იბერიული, ქვევრის ქისი, თეთრი მშრალი ღვინო, 2018 წ.

დახასიათება

ღვინო დამზადებულია ქისის ჯიშის რჩეული, ხელით მოკრეფილი ყურძნისაგან, მოწეული კახეთში, ახმეტის რაიონში გაშენებული შუმის კუთვნილი ვენახიდან, „მზიური“. დაყენებულია ქვევრში, ტრადიციული კახური ტექნოლოგიით. ჭაჭასთან 6-თვიანი კონტაქტის შემდეგ, 4 თვის განმავლობაში დავარგებულია ფრანგული მუხის კასრებში. ღვინო ქარვისფერია. მწიფე მსხლის და ატმის არომატი კარგადაა შერწყმული ვანილისა და მოხალული ნიგვზის ტონებთან. ღვინო მდიდარია ფენოლური ნაერთებითა და ტანინებით. გემო ჰარმონიული და სასიამოვნოა, ხასიათდება დაბალანსებული ჯიშური არომატითა და ხანგრძლივი დაბოლოებით. ღვინო, წარმოების სპეციფიკური ტექნოლოგიის გამო, ხასიათდება მაღალი ანტიოქსიდანტური თვისებებით. შესაძლებელია მცირედი კეთილშობილი ნალექის წარმოქმნა. სასურველია, მიირთვათ +14-16 °C ტემპერატურაზე.

ბრენდის ისტორია

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.