოთ სხვა მედიკამენტები, მათ შორის მედიკამენტები, რომლებიც არ გაიცემა სამედიცინო რეცეპტით.

აცნობეთ თქვენს ექიმს,თუ იღებთ :

- პრობენეციდს (გამოიყენება ჩიყვის სამკურნალოდ). ცეფაკლორის ელიმინაცია თირკმელებით ითრგუნება ერთდროული გამოყენების შემდეგ.

კლიაცეფი საკვებთან, სასმელთან და ალკოჰოლთან ერთად

კლიაცეფის მიღება შეიძლება საკვებთან ერთად და მის გარეშე.

ორსულობა და ძუძუთი კვება

თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე რჩევისთვის მიმართეთ თქვენს ექიმს.

არ მიიღოთ კლიაცეფი, თუ ხართ ორსულად ან ძუძუთი კვებავთ, გარდა იმ შემთხვევისა, როდესაც თქვენი ექიმი, თქვენთვის პოტენციური სარგებლისა და თქვენი ბავშვისთვის შესაძლო რისკების შეფასების შემდეგ, არ ჩათვლის მკურნალობას მკაცრად აუცილებელად.

ავტომობილის მართვა და მექანიზმების გამოყენება

ეს სამკურნალო პროდუქტი არ მოქმედებს ავტომობილის მართვის ან მექანიზმებთან მუშაობის უნარზე.

კლიაცეფი შეიცავს საქაროზას.

ეს სამკურნალო პროდუქტი შეიცავს საქაროზას. თუ თქვენმა ექიმმა გითხრათ, რომ გაქვთ აუტანლობა ზოგიერთი შაქრის მიმართ ან იცით, რომ გაქვთ აუტანლობა ასეთი ნივთიერების მიმართ, კლიაცეფის მიღებამდე მიმართეთ თქვენს ექიმს.

3. როგორ მიიღება კლიაცეფი

ყოველთვის მიიღეთ ეს პრეპარატი ზუსტად ისე, როგორც თქვენმა ექიმმა გითხრათ. თუ არ ხართ დარწმუნებული, უნდა მიმართოთ თქვენს ექიმს ან ფარმაცევტს.

კლიაცეფი მიიღება პერორალურად და შეიძლება მიღებულ იქნას საკვებთან ერთად ან მის გარეშე.

გამოყენება მოზრდილებში

რეკომენდებული დოზა მოზრდილებში არის 250 მგ ყოველ 8 საათში.

უფრო მძიმე ინფექციების შემთხვევაში ან ნაკლებად მგრძნობიარე მიკროორგანიზმებით გამოწვეული ინფექციების სამკურნალოდ, შეიძლება ნაჩვენები იყოს უფრო მაღალი დოზები. რეკომენდებული მაქსიმალური დოზა არის 2 გ დღეში, თუმცა 4 მგ დოზები დღეში უსაფრთხოდ გამოიყენებოდა ნორმალურ სუბიექტებში 28 დღის განმავლობაში.

გონოკოკური ურეთრიტის მკურნალობა ორივე სქესში: რეკომენდებულია 3 გ კლიაცეფის ერთჯერადი მიღება, საბოლოოდ 1 გ პრობენიციდთან ერთად.

გამოყენება ბავშვებში

რეკომენდებული დღიური დოზა ბავშვებში არის 20 მგ/კგ/დაყოფილი დოზებით, ყოველ 8 საათში. უფრო სერიოზული ინფექციების, შუა ოტიტის დროს და ნაკლებად მგრძნობიარე ორგანიზმებით გამოწვეული ინფექციების სამკურნალოდ, რეკომენდებულია 40 მგ/კგ/დღეში, 1 გ მაქსიმალურ დღიურ დოზამდე .

პრეფერენციული ფორმა ბავშვებში არის კლიცეფი 250მგ/5მლ გრანულატი პერორალური სუსპენზიისთვის. მიღების გრაფიკი ნაჩვენებია ქვემოთ მოცემულ ცხრილებში.

