იბერიული, ქვევრის ხიხვი, თეთრი მშრალი ღვინო, 2018 წ.

დახასიათება

ქვევრის თეთრი მშრალი ღვინო დამზადებულია ხიხვის ჯიშის რჩეული, ხელით მოკრეფილი ყურძნისგან, მოწეული კახეთში, ახმეტის რაიონში გაშენებული შუმის კუთვნილ ვენახიდან, „მზიური“. დაყენებულია ქვევრში, ტრადიციული კახური ტექნოლოგიით, ჭაჭასთან ექვსთვიანი კონტაქტით. ღვინო ქარვისფერია, გამოირჩევა მწიფე მსხლის, ატმის, მსუბუქი ტროპიკული ხილისა და თეთრი მინდვრის ყვავილების არომატით. ახასიათებს ხანგრძლივი და სასიამოვნო დაბოლოება. წარმოების სპეციფიკური ტექნოლოგიის გამო, ღვინო ხასიათდება მაღალი ანტიოქსიდანტური თვისებებით. მდიდარი ფენოლური ნაერთებითა და ტანინებით. შესაძლებელია მცირედი კეთილშობილი ნალექის წარმოქმნა ღვინოში. სასურველია, მიირთვათ +12 - +14 °С ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.