იბერიული, საფერავი ბიო, წითელი მშრალი ღვინო.

დახასიათება

დამზადებული 100% საფერავის ჯიშის ბიოყურძნიდან, კულტივირებული ნაფარეულის მკაცრადკონტროლირებად მიკროზონაში, შუმის კუთვნილ ვენახში „დიდყურე“. ხარისხის გასაუმჯობესებლად ვენახს უტარდება მწვანე რთველი. ალკოჰოლური და ვაშლ-რძემჟავა დუღილი მიმდინარეობს ფრანგულ მუხის კოდებში ბუნებრივ საფუარზე, რა დროსაც ჭაჭის ქუდი ჩაძირულია. ღვინის სტაბილიზაცია მიღწეულია ბუნებრივად. ღვინო არის მუქი ლალისფერი, კომპლექსური ბუკეტით, ინტენსიური თამბაქოს, მიხაკის, ტყავის, შავი პილპილისა და მწიფე შავი ქლიავის ჯიშური არომატებით. გემოვნურად დაბალანსებული, საშუალო მჟავიანობით, ჰარმონიული ტანინებითა და ხანგრძლივი, გამყოლი გემოთი.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.