როგორც სქემატური მაგალითი, ერთი ინდივიდუალური დღიური დოზა 40 მგ/კგ ( კლიაცეფი ® 250 მგ/5 მლ
	8 კგ-მდე შპრიცი	8-დან 16 კგ-მდე შპრიცი ან საზომი ჭიქა	16-დან 21 კგ-მდე შპრიცი ან საზომი ჭიქა	21 კგ-ს ზემოთ საზომი ჭიქა
3-ჯერ დღეში (ერთეული დოზა)	100 მგ (2 მლ)	200 მგ (4 მლ)	250 მგ (5 მლ)	300 მგ (6 მლ)

ალტერნატიული დოზა და მიღების მეთოდი: შუა ოტიტისა და ფარინგიტის სამკურნალოდ, მთლიანი დღიური დოზა შეიძლება დაიყოს და მიღებული იყოს ყოველ 12 საათში.

აღდგენილი პროდუქტის რაოდენობა მიიღება შემდეგი სქემის მიხედვით:

როგორც სქემატური მაგალითი, ერთი ინდივიდუალური დღიური დოზა 40 მგ/კგ ( კლიაცეფი ® 250 მგ/5 მლ
	8 კგ-მდე შპრიცი	8-დან 16 კგ-მდე საზომი ჭიქა	16-დან 21 კგ-მდე საზომი ჭიქა	21 კგ-ს ზემოთ საზომი ჭიქა
2-ჯერ დღეში (ერთეული დოზა)	150 მგ (3 მლ)	300 მგ (6 მლ)	400 მგ (8 მლ)	500 მგ (10 მლ)

შენიშვნა:

ზემოთ მოცემული ცხრილები ეხება მაქსიმალურ დღიურ დოზას 40 მგ/კგ. 20 მგ/კგ დოზები შეესაბამება ზემოთ ნაჩვენები დოზების ნახევარს.

გამოყენების ინსტრუქცია

სუსპენზიის მომზადების ინსტრუქცია

მომზადებამდე ბოთლი კარგად შეანჯღრიეთ, დაამატეთ წყალი ბოთლზე მითითებულ დონემდე, მოუჭირეთ და კარგად შეანჯღრიეთ სუსპენზია. კვლავ დაამატეთ წყალი ბოთლზე მითითებულ დონემდე და კარგად შეანჯღრიეთ ერთგვაროვანი სუსპენზიის მიღებამდე.

თუ მომზადებულია ინსტრუქციის მიხედვით, 5 მლ სუსპენზია შეიცავს:

ცეფაკლორის მონოჰიდრატს, რაც 250 მგ ცეფაკლორის ექვივალენტურია.

ყოველი მიღების წინ კარგად შეანჯღრიეთ.

თუ იღებთ იმაზე მეტ კლიაცეფს, ვიდრე საჭიროა

თუ მიიღეთ კლიაცეფის ჭარბი დოზა, დაუყოვნებლივ მიმართეთ თქვენს ექიმს ან წადით უახლოეს საავადმყოფოში. ყოველთვის თან იქონიეთ შეფუთვა, პრეპარატის ადვილად იდენტიფიცირებისთვის.

კლიაცეფის დოზის გადაჭარბების შემთხვევაში, აღინიშნება გულისრევა, ღებინება, ეპიგასტრიული დისტრესი და დიარეა. ეპიგასტრიული დარღვევებისა და დიარეის სიმძიმე მიღებული დოზის პროპორციულია.

სხვა სიმპტომების არსებობის შემთხვევაში, ისინი სავარაუდოდ იქნება მეორადი ძირითად დაავადებასთან მიმართებით, ალერგიული რეაქცია ან სხვა ტოქსიკური მდგომარეობა.

