იგრიკა, რანერი ‘’იფრარის ყვავილები’’
140.00
₾მახასიათებლები
ზოგადი ინფორმაცია
აღწერა
იგრიკა, რანერი ‘’იფრარის ყვავილები’’
“იფრარის ყვავილების” ყვავილოვანი ესკიზი იფრარის ტაძრის კედლის დეკორის შთაგონებით შევქმენით. როგორც ვკითხულობთ, ხატმწერი თავის თავს მოიხსენიებს როგორც - მეფის მხატვარი თევდორე, რომელიც ივარაუდება, რომ დავით IV აღმაშენებლის კარის მხატვარი იყო. ჩვენი ვიწრო მაგიდის გადასაფარებელი (რანერი), რომელიც ასე საამაყო ამბებს ჰყვება, ორიგინალთან მიახლოებულ ტონებში დავბეჭდეთ ხელნაკეთი საბეჭდავებით. სიმბოლოს წარმომავლობა - სვანეთი, იფრარის მთავარანგელოზის ტაძარი, კანკელის ფრთა, 1096წ.
იგრიკა
ამბები, რომლებიც ხატობაზე თუ ძილისპირულ ზღაპრებში ისმინება, ქვაქარგულობაში თუ ბუკინისტურ დახლებზე მივიწყებულ წიგნებში იკითხება, ყველაზე გულწრფელად გვიყვება ჩვენზე, როგორც ერზე. ამიტომაც გავხდით გულითმაძიებლები და წარმოიდგინეთ , რომ ჩვენც შენთან ერთად მივყვებით გზას ამ მისტიურ სამყაროში. ჩვენს აღმოჩენებს კი მთელი გულით გიზიარებთ, რადგან გვგონია, რომ თუ მათ ერთხელ შენც მოისმენ ჩვენსავით საგანძურის მცველი გახდები, გულით ატარებ თუ უმასპინძლებ , ამბავი შენით განაგრძობს თხრობას…