კამელინიფლუ - Kamelynflu სპრეი 120 დოზა

კამელინფლუ
პარასამკურნალო საშუალება.

წამლის ფორმა: სპრეი, ადგილობრივი მოქმედების. 10 მლ. ფლაკონში. შესხურების 120 დოზა.

1 დოზა შეიცავს 85 მკლ ხსნარს.

შემადგენლობა:

„კამელინი - М“ - 1,5 მლ.

დამხმარე ნივთიერებები    - 8,5 მლ. (პოლივინილპიროლიდონი, პროპილენგლიკოლი, საინექციო წყალი).

აღწერა: გამჭვირვალე, ქარვისფერი სითხე, დამახასიათებელი სუნით.

ფარმაკოთერაპიული ჯგუფი: ანტისეპტიკური, ანთების საწინააღმდეგო.

ფარმაკოლოგიური თვისებები: „კამელინფლუ” - ს გააჩნია ანთების საწინააღმდეგო, ტკივილგამაყუჩებელი ეფექტი. აქვს ანტიბაქტერიული, ანტივირუსული და სოკოვანი ინფექციების საწინააღმდეგო მოქმედება.

ჩვენებები:

გამოიყენება როგორც ანთების საწინააღმდეგო და ანტისეპტიკური პრეპარატი კომპლექსური თერაპიის დროს, როგორც დამხმარე საშუალება, ქვემოთ ჩამოთვლილ შემთხვევებში:
პირის ღრუსა და ყელის ინფექციები, ფარინგიტი, ლარინგიტი, კატარალური ანგინა, სტომატიტი, წყლულოვანი გინგივიტი, ქრონიკული ტონზილიტი.

მიღების წესი:

ფლაკონს იკავებენ ვერტიკალურ მდგომარეობაში და აფრქვევენ პირის ღრუში/ყელში. მოზრდილებში: 4 გაფრქვევა, 3-6 ჯერ დღე-ღამეში. ბავშვებში: 2-3 გაფრქვევა 3-6 ჯერ 24 საათში. მკურნალობის ხანგრძლივობა 5 - 7 დღე. საჭიროების შემთხვევაში შესაძლებელია მკურნალობის გახანგრძლივება.

გვერდითი მოვლენები: თერაპიულ დოზებში არატოქსიურია, არ ახასიათებს გვერდითი მოვლენები, შესაძლებელია ინდივიდუალური ჰიპერმგრძნობელობის გამოვლენა სამკურნალო საშუალების კომპონენტების მიმართ.

უკუჩვენებები:

მომატებული მგრძნობელობა პრეპარატის შემადგენელი კომპონენტების მიმართ.
ურთიერთქმედება სხვა პრეპარატებთან: „კამელინფლუ“ თავსებადია ყველა სამკურნალო საშუალებასთან, რომელიც გამოიყენება ზემოთ დასახელებული დაავადებების სამკურნალოდ.

ორსულობა და ლაქტაცია:

პრეპარატის გამოყენება შესაძლებელია ექიმის რეკომენდაციით.

ზეგავლენა მანქანა დანადგარებთან მუშაობის დროს: პრეპარატის მიღება სიფრთხილეს არ მოითხოვს.

ჭარბი დოზირება: გადაჭარბებული დოზირების შემთხვევაში გვერდითი მოვლენები არ აღინიშნება.

გამოშვების ფორმა: „კამელინფლუ“ 10 მლ. მინის ფლაკონში, მოხუფული თავსახურით და ტუმბოთი, უჟანგავი ფოლადის ბურთულით და პოლიპროპილენის შემაფრქვევლით.

ფლაკონი მოთავსებულია მუყაოს კოლოფში გამოყენების ინსტრუქციასთან ერთად.

შენახვის პირობები: ინახება არაუმეტეს 25 °C ტემპერატურის პირობებში, სინათლისაგან დაცულ, მშრალ და ბავშვებისთვის მიუწვდომელ ადგილას.

ვარგისიანობის ვადა: 2 წელი.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.