თუ დაგავიწყდათ კლიაცეფის მიღება

არ მიიღოთ ორმაგი დოზა გამოტოვებული დოზის ასანაზღაურებლად

თუ შეწყვეტთ კლიაცეფის მიღებას

არ შეწყვიტოთ ამ პრეპარატის მიღება ექიმთან წინასწარი კონსულტაციის გარეშე. მიიღეთ კლიაცეფი თქვენი ექიმის დანიშნულებით.

მნიშვნელოვანია, რომ დაასრულოთ მკურნალობის კურსი, მაშინაც კი, თუ რამდენიმე დღის შემდეგ თავს უკეთ იგრძნობთ.

თუ ამ პრეპარატის მიღებას ძალიან მალე შეწყვეტთ, ინფექცია შეიძლება ბოლომდე არ განიკურნოს და ინფექციის სიმპტომები კვლავ დაბრუნდეს ან გაუარესდეს. ასევე შეიძლება განვითარდეს ანტიბიოტიკების მიმართ რეზისტენტობა.

თუ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

როგორც ყველა სამკურნალო პრეპარატმა, კლიაცეფმაც შეიძლება გამოიწვიოს არასასურველი ეფექტები, თუმცა ისინი ყველას არ უვითარდება.

თუ განვითარდა სხვა შემდეგი გვერდითი მოვლენები, შეწყვიტეთ კლიაცეფის მიღება და დაუყოვნებლივ მიმართეთ თქვენს ექიმს ან უახლოეს საავადმყოფოს:

- კანის მწვავე რეაქცია კანის აქერცვლით და შეშუპებით, ბუშტუკები კანის, პირის ღრუს, თვალების და სასქესო ორგანოების მიდამოში, ხშირი გამონაყარი ანთებით (სტივენს-ჯონსონის სინდრომი და ტოქსიკური ეპიდერმული ნეკროლიზი);

- მძიმე ალერგიული რეაქციის უეცარი დაწყება (ანაფილაქსია);

- უეცარი შეშუპება ერთ ან ყველა შემდეგ მიდამოში: ხელები, ფეხები, ტუჩები, ენა და ყელი, რამაც შეიძლება გამოიწვიოს სუნთქვის გაძნელება და/ან ქავილი, გამონაყარი, ალერგიული რეაქციის გამო (ანგიოშეშუპება)

- თირკმელების მძიმე პრობლემები (ინტერსტიციული ნეფრიტი).

სხვა არასასურველი ეფექტები, რომლებიც შეიძლება განვითარდესკლიაცეფი ს გამოყენებისას

- ალერგიული რეაქციები იშვიათი სიხშირით (ვითარდება 1000-დან 1 ადამიანში): ქავილი, ჭინჭრის ციება, კუმბსის ტესტებში დადებითი შედეგები;

- მულტიფორმული ერითემა, გამონაყარი და კანის სხვა გამოვლინებები, რომელსაც თან ახლავს სახსრების ტკივილი და ანთება (ართრიტი/ართრალგია), ცხელებით ან მის გარეშე, რომელიც ცნობილია როგორც "შრატისმაგვარი" დაავადება.

- დიარეა, ანტიბიოტიკებთან დაკავშირებული კოლიტი (ფსევდომემბრანული კოლიტი), გულისრევა, ღებინება;

- სასქესო ორგანოების ქავილი, ვაგინალური სოკოვანი ინფექციები და ვაგინიტი;

- სისხლის უჯრედების რაოდენობის ცვლილება (ეოზინოფილია, თრომბოციტოპენია);

გვერდითი მოვლენები, რომლებიც შეიძლება განვითარდეს ცეფალოსპორინის კლასის ანტიბიოტიკების გამოყენებისას:

- ღვიძლის პრობლემები და კანისა და თვალების სკლერის სიყვითლე (ქოლესტაზური სიყვითლე);

- ანემია;

კორელაცია შემდეგ არასასურველ ეფექტებსა და კლიაცეფის გამოყენებას შორის გარკვეული არ არის.

