იბერიული, წინანდალი, სეპაჟი, თეთრი მშრალი ღვინო, 2019 წ.

დახასიათება

"წინანდალი" იბერიულის ხაზიდან - თეთრი მშრალი ღვინო - დამზადებულია უმაღლესი ხარისხის რქაწითელისა (85%) და მწვანეს (15%) ჯიშის ყურძნისაგან, მოწეული კახეთში, წინანდლის მკაცრად კონტროლირებად მიკროზონაში გაშენებული „შუმის“ კუთვნილი ვენახიდან „ლამარია“. ღვინო არის დახვეწილი და მრგვალი, არის ღია მომწვანო მოყვითალო ფერის. ახასიათებს ხილის საუცხოო ტონები. მდიდარი და ელეგანტური ბუკეტი - სასიამოვნო, ცინცხალი დაბოლოებით და დაბალანსებული მჟავიანობით. სასურველია მიირთვათ +8-10 °C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.