- ჰიპერაქტიურობა, მოუსვენრობა, უძილობა, მენტალური დაბნეულობა, კუნთების ტონუსის მომატება, ჰალუცინაციები, თავბრუსხვევა და არასტაბილურობა, ძილიანობა.

- სისხლის ანალიზის მნიშვნელობების გარდამავალი ცვლილებები, როგორიცაა:

· ღვიძლის ფერმენტების ზომიერი მატება (SGOT და SGPT, ან ტუტე ფოსფატაზა (1-დან 40-მდე);

· სისხლის უჯრედების რაოდენობის ცვლილება (გარდამავალი ლიმფოციტოზი, ლეიკოპენია და იშვიათად, ჰემოლიზური ანემია, აპლასტიკური ანემია, აგრანულოციტოზი და შექცევადი ნეიტროპენია შესაძლო კლინიკური მნიშვნელობით), პროთრომბინის დროის გაზრდა, კლინიკური სისხლდენით ან მის გარეშე პაციენტებში, რომლებიც ერთდროულად იღებენ ცეფაკლორს და ვარფარინის ნატრიუმს;

· BUN-ის ან შრატის კრეატინინის უმნიშვნელო მატება (500-დან 1-ზე ნაკლები) ან შარდის ანალიზში ცვლილება (1-ზე ნაკლები 200-დან).

გვერდითი ეფექტების შეტყობინება

თუ განვითარდა რაიმე გვერდითი მოვლენა, მიმართეთ თქვენს ექიმს ან ფარმაცევტს. ეს მოიცავს ამ ინსტრუქციაში ჩამოთვლილ ნებისმიერ შესაძლო გვერდით ეფექტს. გვერდითი ეფექტების შეტყობინებით, თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

5. როგორ ინახება კლიაცეფი

შეინახეთ ეს პრეპარატი ბავშვებისთვის მიუწვდომელ ადგილას.

არ გამოიყენოთ ეს პრეპარატი ვარგისიანობის ვადის გასვლის შემდეგ, რომელიც მითითებულია მუყაოს კოლოფზე და ბლისტერზე „EXP”-ის შემდეგ.

ვარგისიანობის ვადა ეხება ამ თვის ბოლო დღეს. ეს თარიღი ეხება ხელუხლებელ შეფუთვაში სათანადოდ შენახულ პროდუქტს.

აღდგენილი სუსპენზია უნდა ინახებოდეს მაცივარში (+2°C - +8° C) არა უმეტეს 14 დღე.

არ გადაყაროთ პრეპარატები კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვის შიგთავსი და სხვა ინფორმაცია

რას შეიცავს კლიაცეფი

აქტიური ნივთიერება არის ცეფაკლორი.

სუსპენზიის 5 მლ შეიცავს ცეფაკლორის მონოჰიდრატს, რომელიც 250 მგ ცეფაკლორის ექვივალენტურია.

სხვა ინგრედიენტებია: მოდიფიცირებული სახამებელი, დიმეთიკონი 350 c.s., ერითროზინი E127, მეთილცელულოზა, ნატრიუმის ლაურილ სულფატი, ქსანთანის რეზინა, საქაროზა, მარწყვის არომატი.

კლიაცეფის გარეგნული აღწერა და შეფუთვის შიგთავსი

გრანულები პერორალური სუსპენზიისთვის

კლიაცეფი 250 მგ / 5 მლ გრანულები პერორალური სუსპენზიისთვის შეფუთულია 100 მლ პოლიეთილენის ბოთლში, საზომი ჭიქით და დოზირების შპრიცით, მოთავსებულია ლითოგრაფიულ მუყაოს კოლოფში.

გაცემის წესი:

ფარმაცევტული პროდუქტის ჯგუფიII,გაიცემაფორმა№3 რეცეპტით

ასევე, იხილეთ: >Bactigram - ბაქტიგრამი სუსპენზია 250მგ/5მლ 100მლ